Feeds:
ჩანაწერები
კომენტარები

Posts Tagged ‘კბილები’

პრობლემა, რომელიც თითქმის ყველა ქალს აწუხებს – სხეულის ფორმის შენარჩუნება და ზედმეტი წონის არ არსებობა. ამისათვის ქალები მზად არიან იცხოვრონ მხოლოდ წყალზე, იკვებონ მხოლოდ ბალახით და დაცემამდე ივარჯიშონ ტრენაჟორებზე.  თუმცა იდეალური ფიგურა და ჯანმრთელობა ერთმანეთს ყოველთვის ვერ ემთხვევა. ყველანაირ და ყველა სახის დიეტებზე ყოფნამ შესაძლოა ზიანი მოუტანოს თქვენს კბილებს.

საკვების შემადგენლობა და მისი მრავალფეროვნება განსაზღვრავს ჩვენს ჯანმრთელობას. როგორც ძველი ანდაზა ამბობს ადამიანი არის ის რითიც ის იკვებებაო. ე.წ. “ფასტფუდი” აუცილებლად მიგვიყვანს ან გასტროენტეროლგთან ან კარდიოლოგთან, ხოლო ტკბილის შესახებ ბავშვობიდან ყველამ და ყველაფერი კარგად ვიცით.

ჩვენი ორგანიზმი განიცდის მინერალების და ვიტამინების ყოველდღიურ მოთხოვნას. კვების რაციონის შემცირებით ქალები ამცირებენ საკვებით მიღებული ვიტამინების და მინერალების რაოდენობას. შედეგად ბევრი დიეტა ახდენს უარყოფით ზემოქმედებას ორგანიზმის მდგომარეობაზე, მათ შორის კბილების და ღრძილების ჯანმრთელობაზე.

დიეტის დაწყების წინ აუცილებელია გაიაროთ არა მხოლოდ დიეტოლოგის არამედ სტომატოლოგის კონსულტაციაც. მათი რეკომენდაციები დაგეხმარებათ დაბალანსებული დიეტის შედგენაში, რაც არ გამოიწვევს საჭირო მინერალების დაკარგვას და უარყოფითადაც არ იმოქმედებს თქვენს ჯანმრთელობაზე.

თუკი დიეტა აუცილებელია, მაშინ უნდა გამორიცხოთ საკუთარი რაციონიდან ტკბილი და ცომეული, ცხიმიანი და კალორიული საკვები, რომლებიც წარმოადგენენ ზედმეტი კილოგრამების “იმპორტიორებს” და იწვევენ კბილების დაზიანებას.

მათ ვინც უკვე იმყოფება დიეტაზე, ვურჩევთ დიდი რაოდენობით ნატურალურ ახლად გაწურულ წვენებს, აგრეთვე უცხიმო ხაჭოს და ყველს. წვენები ხელს უწყობენ ცხიმების დაწვას და ასუფთავებენ ორგანიზმს ტოქსინებისგან, ისინი შეიცავენ დიდი რაოდენობით ვიტამინებს. ხოლო ხაჭო და ყველა მდიდარია კალციუმით რაც ასე აუცილებელია ჩვენი კბილების, თმების და ფრჩხილებისათვის.

ამერიკის ზოგადი სტომატოლოგიის აკადემიის რჩევით სწორი კვებისათვის მოწოდებულია: მცირე დოზებით შაქრის შემცველი და ცხიმიანი პროდუქტების (რაც ასევე ითვალისწინებს საკვების მომზადების მეთოდებს) და პირიქით დიდი რაოდენიბით კალცით (დაბალი ცხიმიანობის რძის პროდუქტები), რკინით (თევზი, ხორცი), ბოსტნეულით მდიდარი საკვების მიღება.

ჩვენი რჩევაა – დიეტის მავნე ზეგალენის თავიდან ასაცილებლად ჩაიტაროთ სტომატოლოგის კონსულტაციები.

Advertisements

Read Full Post »

სტომატოლოგებს და ექიმ-სპეციალისტებს შეუძლიათ თამამად გამოტოვონ ეს ბლოგი, რადგან ახალს ვერაფერს ვერ გაიგებენ 🙂

მოდით გავიგოთ, თუ, როგორ არის მოწყობილი ჩვენი კბილები და აგებულების რა თავისებურებები მოქმედებენ ზოგიერთი სტომატოლოგიური დაავადების განვითარებაზე. სპეციალურად თქვენთვის მოვამზადე შემდეგი სურათები:

მათი საშუალებით, თქვენ მიიღებთ გარკვეულ წარმოდგენას თუ როგორ არის მოწყობილი კბილები. დიდი იმედი მაქვს, რომ აღნიშნული სტატია გამოგადგებათ სტომატოლოგთან ურთიერთობაში და დაავადებების განვითარების და მკურნალობის არსის გაგებაში.

მაშ დავიწყოთ!

ალათ ყველამ იცის, რომ ზრდასრულ ადამიანს 32 კბილი აქვს, სარძევე კბილბის რაოდენობა კი 20-ია. მიუხედავად საკმაოდ შესამჩნევი  განსხვავებისა ზომასა და ფორმაში ყველა ჩვენი კბილი (როგორც მუდმივი ასევე სარძევე) აგებულია თითქმის ერთნაირად და შედგება 2 შესამჩნევი ნაწილისაგან:

კბილის ნაწილს, რომელიც ჩანს პირის ღრუში ეწოდება გვირგვინი ან გვირგვინოვანი ნაწილი. მისი დანიშნულებაა – მყარი და მაგარი საყრდენის შექმნა საკვები დასაქუცმაცებლად, ამიტომ ყველა კბილის გვირგვინი დაფარულია მინანქრით (ემალი).

მინანქარი ადამიანის ორგანიზმის ყველაზე მაგარი ქსოვილია, იგი ძვლოვან ქსოვილზეც საკმაოდ მაგარია. იაპონური კატანის (სამურაის ხმალი) პირი ბლაგვდება კბილის მინანქარზე დარტყმით, ხოლო ალმასის ინსტრუმენტები საჭიროებს გამოცვლას კბილზე მუშაობის შემდეგ.

კბილის მინანქარი თითქმის არ შეიცავს ორგანულ ნივთიერებებს (2% ნაკლებს) და არ შეიცავს უჯრედებს. აგრეთვე მინანქარში არ არის ნერვული დაბოლოებები, იგი არ რეაგირებს გარეგან გამღიზიანებლებზე. ამიტომ კარიესის საწყის სტადიებზე, როდესაც მხოლოდ კბილის მინანქარი ზიანდება პაციენტს აწუხებს მხოლოდ მცირე ზომის ხვრელის არსებობა და საკვების ჩარჩენა (ზოგს ისიც არ აწუხებს).

კბილის მინანქრის წარმომქმნელ უჯრედებს ეწოდებათ ენამელობლასტები (ამელობლასტები). ისინი არიან მხოლოდ კბილის ჩანასახში, ხოლო კბილის ამოჭრის შემდეგ ქრებიან ჩანასახის გარსთან ერთად. ამიტომ კბილის მინანქარს არ შესწევს თვით რეგენერაციის უნარი.

საჭრელებისა და ეშვების ზედაპირზე მინანქარი წარმოქმნის საჭრელ კიდეს, ხოლო საღეჭი კბილების გვირგვინზე – ბორცვებს და ფისურებს:

ასეთი სახით იქმნება ზედაპირი საკვების დასაქუცმაცებლად. კბილის დაბჟენი და რესტავრაციის დროს სტომატოლოგმა უნდა აღადგინოს დაზიანებული ბორცვები და ფისურები – ეს აუცილებელია კბილების და ყბა-კბილთა სისტემის ნორმალური ფუნქციონირებისათვის. ჩვენი კბილები, რომ ყოფილიყო ბრტყელი და არ ქონოდა ბორცვები გაცილებით მეტი დრო დაგვჭირდებოდა საკვების დასაღეჭად.

უნდა ავღნიშნოთ, რომ მინანქრის სისქე ფისურების არეში საკმაოდ თხელია ვიდრე ბორცვებში. ამასთან ფისურები ძალზედ ძნელად განიცდიან თვითწმენდას, ამიტომ წესიერი ჰიგიენის და პროფილაქტიკის გარეშე ადვილად ზიანდებიან კარიესით, რომელიც ადვილად სცდება კბილის მინანქარს და გადადის დენტინის კარიესში.

კბილის ნაწილს, რომელიც მდებარეობს ღრძილში (ალვეოლაში) ეწოდება ფესვი. კბილის ფესვი დაფარულია დუღაბით, თითქმის ისეთივე მაგარი ნივთიერებით, როგორიც მინანქარია. თუმცა დუღაბი შეიცავს უფრო მეტ ორგანულ ნივთიერებებს, იგი ნაკლებად მყარია ამიტომ მარტივად ზიანდება გარეგანი ზემოქმედებით – ხშირად ვხვდებით ფესვის კარიესს და სოლისებრ დეფექტებს, როდესაც ფესვი გაშიშვლებულია, მაგალითად ღრძილის რეცესიის ან პაროდონტიტის დროს და ა.შ.

დუღაბს უერთდება პაროდონტის ბოჭკოები, რომლებიც იჭერს კბილს ალვეოლაში.  ისინი განსაკუთრებით გამოხატულია კბილის ყელის მიდამოში. იქ მდებარეობს კბილის ირგვლივი იოგი – სწორედ მისი აშრევება ხდება კბილის ამოღების წინ, რათა კბილი ამოვიდეს ზედმეტი ზეწოლის გარეშე და არ გამოიყოლოს გარშემომყოფი ქსოვილები.

კბილის ფესვების რაოდენობა და ფორმა შესაძლოა ვარირებდეს ფართო მაშტაბებში. საჭრელებს და ეშვებს როგორც წესი აქვთ თითო ფესვი, ზედა პატარა საღეჭებს (პრემოლარებს) – ერთი-ორი, ქვედა პრემოლარებს – თითო, ზედა დიდ საღეჭებს (მოლარებს) – სამი, ქვედა მოლარებს –  ორი. მაგრამ ეს წესი მკაცრად დაცული არაა.

1. საჭრელები 2. ეშვები 3. პატარა საღეჭები (პრემოლარები) 4. დიდი საღეჭები (მოლარები)

ფესვების ფორმა ხშირად დამოკიდებულია იმ პირობებზე სადაც კბილი გაიზარდა, რადგან მათი ფორმირება ხდება ყბების ზრდასთან და კბილების ამოჭრასთან ერთად. აი წარმოუდგენელი ფორმის ფესვები:

მოდით გავხერხოთ კბილი შუაზე და ვნახოთ მისი შიგნით რა ხდება:

სურათზე კარგად ჩანს მინანქრის სისქე ბორცვების და ფისურების არეში.

ემალის ქვეშ მდებარეობს დენტინი, იგი წარმოადგენს კბილის ძირითად მასას და მოცულობას. დენტინი ნაკლებად მყარია, ვიდრე მინანქარი და დუღაბი, შეიცავს რა მეტი რაოდენობით ორგანულ ნივთიერებებს. ამასთან ერთად დენტინი წარმოადგენს ფოროვან სტრუქტურას გრძელი სწორი არხებით, რომლებშიც მდებაორებს ოდონტობლასტების მორჩები.

თავად უჯრედი-ოდონტობლასტები მდებარეობენ პულპური ღრუს კედლებზე, ხოლო მათი მორჩები გადიან რა დენტინის მილაკებში მთავრდებიან მინანქარ-დენტინის საზღვარზე.

მინანქარ-დენტინის საზღვარი – ძალიან მგრძნობიარე ზონაა. როგორც კი კარიესული პროცესი უახლოვდება ამ არეს, პაციენტს ეწყება უსიამოვნო შეგრძნებები. გამუდმებული გაღიზიანებების შედეგად ოდონტობლასტების მორჩები კვდება, დენტინის მილაკები ივსება საკვების ნარჩენებით და ბაქტერიებით, ამიტომ გარკვეული დროით კბილის წუხილი ქრება, მიუხედავად იმისა რომ კარიესი აგრძელებს განვითარებას.

აღსანიშნავია ის ფაქტი, რომ დენტინის კარიესი ვითარდება უფრო სწრაფად და მოიცავს უფრო დიდ მაშტაბებს ვიდრე მინანქრის. ამიტომ არის რომ მინანქარში მცირე ზომის კარიესული ღრუ დენტინის შემთხვევაში დიდი ზომის დეფექტის სახით გვევლინება.

ამით აიხსნება ის ფაქტი, თუ რატომ “ბურღავს” კბილს სტომატოლოგი ერთი შეხედვით მცირე ზომის დეფექტის დროსაც.

კბილის შიგნით მდებარეობს პულპური ღრუ, რომელშიც მდებარეობს პულპა – შემაერთებელი ქსოვილის განსაკუთრებული სახე. პულპა თავის შემადგენლობაში შეიცავს სისხლძარღვებს და ნერვებს, ამიტომ ძალიან მგრძნობიარეა – ხალხში მას “ნერვს” ეძახიან. ნერვ-სისხლძარღვოვანი კონის გარდა, პულპის შემადგენლობაში შედიან შემაერთებელი ქსოვილისათვის დამახასიათებელი ტიპიური უჯრედები და სტრუქტურები (ფიბროციტები, ფიბრობლასტები, კოლაგენური ბოჭკოები და ა.შ.), აგრეთვე სპეციფიური უჯრედები – ოდონტობლასტები. ეს უკანასკნელები როგორც ავღნიშნე მდებარეობს პულპური ღრუს კამერის პერიფერიაზე, იღებენ რა აქტიურ მონაწილეობას დენტინის რეგენერაციაში. დიახ რომ რეგენერაციაში, მინანქრისგან და დუღაბისაგან განსხვავებით დენტინს შეუძლია რეგენერაცია. თუმცა ეს პროცესი არც თუ ისე  ჩვეულად მიმდინარეობს – გაჩენილი დაზიანების უბანი არ ხორცდება, მის მაგივრად პულპური ღრუს მხრიდან ხდეაბ ახალი დენტინის წარმოქმნა, რითაც ცდილობს დაზიანებულ უბანსა და ჯანმრთელ ქსოვილებს შორის მანძილის გაზრდას.

პულპური ღრუ გადადის ფესვის არხებში. არხების ფორმა და რაოდენობა კიდევ უფრო ვარიაბელურია ვიდრე ფესვების – ხშირია შემთხვევები, როდესაც ერთი არხი შეიცავს 2 ან 3 არხს. არხში გადის ნერვ-სისხლძარღვოვანი კონა, რომელიც კვებავს კბილის პულპას. იგი კბილიდან გამოდის ფესვის აპიკალური ხვრელით და უერთდება ქვედა ან ზედა ყბის ნერვ-სისხლძარღვოვან წნულებს.

როგორც ავღნიშნეთ კბილის ფესვი დაფარულია დუღაბის თხელი ფენით. იმის გამო, რომ დენტინ-დუღაბის საზღვარი ძალზედ ახლოს მდებარეობს ზედაპირთან, მისი გაშიშვლება ძალზედ მგრძნობიარეს ხდის კბილს.

თუკი გავაფერადებთ ჩვენს შუაზე გაჭრილ კბილს, მივიღებთ შემდეგ სურათს

მოდით განვიხილოთ თანმიმდევრობით:

– ნერვ-სისხლძარღვოვანი კონა, როგორც ავღნიშნეთ კვებავს და აინერვირებს კბილს. ზუსტად მას აშორებს სტომატოლოგი ანთების დროს.

– ღრძილი – ძალზედ მკვრივი ლორწოვანი გარსი. კბილთან წარმოქმნის კბილ- ღრძილოვან ღარს, რომელიც როგორც წესი ცუდად იწმინდება და სადაც გროვდება ნადები და მრავლდებიან ბაქტერიები.

– პერიოდონტალური იოგი, ამაზეც ვისაუბრეთ იჭერს კბილს კბილბუდეში.

მისი ძირითადი ფუნქცია – საღეჭი დატვირთვის ამორტიზაცია და თანაბარი გადანაწილება. რომ არ ყოფილიყო პერიოდონტალური იოგი, ღეჭვა დაემსგავსებოდა ქვა-ღორღიან გზაზე ამორტიზატორების და რესორების გარეშე ავტომობილით სიარულს.

აგრეთვე პერიოდონტალური იოგი შეიცავს რეცეპტორებს, რომლებიც არეგულირებენ საღეჭ ძალას უკუ კავშირის პრინციპით. ამიტომ, მიუხედავად იმისა, რომ ჩვენი საღეჭი კუნთები ანვითარებენ გიგანტურ ძალას (600კგ/კვ. სმ), ჩვენი კბილები მთელია.

– რამდენად გასაკვირიც არ უნდა იყოს კბილი მდებარეობს კბილბუდეში, რომელიც თავის მხრივ მდებარეობს ყბის ალვეოლურ მორჩზე და გარშემორტყმულია ძვლოვანი ქსოვილით. ამიტომ კბილის ამოღების შემდეგ ხანდახან რჩება ხოლმე ამოშვერილი ძვლის ფრაგმენტები, რომლებიც ფესვის ნარჩენებში ერევათ.

თითქმის ყველა ჩამოთვლილი სტრუქტურა ჩანს რენტგენოლოგიურ სურათზე

არ არის საჭირო კბილის ამოღება და შუაზე გაჭრა, რომ ვნახოთ თუ რა არის შიგნით – ამას ყველაფერს ნათლად ვხედავთ რენტგენოლოგიური კვლევებისას. ამიტომ ყველა სტომატოლოგმა, ყველა სტომატოლოგის პაციენტმა კეთილი სიტყვით მოვიხსენიოთ ვილჰელმ კონრად რენტგენი, რომელმაც 1895 წელს მოახდინა შესანიშნავი აღმოჩენა.

Read Full Post »

Read Full Post »


წარმოშობის მიხედვით კბილები გარქოვანებული ეპითელია. ზოგიერთ ცხოველს კბილების რაოდენობა რამოდენიმე ათასი აქვს. ასეთ შემთხვევაში კბილები არა მარტო საღეჭი დანიშნულებითაა, არამედ ნადავლის დასაჭერად და დასაფიქსირებლად. მაგალითად ზვიგენს კბილები არა მარტო პირის ღრუში აქვს, არამედ კანზეც. თევზებს და რეპტილიებს კბილები აქვთ კაუჭის ფორმის, ხოლო ჩიტებს და ზოგიერთ ძუძუმწოვარს (ჭიანჭველაჭამიას) კბილები საერთოდ არა აქვთ, თუმცა აქვთ ყბები და საღეჭი კუნთები. დაბალი საფეხურის ხერხემლიანებს კბილები ეცვლებათ მთელი ცხოვრების მანძილზე, მათგან განსხვავებით ძუძუმწოვრებს კბილები დიფერენცირებული აქვთ, დაკისრებული ფუნქციის მიხედვით. მაგ.: მღრღნელებს კარგად აქვთ განვითარებული საჭრელები, მტაცებლებს – ეშვები, მცენარეების მოყვარულებს – ძლიერი საღეჭები. ზოგიერთ ცხოველს კბილების ამოსვლა სქესის მეორად ნიშანთან უკავშირდება – მაგ.: ტახის და მორჟის (ლომვეშაპი) ეშვები. მამალი მორჟის ეშვმა შესაძლოა 80 სანტიმეტრსაც მიაღწიოს.

Read Full Post »

არის თუ არა რაიმე კავშირი, ადამიანის ტვინის მუშაობასა და კბილების რაოდენობას შორის? თურმე არსებობს. შვედმა მეცნიერებმა აღმოაჩინეს, რომ კბილებ ნაკლულ ადამიანს მეხსიერების პრობლემები ექმნება, მათ ავიწყდებათ თუ სად იყვნენ და რას აკეთებდნენ დროის კონკრეტულ მომენტში. თურმე კბილები არა მარტო საჭმლის დასაღეჭადაა აუცილებელი, არამედ თავის ტვინის ნორმალური ფუნქციონირების შესანარჩუნებლადა. ე.ი. კბილების არსებობა გონიერების ნიშანია????

Read Full Post »

კბილების არქონა ამცირებს სამსახურის მიღების შანსს. ამ სათაურით გამოაქვენა სტატია ბრიტანულმა ჟურნალმა HR Magazine. გამოცემას მაგალითად მოჰყავს ავტორიტეტული კვლევის შედეგები, სადაც დასტურდება კავშირი კბილების არსებობასა და კარიერულ წინსვლას შორის. ამ მონაცემების მიხედვით 357 ათასზე მეტი მოზრდილი ბრიტანელი  თავის წარუმატებლობებს სამსახურის მიღებაში ან სამსახურეობრივ წინსვლაზე უკავშირებს კბილების ნაკლებობას.

წარუმატებლობის მიზეზი, როგორც ასეთი იმალება არა კბილების ნაკლებობაში, არამედ საზოგადოების მიმართ სირცხვილის გრძნობაში. გამოკვლევების მიხედვით ამ უხერხულობას განიცდის ყოველი 12 მოზრდილი ბრიტანელი (ანუ 3,99 მილიონი ადამიანი). ამასთან 930 ათას ადამიანში უკბილობა იწვევს დეპრესიას.

კონკურენციის ზრდასთან ერთად, სამუშაოს მაძიებლები ცდილობენ გაიუმჯობესონ საკუთარი იერსახე, იმ იმედით, რომ ეს დაეხმარებათ სამსახურის მოპოვებაში. ევროპელების დაახლოებით 46% ვინც დაკარგა სამსახური 2009 წლის პირველ ნახევარში, მზად არიან გაიღონ ყველაფერი ამ მიმართულებით თავის მოსაწესრიგებლად. რათა დამქირავებლის წინაშე უფრო სიმპათიურად გამოიყურებოდნენ.

ექსპერტები თვლიან, რომ პრეზენტაბელური იერსახე და უნაკლო ღიმილი „ჩავარდნების გარეშე“, გახდის მაძიებელს თავდაჯერებულს და მოახდენს დადებით ეფექტს კადრების თანამშრომელზე. ეს აზრი რეალურია, რადგან გასაუბრებისას კადრების თანამშრომელი პირდაპირ სახეზე უყურებს მაძიებელს.

ამასთან ბრიტანელების პირის ღრუს მდგომარობის ამსახველი სტატისტიკური მონაცემები არ იწვევს ოპტიმიზმს (საქართველოზე საუბარიც არ ღირს). მინიმუმ ერთი კბილის ნაკლებობას განიცდის მოზრდილი ბრიტანელების 57%. ხოლო ყოველ მეხუთეს (19%) აკლია 5 ან მეტი კბილი.

აღსანიშნავია, რომ HR Magazine პირველად არ წერს ამ თემასთან დაკავშირებით, რასაც ვერ ვიტყვით ჩვენს მედია საშუალებებზე. შესაძლოა საქართველოს მოსახლეობისთვის ეს თემა არც თუ ისე აქტუალურია, მაგრამ მომავალში ამ საკითხთან დამოკიდებულება შეიცვლება. როდესაც კბილები გახდება ადამიანის (სპეციალისტის) მარკერი – როგორც ავტომობილი, საათი, ტანსაცმელი.

დირექტორის სავარძელის მორგებამდე, მოგიწევთ სტომატოლოგის სავარძლის მორგება.

ბრიტანული ჟურნალის მონაცემებით 10 დან 4 ხელმძღვანელი თვლის, რომ კბილებთან დაკავშირებული პრობლემები შესაძლოა გახდეს კანდიდატის დაწუნების მიზეზი.

ხელმძღვანელების 46% დარწმუნებულია, რომ მაღალ თანამდებობაზე მყოფ თანამშრომლებს კარგი კბილები უნდა ჰქონდეთ. ხელმძღვანელების 55% აღნიშნავს, რომ კარგი კბილები აუცილებელია ისეთი პროფესიის ადამიანებისათვის, როგორიცაა: ბუღალტერი, იურისტი და ექიმი. ხოლო 65% – თვლის, რომ ლამაზი ღიმილი და ჯანმრთელი კბილები აუცილებელია რეცეფშენის თანამშრომლებისათვის.

ხელმძღვანელების მესამედზე მეტი თვლის, რომ იერსახის მხოლოდ ამ ერთ დეფექტს შეუძლია თანამშრომლის ყველა დადებითი მხარე დაჩრდილოს. ხელმძღვანელების 85% კი თვლის, რომ სწორი კბილები და ლამაზი ღიმილი ძალზედ მნიშვნელოვანია მათთვის ვინც პირველად ესწრება თათბირსა თუ კონფერენციას.

ფინანსური კრიზისის მიუხედავად, ჩინეთის ესთეტიკური სტომატოლოგიის ბაზარი გადატვირთულია. შრომისუნარიანი ახალგაზრდა ჩინელების აზრით სწორი და თეთრი კბილები ერთი-ორად ზრდის სამუშაოს მოპოვების ალბათობას – იუწყება გაზეთი China Daily, სტომატოლოგიურ მომსახურებაზე გაზრდილი მოთხოვნილების შემდეგ.

აღნიშნული ტენდენციის მაგალითად, გამოცემას მოყავს შანხაის, მოდური ტანსაცმლის კომპანიის, გაყიდვების კომერციული დირექტორის სიტყვები. 31 წლის Wang Feifei კბილთა დგომის ანომალიის გამოსწორებაზე დახარჯა 10 ათასი იუანი (1500$). გოგონა 18 თვის განმავლობაში ატარებდა ბრეკეტებს, დღეისათვის იგი ძალზედ კმაყოფილია მიღწეული შედეგით. „ჩაიხედეთ ნებისმიერ მოდურ ჟურნალში და თქვენ ნახავთ, თუ როგორი კბილები აქვთ მოდელებს და ცნობილ ადამიანებს. ეს ფაქტი დამეხმარა ინდუსტრიის მთავარი წესის გაგებაში“. – ციტატა დირექტორის სიტყვებიდან.

ადამიანური რესურსების მართვის, ადგილობრივი სპეციალისტების აზრით სასიამოვნო იერსახის მქონე კანდიდატს უფრო მეტი შანსი აქვს სამსახურის შოვნის, ვიდრე მის კონკურენტებს. კომუნიკაციის, ყიდვა-გაყიდვის და მარკეტინგის ბიზნესში კარიერის დაწყების მსურველთათვის ლამაზი ღიმილის ქონას დიდი როლი ენიჭება.

ამასთან დაკავშირებით საინტერესო იქნებოდა საქართველოს პირობებში დამსაქმებლებისათვის ლამაზი ღიმილი თუ წარმოადგენს რაიმე ღირებულებას?

კიდევ ერთი საინტერესო ფაქტი დაფიქსირდა იაპონიაში სადაც 36 წლის ქალბატონმა უჩივლა მოდურ ბრენდს, იმ მიზეზით, რომ თითქოსდა გაანთავისუფლეს სამსახურიდან არასაკმარისი მიმზიდველობის და სილამაზის გამო. ეს დისკრიმინაციის პირველი შემთხვევა არ არის, როდესაც აღნიშნული კომპანიის დირექცია ათავისუფლებს თანამშრომელს ფიზიკურ მონაცემებზე დაყრდნობით. მოდური ტანსაცმლის მწარმოებელმა იგივე კომპანიამ გაათავისუფლა მაღაზიის მენეჯერი ცუდი კბილების ქონის და გამო.

Read Full Post »