Feeds:
ჩანაწერები
კომენტარები

Posts Tagged ‘სუნი’

პირის ღრუდან აცეტონის სუნი შესაძლოა იყოს დიაბეტის, თირკმლების ან ფარისებრი ჯირკვლის დაავადებების სიმპტომი.

აცეტონიარის რაღაც რაც ცალსახად არასასიამოვნოა. მაგალითად, მუდამ უსიამოვნოა, როდესაც მოსაუბრეს არასასიამოვნო სუნი აქვს პირის ღრუდან და იმის გააზრება, რომ შენ პირის ღრუდან უსიამოვნო სუნი ამოგდის ორმაგად უსიამოვნოა. სუნი პირის ღრუდან – ეს უბრალოდ ესთეტიკის და შეგრძნების პრობლემა არაა, მას ხშირად საფუძვლად უდევს ორგანიზმში არსებული სხვადასხვა პრობლემები, რასაც აუცილებლად უნდა მიექცეს ყურადღება.

არასასიამოვნო სუნი შესაძლოა გაჩნდეს სხვადასხვა მიზეზით: პირის ღრუს არასწორი მოვლის შედეგად, არასაკმარისი ნერწვდენის შემთხვევაში და შინაგანი ორგანოების დაავადებების დროს. მაგალითისთვის მჟავე სუნი – კუჭის დაავადების ნიშანია, ლპობის – ნაწლავური პრობლემების. ხშირად საუბრისას იგრძნობა აცეტონის სუნი. რამ შეიძლება განაპირობოს აღნიშნული პრობლემა?

პირის ღრუდან მომდინარე აცეტონის სუნი შესაძლოა მოდიოდეს ორგანიზმში არსებული მრავალი დარღვევიდან. ასეთი სუნი შესაძლოა ნიშნავდეს:

  • შაქრიანი დიაბეტი
  • არასწორად იკვებებით და გაქვთ საჭმლის მომნელებელი სისტემის პრობლემები
  • ფარისებრი ჯირკვლის პრობლემები
  • არასწორი კვებაცუდად მუშაობს ღვიძლი
  • თირკმლების პრობლემები
  • ინფექციური დაავადება

არასწორი კვება და აცეტონის სუნი

აცეტონი ცილების და ცხიმების დაშლის შუალედური პროდუქტია. თუკი ჩვენ ვიღებთ დიდი რაოდენობით ცილოვან და ცხიმოვან საკვებს, ორგანიზმი უბრალოდ ვერ ასწრებს მათ დაშლას საბოლოო პროდუქტებად და შედეგად აცეტონის შემცველობა მატულობს. ვიღებთ თავისებურ სუნს პირის ღრუდან. აღნიშნული ეფექტი ხშირად გვხვდება უნახშირწყლო დიეტის მოყვარულებში, აგრეთვე მათში ვინც უბრალოდ არარაციონალურად იკვებება.

აცეტონის სუნი შიმშილის დროს

არა მარტო არასწორი კვება არამედ შიმშილიც შესაძლოა გახდეს ამ სუნის მაპროვოცირებელი. თუკი ორგანიზმი დიდი ხანი არ იღებს საკვებს, სისხლში მცირდება გლუკოზის რაოდენობა. საჭირო ენერგიის მისაღებად ორგანიზმი იწყებს საკუთარი ცილების და ცხიმების დაშლას. შედეგად სისხლში ჩნდება უამრავი აცეტონი და სუნი პირის ღრუდან.

diabetes-diagnostika2აცეტონის სუნი შაქრიანი დიაბეტის დროს

აღნიშნული პრობლემის ხშირი მიზეზი – შაქრიანი დიაბეტია. ამ დაავადების დროს გლუკოზა ვერ აღწევს საკმარისი რაოდენობით ორგანიზმის უჯრედებში და გროვდება სისხლში. შედეგად უჯრედები ვერ იკვებებიან საკმარისად და იწყება ენერგეტიკული შიმშილი. უჯრედების ენერგიით მომარაგების მიზნით ჩვენი ორგანიზმი იწყებს ცილების და ცხიმების დაშლას. ეს იწვევს აცეტონის გამომუშავებას. სისხლში კეტონური სხეულების დიდი რაოდენობა წამლავს ორგანიზმს და იწვევს თავისებურ სუნს. დიაბეტის დროს აცეტონის სუნი იგრძნობა შარდშიც და კანზეც.

 img1აცეტონი და ფარისებრი ჯირკვალი

აცეტონის სუნი შესაძლოა იყოს ისეთი ენდოკრინული დაავადების დროს, როგორიცაა თირეოტოქსიკოზი. აღნიშნული დაავადების დროს მატულობს ფარისებრი ჯირკვლის ჰორმონების რაოდენობა, რაც ასტიმულირებს ცილების და ცხიმების დაშლას. ზედმეტი რაოდენობით დაშლის შედეგად ჩნდება დიდი ოდენობით კეტონური სხეულები და პირის ღრუდან აცეტონის სუნი.

ღვიძლი და სისხლში აცეტონის მომატება

ღვიძლი მნიშვნელოვან როლს ასრულებს ორგანიზმის ნივთიერებათა ცვლის პროცესებში. ღვიძლი გამოიმუშავებს უამრავ ფერმენტს, რომლებიც პასუხს აგებენ ნივთიერებათა დაშლასა და შეწოვაზე. მისი ნორმალური მუშაობის დარღვევა ახდენს ნივთიერებათა ცვლის pechenდარღვევის პროვოცირებას, შედეგად შესაძლოა დიდი რაოდენობით კეტონური სხეულების გაჩენა.

თირკმლები და აცეტონის სუნი

აცეტონის სუნი ასევე შესაძლოა მოდიოდეს ნეფროზის ან თირკმლების დისტროფიის შედეგად.  თირკმლის მილაკებში არსებული პრობლემების გამო ირღვევა ორგანიზმში ცილოვანი მიმოცვლა. თირკმლების დაავადებების დროს აცეტონის სუნი იგრძნობა შარდშიც.

აცეტონის სუნი ბავშვებში – განსაკუთრებული შემთხვევა

აცეტონის სუნი ხშირად ჩნდება ბავშვებში. ითვლება, რომ აღნიშნული მდგომარეობა უჩნდება ყოველ მეხუთე ბავშვს. სისხლში აცეტონის რაოდენობის პერიოდული მატების დროს საუბრობენ აცეტონემიურ სინდრომზე.

ბავშვებში აღნიშნული სინდრომის განვითარების მიზეზი შესაძლოა იყოს:

  • ინფექციები
  • ზედმეტი საკვების მიღება ან არასწორი კვება
  • სტრესული სიტუაციები
  • გადაღლა
  • შინაგანი ორგანოების მუშაობის დარღვევა
  • ენდოკრინული მოშლილობა
  • ნერვული სისტემის დაზიანება

არსებობს აღნიშნული სინდრომის განვითარების გენეტიკური წინასწარგანწყობა. მაგრამ სისხლში აცეტონი შესაძლოა გაუჩნდეთ იმ ბავშვებსაც ვინც აღნიშნულ გენს არ ატარებს.

ძირითადად აცეტონემიური სინდრომი უკვალოდ ქრება 12 წლის ასაკისათვის

Advertisements

Read Full Post »

ადამიანს ყოველთვის არ ძალუძს იცოდეს, რომ მისი პირის ღრუდან უსიამოვნო სუნი მოდის. შესაბამისად ვერ ხვდება, თუ როგორ იტანჯებიან ამ სუნისგან მისი გარშემომყოფები. სარეკლამო რგოლში. რომელიც გადაიღეს Ogilvy & Mather Indonesia ეს “ტანჯვები” ასახულია ძალზედ ხატოვნად 🙂

 

მეგობრებო! როგორ ვუთხრად ჩვენს მოსაუბრეს, მეგობარს, ახლობელს, რომ მას უსიამოვნო სუნი აქვს პირის ღრუდან, ისე, რომ მას არ ვაწყენინოთ? ააქვს ვინმეს ამის გამოცდილება? გთხოვთ გაგვიზიაროთ!

Read Full Post »

საინტერესო გამოკითხვა ჩატარდა დიდ ბრიტანეთში. 1000-მდე ქალბატონს დაუსვეს შეკითხვა: „თუ რაზე უფრო ნერვიულობენ, პაემანზე წასვლის წინ?“. აღმოჩნდა, რომ სუსტი სქესის წარმომადგენლების უმრავლესობა ნერვიულობს პირის ღრუს არომატზე. ეს პრობლემა აწუხებს გამოკითხულთა 80%. ამასთან ქალბატონებს აწუხებს თუ რაოდენ თეთრი და ლამაზი ღიმილი აქვთ. ხოლო რაც ეხება ქვედა თეთრეულს, ეს გამოკითხულთა მხოლოდ 4% ანაღვლებს.

საინტერესოა რას ანიჭებენ უპირატესობას ჩვენი ქალბატონები?

Read Full Post »

არასასიამოვნო სუნი პირის ღრუდან (სამედიცინო ენაზე ჰალითოზი) მიგვითითებს, რომ თქვენს ორგანიზმს შველა ესაჭიროება. რომ მივხვდეთ, თუ რომელ ექიმს მივმართოთ, აუცილებელია გავარკვიოთ, რამ გამოიწვია ეს დაავადება.

არასასიამოვნო სუნის პირველ წყაროს კბილის ნადები წარმოადგენს. ნადები ანაერობული (უჟანგბადოდ მცხოვრები) მიკრობების ცხოვრებისა და გამრავლებისათვის იდეალურ ადგილს წარმოადგენს. ანაერობები ცხოვრების მანძილზე გამოყოფენ მომწამლავ ტოქსინებს, რაც ზოგადად უარყოფითად მოქმედებს ორგანიზმზე. ტოქსინები და სხვა მუტირებადი მიკრობები, ორგანიზმში მოხვედრის შემდეგ ახდენენ შინაგანი სნეულებების პროვოცირებას. ამასთანავე ტოქსინებმა შეიძლება ხელი შეუწყონ ორგანიზმის ნაადრევი დაბერების პროცესს.

როგორც გავიგეთ ანაერობული მიკროფლორა, ფართოდაა წარმოდგენილი უჟანგბადო ან ნაკლებ ჟანგბადიან ადგილები, ასეთი ადგილები პირის ღრუში მრავლადაა – ნადები, პათოლოგიური ჯიბეები, კარიესული ღრუები, ორთოპედიული და ორთოდონტიული კონსტრუქციების ირგვლივ და სხვა.
კიდევ ერთი მიკრობებისათვის სასურველი ადგილი ენის ზურგია. ენის ზედაპირის უსწორმასწორობებიში დიდი რაოდენობით საკვები გროვდება, რაც ბაქტერების საკვებს წარმოადგენს. დალასის ამერიკის სტომატოლოგიური კვლევების ყოველწლიურ შეკრებაზე, ბუფალოს უნივერსიტეტის მეცნიერებმა, ენის ზედაპირზე მცხოვრები ბაქტერია Solobacterium moorei ჰალითოზის ძირითად გამომწვევად დაასახელეს. სპეციალისტებმა ექიმი ბეტსი კლარკის (Betsey Clark) მეთაურობით შეისწავლეს 21 ჰალითოზიანი და 36 (საკონტროლო) ჯგუფის პაციენტების მდგომარეობა. მოხალისეებს უღებდნენ ნაცხს ენიდან ზემოთ აღნიშნული მიკრობის გამოსავლენად. ასევე ადგენდნენ, სუნის გამომწვევი გოგირდმჟავა აირების არსებობას. Solobacterium moorei აღმოაჩნდათ ჰალითოზით დაავადებული პაციენტების 100% და ჯანმრთელების – 14%. ამას გარდა საკონტროლო ჯგუფის პაციენტებს ვისაც აღმოაჩნდათ ბაქტერია აღენიშნებოდათ ასევე – პაროდონტიტი.

სტატისტიკის მიხედვით 85% შემთხვევაში, პირის ღრუდან უსიამოვნო სუნის  მიზეზი სტომატოლოგიური პრობლემებია.  ეს კი ნიშნავს, რომ ყოველივე ჩვენს პირის ღრუში არსებული მიკრობების დამსახურებაა.

და რაც შეეხება დარჩნილ 15%? ჰალითოზი შესაძლოა ორგანიზმის ზოგადი დაავადებების მიზეზიც იყოს. მაგალითად ყელ–ყურ–ცხვირის მიდამოს პრობლემები: სინუსიტი, რინიტი, ტონზილიტი. ამ დაავადებებს თან ახლავს ანთებადი პროცესები ცხვირ–ხახაში. ასეთი ადამიანის სუნთქვასაც შესაძლოა ჰალითოზი ახლდეს.

უსიამოვნო სუნის კიდევ ერთი მიზეზი – საჭმლის მომნელებელი ტრაქტის დაავადებებია.
დიაბეტი და იმუნოდეფიციტური დაავადებები, ღვიძლის ზოგიერთი დაავადება, ცალმხრივად ხელს უწყობს ჰალითოზის განვითარებას. როგორ? ეს დაავადებები ასუსტებენ ორგანიზმის დაცვით ფუნქციას, შედეგად იცვლება ლორწოვანის მდგომარეობა, ირღვევა ნორმალური ნერწყვდენა. შესაბამისად უარესდება თვითწმენდა, კბილის ნადები გეომეტრიული პროგრესით იწყებს ზრდას, რაც უდავოდ უსიამოვნო სუნს იწვევს.

გამომწვევ მიზეზებს განპირობებს არა მარტო, ანთებადი პროცესების სიმრავლე, არამედ ორგანიზმის საერთო მდგომარეობა. აქედან გამომდინარე მკურნალობის გეგმაც აუცილებლად უნდა შემუშავდეს იდივიდუალურად ყველა პაციენტისათვის.

ჰალითოზთან საბრძოლველად რეკომენდებულია სპეციალური ჩოთქებით კბილების გამოხეხვის შემდეგ გავიხეხოთ ენის ზედაპირიც დღეში ორჯერ. ამასთანავე ვიხმაროთ ანტიბაქტერიული კბილის პასტა.

რთულ შემთხვევებში ინიშნება კომპლექსური მკურნალობა: კბილის ქვებისა და ნადების საფუძვლიანი მოშორება, ღრძილქვეშა ცვლილებების მკურნალობა, არასწორად გაკეთებული ბჟენებისა და ორთოპედიული კონსტრუქციების გამოცვლა. ჩვენების მიხედვით ინიშნება ადგილობრივი, ანთების საწინააღმდეგო, მედიკამენტური მკურნალობა – მაზების, სავლებების და გელების სახით.

Read Full Post »

რა არის დილის სურნელი?

ახლახანს გაღვიძებული ხეების სიგრილე, შემოჭრილი გაღებული ფანჯრიდან?

სამზარეულოდან მომავალი ყავის ძლიერი არომატი?

პარსვის შემდგომი ცხვირში მოღიტინე პარფიუმი?

ალბათ დილის სურნელი პირველ ყოვლისა არის მენთოლი. ეს არის აბაზანა, კბილის ჯაგრისსზე გადმოსული თეთრი კბილის პასტა, დილის სიჯანსაღის შეგრძნება ახალი დღის დასაწყებად. მილიონობით მიკროსკოპული ყინულის კრისტალები, რომლებიც მოედებიან მთელს პირის ღრუს. უეცარი სიცივით გამოწვეული ენის გაბუჟება.

ხანგრძლივი სიგრილის შეგრძნება…

ყნოსვის აღმქმელი უჯრედების რაოდენობა ცხვირში 60 მილიონს აჭარბებს, მაშინ როდესაც პირის ღუში გემოს მხოლოდ 10 ათასი უჯრედი აღიქვამს. ვინაიდან ადამიანის ცხვირის მემბრანები დაკავშირებულია პირის ღრუსთან, სუნი სინამდვილეში ხდება ერთგვარ შეჯამებად გემოვნებისა და ყნოსვის აღქმისა. ეს ფენომენი ნათლად ჩანს ინგლისურ სიტყვებში smell (სუნი) და taste (გემო), აგრეთვე სიტყვა flavor (არომატი).
ამა თუ იმ არომეტების ზეგავლენა ადამიანზე ჯერ კიდევ შორეულ წარსულში იქნა აღმოჩენილი. ცნობილია, რომ პირველყოფილი ადამიანი თავდაცვის მიზნით ტანსაცმელს ცეცხლის სუნით ჟღინთავდა. ნამწვის სუნი ცხოველებში პანიკის გამომწვევია, რაც მათში შიშს თესავდა. ძველ ეგვიპტელი ქურუმები სრულყოფილად ფლობდნენ არომატის ფენომენს, მათ შეეძლოთ დაემზადებინათ ადამიანის მოსაზიდი და პირიქით შესაძული არომატები. ძველი ინდუსები მუდამ თან ატარებდნენ პატარა არომატიზებულ ჭურჭელს, რომელიც ცხვირთან მიჰქონდათ კარგი განწყობის შესაქმნელად. ძლიერი არომატი მჭიდროდ დაუკავშირდა ბედნიერ მოგონებენს, საკმარისი იყო მძიმე დღეებში მოგეხსნა ბოთლის თავსახური და სასიამოვნო სურნელი წამიერად ბედნიერების და სიხარულის მორევში გადაგისროდა.

არომატის ეს ფენომენალური  შესაძლებლობები მასიურ სარგებლობაში მხოლოდ მცირე ხნის წინ გამოჩნდა.

დღეისათვის არსებობს მაღვიძარები, რომლებიც საათის მექანიზმიდან მომდინარე სასიამოვნო არომატით აღვიძენებენ ადამიანს. „ნისანის“ ფირმამ გამოუშვა ავტომობილი რომლის კომპიუტერიც თვალს ადევნებს მძღოლის თვალებს და გამომეტყველებას. თუ ადამიანი იწყებს თვლემას ირთვება ხმამაღალი სიგნალი და ავტომობილის სალონში ხდება გამომაფხიზლებელი არომატის შეფრქვევა.

იაპონური კომპანია „სიმიცუ“ თავის მომხმარებელს სთავაზობს შრომის უნარიანობის ასაწევ და ანტისტრესულ არომატიზატორებს. კვლევებმა დაამტკიცა, რომ მონოტონური სამუშაოს შესრულებისას ჟასმინისა და ლავანდის არომატის გამოყენებით შეცდომების რაოდენობა 2 ჯერ კლებულობს. ევკალიპტის გამოყენება აღაგზნებს ადამიანს და აძლიერებს მის პროდუქტიულობას. ლიმნის არომატი ხსნის დაღლილობას, ხოლო ნემსიწვერა აძლიერებს სმენას. რაც მეტ გამოყენებას ჰპოვებს არომატი მით მეტი მოხდება მისი ხელოვნური წარმოება. დღეისათვის ყოველდღიურად ასობით ახალი არომატი იწარმოება. და ვინ იცის იქნებ თანამედროვე ტექნოლოგიების გამოყენებით ხელოვნური არომატები შეიძლება ცხვირის „მწვრთნელიც“ კი გახდეს, ხოლო ყნოსვა რომელიც ატავიზმად ითვლებოდა ადამიანის ძირითად გრძნობებს დაუბრუნდეს.

ყოველ შემთხვევაში ფაქტი სახეზეა: ადამიანი ხელახლა იწყებს მისთვის არომატის სამყაროს აღქმას. აღქმის დედააზრი კი მოღწეული უხსოვარი დროიდან შენარჩუნდა: კარგი არომატი – არის უსაფრთხოება. თანამედროვე ადამიანს ეს მაგალითი აიძულებს გამოიყენოს არომატი როგორც თანამშრომლობისათვის მუდამ მზადყოფნის საშუალება.

ლამაზმანი გეიბლის პრობლემა

რამდენად გასაკვირიც არ უნდა იყოს საბჭოთა საქართველოში მიუხედავად სოციალურ ჰიგიენაში არსებული ყველა მიღწევისა, ადამიანის სუნი იყო განზე განყენებული, როგორც არაეთიკური, რაც არ შეშვენოდა საბჭოთა ადამიანს. უფრო სწორად სუნი საბჭოთა ადამიანს ჰქონდა, მაგრამ მხოლოდ ლეგიტიმური. როგორც წერდა ერთი პოეტი :“მძღოლის ხელებს ბენზინის სუნი აქვს, ზღვის და ქარი – მეზღვაურს, ხოლო უსაქმურს არაფრის სუნი არა აქვს“.

რამდენად პარადოქსულიც არ უნდა იყოს არომატის ფენომენი ჩვენს კულტურაში რეკლამამ შემოიტანა. აღმოჩნდა, რომ თავმოყვარე ადამიანი ვერ გამოვა სახლიდან თუ არ გამოიყენა თავიდან ანტიბაქტერიული საპონი, შემდეგ – დეზოდორანტი. რეკლამამ ასევე ძალიან მალე შესძლო ჩვენი დარწმუნება, რომ არა სასიამოვნო სუნი პირის ღრუდან უბრალოდ დამღუპველია ჩვენი მიზნებისათვის.

შოუ ბიზნესში ნამდვილ სენსაციად იქცა ვივიენ ლის აღსარება. „ქარწაღებულების“ გადაღებისას იგი ლამის გულის წასვლამდე მიჰყავდა იმ საშინელ სუნს, რომელიც კლარკ გეიბლის პროთეზებს სდიოდათ.

დიდი ბრიტანეთის მოსახლეობის გამოკითხულთა თითქმის 50% დარწმუნებულია, რომ პირის ღრუდან მომავალი არა სასიამოვნო სურნელი, საგრძნობლად ამცირებს მისი მფლობელის შანსებს წარმატებულ კარიერაზე. ხოლო ყოველი მე-5, მიიჩნევს, რომ „ჰალითოზი“ ესაა ადამიანის ფიზიოლოგიის ყველაზე უარესი გამოვლინება.

მართლა, იცით თუ არა, რომ მას სრულიად მეცნიერული სახელი აქვს – ჰალითოზი. ამ დაავადებით ევროპელების 65% იტანჯება, ხოლო ამერიკაში მის წინააღმდეგ ბრძოლაში ყოველწლიურად ათი მილიარდი დოლარი იხარჯება.

ჰალითოზის გამომწვევი მიზეზები ბევრია, მაგრამ პირველ ყოვლისა აღსანიშნავია მიკროორგანიზმები, ისინი არიან პათოლოგიურ ჯიბეებში, კარიესულ ღრუებში, კბილთაშორის სივრცეებში, ცხვირ-ხახის ლორწოში და პირის ღრუდან ჩამოფრცქვნილ ეპითელში. ეს ფაქტი მეტყველებს მხოლოდ შემდეგზე, რომ არასასიამოვნო სუნის პრობლემის მოგვარება, ყველაზე კარგად შეუძლია პირის ღრუს საფუძვლიან ჰიგიენას.

ყოველდღური სიგრილე 

პირის ღრუს ჰიგიენური საშუალებების რეცეპტურა საუკუნეების განმავლობაში მუშავდებოდა. ჩვენი წინაპრები კბილების წმენდისთვის იყენებდნენ დღეისათვის უკვე წარმოუდგენელ საშუალებებს, როგორიცაა: ნაცარი, დაფქული ქვები, დაფქული მინა, ბალანი გაჟღენთილი თაფლით,  ხის ნახშირი, თაბაშირი, სხვადასხვა მცენარეების ფესვები, კაკაოს თესლები და ა.შ.

დაახლოებით სამასი წლის წინ ევროპელებმა დაიწყეს ამ მიზნით მარილის გამოყენება. თუმცა შემდგომში აღმოჩნდა, რომ მარილი არც თუ ისე უვნებელია კბილებისა და პირის ღრუს ლორწოვანისათვის, როგორც თავიდან ჩანდა. მე-19 საუკუნიის დასაწყისისათვის საუკეთესო მასალად შეირჩა ცარცი. ფარმაცევტები წვრილად ფქვავდნენ მას, ხოლო არომატისათვის უმატებდნენ სხვადასხვა სამკურნალო მცენარეების ფოთლებისა და ნაყოფების ნაყენს. მოგვიანებით ისინი ჩაანაცვლა ეთერზეთებმა.

ცარცის ფხვნილები საკმაოდ იაფი ღირდა და ყველასათვის ხელმისაწვდომი იყო, თუმცა მაღალი აბრაზიულობიდან გამომდინარე ცვეთდნენ ემალს. დაიწყო მუშაობა ისეთ კბილის პასტებზე, რომლებშიც უწვრილესი ცარცის პუდრა, თანაბრად იქნებოდა გადანაწილებული ჟელესმაგვარ კონსისტენციაში. პირველად ჟელესებრი კონსისტენციის მისაღებად გამოიყენებოდა კრახმალი. შემდგომში მოხდა მისი ჩაანაცვლება ორგანული მჟავეების ნატრიუმის მარილით.

კბილის პასტის რეცეპტები იცვლებოდა მასში არომატიზატორების დამატებით, როგორც ვიცით ისინი ხდიან ხეხვის პროცესს ასე სასიამოვნოს. კბილის პასტების ყველაზე პოპულარული არომატიზატორია ბაღის პიტნა (Mentha piperita). ამერიკული ბაზრის 68% უჭირავს ბაღის პიტნით გაჯერებულ კბილის პასტებს, ხოლო ევროპაში ეს რიცხვი 70% აღწევს. ამასთანავე საინტერესოა, რომ უმსხვილესი მწარმოებლები არიან ასევე უმსხვილესი მყიდველებიც ბაღის პიტნისა.

ბაღის პიტნის პოპულარობა, აიხსნება არა მარტო სიგრილის არომატით, არამედ უძველესი ტრადიციებითაც. პიტნის არომატი ყოველთვის კარგის მომასწავებელი იყო. ძველ რომში, თვლიდნენ, რომ  პიტნის სურნელი ხელს უწყობდა განწყობის ამაღლებას და სასიამოვნოს ხდიდა მეგობრულ საუბარს. ამისათვის დარბაზები ირწყვებოდა პიტნიანი წყლით, მაგიდებზე ჭყლეტდნენ პიტნის ფოთლებს, ხოლო სტუმრებს პიტნის თაიგულებით ასაჩუქრებდნენ. მცენარის სახელის წარმოშობას მივყავართ ერთ რომანტიულ ლეგენდამდე. იგი დაკავშირებულია ნიმფასთან, სახელად მინთა, რომელიც მიწისქვეშეთის ქალღმერთმა პერსეფენამ გადააქცია სურნელოვან მცენარედ და აფროდიტეს მიუძღვნა.

… როგორი მნიშნველოვანია გავამდიდროთ ჩვენი ცხოვრება სასიამოვნო არომატებით! კარგი განწყობისათვის, მხნეობისათვის, მხიარული ურთიერთობებისათვის.
ჯანსაღი სუთქვა – ისეთივი მაჩვენებელია პირადი კულტურისა, როგორც სუფთა საყელო და გამართული საუბარი.

ჩვენ ვიცით, რომ სასიამოვნო სურნელს ხანდახან სასწაულების მოხდენაც შეუძლია. რომანში „პარფიუმერი“, პატრიკ ზიუსკინდმა მოახერხა ამ იდეის საუკეთესო გამოხატვა, მისი გმირის გრეუნის სახით. მისმა გენიალურმა ყნოსვა შეაძლებინა შეექმნა იდეალური არომატები, ადამიანებზე მბრძანებლობისათვის. „არომატში არის ძალა, რომელიც ძლიერია სიტყვებზე, რეალობაზე, გრძნობასა და ნებაზე… არომატი – სუნთქვის ძმაა, იგი აღწევს ყველაზე ღრმად და იქ გამოაქვს ყველაზე მკაცრი განაჩენი სიმპატიაზე და ანტიპატიაზე, ზიზღზე და ვნებაზე, სიყვარულზე და სიძულვილზე. არომატების მფლობელი,  ადამიანის გულების ბატონ-პატრონიცაა“.

Read Full Post »