Feeds:
ჩანაწერები
კომენტარები

Posts Tagged ‘კარიესი’

სტატია დაწერილია ამერიკელი სტომატოლოგის მიერ:

დღეს უკვე როდესაც პენსიაზე ვარ, შემიძლია გადავხედო ჩემს განვლილ ცხოვრებას და გავიცინო – ან ვთქვა ყველაფერი რასაც ვფიქრობ: მე სტომატოლოგი ვარ, რომელსაც სინამდვილეში არ მოსწონდა საკუთარი სამუშაო. რამოდენიმე თვის წინ შემხვდა სტატია „10 მიზეზი, თუ რატომ ვერ ვიტან სტომატოლოგს“, რამაც შთამაგონა დამეწერა შემდეგი სტატია:

  1.  სავარძელისავარძელში ჩაჯდომისას თქვენ ამბობთ: „ვერ ვიტან სტომატოლოგებს“. ნუთუ? როგორც ჩანს თქვენმა მშობლებმა არ გასწავლეს წესიერი ქცევის მანერები. არ იცით, რომ უზრდელობა ადამიანს შეხვედრისას უთხრათ, რომ თქვენ მას ვერ იტანთ. პასუხად მეც მინდა გითხრათ: „მეც ვერ გიტანთ“.
  2. თქვენ მოდიხართ ვიზიტზე და ისეთი შეგრძნებაა თითქოს 1 კვირაა კბილები არ გაგიხეხიათ. მე მყოლია პაციენტები, რომლებიც მოდიოდნენ სუფთა კბილებით, მაგრამ ამასთან ბოდიშს იხდიდნენ, რომ წახემსების შემდეგ ვერ მოახერხეს კბილების გამოხეხვა. ეს მისაღებია. მაგრამ თუკი თქვენ მოდიხართ პირის ღრუში ნადებით 1 კვირიანი დაძველებით…. მიუხედავად იმისა, რომ ამდენი წელი უყურე სისხლს, ჩირქს და „დამპალ“ კბილებს, ეს პირველია რასაც წყობილებიდან გამოვყავარ. ხომ იცით, რომ ვიზიტის დროს ექიმი დაათვალიერებს თქვენს პირის ღრუს. სახლს არ ალაგებთ სტუმრების მოსვლის წინ? თქვენი კბილების მკურნალობისთვის რამოდენიმე საათი გადგევართ თავზე წელში მოხრილი. კეთილი ინებეთ და თავი მაინც მომაჩვენეთ, რომ თქვენთვის სულერთი არ არის ჩემს მიერ შესრულებული სამუშაო და თქვენ ცოტათი მაინც ზრუნავთ თქვენს კბილებზე.
  3. პირის ღრუს ჰიგიენამე დავხარჯე რამოდენიმე საათი თქვენი კბილის მკურნალობაზე, თქვენ კი ფასის გამო იწყებთ წუწუნს. თქვენ ხომ იხდით ფულს, როდესაც გამოდიხართ მაღაზიიდან პროდუქტებით სავსე პარკებით. მე გეხმარებით რათა გაიღიმოთ და შეძლოთ მიირთვათ საკვები. ეს კი დამეთანხმეთ 2 უმნიშვნელოვანესი რამ არის თქვენს ცხოვრებაში.
  4. მე გეუბნებით, რომ კარიესი გაქვთ და უნდა დაიბჟინოთ კბილი, თქვენ კი გადადეთ ვიზიტი თვეები ან წლები. შედეგად კბილი იწყებს ტკივილს. 2-3 კვირიანი ტანჯვის შემდეგ მირეკავთ შაბათს საღამოს, როდესაც მე მეგობრებთან ერთად ვარ და ვისვენებ. მეუბნებით, რომ გტკივათ კბილი, რომელიც უნდა დაგებჟინათ ჯერ კიდევ 1 წლის წინ აგტკივდათ აგერ 2 კვირაა და საჭიროებს გადაუდებელ დახმარებას.
  5. თქვენ მოდიხართ ჩემთან ითხოვთ შველას და არ მაცდით, რომ ნორმალურად ვიმუშაო. იგრიხებით და იმანჭებით, მაშინ, როდესაც საერთოდ არ არის მტკივნეული. როდესაც გტკენთ მეც ვნერვიულობ. თუკი გტკივათ მითხარით და ყველაფერს გავაკეთებ, რომ აღარ გეტკინოთ. მაგრამ, თუკი თქვენი საქციელი გამოწვეულია სამკურნალო პროცესის სიძულვილით თქვენ მხოლოდ ხელს შეუშლით ამ პროცესს. თუკი თქვენ ატრიალებთ ენას გაუჩერებლად, არ აღებთ პირს წესიერად მე ვერ შევძლებთ ჩემი სამუშაოს შესრულებას. ამის მაგივრად დამეხმარეთ, რომ გავაკეთო ყველაფერი რაც შემიძლია.
  6. ფულითქვენ მირეკავთ და მეუბნებით, რომ: „კბილი, რომელიც მე თქვენ გიმკურნალეთ გტკივათ“. თქვენ ჩემთან მოხვედით კარიესული კბილით. მე კარიესი არ გამიჩენია. თქვენ თავად ხართ ამაში დამნაშავე. მე მხოლოდ ვბჟენ კბილს. ამისათვის მე უნდა გამოვიყენო პატარა ბორი, მოვაშორო კბილიდან დაშლილი ქსოვილები. თუკი ავიღებდი ბორს, გაგიხვრეტდით ბარძაყის ძვალს და შემდგომ რაღაც მასალით ამოვავსებდი, როგორ ფიქრობთ არ გეტკინებოდათ? იგივეა კბილიც.
  7. როდესაც საჭიროა რენტგენის გადაღება იწყებთ  სენსორის კბეჩას. სურათი საჭიროა, რათა დადგინდეს რა ხდება თქვენს კბილში. ვიცი, რომ რიგ შემთხვევებში ადამიანებს მართლაც არ შეუძლიათ ამის გაკეთება, მაგრამ უმეტესობას ხომ შეუძია 15 წამის განმავლობაში იჯდეს მშვიდად. მეც გადამიღია რენტგენი, ვიცი რომ უსიამოვნო პროცესია, მაგრამ უბრალოდ უნდა მოითმინოთ.
  8. თქვენ მეუბნებით, რომ მე შევიძინე ავტომობილი გაკეთებული გვირგვინის ხარჯზე. მაგრამ თქვენ არ გიყიდიათ ჩემთვის მანქანა. მე დავხარჯე ასობით ათასი დოლარი ჩემს განათლებაზე, დავხარჯე რამოდენიმე საათი რათა გამეკეთებინა თქვენთვის გვირგვინი, იქნებ თქვენ გადაიხადეთ ჩემი სწავლის საფასური? მაგრამ თქვენ ნამდვილად არ გიყიდიათ ჩემთვის მანქანა.
  9. ღიმილითქვენ არ მოდიხართ ან აუქმებთ ვიზიტს ბოლო წუთს. ვიცი, რომ ცხოვრებაში ყველაფერი ხდება, მაგრამ თუკი თქვენ გააცდინეთ ვიზიტი იმიტომ, რომ ჩაწერილი ხართ სილამაზის სალონში ეს უბრალოდ ჩემდამი უპატივისცემლობაა. არა მხოლოდ მე ვკარგავ 2 საათს, არამედ იტანჯება ის ადამიანიც, რომელსაც უარი უთხარი თქვენს გამო. აქვე დავამატებ, რომ თქვენი დაგვიანების შემთხვევაში, მე მიწევს დაგვიანება ყველა შემდგომ პაციენტთან.
  10. მე გესაუბრებით კბილების ბუნებრივ ცვეთაზე, თქვენ კი უარყოფთ. გეგონება დანაშაულში გამოგიჭირეთ. კბილების ცვეთა ეს ნორმალური პროცესია. მე მხოლოდ მიგითითეთ მასზე და გირჩევთ რა უნდა გაკეთდეს მომავლაში უფრო სერიოზული პრობლემების თავიდან ასაცილებლად.

და ბონუსად №11. თქვენ მიცხადებთ, რომ ჩემს მიერ დასმული დიაგნოზი – არასწორია. თუკი ასეთ ჭკვიანი ხართ, რატომ მოხვედით? თავად დაიბჟინეთ საკუთარი კბილები და ჩაისვით გვირგვინები.

და თუკი თქვენ ვერ ამოიცანით საკუთარი თავი ზემოთ ჩამოთვლილ სიტუაციებში, თქვენ მოსწონხართ თქვენს სტომატოლოგს. შესაძლოა თქვენ მისთვის სინათლის სხივი ხართ მთელი სამუშაო დღის მანძილზე.

Advertisements

Read Full Post »

პრობლემა, რომელიც თითქმის ყველა ქალს აწუხებს – სხეულის ფორმის შენარჩუნება და ზედმეტი წონის არ არსებობა. ამისათვის ქალები მზად არიან იცხოვრონ მხოლოდ წყალზე, იკვებონ მხოლოდ ბალახით და დაცემამდე ივარჯიშონ ტრენაჟორებზე.  თუმცა იდეალური ფიგურა და ჯანმრთელობა ერთმანეთს ყოველთვის ვერ ემთხვევა. ყველანაირ და ყველა სახის დიეტებზე ყოფნამ შესაძლოა ზიანი მოუტანოს თქვენს კბილებს.

საკვების შემადგენლობა და მისი მრავალფეროვნება განსაზღვრავს ჩვენს ჯანმრთელობას. როგორც ძველი ანდაზა ამბობს ადამიანი არის ის რითიც ის იკვებებაო. ე.წ. “ფასტფუდი” აუცილებლად მიგვიყვანს ან გასტროენტეროლგთან ან კარდიოლოგთან, ხოლო ტკბილის შესახებ ბავშვობიდან ყველამ და ყველაფერი კარგად ვიცით.

ჩვენი ორგანიზმი განიცდის მინერალების და ვიტამინების ყოველდღიურ მოთხოვნას. კვების რაციონის შემცირებით ქალები ამცირებენ საკვებით მიღებული ვიტამინების და მინერალების რაოდენობას. შედეგად ბევრი დიეტა ახდენს უარყოფით ზემოქმედებას ორგანიზმის მდგომარეობაზე, მათ შორის კბილების და ღრძილების ჯანმრთელობაზე.

დიეტის დაწყების წინ აუცილებელია გაიაროთ არა მხოლოდ დიეტოლოგის არამედ სტომატოლოგის კონსულტაციაც. მათი რეკომენდაციები დაგეხმარებათ დაბალანსებული დიეტის შედგენაში, რაც არ გამოიწვევს საჭირო მინერალების დაკარგვას და უარყოფითადაც არ იმოქმედებს თქვენს ჯანმრთელობაზე.

თუკი დიეტა აუცილებელია, მაშინ უნდა გამორიცხოთ საკუთარი რაციონიდან ტკბილი და ცომეული, ცხიმიანი და კალორიული საკვები, რომლებიც წარმოადგენენ ზედმეტი კილოგრამების “იმპორტიორებს” და იწვევენ კბილების დაზიანებას.

მათ ვინც უკვე იმყოფება დიეტაზე, ვურჩევთ დიდი რაოდენობით ნატურალურ ახლად გაწურულ წვენებს, აგრეთვე უცხიმო ხაჭოს და ყველს. წვენები ხელს უწყობენ ცხიმების დაწვას და ასუფთავებენ ორგანიზმს ტოქსინებისგან, ისინი შეიცავენ დიდი რაოდენობით ვიტამინებს. ხოლო ხაჭო და ყველა მდიდარია კალციუმით რაც ასე აუცილებელია ჩვენი კბილების, თმების და ფრჩხილებისათვის.

ამერიკის ზოგადი სტომატოლოგიის აკადემიის რჩევით სწორი კვებისათვის მოწოდებულია: მცირე დოზებით შაქრის შემცველი და ცხიმიანი პროდუქტების (რაც ასევე ითვალისწინებს საკვების მომზადების მეთოდებს) და პირიქით დიდი რაოდენიბით კალცით (დაბალი ცხიმიანობის რძის პროდუქტები), რკინით (თევზი, ხორცი), ბოსტნეულით მდიდარი საკვების მიღება.

ჩვენი რჩევაა – დიეტის მავნე ზეგალენის თავიდან ასაცილებლად ჩაიტაროთ სტომატოლოგის კონსულტაციები.

Read Full Post »

ამბობენ, რომ სტომატოლოგები ყაჩაღები არიან, ატყავებენ საწყალ პაციენტებს. იმასაც ამბობენ, რომ ბჟენის თვითღირებულებას ახუთმაგებენ და აათმაგებენ.

ამას წინათ შემოვიდა პაციენტი, რომელმაც ვერაფრით ვერ გაიგო, თუ რატომ უნდა გადაიხადოს *** ლარის ღირებულების იმპლანტის ჩანერგვაში  სამმაგი ან ოთხმაგი ფასი.

სამწუხაროდ ამგვარი შეკითხვები ხშირია. მაგრამ არსებობს ერთი უნივერსალური პასუხი.

სტომატოლოგი – არ ყიდის ბჟენს, გვირგვინებს და იმპლანტებს. პაციენტი ყიდულობს არა საბჟენი მასალის ნაწილს, არც 200 გრამ ფაიფურს ან ლითონს და არც იმპლანტს – იგი ყიდულობს სამედიცინო მომსახურებას, რომლის ფასიც განისაზღვრება ყველაზე მარტივი ეკონომიური კანონებით – მოთხოვნისა და შეთავაზების თანაფარდობით.

მაგალითისთვის ავიღოთ რა ღირს რამოდენიმე ტუბი საღებავი და ტილო? კაპიკები! მაგრამ რა ეღირება ცნობილი მხატვრის ნამუშევარი, რომელიც ამ მასალებითაა შექმნილი? ხანდახან რამოდენიმე მილიონი დოლარი. მაგრამ რატომღაც არავინ არ ყიდის ნახატს საღებავებისა და ნაჭრის ნაგლეჯის ფასში.

სტომატოლოგიაში, მედიცინაში, კოსმეტოლოგიაში და სხვა ნებისმიერ მომსახურების სფეროში – იგივე სიტუაციაა.

დღეს მინდოდა მეჩვენებინა, თუ როგორ უნდა გამოიყურებოდეს თანამედროვე ბჟენი. უნდა იცოდეთ, რომ ეს უბრალოდ ამოვსებული ღრუ არააა.

პირველი კბილის საწყის ეტაპზე ასე გამოიყურება:

სახეზე გვაქვს დენტინის კარიესი. თუ კარგად დააკვირდებით მე-7 კბილის გვერდით (მარჯვენა ქვედა კუთხეში) – მე-8 კბილის შეუხორცებელი ჭრილობაა, ამიტომ მკურნალობა უნდა ჩატარდეს მაქსიმალური სიფრთხილით, რათა ჭრილობაში არაფერი არ მოხვდეს.

კოფერდამით ხდება სამუშაო ზედაპირის იზოლაცია გარშემო ქსოვილებისგან.

ხშირად პაციენტები კითხულობენ: “ამხელაზე, რატომ გამიბურღა სტომატოლოგმა კბილი? სულ ციცქნაზე მქონდა გაფუჭებული?!”

საქმე იმაშია, რომ შედარებით რბილ დენტინში კარიესი ვრცელდება უფრო სწრაფად ვიდრე მინანქარში. ამიტომ მინანქარში ე.წ. “შემავალი” ნახვრეტი შესაძლოა იყოს პატარა, მაშინ, როდესაც დენტინის დაზიანება აღწევს გიგანტურ ზომებს. ხანდახან პულპამდეც (ნერვამდე) კი.

კარიესული ღრუ მუშავდება, შემდგომ კი იბჟინება. უნდა გვახსოვდეს, რომ იბჟინება არა ისე ჰაერზე, არამედ ფუნქციური და ესთეტიური მოთხოვნების გათვალისწინებით. ასეთი სამუშაოს საბოლოო რეზულტატი ასე გამოიყურება:

კბილის ფორმა მაქსიმალურად შეესაბამება ბუნებრივი კბილის საღეჭ ზედაპირს.

მეორე კბილი:

საღეჭ ზედაპირზე არსებული დაზიანების გარდა, კარიესი ასევე აღინიშნება საკონტაქტო ზედაპირზე.

კარიესული ღრუს საბოლოო დამუშავება და დაბჟენა ხდება კოფერდამის გამოყენებით.

საბოლოო შედეგი:

ასე გამოიყურება იდეალურად შესრულებული სამუშაო.

როგორც საღებავებით შესაძლოა დაწეროთ ღობეზე რაიმე სიტყვა, პლუს შეცდომებით, ასევე შესაძლებელია შექმნათ ხელოვნების ნიმუში.  ყველაფერი დამოკიდებულია თუ ვის ხელშია საღებავი და ფუნჯი.

Read Full Post »

პაციენტების უმრავლესობისთვის სტომატოლოგთან ვიზიტი არც თუ ისე სასიამოვნო პროცესია. ჯერ კიდევ ბავშვობიდან ბევრს აღნიშნული პროცედურა აკავშირებს ტკივილთან და ბორმანქანის ხმაურთან. საბედნიეროდ სამედიცინო ტექნოლოგიები ვითარდება და მათ შორის სტომატოლოგიაც. უკვე დღეისათვის შესაძლებელია კარიესის საწყისი ფორმების მკურნალობა კბილის მაგარ ქსოვილებზე აგრესიული ჩარევის გარეშე. რამოდენიმე წლის წინ გერმანელამ მეცნიერებმა შეიმუშავეს კარიესის მკურნალობის რევოლუციური ტექნოლოგია – კარიესული ქსოვილების ინფილტრაცია ICON მასალით. აღნიშნული მეთოდი საშუალებას იძლევა მინიმუმამდე დავიყვანოთ სტომატოლოგიურ კაბინეტთან დაკავშირებული უსიამოვნო შეგრძნებები, უმკურნალოთ კარიესს სწრაფად და  ხარისხიანად. 

დღეისათვის ყველა აქტიური და წარმატებული ადამიანი დიდ ყურადღებას უთმობს საკუთარ იმიჯს – უფრთხილდება ფიგურას, ვარცხნილობას, ჩაცმის სტილს და რა თქმა უნდა საკუთარი კბილების სითეთრეს და ჯანმრთელობას. კბილების ესთეტიკა პირდაპირაა დამოკიდებული მათ ჯანმრთელობაზე. კარიესის მკურნალობა საწყის ეტაპზე უფრო მარტივი და იაფია ვიდრე დაშლილი კბილის აღდგენა. პატარა წერტილს რამოდენიმე თვეში შუძლია გადაიზარდოს უზარმაზარ კარიესულ ღრუში. ამიტომ განვითარებულ ქვეყნებში ასეთი მნიშვნელობა ენიჭება კარიესი პროფილაქტიკას.

სტანდარტული მეთოდით ყველაზე პატარა კარიესსაც, რომ ვუმკურნალოთ აუცილებელია გაუტკივარება და კბილის მაგარი ქსოვილების მექანიკური დამუშავება (დაბურღვა), საჭირო ფორმისა და სიღრმის შექმნა. შემდგომ ხდება შექმნილი სივრცის ამოვსება საბჟენი მასალით.

ICON ინოვაციური ტექნოლოგია საშუალებას იძლევა უმტკივნეულოდ ჯანმრთელი ქსოვილების დანაკარგის გარეშე უმკურნალოთ კარიესს. მეთოდის არსი მდგომარეობს იმაში, რომ დაზიანებული ქსოვილები იჟღინთება სპეციალური ხსნარით, რომელიც მყარდება სპეციალური სხივის საშუალებით. ICON გვეხმარება არა მარტო კბილის ჯანმრთელი ქსოვილების შენარჩუნებაში არამედ იგი აღადგენს დაზიანებულ ქსოვილებს, ამაგრებს კბილს და აჩერებს კარიესის განვითარებას. მკურნალობა სრულიად უმტკივნეულოა, ტარდება ერთ სეანსში და შედეგიც უმალვე სახეზეა. დაზიანებული მინანქარი მქრქალი თეთრი ან ყვითელი ფერიდან იღებს ლამაზ და კრიალა იერს.

კარიესი ხშირად ჩნდება იქ სადაც გროვდება ნადები. ესეთი ადგილებია მინანქრის ღრძილის მიმდებარე ზედაპირი, კბილის ბუნებრივი ჩაღრმავებები და კბილების საკონტაქტო ზედაპირები. საჭირო მოვლის გარეშე ასეთივე კარიესი შესაძლოა გაჩნდეს ბრეკეტების გარშემოც.

Read Full Post »

ყველა კლინიკას არ ძალუძს ხარისხიანი ბავშვთა სტომატოლოგიური მომსახურების გაწევა. ექიმთან თქვენი შვილის პირველ ვიზიტზეა დამოკიდებული მისი შემდგომი ურთიერთობა სტომატოლოგთან, რამდენად სამწუხაროც არ უნდა იყოს ეს გამოცდილება ძირითადად უარყოფითია.

სტომატოლოგიურ კაბინეტში ვიზიტისას ეყრება საფუძველი ექიმისა და პატარა პაცენტის ურთიერთობებს, თუ როგორ აღძრავს ბავშვში დადებით ემოციებს აუცილებელი პროცედურების მიმართ. ამისათვის მყარდება ფსიქოლოგიური დადებითი კონტაქტი, რომლის დროსაც გასათვალისწინებელია რიგი ფაქტორებისა, რომლებიც განსაზღვრავს ექიმის შემდგომი მოქმედებების მოდელს.

პირველ რიგში ეს ბაშვის ასაკია, ყოველ ასაკობრივ პერიოდში ბავშვი სამყაროს აღიქვამს თავისებურად. ყველაზე საპასუხისმგებლო და ამავდროულად რთულია 2-5 წლამდე ასაკის ბავშვების დახმარება. ეს ასაკობრივი ჯგუფი როგორც წესი პირველადაა სტომატოლოგთან და ყველაზე ნაკლებ კონტაქტურები არიან. მათ ჯერ არ ძალუძთ ზუსტად გადმოსცენ მიღებული უარყოფითი ემოციები. ბავშვების მოულოდნელი ქცევებიდან გამომდინარე ექიმს უნდა ჰქონდეს დიდი გამოცდილება, როგორც სტომატოლოგს ასევე ბავშვთა ფსიქოლოგს.

შემდგომი ასაკობრივი ჯგუფი 5-11 წლამდეა, ამ პერიოდში ბავშვს უკვე უჩნდება ლოგიკური აზროვნება, რაც ამარტივებს ექიმის მუშაობას. უფრო თავშეკავებული მოქცევა, ნდობა და ახალ გარემოში სწრაფი ადაპტაციის უნარი აქრობს სტომატოლოგიური კაბინეტის მიმართ დისკომფორტის შეგრძნებას.

11-14 წლამდე მოზარდის პერიოდი ავლენს უკვე საკმაოდ მაღალ ინტელექტის დონეს. ექიმისა და ბავშვის ურთიერთობა გადადის ურთიერთ თანამშრომლობის და გაგების ფაზაში.

პედიატრიულ სტომატოლოგიაში მუშაობისას გასათვალისწინებელია, რომ ბავშვები ექიმთან ურთიერთობის მიხედვით იყოფიან სამ ჯფუფად. პირველი – ბავშვები, რომლებიც მარტივად შედიან კონტაქტში და სრულყოფილად ასრულებენ ექიმის ინსტრუქციებს, მეორე – ბავშვები, რომლებსაც შესაძლოა დააძალო ან დაიყოლიო ექიმთან კონტაქტზე, მესამე – ბავშვები, რომლებიც კატეგორიულად უარს აცხადებენ ექიმთან კონტაქტზე. აქედან გამომდინარე ექიმ-სტომატოლოგს შესაძლოა დაჭირდეს ან არ დაჭირდეს მშობლის დახმარება.

მშობლის როლი ექიმთან კონტაქტის დამყარებაზე, ძალზედ მნიშვნელოვანია. მშობლის ყოფნა ბავშვის თხოვნის შემთხვევაში აუცილებელია, წინააღმდეგ შემთხვევაში პირდაპირ აისახება პატარა პაციენტის ქცევაზე და შესაძლოა ფსიქოლოგიური ტრავმაც მიაყენოს მას.

ბავშვებში სტომატოლოგიური მანიპულაციების კარგად შესასრულებლად აუცილებელია რიგი წესების დაცვა:

–         ბავშვის მიმართ კარგად და კეთილგანწყობით იყოს ექიმი.

–         გაითვალისწინოს ასაკი.

–         გაითვალისწინოს ინტელექტუალური განვითარება

–         მოქცევის ტემპერამენტი და სახე.

–         მშობლების დამოკიდებულება.

ჩვენს კლინიკაში ფუნქციონირებს ბავშვების გასართობი ოთახი, მხიარულად მორთულ სტომატოლოგიურ კაბინეტში მონიტორზე ბავშვის სურვილით ირთვება ანიმაციური ფილმები. ჩვენთან ყველა პირობაა შექმნილი რათა თქვენმა პატარამ კარგად იგრძნოს თავი და მიიღოს დადებითი ემოციები.

Read Full Post »

კბილების ჯანმრთელობის შენარჩუნებაში მნიშვნელოვანი როლი ენიჭება კარიესის პროფილაქტიკას, რომელიც უნდა დაიწყოთ პირის ღრუს სწორი ჰიგიენით. საფუძვლიან როლს ასრულებს ასევე ფტორი – მიკროელემენტი, რომელიც ამაგრებს კბილის მინანქარს და ხელს უშლის კარიესის განვითარებას.

დღეისათვის კბილის დაავადებებში კარიესი ლიდერის პოზიციაზეა. აღნიშნულ პრობლემაზე არსებული უამრავი ინფორმაციის მიუხედავად ადამიანები მაინც აგდებულად უყურებენ მის გამოვლინებას, ხოლო სტომატოლოგს მიმართავენ მხოლოდ კბილის სრული დაშლის ან აუტანელი ტკივილის შემთხვევაში. კარიესის პროფილაქტიკა  – კბილის, ღრძილების და სხვა ორგანოების დაავადებების აღკვეთის ყველაზე ეფექტური და საიმედო მეთოდია.

კარიესი ვითარდება უამრავი სხვადასხვა მიზეზის ერთდროული ზემოქმედებით: არასასურველი გარემო პირობები, ცხოვრების წესი, მემკვიდრეობითი განწყობა, სტრესი და მავნე ჩვევები, საკვები პროდუქტები და სხვა. ჩამოთვლილი პუნქტები ასევე შესაძლოა მივაკუთვნოთ სხვა დაავადებების გამომწვევ მიზეზებსაც.

კარიესის დაზიანების მიზეზად შესაძლოა ასევე მოგვევლინოს საცხოვრებელი ადგილის სასმელი წყლის შემადგენლობა. საკვების ტემპერატურა, ვიტამინო-მინერალური დისბალანსი, პირის ღრუს უხარისხო ჰიგიენა, კბილის ქვებისა და ნადების არსებობა იწვევს მინანქრის მთლიანობის დარღვევას, სადაც ხვდებიან კარიესის წარმომქმნელი მიკრობები. ჩვენი აზრით კარიესის ეფექტური პროფილაქტიკა მნიშვნელოვნად მოქმედებს ადამიანის ჯანმრთელობაზე.

კარიესის პროფილაქტიკა  მნიშვნელოვანია დავიწყოთ ბავშვის დაბადებამდე. ერთ-ერთი მნიშვნელოვანი პროფილაქტიკური ღონისძიება – დედის მიერ სპეციალური დიეტის დაცვა და ქრონიკული ინფექციური კერების დროული სანაციაა. ასევე მნიშვნელოვანია გავიგოთ, რომ რაც შეიძლება მაქსიმალურად უნდა შეზღუდოთ ბავშვისთვის მალშეთვისებადი ნახშირწყლების მიცემა. ბავშვებს, ხომ ასე ძალიან უყვართ კამფეტები, ხოლო მშობლებს მათი გახარება. ახალგაზრდა მშობელმა აუცილებლად უნდა გაიაროს კონსულტაცია ექიმთან ბავშვის კვებასთან დაკავშირებით, რათა თავიდან იქნეს აცილებული მომავალი პრობლემები.

Read Full Post »

მთელი ცხოვრების მანძილზე ადამიანი კარგავს კბილებს. მაგრამ არსებობს პერიოდები, როდესაც კბილებს განსაკუთრებული მოვლა და ყურადღება ესაჭიროებათ.

ცხოვრების პირველი დღეები,  როგორც წესი ძირითადი პრობლემა კარიესია.

მისი მიზეზი ბავშვის კვების თავისებურებებია. არსებობს ასეთი ტერმინი – „ბოთლის კარიესი“.  იგი უჩნდებათ ბავშვებს, რომლებიც მიჩვეული

არიან ტკბილი ჩაით სავსე ბოთლით დაძინებას. მშობლები ცდილობენ, რომ არ მისცენ ბავშვებს ტკბილეული, მაგრამ არსებობს შაქრის სხვა წყაროებიც – მათ შორის უამრავი პროდუქტია, რომელიც შესაძლოა მიიღოს ბავშვმა ცხოვრების პირველ წლებში. ამიტომ ექიმი-სტომატოლოგები ურჩევენ მშობლებს დიდი ხნით არ მისცენ ბოთლი, მით უმეტეს არ დააძინონ ბოთლით.

მიუხედავად იმისა, რომ კბილები სარძევეა და გამოსაცვლელი, მათი მკურნალობა აუცილებელია. თქვენ წარმოიდგინეთ სარძევე კბილებიც უნდა გაიხეხოთ! 2 წლიდან უნდა ასწავლოთ ბავშვს კბილების ხეხვა, მანამდე კი თქვენ უნდა გაუწმინდოთ.

მოზარდ ასაკში ძირითადი პრობლემა იგივეა – კარიესი, აგრეთვე კბილების დემინერალიზაცია. საქმე იმაშია, რომ ბავშვის ორგანიზმი სწრაფად იზრდება, მიმდინარეობს ჰორმონალური ძვრები. ამასთან აღნიშნულ ასაკში ჭამენ ბევრ რბილ და ტკბილს საკვებს, ხოლო კბილების მოვლა ან ეზარებათ ან არ იციან.

აღნიშნული პრობლემების მოსაგვარებლად აუციელებელია ყოველი საკვების მიღების შემდეგ კბილების გამოხეხვა (არა მარტო ჯაგრისით არამედ კბილის ძაფითაც). ტკბილი საკვების მიღების შემდეგ პირის ღრუს გამოვლება, სტომატოლოგთან რეგულარული ვიზიტები. მხოლოდ სპეციალისტს შეუძლია კარიესის აღმოჩენა საწყის სტადიაზე და შესაბამისი ზომების მიღება.


ფეხმძიმობისას
 არსებობს კარიესის და კბილების დემინერალიზაციის განვითარების საშიშროება. მიზეზი: დედის ორგანიზმი აწვდის ბავშვს მინერალებს, პირის ღრუში იცვლება მჟავე-ტუტოვანი ბალანსი, აღინიშნება ძლიერი ჰორმონალური ცვლილებები.

არსებობს აზრი, რომ ორსულობისას დედა მინიმუმ ერთ კბილს კარგავს, მაგრამ დედის სტომატოლოგიურმა პრობლემებმა შესაძლოა ბავშვის კბილები გააფუჭოს. ამის თავიდან ასაცილებლად აუცილებელია, რომ მომავალმა დედამ ჩასახვამდე მოაგვაროს ყველა სტომატოლოგიური პრობლემა, ხოლო ფეხმძიმობისას კი რეგულარულად ჩაიტაროს პროფილაქტიკური ღონისძიებები.

ასაკთან ერთად პრობლემებიც მატულობს: ჩნდება ყელის კარიესი, ღრძილების ანთება, კბილების დაკარგვა, მომატებული მგრძნობელობა.

აღნიშნული პრობლემების მიზეზი ღრძილებია. პაროდონტოზი თანმხლები ისეთი დაავადებები, რომლებიც ახალგაზრდებში არ გვხვდება მაგ.: ფესვის კარიესი. დაავადებების ბუკეტი, რომელიც თან ახლავს ასაკს უამრავი მედიკამეტის მიღებას მოითხოვს, რაც თავის მხრივ ნერწყვის გამოყოფაზე მოქმედებს უარყოფითად. პირის ღრუს სიმშრალე კი კარიესის განვითარების რისკს ერთი ორად ზრდის. სიტუაციას აუარესებს ის ფაქტიც, რომ ასაკოვანი პაციენტები ორგანიზმის მოთხოვნთებთან შედარებით ნაკლებ სითხეს იღებენ.

ასაკოვან პაციენტებს ურჩევთ იხმარონ მგრძნობელობის საწინააღმდეგო პასტები. თუკი სამკურნალო პრეპარატები იწვევენ პირის ღრუს სიმშრალეს აღნიშნულის შესახებ აუცილებლად აცნობეთ მკურნალ ექიმს. აღნიშნულ ასაკში თითქმის ყველას ააქვს, ხელოვნური კბილები ან მოსახსნელი პროთეზები, მიუხედავად იმისა გიქმნით თუ არა დარჩენილი კბილები პრობლემებს, აუციელებელია სტომატოლოგის კონსულტაციები მინიმუმ წელიწადში ერთხელ, სასურველია 6 თვეში ერხელ.

Read Full Post »

Older Posts »