Feeds:
ჩანაწერები
კომენტარები

Posts Tagged ‘ჯანმრთელობა’

5210_380პირველი რჩევა: ვცვლით ჯაგრულებს დროულად

ინტერნეტში და ხშირად სტომატოლოგის კაბინეტშიც ვიღებთ რჩევას, რომ კბილის ჯაგრისი უნდა ვცვალოთ არა უგვიანეს 2-3 თვისა. სინამდვილეში ყოველდღიური ხმარების შემდეგ კბილის ჯაგრისი გამოუსადეგარი ხდება უკვე 1 თვის შემდეგ. გაცვეთილი და ფორმაშეცვლილი ჯაგრულები არა მარტო არ ასუფთავებენ კბილებს არამედ იწვევენ ღრძილების ტრავმირებასაც.

მეორე რჩევა: კბილების ხეხვასაც თავისი დრო აქვს

425სტომატოლოგები ურჩევენ, რომ კბილების გამოხეხვა მოხდეს საჭმლის მიღების შემდეგ. მაგრამ არ ღირს საკვების დამთავრებისთანავე აბაზანაში შევარდნა და კბილების გამოხეხვის დაწყება. უფრო სწორი იქნება გამოივლოთ პირის ღრუში წყალი, ხოლო კბილები გაიხეხოთ 20-30 წუთის შემდეგ. რატომ? იმიტომ, რომ პირის ღრუმ მოასწროს მჟავე-ტუტოვანი ბალანსის აღდგენა, რომელიც როგორც ცნობილია ირღვევა საკვების მიღების შემდეგ. საქმე იმაშია, რომ საკვების მიღებისთანავე კბილების გამოხეხვით თქვენ ვერ აღადგენთ ph საწყის დონეს, მხოლოდ ხელს შეუშლით ამ პროცესს.

მესამე რჩვა: უთხარით უარი საკვების მიღებებს შორის ტკბილ წახემსებებს 

რადგან ვახსენეთ ph დონე, უნდა ავღნიშნოთ, რომ ტკბილებული აბსოლუტური ჩემპიონია შაქრის შემცველობაში. არა მარტო არღვევს ph ბალანსს 1 საათით, არბილებს მინანქარს და წარმოადგენს კარიესოგენული ბაქტერიების საყვარელ საკვებს.

photo_436მეოთხე რჩევა: ნაკლები მჟავე, მარილიანი და გაზიანი

პროდუქტები და სასმელები მჟავიანობის მაღალი შემცველობით, ასევე მარილიან საკვებს და გაზიან სასმელებს აქვთ მომატებული მჟავიანობა, შედეგად არბილებენ კბილის მინანქარს და ხდიან ზედაპირს უფრო ხაოიანს. შედეგად იგი იწყებს ბუნებრივი საღებავების და ბაქტერიების “შეწოვას” რაც იწვევს მის გამუქებას და დაზიანებასაც. თუკი უარს ვერ ამბობთ ასეთ პროდუქტებზე სასმელი მიიღეთ სპეციალური მილაკით, ხოლო ხილის შემდეგ გამოივლეთ წყალი.

 მეხუთე რჩევა: მიიღეთ ნაკლები ალკოჰოლი

Carisma_NG_bigიმის გარდა, რომ ალკოჰოლი მავნეა ჯანმრთელობისათვის, იგი ისევე მოქმედებს კბილებზე, როგორც მჟავე შემცველი სასმელები. ხოლო გაზიანმა ალკოჰოლმა (შამპანური, კოქტეილები) – შეიძლება გამოიწვიოს მინანქრის ეროზია.

მეექვსე რჩევა: ნუ მოწევთ

თამბაქოს ბოლი შეიცავს ფისებს და ნიკოტინს, აყვითლებს კბილის მინანქარს. აგრეთვე აღწევს მის შიგნით და ტოვებს ლაქებს. ზრდის პირის ღრუს კიბოს განვითარების რისკებს.

მეშვიდე რჩევა: ვმეგობრობთ სტომატოლოგთან

მოუსმინეთ თქვენს ორგანიზმს და ნებისმიერ მცირე განგაშის სიგნალზე მიმართეთ სპეციალისტს. ღრძილებიდან სისხლდენა, უსიამოვნო შეგრძნებები საკვების მოკბეჩის დროს, კბილების მომატებული მგრძნობელობა, სუნი პირის ღრუდან – ეს ყველაფერი გახლავთ სტომატოლოგთან img_articol391681ვიზიტის აუცილებელი მიზეზები. არ დაგავიწყდეთ წელიწადში ორჯერ პროფილაქტიკური შემოწმებები და პროფესიონალური ჰიგიენის ჩატარება.

მერვე რჩევა: არანაირი თვითშემოქმედება

როდესაც ვთქვით, რომ უნდა მოუსმინოთ ორგანიზმს აქ არ იგულესხმება, რომ თავად უნდა დასვათ დიაგნოზი და დაინიშნოთ მკურნალობა. მკურნალობის დანიშვნა და მკურნალობა არის ექიმის პრეროგატივა. იგივე შეიძლება ითქვას კბილების გათეთრებაზეც – არ აქვს მნიშვნელობა გათეთრება სახლის პირობებში ხდება თუ კლინიკის, იგი უნდა იყოს პროფესიონალური ანუ ტარდება სპეციალისტის მიერ ან მისი კონტროლის ქვეშ.

Advertisements

Read Full Post »

ყველასათვის ცნობილია ანდაზა “ნაჩუქარ ცხენს კბილს არ უსინჯავენო”.  ანდაზის არსს ჩვენს თემასთან არანაირი კავშირი არ აქვს, მაგრამ მისი წარმოშობა წამოჭრილ საკითხთან უშუალო კავშირშია. საქმე იმაშია, რომ კბილების მდგომარეობით შესაძლებელია არა მარტო გავიგოთ ადამიანის ასაკი, არამედ ვიმსჯელოთ მის ჯანმრთელობაზე. ეს ფაქტი ეხება ყველა ცოცხალ არსებას ვინც ბუნებამ კბილებით დააჯილდოვა.

პირის ღრუს მდგომარეობის მიხედვით შეგვიძლია განვსზღვროთ არა მარტო სხვადასხვა სისტემების დარღვევები, არამედ არ დაუშვათ დაავადების განვითარება. ე.ი. პირდაპირი კაშირია კბილების მდგომარეობასა და სხვადასხვა ორგანოების ჯანმრთელობას შორის.

მაგალითისთვის შეიძლება დავასახელოთ კბილებთან ისეთი ორგანოების კავშირი, როგორიცაა:

  • საჭრელი კბილების მდგომარეობის მიხედვით შესაძლოა ვიმსჯელოთ თირკმლების, შარდის ბუშტის და ყურების მდგომარეობის შესახებ
  • ეშვებით – ღვიძლის და ნაღვლის ბუშტის მდგომარეობაზე
  •  საღეჭი კბილებით – კუჭის, ელენთის და თირკმლების შესახებ
  • სიბრძნის კბილები – გული და წვრილი ნაწლავი

როგორც კბილების მდგომარეობამ ასევე კბილების ფერმა, შესაძლოა უამრავი ინფორმაცია მოგვაწოდოს ორგანიზმის მდგომარეობაზე. აქვე მინდა ავღნიშნო, რომ თეთრი “ჰოლივუდის ღიმილის” მსგავსი კბილებიც ყოველთვის არ მიუთითებს ადამიანის ჯანმრთელობაზე. ეს შესაძლოა სისხლში  ჰემოგლობინის დაბალი მაჩვენებელის სიმპტომი აღმოჩნდეს. რძისფერი თეთრი კბილები შესაძლოა ფარისებრი ჯირკვლის ჰიპერაქტიურობაზე მიგვანიშნებდეს. ყვითელი ფერის კბილები ნიშანია, რომ მათი პატრონი ხშირად ეწევა ან სვამს ბევრ ყავას ან ჩეფირს, მაგრამ ყოველთვის ასეც არაა. ყვითელი ფერი გვაფრთხილებს ნაღვლის ბუშტის ფუნქციის მოშლილობაზე.

სხვადასხვა ასაკში ანტიბიოტიკების მიღება მომავალში აისახება კბილებზე. შესაძლოა გაჩნდეს ყვითელი ფერის ლაქები, ზოლები ან მთლიანად შეუცვალონ კბილს ფერი. როგორც ხედავთ კბილებს შეუძლიათ მოგვიყვნენ ბავშვობაში გადატანილი დაავადებების შესახებაც.

ლამაზი ღიმილი როგორც ასეთი არა მხოლოდ თეთრი კბილები ან “ჰოლივუდის ღიმილია”, არამედ კბილების ჯანმრთელი ფერის და  კბილთა სწორი დგომის შეთავსება პირის ღრუს ლორწოვანი გარსის ჯანმრთელობასთან.

პირის ღრუს თვით დიაგნოსტიკას ნამდვილად არ გირჩევთ, ეს პროფესიონალების საქმეა, თუმცა შეგვიძლია ვთქვათ შემდეგი:

  •  პირის ღრუ – პირველი ბარიერია ყველაფრის რაც ხვდება ორგანიზმში. მის სისუფთავეს შეუძლია დაგვიცვას უამრავი უხილავი საფრთხისაგან.
  • თუკი გტკივათ კბილი – ეს არ ნიშნავს, რომ უნდა სვათ ტკივილ გამაყუჩებლები იმის იმედით, რომ ტკივილი გაგივლით. ეს ნიშანია იმისა, რომ დროულად უნდა მიხვიდეთ სტომატოლოგთან. ტკივილის ეს ორგანიზმის “ზარია სამაშველო სამსახურში”. ე.ი. ორგანიზმს სჭირდება გადაუდებელი დახმარება.
  • აუცილებელია სტომატოლოგთან პროფილაქტიკური ვიზიტები, რათა თავიდან ავიცილოთ შემდგომი გართულებები და დროულად მოვახდინოთ ორგანიზმის ზოგადი მდგომარეობის დიაგნოსტირება.

 

 

 

Read Full Post »

ბრიტანელმა მეცნიერებმა აღწერეს ბაქტერიის ახალი სახე, რომელიც ბინადრობს ადამიანის პირის ღრუს ქსოვილებში.

ვარაუდობენ, რომ მიკროორგანიზმები, რომლებმაც მიიღეს სახელი  , შესაძლოა მნიშვნელოვან როლს თამაშობდნენ კარიესისა და პაროდონტიტის დაავადებების განვითარებაში.

ლონდონის სამეფო კოლეჯის სპეციალისტების თქმით, კვლევების დროს მათ შეძლეს აღმოეჩინათ აქამდე უცნობი  Prevotella ბაქტერიების 3 შტამი. ანაერობი გრამუარყოფითი ჩხირები ბინადრობდნენ, როგორც ჯანმრთელი პირის ღრუს ლორწოვან გარსზე, ასევე სიმსივნურ ქსოვილებზე. ახალმა ბაქტერიებმა მიიღეს სახელი  Prevotella histicola ( histicola – ქსოვილების მუდმივი მაცხოვრებელი).

“ჯანმრთელი ადამიანის პირის ღრუში ბინადრობს უამრავი სხვადასხვა მიკროორგანიზმი, მათ შორისაა ვირუსები, სოკოები, უმარტივესები და ბაქტერიები”, – აცხადებს კვლევის ხელმძღვანელი უილიამ ვეიდი (William Wade). – “მათ შორის ყველაზე დიდი რაოდენობით წარმოდგენილია ბაქტერიები: ნერწყვის ყოველი მილილიტრი შეიცავს 100 მილიონ ბაქტერიას, რომლებიც მიეკუთვნება 600-მდე სხვადასხვა სახეობას. დაახლოებით მათი ნახევარი ჯერ აღუწერელია”.

მეცნიერების აზრით, ბაქტერიის ახალი სახე შესაძლოა ასრულებდეს გარკვეულ როლს კარიესისა და ღრძილების დაავადების განვითარებაში. მიკროორგანიზმების შემდგომი იდენტიფიკაცია საშუალებას მოგვცემს უკეთ გავერკვიოთ აღნიშნული დაავადებების განვითარების მექანიზმში, ასევე დაეხმარება მეცნიერებს მათთან ბრძოლისა და პროფილაქტიკის მეთოდების შემუშავებაში, დასძინა ვეიდმა.

კვლევის შედეგები გამოქვეყნდა  International Journal of Systematic and Evolutionary Biology.

Read Full Post »

ბევრი ვიფიქრე და გადავწყვიტე დამეწერა. უკვე შეუძლებელია ამდენი ვაჭრობა, სტომატოლოგიურ კლინიკაში, არასერიოზული დამოკიდებულება ექიმისადმი და საკუთარი ჯანმრთელობისადმი. ნუთუ ასე იაფია თქვენი ჯანმრთელობა???

–         გამარჯობათ.

–         გამარჯობათ.

–         კბილის ამოღება მინდა, რა ღირს?

–         15-დან 30 ლარამდე სირთულის მიხედვით.

–         ?! რა ამბავია, 10 მაინც გეთქვათ,  ….  კლინიკაში 7 ლარად იღებენ.

პაციენტი გასასვლელისკენ გაემართა.

–         უკაცრავათ, ქალბატონო, – მე ექიმი-სტომატოლოგი გახლავართ, თუ არ გაგაცდენთ სულ 5 წუთს წაგართმევთ, რამოდენიმე შეკითხვა მინდა დაგისვათ.

გაკვირვებული ქალბატონი შეჩერდა, ახედა ახალგაზრდა ექიმს, ცოტა უნდობლად, მაგრამ ეთიკის ნორმები არ დაარღვია და უპასუხა – გისმენთ ბატონო.

–         პირველ რიგში კიდევ ერთხელ ბოდიშს მოვითხოვ, გაგაცდინეთ, უბრალო მარტივი შეკითხვით დავიწყებ: თმებს სახლის პირობებში იჭრით თუ სალონში დადიხართ?

–         ?! ეს რა შუაშუა? სალონში.

–         და რამდენს იხდით უბრალო თმის შეჭრაში? ყოველგვარი მელირების, შეღებვის, თუ სადღესასწაულო ვარცხნილობის გარეშე?

–         საშუალოდ 15 ლარს.

–         ძალიან კარგი. რა გართულება შესაძლოა მოჰყვეს თმის შეჭრას?

–         ?!

არ დაელოდა ქალბატონს და თავად უპასუხა – მაქსიმუმ ცუდათ შეგჭრით, გამოიჯახუნებთ კარს და მეორეჯერ აღარ მიხვალთ აღნიშნულ დალაქთან, უკაცრავად სტილისტთან. თუ გსმენიათ ან თუ იცით იმ გართულებების შესახებ რაც შესაძლოა ერთი შეხედვით „მარტივ“ კბილის ამოღების მანიპულაციას მოჰყვეს? ალბათ გაინტერესებთ? კეთილი: გონების დაკარგვა, კოლაფსი, ალერგიული რეაქცია მედიკამენტზე, სისხლდენა, კბილის ფესვის ჩატეხვა, ჰაიმორის ღრუს ფსკერის პერფორაცია, ყბის

მოტეხილობა, რომ არაფერი ვთქვათ საშიშ დაავადებებზე, რომელიც ცუდი სტერილიზაციის შემთხვევაში შესაძლოა გადაგედოთ. ამ ჩამოთვლილი გართულებებიდან რიგი ექიმის გამოცდილებაზე და ცოდნაზეა დამოკიდებული, რიგიც შესაძლოა სრულიად შემთხვევით განვითარდეს. დავიწყოთ თავიდანნემსის ჩხვლეტა სასურველია თუ ვერ გავიგებთ, ამიტომ საჭიროა აპლიკაციური ანესთეზია (ლიდოკაინის სპრეი ან არომატიზირებული გელი), ნემსი სასურველია იყოს წვრილი და პატარა, იარაღები რა თქმა უნდა სტერილური, ექიმი გამოცდილი, სასურველია ჭაღარა შერეულიც. კბილი უნდა ამიღოს უნაკლოდ, უმტკივნეულოდ და იაფად???? როგორ წარმოგიდგენიათ ეს ყველაფერი ერთად? მე არ მინდა შეურაწყოფა მივაყენო კლინიკებს სადაც 3-5 და 7 ლარად იღებენ კბილებს, მაგრამ როგორ? რის ხარჯზე?

–  გარანტია? გარანტიას იძლევით?

–  რა გარანტია? გარანტია მოითხოვეთ 5 ლარად ამოღების დროს. შემთხვევითი გართულებებისგან არც 15 და 30 ლარის შემთხვევაში ხართ დაზღვეული. თქვენ გარანტირებული ხართ, რომ ჯანმრთელობის პრობლემები არ გექნებათ? გარანტიას იძლევით, რომ სტომატოლოგთან ივლით 6 თვეში ერთხელ, ჩაიტარებთ პროფილაქტიკურ შემოწმებებს, დაიცავთ ჰიგიენის მინიმალურ მოთხოვნილებებს? ცოტას გადავუხვევ და ჩემმა პაციენტმა ახალი ამოღებული კბილის ჭრილობა, საყვარელი თუთიყუშის ბუმბულით ამოიწმინდა, საჭმელი ჩამივიდაო… და ასეთი შემთხვევები მილიონია.

ჩემი თხოვნაა გაითვალისწინოთ, რომ ექიმს საქმე აქვს თქვენს საკუთარ ჯანმრთელობასთან. მასზეა დამოკიდებული აღნიშნულ შემთხვევაში თქვენი პირის ღრუ, საჭმლის მომნელებელი ტრაქტის საწყისი და უმნიშვნელოვანესი ორგანო. რა თქმა უნდა აუცილებელია თქვენი ხელშეწყობა და ექიმის ყველა რჩევის შესრულება. მხოლოდ ერთობლივი ძალებითაა შესაძლებელი მიზნის მიღწევა. თქვენი ღიმილი ხომ თქვენი წარმატების საწინდარია. გისურვებთ ჯანმრთელობას

Read Full Post »

ყველა მშობლის ოცნებაა, რომ მის პატარას ძლიერი და ჯანმრთელი კბილები ჰქონდეს. მაგრამ, როგორ დავიცვათ ჩვენი პატარას სუსტი კბილები კარიესისგან? აი მარტივი წესები, რომელთა დაცვაც დაგეხმარებათ თქვენი პატარას კბილების სიჯანსაღეში.

წესი 1 . რაც შეიძლება მეტ ხანს გყავდეთ თქვენი პატარა ძუძუთი კვებაზე.  

კბილის ნადები – ემალის ყველაზე ვერაგი მტერია. აი აქ მრავლდებიან ბაქტერიები, რომელთა ცხოველმყოფელობის პროდუქტი მჟავები იწვევენ კარიესის განვითარებას.

ნადებისაგან დაცვა არა მარტო კარგ წმენდას შეუძლია. დედის რძე შეიცავს ცილა – ლაქტოფერინს, აგრეთვე ფერმენტ ლაქტოპეროქსიდაზას და გლუკოზოქსიდაზას. ეს ნივთიერებები ხასიათდებიან, არა მარტო ანტიმიკრობული მოქმედებით, არამედ ახდენენ ნადების დაშლას.

წესი 2 . გაუსუფთავეთ პატარას პირის ღრუ, ყოველი ჭამის შემდეგ

კარიესის განვითარებისა ერთ-ერთი პირველი მიზეზი – ბაქტერიებია. ყოველი საკვების მიღების შემდეგ ისინი იღებენ დამატებით დახმარებას და აქტიურად ვითარდებიან. თუ კბილების ხეხვა შეუძლებელია, გამოიყენეთ სპეციალური გამწმენდი ქაფი, სავლები ან სალფეთქი. თუ არც ამის შესაძლებლობაა გამოავლეთ უბრალო წყალი.

წესი 3 . დაიმახსოვრეთ შაქარი – ემალის ყველაზე დიდი მტერია

შეზღუდეთ შაქრის შემცველი სითხეებისა და საკვების მიღება. არავითარ შემთხვევაში არ მისცეთ შაქრიანი და თაფლიანი პროდუქტები ძილის წინ. ნახშირწყლებით გაჯერებული პროდუქტები იწვევენ ემალის დასუსტებას და კარიესის განვითარებას.

წესი 4 . მიეხმარეთ თქვენს პატარას კბილების სწორად ხეხვაში, ხოლო საჭიროების შემთხვევაში თვითონ გაუხეხეთ ძნელად მისაწვდომი ადგილები, ყოველი დამოუკიდებელი გახეხვის შემდეგ.

ასწავლეთ ჯაგრისით ხეხვის ძირითადი ეტაპები: ჰორიზონტალური, ვერტიკალური, წრიული და ვერტიკალური „გამოგვითი“ მოძრაობები.

წესი 5 . დაიცავით პაუზა საკვების მიღებასა და კბილების ხეხვას შორის

კბილის ემალი უფრო მგრძნობიარე ხდება ხილის, ხილის წვენების და გაზიანი სასმელების მიღების შემდეგ. ამიტომ დაიცავით 30 წუთი საკვების მიღებიდან და მერე გაუხეხეთ კბილები.

წესი 6 . სტომატოლოგთან პირველი ვიზიტი დაგეგმეთ, როდესაც ბავშვს შეუსრულდება 1 წელი. 

ამ ასაკში ექიმს უკვე შეუძლია შეაფასოს თქვენი პატარის თანკბილვის და კბილების მდგომარეობა. ამას გარდა იგი დაგეხმარებათ კბილის პასტის შერჩევაში და აუცილებლობის შემთხვევაში მოახდენს ემალის დამცავი ფტორ-ლაქით დაფარვას.

წესი 7 . შეურჩიეთ პატარას კბილის პასტა, რომელიც სწრაფად და ეფექტურად მოახდენს დაზიანებული ემალის აღდგენას და დაიცავს კარიესისგან.

შეარჩიეთ კბილის პასტები, რომლებიც მოწოდებულია სპეციალურად ბავშვებისათვის. ყურადღებით გაეცანით ინსტრუქციას.

წესი 8 . კბილის პასტები უნდა იყოს არა მარტო ეფექტური არამედ უსაფრთხო ბავშვის ორგანიზმისათვის.

Read Full Post »