Feeds:
ჩანაწერები
კომენტარები

Posts Tagged ‘ორთოპედია’

დღეს მინდა ვისაუბროთ, თუ, როგორ მოვემზადოთ დენტალური იმპლანტაციის ოპერაციისათვის, რა წინა საოპერაციო კვლევებია აუცილებელი, რა ჩვენებები და უკუჩვენებები არსებობს.

სხვა სიტყვებით, რომ ვთქვათ, დღეს ჩვენ ვისაუბრებთ იმაზე თუ რა უნდა გააკეთოს პაციენტმა, რათა მშვიდად და უსაფრთხოდ გაიაროს იმპლანტოლოგიური მკურნალობის ყველა ეტაპი და ამასთან არ დახარჯოს ზედმეტი ფული, დრო და ემოციები.

დავიწყოთ ჩვენება უკუჩვენებებით.

დენტალური იმპლანტაციის ჩვენებებია:

ერთი, რამოდენიმე ან კბილების სრული არქონა (არ იგულისხმება სიბრძნის კბილები)

აი აქედან

აი აქამდე

ნებისმიერ დროს შესაძლებელია მოხდეს, ნებისმიერი ლოკალიზაციის, ნებისმიერი კბილის პროთეზირება იმპლანტზე.

უკუჩვენება:

დენტალური იმპლანტაციის აბსოლუტური უკუჩვენებები:

  • ორგანიზმის ქრონიკული დაავადებები (ტუბერკულოზი, რევმატიული დაავადება, შაქრიანი დიაბეტის არაკომპენსირებული ფორმა, პირის ღრუს ლორწოვანი გარსის დაავადებები და სხვა);
  • სისხლისა და სისხლმბადი ორგანოების დაავადებები;
  • ძვლოვანი სისტემის დაავადებები, რომლებიც ამცირებენ მის რეგენერაციას;
  • ცენტრალური და პერიფერიული ნერვული სისტემის დაავადებები.
  • ავთვისებიანი სიმსივნეები სპეციალური თერაპიის ჩატარებისას და გარკვეული პერიოდი ჩატარების შემდგომ.

დენტალური იმპლანტაციის შედარებითი (გადაჭრადი) უკუჩვენებები:

  • პაროდონტიტი (მწვავე და ქვემწვავე ფორმები);
  • პათოლოგიური თანკბილვა და კბილების მომატებული ცვეთა;
  • პირის ღრუს ცუდი ჰიგიენა და მისი გაუმჯობესების არანაირი ნიშანწყალი.
  • სიმსივნისმაგვარი და სიმსივნური წარმონაქმნები პირის ღრუში და ყბებზე;
  • სხეულის სხვა ადგილებში ლითონის იმპლანტების არსებობა (კირშნერის სპიცები, მინიფირფიტები, ლითონის ნაკერები, ხელოვნური სახსრები, გულის სარქველი, კარდიოსტიმულატორი და სხვა);
  • საფეთქელ-ქვედა ყბის დაავადებები;
  • ბრუქსიზმი (ქვეცნობიერად ყბების მოჭერა ან კრაჭუნი, განსაკუთრებით ძილში);
  • ყბის ძვლების ანატომიური თავისებურებები, რაც გამორიცხავს იმპლანტის მოთავსებას (ძვლის ატროფია, რეტენირებული კბილები, წიაღები და სხვა), რაც მოითხოვს წინამდებარე ძვლის აღდგენად ოპერაციებს.
  • დროებით უკუჩვენებად გვევლინება ფეხმძიმობა და ლაქტაცია.

იმპლანტაციის სოციალური უკუჩვენებები

  • საკუთარი ჯანმრთელობის მიმართ დაუდევარი მიდგომა, ნიკოტინი, ალკოჰოლის ხშირი მოხმარება, არარეგულარული კვება, დიდი რაოდენობით ყავის მიღება.
  • პროფესიული საქმიანობის თავისებურებები – მძიმე ფიზიკური დატვირთვები, სპორტის ექსტრემალური და ტრავმული სახეები.

წინასაოპერაციო კვლევები

აი მომენტი როდესაც ჩნდება გაუგებრობა არა მარტო პაციენტსა და ექიმს შორის არამედ ექიმებს შორისაც. რა გამოკვლევები უნდა ჩაიტაროს პაციენტმა დენტალური იმპლანტაციის ოპერაციის წინ? რითი დავიწყოთ?

ყველაზე მთავარი და უმთავრესი პრინციპია წინასაოპერაციო გამოკვლევა – ესაა სამედიცინო მიზანმიმართულობის პრინციპი. სხვა სიტყვებით (მარტივად), რომ ვთქვათ ამა თუ იმ სამედიცინო კვლევის დანიშვნის წინ ზუსტად უნდა  ვიცოდეთ თუ რისთვის ვაკეთებთ და რას ვეძებთ.

მომიჯნავე სპეციალისტების კონსულტაცია

იმპლანტაციაში ყველაზე მნიშვნელოვანი ექიმი – სტომატოლოგი-ორთოპედია. ჩვენი სამუშაოს მიზანი – ხარისხიანი, საიმედო და ესთეტიური კბილის პროთეზებია, რომლებიც დაყრდნობილია იმპლანტებზე. დენტალური იმპლანტატი – მხოლოდ პროთეზის საყრდენია. რამდენი იქნება ეს საყრდენი, სად იქნება განლაგებული, რა დგომა ექნება – ყველაფერს განსაზღვრავს მომავალი პროთეზის კონსტრუქცია. ამისათვის საჭიროა ექიმი ორთოპედი.

კბილების დიდი ხნით არ ქონა, იწვევს თანკბილვის ცვლილებას. ეს ცვლილებები კი შესაძლოა ისეთიც იყოს, რომ ვერ მოხდეს ხარისხიანი და ესთეტიური პროთეზირება. ამიტომ პაციენტებს იმპლანტაციამდე (როგორც საერთოდ პროთეზირებამდე) ესაჭიროებათ ორთოდონტის კონსულტაცია, შესაძლოა ორთოდონტიული მკურნალობაც კი.

აუცილებელია დენტალური იმპლანტაციის წინ (როგორც პირის ღრუში ნებისმიერი ქირურგიული ჩარევის წინ) ჩატარდეს კბილების პროფესიული წმენდა: ულტრაბგერის და AirFlow აპარატებით, მოშორდეს ქვები, ნადები. ასევე სასურველია მიიღოს პაციენტმა პირის ღრუს მოვლის შესახებ რჩევა-დარიგებები, რათა შეინარჩუნოს მიღებული სისუფთავე მომავალშიც.

პირის ღრუს სანაცია

ზოგიერთი ექიმი იმპლანტაციის წინ ითხოვს პირის ღრუს სრულ სანაცია. მოთხოვნა სამართლიანია ოღონდ გარკვეულ ფარგლებში.

პირის ღრუ უნდა იყოს სუფთა, არ უნდა იყოს მწვავე ან პოტენციურად საშიში ანთებადი კერები: ქრონიკული პულპიტი,   პაროდონტიტი, პერიოდონტიტი გამწვავების ფაზაში და ა.შ.

სადიაგნოსტიკო მოდელები და  WaxUp

არ უნდა დაგვავიწყდეს, რომ იმპლანტოლოგის სამუშაოს მიზანი – ხარისხიანი, გამძლე, საიმედო პროთეზირებაა და არა იმპლანტის ჩასმა. იმპლანტი მხოლოს პროთეზის საყრდენია და არა პროთეზი. მაშასადამე, იმპლანტების ზომა, რაოდენობა და ლოკალიზაცია პირველ რიგში დამოკიდებულია არა იმპლანტოლოგის ფანტაზიაზე, არამედ იმ ამოცანებზე, რომლებიც დგას სტომატოლოგი ორთოპედის წინაშე.

წინააღმდეგ შემთხვევაში შესაძლოა მივიღოთ ინტეგრირებული იმპლანტი, რომელზეც ვერ კეთდება ორთოპედიული სამუშაო.

რომ გახდე იმპლანტოლოგი, უნდა იყო არა მარტო კარგი ქირურგი არამედ ცოტა ორთოპედიც. ამასთან უნდა გქონდეს კარგად განვითარებული სივრცობრივი აზროვნება და წარმოსახვა. რადგან ყველაზე რთული იმპლანტოლოგიაში – იმპლანტების შერჩევა და მათი პოზიცირებაა.

რომ მოთავსდეს იმპლანტი სწორ პოზიციაში, ზუსტად უნდა ვიცოდეთ თუ როგორი იქნება პროთეზი. ამისათვის არსებობს wax-up ე.წ. “ცვილით მოდელირება”.

მისი დამზადება მისაღებია, როდესაც იმპლანტების პოზიცირება იწვევს სირთულეებს. მაგალითად ძვლოვანი ქსოვილის ატროფია, რთული კონსტრუქციის პროთეზები და ა.შ.

დენტალური იმპლანტაციის ოპერაციისათვის მზადებისას ორთოპედის კონსულტაცია არის აუცილებელი

ყბა-კბილთა სისტემის ფუნქციონალური დიაგნოსტიკა

კბილების დიდი ხნით არ ქონა იწვევს სერიოზულ ცვლილებებს ყბა-კბილთა სისტემაში:

– კბილთა რკალში დატვირთვის გადანაწილება

– მეზობელი კბილების გადანაცვლება, გადაადგილება, თანკბილვის დარღვევა

– საფეთქელ-ქვედა ყბის სახსრის და საღეჭი კუნთების დისტროფიული ცვლილებები

– დანაკლისი კბილების მიდამოში ძვლოვანი ქსოვილის და ლორწოვანი გარსის ატროფია

ექიმის დანიშნულებაა – არა მხოლოდ “ლამაზად გააკეთოს”, არამედ აღადგინოს ნორმალური ფუნქცია, აღმოფხვრას კბილების არ ქონით გამოწვეული შედეგები. ამისათვის საჭიროა გავარკვიოთ, თუ რა მოუვიდა კბილთა რკალს მას შემდეგ რაც დაიკარგა კბილები.

ქირურგიული თარგი (შაბლონი) 

თუკი იმპლანტების პოზიცირება იწვევს სიძნელეებს, მაშინ ორთოპედი ამზადებს სპეციალურ შაბლონს. ამისათვის გამოიყენება სპეციალური კომპიუტერული პროგრამები და სამგანზომილებიანი პრინტერი.

ნავიგაციური სისტემა საშუალებას გვაძლევს ზუსტად დავგეგმოთ იმპლანტაცია და შაბლონების გამოყენებით მივიღოთ ესთეტიურად და ფუნქციონალურად საუკეთესო შედეგები. პაციენტისთვის ვირტუალური დაგეგმარება ძვლოვანი ქსოვილის

სამგანზომილებიანი გამოსახულების გამოყენებით, ტიტანის კონსტრუქციის ადგილმდებარეობის და დახრის კუთხის წინასწარი განსაზღვრა არის შესრულებული სამუშაოს უმაღლესი ხარისხის გარანტია. შაბლონების გამოყენებისას რისკები გაცილებით დაბალია.სისტემის ყველა მომხმარებელი, ახალბედა სტომატოლოგებით დაწყებული – იმპლანტოლოგიაში სოლიდური გამოცდილების მქონე სპეციალისტებით დამთავრებული დიდად აფასებენ მის უპირატესობას. აღნიშნული პროგრამა ოთხჯერ და მეტჯერ ამცირებს ოპერაციული ჩარევისათვის საჭირო დროს.

კომპიუტერული ტომოგრაფია

ეს ალბათ ყველაზე მნიშვნელოვანი კვლევაა იმპლანტაციის ოპერაციის წინ, რომელიც უნდა ჩატარდეს 100% შემთხვევაში. არ შეიძლება იმპლანტაციის დაწყება თუკი არ გვექნება კომპიუტერული ტომოგრაფიის მონაცემები.

კტ-თვის გამოიყენება სპეციალური ციფრული ტომოგრაფები და სპეციალური სტომატოლოგიური პროგრამები.

კომპიუტერული ტომოგრაფია გვეხმარება შევაფასოთ საოპერაციო ველში ძვლოვანი ქსოვილის კონფიგურაცია, მოცულობა და სტრუქტურა. ტომოგრაფიით შესაძლოა განისაზღვროს გარკვეულის სტრუქტურების ზომები, შეირჩეს საჭირო ზომის იმპლანტი. მისი დახმარებით შეგვიძლია თავიდან ავიცილოთ რიგი გართულებები.

სისხლის და შარდის ანალიზი, სხვა ლაბორატორიული კვლევები.

არის კლინიკები სადაც, როგორც წესი ყველა პაციენტი ოპარაციის წინ იკეთებს სისხლის და შარდის ანალიზს. მიუხედავად ამისა ქირურგიული ჩარევისთვის ამ ანალიზებს არავინ არ იყენებს, იბადება კითხვა მაშ რისთვის კეთდება ეს ანალიზები, თუკი არავინ მათ არ უყურებს?

ტრავმატულობის, ორგანიზმზე ზემოქმედების და გართულებების რაოდენობის გათვალისწინებით დენტალური იმპლანტაცია კბილის ამოღებაზე ადვილი ოპერაციაა. რიგ შემთხვევებში სინუსლიფტინგს და ოსტეოპლასტიკას უფრო მარტივად იტანს პაციენტი ვიდრე დარეზორცინებული მეექვსეს ამოღებას, მაგრამ არავინ არ ითხოვს ანალიზს კბილის ამოღების წინ (უნდა ვაღიარო გამონაკლისებიც არსებობენ), ხომ მართალია?

ყველაფერს აქვს ჩვენება და უკუჩვენება. მაგალითად თუკი პაციენტი ამბობს, რომ მას ჯანმრთელობასთან დაკავშირებით აქვს გარკვეული პრობლემები, რომ იგი მკურნალობს ექიმთან. ასეთ შემთხვევაში, ჩვენ აღნიშნული ექიმისგან  აუცილებლად უნდა მივიღოთ თანხმობა ჩასატარებელ ქირურგიულ მანიპულაციაზე.  მან უნდა გააგზავნოს ანალიზებზე თუკი ჩათვლის ამას საჭიროდ.

დასკვნა

იმპლანტაციისათვის მომზადების აუცილებელი ეტაპებია:

– ორთოპედის კონსულტაცია

– კომპიუტერული ტომოგრაფია

ორთოპედის და იმპლანტოლოგის კონსულტაციით ინიშნება:

– სადიაგნოსტიკო მოდელები, ცვილით მოდელირება

– მომიჯნავე სტომატოლოგი სპეციალისტების კონსულტაცია, პირის ღრუს სანაცია

– პირის ღრუს პროფესიული ჰიგიენა

– ყბა-კბილთა სისტემის ფუნქციონალური დიაგნოსტიკა

– ქირურგიული შაბლონის (თარგის) დამზადება

 ჩვენების შემთხვევაში მკაცრად ინიშნება: 

– სისხლის და შარდის ლაბორატორიული ანალიზები

– არასტომატოლოგიური პროფილის სპეციალისტების კონსულტაცია – კარდიოლოგი, თერაპევტი, ენდოკრინოლოგი, რევმატოლოგი და ა.შ.

– ელექტროკარგიოგრამმა

პირველს და ბოლოს ნიშნავს შესაბამისი სპეციალობის ექიმი.

საერთოდ არ არის საჭირო: 

– ელექტროენცეფალოგრაფია

– მრტ (მაგნიტო რეზონანსული ტომოგრაფია)

– დინამიური კტ ან მრტ

– ზურგის ტვინის სითხის და პროსტატის წვენის ლაბორატორიული ანალიზი 🙂

და ბოლოს – წარმატებული მკურნალობა და შედეგი – ორი ადამიანი დამსახურებაა: ექიმის და პაციენტის. არა მხოლოდ ექიმის!

გისურვებთ ჯანმრთელობას!!!

Advertisements

Read Full Post »

როგორც ცნობილია კარიესის და პაროდონტიტის დაავადებების დაგვიანებულ მკურნალობას, შესაძლოა ერთი ან რამოდენიმე კბილის დაკარგვა მოჰყვეს. წინა კბილების ამოღების შემთხვევაში ჩნდება ესთეტიური დეფექტი და იცვლება დიქცია,  ხოლო დიდი და პატარა საღეჭი კბილების არ ქონა ღეჭვის აქტის დარღვევის გამომწვევია. ცუდად დაღეჭილი საკვები ზედმეტ დატვირთვას აყენებს კუჭს და მას უარესად ითვისებს ორგანიზმი. დიდხნიანი უკბილობის შემთხვევაში ვითარდება კუჭ-ნაწლავის სისტემის დარღვევები, რაც ორთოპედიული მკურნალობის შემდგომ გვარდება.

ორთოპედიული მკურნალობა გულისხმობს, ნაკლული კბილების ან კბილთა დეფექტების აღდგენას სხვადასხვა სახის პროთეზების საშუალებით.

კონსტრუქციის მიხედვით განირჩევა ორი სახის პროთეზები: მოსახნელი და მოუხსნელი.

მოუხსნელი პროთეზები მუდმივადაა დამაგრებული არსებულ კბილებზე ან ფესვებზე.

მოსახსნელი პროთეზების შემთხვევაში, პაციენტს შეუძლია დამოუკიდებლად ჩაიდგას ან გამოიღოს ხელოვნური კბილები.

პროთეზების არსებობისას მნიშვნელოვნად უარესდება პირის ღრუს ჰიგიენის საერთო მაჩვენებლები. ამიტომ აუცილებელია განსაკუთრებით, გულდასმით მოახდინოთ არსებული კბილების და პროთეზების გაწმენდა.

მოუხსნელ პროთეზებს ვუვლით ისე, როგორც საკუთარს, ანუ ჩვეულებრივ ვიხეხავთ დღეში ორჯერ ჯაგრისის და პასტის დახმარებით. ხანდახან საჭირო ხდება ჯაგრულის ან ფლოსის (დენტალური ძაფის) გამოყენება. თუკი შენიშნეთ ანთება პროთეზის მიმდებარე ღრძილის კიდესთან, შეგიძლიათ იხმაროთ ანთების საწინააღმდეგო სავლები.

პროთეზების არსებობისას პირის ღრუს სწორი ჰიგიენა, ახანგრძლივებს პროთეზების მოხმარების დროს და ხელს უშლის ანთების განვითარებას, ან არსებული პათოლოგიის გაუარესებას.

მოსახსნელი პროთეზები ისევე საჭიროებენ საფუძვლიან გაწმენდას, როგორც ბუნებრივი კბილები. დილით და საღამოს კბილების ხეხვისას, უნდა მოიხსნათ პროთეზები და გაწმინდოთ ჯაგრისის და პასტის, ფხვნილის დახმარებით, შემდგომ კი გაავლოთ გამდინარე წყალში. ღრძილის ზედაპირზე არსებული პროთეზის ნაწილი, უნდა გაიწმინდოს შედარებით ფრთხილი მოძრაობებით, რათა თავიდან ავიცილოთ მისი რელიეფის დაზიანება. განსაკუთრებული ყურადღებით უნდა გავწმინდოთ პროთეზის ის ადგილები, რომლებიც ახლოსაა სანერწყვე ჯირკვლის სადინარებთან, სწორედ აქ ხდება ყველაზე დიდი რაოდენობით ნადებისა და ქვების დაგროვება. საქმე ეხება ქვედა ყბის პროთეზის წინა ნაწილს და ზედა ყბის პროთეზის გვერდითა ნაწილებს.

ჰიგიენის ნორმების დარღვევა, იწვევს პროთეზის დაბინძურებას და არასასიამოვნო სუნის გაჩენას პირის ღრუში.

მოსახსნელი პროთეზების ჩვეულებრივი, სტანდარტული მოვლის გარდა, შესაძლოა გამოიყენოთ სპეციალური დანიშნულების ჰიგიენური საშუალებები, რომლებიც გამოდის აბების და ფხვნილების სახით. საკმარისია ერთი ასეთი ტაბლეტი გაიხსნას წყალში და მიიღებთ კარგ სადეზინფექციო ხსნარს, რომელიც არა მარტო მოაშორებს საკვების ნარჩენებს, არამედ პიგმენტაციასაც.

მნიშვნელოვანია გვახსოვდეს, რომ მოსახსნელი და მოუხსნელი პროთეზების შემთხვევაში, აუცილებელია გამოივლოთ პირი ყოველი საჭმლის მიღების შემდგომ.

ძალიან მნიშვნელოვანია ჰიგიენის წესების დაცვა ყბა-კბილთა სისტემის ანომალიების მქონე ბავშვებში, განსაკუთრებით მათი გასწორების პერიოდში. მაგ.: როდესაც გიწევთ დიდი ხნით მოსახსნელი ფირფიტოვანი აპარატის ტარება. პირის ღრუში აპარატის მოთავსების თანავე, იზრდება ე.წ. რეტენციული უბნების რაოდენობა, ანუ ადგილების სადაც ჩერდება საკვები და თავს იყრიან მავნე ბაქტერიები. დამტკიცებულია, რომ ორთოდონტიული აპარატების მატარებელ ბავშვებს ეცვლებათ პირის ღრუს მიკროფლორა: ჩვეული მიკროორგანიზმების გარდა, ჩნდებიან პათოგენურებიც. მიკროორგანიზმების რაოდენობრივი და ხარისხობრივი ზრდა იწვევს ღრძილების პათოლოგიებს, შედეგად კი ვითარდება ანთებადი პროცესი.

სასურველია ვიცოდეთ, რომ ორთოდონტიული მკურნალობა, ძირითადად ტარდება ბავშვთა ასაკში, როდესაც ჯერ კიდევ გაუთვითცნობიერებულია, კბილების ხეხვის აუცილებლობა. ზუსტად ყბა-კბილთა სისტემის ანომალიების მქონე ბავშვებს, აღენიშნებათ კარიესის განვითარება, არა მარტო ტიპიური კარიესის ადგილებში, არამედ ორთოდონტიული აპარატის მიმდებარე ტერიტორიებზე.

აი რა მნიშვნელობა აქვს ბავშვებისათვის ჰიგიენის წესების შესწავლას. მისაღებ ფორმებში ახსნას, თუ რაოდენ მნიშვნელოვანია ეს მათთვის. ასევე დიდი როლი ეკისრებათ მშობლებს ბავშვების გაკონტროლებაში. აუცილებელია ბავშვს მივაჩვიოთ კბილების ყველა ზედაპირების დამუშავება და ყოველი საკვების შემდგომ პირის ღრუს გამოვლება. გამოვლება უნდა იყოს ენერგიული, რათა სითხემ შესძლოს ყველა უბანში შეღწევა და გამოსუფთავება. იგივე მისიით მოზრდილ ასაკში შესაძლებელიაა დენტალური ფლოსის და ჯაგრულების გამოყენება.

მოსახსნელი ორთოდონტიული აპარატები იწმინდება ჩვეულებრივ დღეში ორჯერ კბილების გახეხვასთან ერთად, დილით და საღამოს გარი კბილის ჯაგრისით და პასტით.

მკურნალობის პერიოდში, ექიმი ყურადღებას აქცევს პირის ღრუს ჰიგიენის მდგომარეობას და ზრუნავს კბილებისა და ღრძილების ჯანმთელობაზე.

Read Full Post »

ორთოპედიული სტომატოლოგია არის მეცნიერება კბილთა ფორმის, ფუნქციის, გარე იერსახის, კბილთა მწკრივის და ლამაზი ღიმილის აღდგენის შესახებ.

  • პროთეზირების ჩვენებებია:
    კბილთა ძლიერი დაშლა
    ფუნქციური და ესთეტიკური დარღვევა
    კბილთა ნაწილობრივი და მთლიანი დაკარგვა

“ნინო ბერიძის ორთოდონტიულ ცენტრში” შესაძლებელია ყველა თანამედროვე მოსახსნელი და მოუხსნელი კონსტრუქციების დამზადება უახლესი და მაღალი ხარისხის მასალებისგან. გამოცდილი ექიმი-ორთოპედი ყოველ კონკრეტულ შემთხვევაში გირჩევთ თქვენთვის სასურველ და შესაბამის კონსტრუქციას.

არსებობს მოსახსნელი და მოუხსნელი ორთოპედიული კონსტრუქციები.

მოუხსნელი პროთეზები ფიქსირდება კბილებზე დიდი ხნით, ეს ცალკეული გვირგვინები ან ხიდებია, რომლებსაც ექიმი ამაგრებს წინასწარ დაქლიბულ კბილებზე.
დაქლიბული კბილებით სიარულის თავიდან ასაცილებლად ჩვენ დაგიმზადებთ დროებით გვირგვინებს.

ლითონ-ფაიფური (მეტალო-კერამიკა) – სპეციალური სამედიცინო ლითონისაგან ისხმება კარკასი, და მასზე იდება ფაიფურის მასა. ასეთი გვირგვინი ვიზუალურად სრულიად შეუმჩნეველია და არ განსხვავდება ბუნებრივი კბილისგან, არ იცვლის ფერს და არა ალერგიულია. მაღალი ესთეტიკურობიდან და გამძლეობიდან გამომდინარე, ლითონ-ფაიფურის (მეტალო-კერამიკის) გვირგვინებს პირველი ადგილი უკავიათ პირის ღრუს მოუხსნელ კონსტრუქციებში.

ლითონ-ფაიფურის გვირგვინები გამოიყენება, როგორც ცალკეულ კბილებზე, ასევე ხიდის სახით. შესაძლებელია ლითონ-ფაიფურის გვირგვინების ძვირფას ლითონებზე დამზადება. ასეთია, მაგალითად, პლატინა-ოქროს შენადნობები. ასეთი კბილები გამოირჩევა არა მარტო ფასით, არამედ ესთეტიკურობითაც. ფაიფურის შიგნით მყოფი ოქრო კბილს ცოცხალ ელფერს ჰმატებს. მხოლოდ კეთილშობილ შენადნობს შეუძლია ასე მჭიდროდ მიკრობა ღრძილთან და დაქლიბულ კბილთან, რაც სრულიად გამორიცხავს ცემენტის გამორეცხვას ან მეორად კარიესს. ოქრო თითქმის არ იძლევა ალერგიას. რა თქმა უნდა, ისინი არ არის იაფი, მაგრამ დაგვერწმუნეთ, ეს ღირებული შენაძენია.

ულითონო ფაიფური მისი დახმარებითაც ჩვენ ყოველთვის შეგვიძლია ესთეტიკური პრობლემების გადაჭრა. ულითონო კონსტრუქციები სრულდება განსაკუთრებულად გამძლე სპეციალური ფაიფურისაგან, ლითონის კარკასის გარეშე, რაც დასრულებელი კონსტრუქციის ესთეტიკურ მხარეს ერთი-ორად ამაღლებს. ასეთი ფაიფურისგან შეიძლება დავამზადოთ გვირგვინები (კბილი იქლიბება მთლიანად), ვინირები(იქლიბება კბილის მხოლოდ წინა მხარე), ეგრეთ წოდებული კერამიკული ჩანართები (ინლეი და ონლეი ტექნოლოგიით), იმ შემთხვევებში, თუ აუცილებელია კბილის მინიმალური ინვაზიით ძველი და დიდი ბჟენის გამოცვლა. თქვენი კბილები ბუნებრივად თუ მუქი ფერია, ძველმა ბჟენებმა ფერი იცვალა, გაქვთ ბზარები და უბრალოდ არ მოგწონთ თქვენი კბილები, რომლებითაც დედაბუნებამ დაგაჯილდოვათ, ჩვენი ექიმი ყოველთვის შემოგთავაზებთ ულითონო ფაიფურს. დანარჩენი თქვენს ხელთაა. თუ ზუსტად შეასრულებთ ექიმის ყველა დანიშნულებას კბილების მოვლასთან დაკავშირებით, თქვენს ლამაზ ღიმილს აღარაფერი დაემუქრება. ამასთანავე, ფაიფური ეს ერთ-ერთი იმ ნივთიერებათაგანია, რომელზეც ალერგია არ ვრცელდება.

მოსახსნელი პროთეზები არსებობს მთლიანი და ნაწილობრივი, ფირფიტოვანი და ბიგელისებური.

კბილის პროთეზები მზადდება სპეციალური სტომატოლოგიური აკრილის პლასტმასისაგან, მას შეუძლია დიდი ხნით შეინარჩუნოს ფორმა, ფერი და სიმტკიცე.

მოსახსნელი პროთეზები შეიძლება ფიქსირდებოდეს კლამერების და საკეტების (ატაჩმენების) საშუალებით.

კლამერი წარმოადგენს ლითონის ან პლასტმასის კავს, რომელიც მოდებულია საყრდენ კბილზე და აფიქსირებს პროთეზს.

მოსახსნელი კონსტრუქციის ატაჩმენი ორი ნაწილისაგან შედგება, აქედან ერთი ფიქსირდება პროთეზზე, მეორე კი საყრდენ კბილზე. ფიქსაციის ასეთი ვარიანტი ძალიან საიმედოა და ესთეტიურია. მოსახსნელი ორთოპედიული აპარატების მოსავლელად უამრავი საშუალებები არსებობს, რომელთა შესახებ თქვენ ექიმი-ორთოპედი გაგაცნობთ.

ბიგელისებური პროთეზირება (გერმანული სიტყვიდან “Bugel” რაც ქართულად რკალს ნიშნავს) გამოიყენება კბილების საგრძნობი დანაკარგისას და ე.წ. ბოლო საყრდენი კბილების არ ქონის შემთხვევაში. საშუალებას იძლევა გადავანაწილოთ საღეჭი ძალა ღრძილსა და საყრდენ კბილებზე. ეს მოსახსნელი პროთეზის ნაირსახეობა შეიძლება შესრულდეს ცალკეც და ლითონ-ფაიფურის კონსტრუქციასთან ერთადაც. ბიგელისებური პროთეზი შედგება პლასტმასის კბილებისა და ხელოვნური ღრძილისაგან და ლითონის კარკასისაგან. მაგრდება ეს პროთეზი დარჩენილ კბილებზე კლამერების, ან ატაჩმენების დახმარებით. ამ უკანასკნელ შემთხვევაში დარჩენილ ბოლო კბილებზე აუცილებლად უნდა გაკეთდეს გვირგვინები.

კლამერები შეიძლება ფართო ღიმილის შემთხვევაში გამოჩნდეს, რასაც ვერ ვიტყვით ატაჩმენებზე, ისინი მთლიანად გვირგვინთ იფარებიან და არ ჩანან. პროთეზის ასეთი ფიქსაცია მყარი და საიმედოა, მათი პირის ღრუდან ამოვარდნა კი შეუძლებელი. ბიგილისებურ პროთეზთან შეგუება სხვა სახის მოსახსნელი პროთეზებიდან განსხვავებით უფრო სწრაფად ხდება. ღამით მათი მოხსნა არაა საჭირო, ვხეხავთ დღეში ორჯერ – დილით და საღამოს.

Read Full Post »