Feeds:
ჩანაწერები
კომენტარები

1466775563_dental_32სიმართლე უნდა ითქვას კბილების ხეხვის მიჩვევა ზოგიერთ ზრდასრულსაც არ აწყენდა 🙂

დრო და დრო გამოჩნდებიან ეგზემპლიარები, რომლებიც ჯაგრისს თვეში ერთხელ თუ იყენებენ და ესეც კი დიდი მიღწევაა მათთვის.

kak-priuchit-rebyonka-k-chistke-zubov-1036-15010ეს, რომ არ მოხდეს დიდობაში მოდით დავიწყოთ ბავშვებით, რადგან პატარა უფრო მალეც ეჩვევა და ეს ჩვევა დიდი ალბათობით მას ცხოვრების ბოლომდე გაყვება.

brand-kidsme-child-font-b-baby-b-font-teeth-font-b-finger-b-font-massage-toothზუსტი თარიღი თუ როდის უნდა დავიწყოთ კბილების ხეხვა როგორც ასეთი დადგენილი არ არის, რადგან ბავშვების პირის ღრუს თვითწმენდის უნარი გაცილებით მაღალია ვიდრე დიდების. მარტივად, რომ ვთქვათ ნერწყვები მოდის და მოდის, შედეგად კბილები ირეცხება თავისით ისე რომ შეიძლება ჯაგრისიც არ დაჭირდეს. მაგრამ მაინც სჯობს არ გავაჯანჯლოთ ეს პროცესი და დავიწყოთ კბილების გასუფთავება პირველივე კბილიდან. დაახლოებით 6 თვის ასაკში. ამ ასაკში ვერანაირ სრულფასოვან წმენდაზე ვერ იქნება საუბარი, უბრალოდ შეიძინეთ სპეციალური თითზე გასაკეთებილი და იმით გაუხეხეთ თქვენს პატარას კბილები. დრო გადის და ოდესღაც დგება ჯაგრისის გამოყენების მომენტიც.კარგია როცა ბავშვი დამჯერია და გააკეთებს ამას თავადაც სიამოვნებით, მაგრამ თუკი არა? მოდით განვიხილოთ მეთოდები, როგორ დავარწმუნოთ პატარა პიროვნება, რომ კბილების ხეხვა – მაგარია 🙂

  • ბავშვებს ძალიან უყვართ უფროსების მიბაძვა, ამიტომ თქვენი მაგალითი მნიშვნელოვანია. თუკი ბავშვი ყოველდღე ხედავს, თუ როგორ იხეხავენ კბილებს მშობლები, ადრე თუ გვიან აუცილებლად მოუნდება მასაც ამის გაკეთება, იგი უბრალოდ ასეა მოწყობილი.
  • charlotte-using-daddys-brush-1024x682არ დააძალოთ. დაძალების ცდა – საუკეთესო საშუალებაა ბავშვს გაუქროთ ყველანაირი სურვილი რამის კეთების.
  • არ გაუჯავრდეთ. თუკი იგი ცდილობს, როგორ ცუდადაც არ უნდა გამოსდიოდეს ნუ გაუჯავრდებით. ხეხვა არ უნდა ასოცირდებოდეს მშობლების უკმაყოფილებასთან, წინააღმდეგ შემთხვევაში ეს გამოიწვევს სრულ უარყოფას. თუკი თქვენ მემარჯვენე ხართ სცადეთ კბილების გამოხეხვა მარცხენა ხელით და ნახავთ თუ რისი გამოვლა უწევს ბავშვს. ასეთ ასაკში საჭირო მოძრაობების შესრულება საკმაოდ რთულია.
  • კბილის ჯაგრისი ბავშვმა თავად უნდა აირჩიოს. თქვენი შეხედულებით ჯაგრისზე დახატული “რაღაცა” ულამაზოა და კაცმა არ იცის რას გავს. ბავშვისთვის ნახატში შესაძლოა იმალებოდეს მთელი სამყარო. (რასაკვირველია იგულისხმება, რომ კბილის ჯაგრისი უნდა იყოს ასაკის და უსაფრთხოების შესაბამისი.)
  • kak_priuchit_rebenka_chistit_zuby_libo_chist_218ეცადეთ, რომ კბილის ჯაგრისი არ იყოს ერთი ცალი. ყოველ დილით ახალი ჯაგრისის არჩევა შესაძლოა გადაიქცეს სახალისო თამაშად.
  • გამოიყენეთ სათამაშოები. ბავშვს არ უნდა კბილების გამოხეხვა? დაიწყეთ მცირედით: ნახოს თუ როგორ უხეხავენ მისი საყვარელი სათამაშოები ერთმანეთს კბილებს. ჯერ თქვენი ხელებით, მერე მისი ხელებით. შემდგომ ეტაპზე სათამაშოები უხეხავენ პატარას, ხოლო ის მათ. ეტაპობრივად გადავალთ რეალურ წმენდამდე სათამაშო მაყურებლების წინაშე.
  • ჩართეთ საყვარელი მუსიკა. შეარჩიეთ სიმღერა, მელოდია, რომელიც უყვარს თქვენს შვილს და რომელიც გრძელდება დაახლოებით 3 წუთი.
  • მოიგონეთ და უყურეთ ზღაპრებს კბილებზე. ზღაპარი კეთილ ჯაგრისზე და ბოროტ მიკრობებზე ადრე თუ გვიან მაინც შეასრულებს თავის, როლს.
  • https://www.youtube.com/watch?v=OGcUSsbPsQQ

ყველაზე მთავარი –  კბილების ხეხვას უნდა ქონდეს თამაშის სახე და არა აუცილებლობის. ბოლოსარ დაგავიწყდეთ შეამოწმოთ შედეგი და აუცილებლობის შემთხვევაში თავად დაუსრულოთ ხეხვის პროცესი.

ბოლოს ორიოდ სიტყვით პასტებზე. ნუ გამოეკიდებით ძვირადღირებულს, გაცილებით მნიშვნელოვანია როგორ ვიდრე რით. ერთადერთი – ბავშვის პასტა უნდა იყოს საბავშვო, პირველ ეტაპზე სასურველია ფტორის გარეშე. რატომ? იმიტომ რომ ფტორი სასარგებლოა მხოლოდ პირის ღრუში, ხოლო გადაყლაპვის დროს იგი ავლენს მის ტოქსიურ თვისებებს. ნუ შეგეშინდებათ ერთი ორჯერ გადაყლაპული პასტა არაფერს ავნებს თქვენს პატარას, მაგრამ ამას არ უნდა ქონდეს სისტემატური ხასიათი. ამიტომ სანამ ბავშვი არ ისწავლის პასტის გადმოფურთხებას და არა გადაყლაპვას (ხოლო თავდაპირველად ყველა ბავშვი ასე იქცევა), სასურველია იგი იყოს ფტორის გარეშე. აქვე უნდა აღინიშნოს ადგილებში სადაც სასმელ წყალში ფტორის შემცველობა დაშვებულზე მაღალია, ფტორშემცველი კბილის პასტების გამოყენება კატეგორიულად აკრძალულია. ფტორის ზედმეტი შემცველობა აზიანებს კბილებს და აძლევს მათ მოყავისფრო შეფერილობას.

ზემოთ ჩამოთვლილი ერთი შეხედვით ძალიან მარტივი შესასრულებელია, მაგრამ ბავშვის წინააღმდოგობის შემთხვევაში მშობლები (განსაკუთრებით კი ახალგაზრდა მშობლები) იბნევიან. ამიტომ მოთმინება და კიდევ ერთხელ მოთმინება ყველაფერი აუცილებლად გამოგივათ.

  • main-qimg-636d98e4582b2a40536831326d179bb6პირველი და გაყიდვების ლიდერი შეკითხვა : “თქვენ კარგი მასალები გაქვთ?“. შეკითხვა რომელსაც ხშირად სვამენ ადამიანები, რომლებმაც ჩაიარას და მოდი შევივლის ვარიანტში შეიხედეს კლინიკაში. პასუხია: “რა თქმა უნდა ყველაზე ცუდი”, ამის შემდეგ როგორც წესი მცირე ხნით “დაეკიდება” ხოლმე პროგრამა. ძვირფასო მომხმარებელო, პაციენტო რა პასუხის მოსმენა გსურთ??? თუკი ადამიანი მუშაობს ხარისხიანი მასალით ეს ჩვეულებრივი ამბავია მისთვის, ხოლო თუ არ მუშაობს რაღა თქმა უნდა ის არასოდეს არ გამოგიტყდებათ ამაში.
  • საპატიო მეორე ადგილს იკავებს შეკითხვა : “თქვენ ჩვეულებრივი ბჟენები გაქვთ?“. აქ პროგრამის “ჩამოკიდებას” იწვევს შემხვედრი კითხვა: “ეგ როგორია?” თუმცა მინდა გამოგიტყდეთ რომ ძლივს ვიკავებ სხვა პასუხის გაცემისაგან: “არა, რას ბრძანებთ არაჩვეულებრივი, ცოცხალია და თან ლაპარაკობს”. ახსნან თუ რას გულისხმობდნენ ჩვეულებრივში ძირითადად ხდება შემდეგი უნივერსალური სიტყვებით: “ნუუუუ”, “აიიი” და ა.შ. იშვიათად ზოგი იხსენებს ცემენტს. ჩემო ძვირფასებო “ჩვეულებრივი” ბჟენები არ არსებობს, როგორც არ არსებობს ჩვეულებრივი სარეცხი ფხვნილები, გამათეთრებლები და სხვა სისულეები რასაც აჩვენებენ რეკლამებში. ეს უბრალო გამოთქმაა, რადგან თუკი მწარმოებელი იტყვის რომ ფხვნილი A უკეთესია ვიდრე B მას სასამართლოში უჩივლებენ.

277292306მაშ რა შეკითხვა უნდა დავსვათ ამ ორის მაგივრად? თუკი ექიმთან პირველად მოხვდით პირდაპირ კარებში მასალებზე საუბარს აზრი არ აქვს. თავდაპირველად გაიარეთ პირველადი დათვალიერება, კონსულტაცია. ხოლო შემდგომ დაინტერესდით ექიმის აზრით დაახლოებით რამდენ ხანს გაძლებს თქვენი კბილი მკურნალობის შემდეგ. რა თქმა უნდა ზუსტ ვადებს ვერავინ გეტყვით, მაგრამ ზოგადად შეგექმნებათ წარმოდგენა კბილის და ჩასატარებელი მკურნალობის საიმედოობაზე.

  • მესამე ადგილი “ხიდი რომელიც ყურიდან ყურამდე მქონდა ორ კბილზე დაფიქსირებული გაძლო ამდენ ხანს, და თქვენ რატომ ვერ მიკეთებთ იგივეს თავიდან? ან ბჟენი ამ კბილზე მქონდა წლები, თქვენ კი მეუბნებით რომ კბილი ამოსაღებია?

რატო? იმავე მიზეზით რა მიზეზითაც ომის მონაწილეები დადიან ნამსხვრევებით და არაფერი, იმავე მიზეზით რა მიზეზითაც ძველი დამპალი ღობე წლებია დგას და არაფერი, იმავე მიზეზით რა მიზეზითაც ყველანაირი წესების დარღვევით აშენებული სახლები დგას და არაფერი. იმიტომ რომ ბანქო დაჯდა ასე და გაგიმართლათ, მაგრამ ეს არ ნიშნავს რომ ასე უნდა იყოს. შემდგომში 100 დან 99 არ გაგიმართლებთ და მე საერთოდ არ მინდა ცდები, რომ ვატარო. არ გაგიმართლებთ თქვენ და პასუხი უნდა ვაგო მე. რატო?

მეოთხე არასაპრიზო ადგილი. კითხვა კარის ზღურბლზე “დაშენება მინდა და აკეთებთ?

საქმე იმაშია, რომ სიტყვა “დაშენება” როგორც ჩანს შემოღებულია საქმეში არც თუ ისე ჩახედული პირების მიერ. რადგან იგი შესაძლოა გულისხმობდეს ნებისმიერ რამეს და თავად საერთოდ არაფერზე არ მეტყველებს. დაახლოებით იგივე იქნება მშენებელს რომ კითხოთ “თქვენ აშენებთ სახლებს?” ვაშენებთ მაგრამ თქვენ რას გულისხმობთ? ერთსართულიანს, ორსართულიანს, სამსართულიანს? ხის, აგურის, ქვის? ფასადი თეთრი, წითელი მწვანე? აივნები გინდათ? ტერასა? და კიდევ მილიონი კითხვა.

implant-consultation-y250რისი გაკეთება გსურთ? ბჟენი, ჩანართი, ვინირი, გვირგვინი თუ ხიდი? ნებისმიერი ზემოთ ხსენებულით შესაძლებელია კბილის დაშენება, ამასთან თითოეულის ფასი რადიკალურად განსხვავდება და სამუშაოს შესრულებასაც სჭირდება განსხვავებული დრო. ა არ იცოდით? მაშინ რისთვის იყენებთ ტერმინს რაც არ იცით? და როტომ იწვევს ეს შეკითხვა ასეთ ემოციებს? რადგან თავდაპირველად არც იცი რა უპასუხო. პასუხები შესაძლოა დიამეტრალურად საწინააღმდეგო იყოს ხოლო კონკრეტული პასუხისთვის უნდა ინახოს მაინც თუ რა არის დასაშენებელი.

საერთოდ რაიმეზე კონტრეტულად საუბარი შესაძლებელია მხოლოდ საფუძვლიანი დათვალიერების შემდეგ. მოისმინეთ ყველაფერი რასაც ექიმი გთავაზობთ და მხოლოდ ამის შემდეგ დასვით კითხვები თქვენთვის გაუგებარ თემებზე. ეს დაზოგავს თქვენს დროს და ფულს რაც მთავარია.

საფუძვლიანი პირველადი კონსულტაციის შემდეგ თქვენთვის ნათელი უნდა იყოს უმეტესობა ახსნილისა თუ რა შეიძლება გაკეთდეს თქვენს კონკრეტულ შემთხვევაში.

ენდოდონტია – თერაპიული სტომატოლოგიის ნაწილია, EKAრომელიც სწავლობს კბილის არხების ანატომიას, ფიზიოლოგიას, დაავადებებს და მათი მკურნალობის მეთოდებს. სხვა სიტყვებით, რომ ვთქვათ ეს არის ოდონტოქირურგიული ჩარევა კბილის შენარჩუნების მიზნით.

თემას უძღვება კლინიკის მთავარი ენდოდონტისტი ეკა ჩიხრაძე.

კბილის ფესვებს აქვთ არხების საკმაოდ რთული ანატომიური სისტემა.

 

დღევანდელ დღემდე ჩვენ არ გვქონდა ყველა განტოტების გუდაპერჩით შევსების საშულება, იქ აღწევდა მხოლოდ სილერი, რაც ნაკლებად მაგრამ მაინც იძლეოდა ბაქტერიული მიკროფლორის განვითარების რისკებს.
დღეისათვის გერმანული ფირმა VDW ახალი აპარატის BeeFill 2in 1 დახმარებით ჩვენ საშუალება გვაქ არხების სამგანზომილებიანი დაბჟენის.

დღეისათვის უმაღლესი ხარისხის ენდოდონტიური მკურნალობა ჩვენს კლინიკაში გულისხმობს შემდგომ ეტაპებს.

  1. ანესთეზიაmiedo-al-dentista-anestesia
  2. კოფერდამის დადება
  3. ენდოდონტიული ინსტრუმენტის არხში თავისუფალი მოთავსებისთვის შესასვლელის მომზადება, რომელიც კარიესული ღრუს სწორი პრეპარირებით მიიღწევა.
  4. პულპის (ნერვ-სისხლძარღვოვანი კონა) და უცხო სხეულების მოცილება არხიდან
  5. dental_school_7bარხის სამუშაო სიგრძის განსაზღვრა რენტგენის და აპექლოკატორის მეშვეობით. ეს საკამოდ მნიშვნელოვანი მომენტია, რომელიც გვეხმარება შესაძლო გართულებების თავიდან აცილებაში.
  6. არხის მედიკამენტოზური დამუშავება ანტისეპტიკური ხსნარებით, რომელთა აქტივაცია ხდება ულტრაბგერითი ბუნიკებით.
  7. ინსტრუმენტული დამუშავება, ჩვენს კლინიკაში ამ მიზნით გამოიყენება გერმანული ფირმა VDW ენდომოტორი და ენდო ფაილები.
  8.  ბოლო ეტაპი არხების დაბჟენა დღეისათვის უკვე 3D ობტურატორით.

თითოელი ეტაპი ძალიან მნიშვნელოვანია. პროტოკოლის დარღვევა იწვევს გართულებებს. თითქმის ყველა არაკორექტულად ნამკურნალები კბილი მომავალში ხდება უამრავი უსიამოვნების მომტანი, უკიდურეს შემთხვევაში ეს უსიამოვნებები მთავრდება კბილის ამოღებით.

არხების სამგანზომილებიანი 3D დაბჟენის

ალგორითმი აპარატით BeeFill 2in 1

 

DSC_7481.jpgკბილის არხების მექანიკური დამუშავებაზე არანაკლები მნიშვნელოვანი მისი ობტურაცია (შევსებაა) რადგან ზუსტად დაბჟენის ხარისხი განსაზღვრავს წარმატებულ ენდოდონტიურ მკურნალობას.

დღეისათვის ხარისხიან დაბჟენად ითვლება არხების განტოტებების მთელი სისტემის სამგანზომილებიანი ჰერმეტიზაცია, რაც ასრულებს საიმედო ბარიერის როლს პირის ღრუსა და პერიოდონტის ქსოვილებს შორის. ამისათვის აუცილებელია საბჟენ მასალას ჰქონდეს შემდეგი თვისებები:

  • შეივსოს არხი ბიოლოგიურად ინერტული მასალით
  • მაქსიმალური ობტურირება მოახდინოს, როგორც ძირითადი ასევე ლატერალური და აცეზორული არხების.
  • მჭიდროდ ჩაბეჭდოს ფესვის სანათურში გამომავალი დენტინის მილაკები.
  • გამორიცხოს განმეორებითი ინფიცირების ალბათობა
  • არხში არსებული მასალა არ უნდა იყოს გაწოვადი

ამ მოთხოვნებმა სტომატოლოგიურ ბაზარზე გააჩინა უამრავი ახალი მასალა, მეთოდი და ხელსაწყო.

დღეისათვის ამ მხრივ დიდი უპირატესობა აქვს არხების სამგანზომილებიან ობტურაციას ცხელი თერმოპლასტიფიცირებული გუტაპერჩით. ეს მეთოდი გაცილებით სწრაფია ხარისხიანი შედეგის მისაღებად და პრაქტიკულად გამორიცხავს არხების დაბჟენის შემდეგ ინფიცირებას. ამასთან ამ მეთოდით დაბჟენის შემდეგ ხდება ლატერალური არხების ხარისხიანი ობტურაცია, ფესვის დაზიანების გარეშე.

EKA.jpgსიტყვა რესტავრაცია ლათინურიდან ითარგმნება, როგორც – ხელოვნების ნიმუშების აღდგენა, შენარჩუნება, პირველადი იერსახის დაბრუნება. მაგრამ როგორაა დაკავშირებული ის სტომატოლოგიასთან?

დღეისათვის სტომატოლოგია ვითარდება დიდი და სწრაფი ნაბიჯებით: ეტაპობრივად ხელობიდან გადაიქცა ნამდვილ ხელოვნებად, რომელიც ექიმისგან ითხოვს ხელოვან-რესტავრატორის პროფესიონალიზმს. კბილების მხატვრული რესტავრაცია ძალიან გავს იუველირულ ხელოვნებას, სკულპტურას და არქიტექტურასაც. ექიმი მუშაობს მცირე სივრცეში, აშენებს რა დაშლილის სანაცვლოდ ახალ კონსტრუქციას პაციენტის პირის ღრუში. წინასწარ ხდება ყველა ეტაპის გათვლა: “ფუნდამენტის” მომზადება, “საშენი მასალის” შერჩევა და თავად კონსტრუქციის ესთეტიურობა.

გვესაუბრება “ნინო ბერიძის ორთოდონტიული ცენტრის” ექიმი-სტომატოლოგი ეკა ჩიხრაძე.

მხატვრული რესტავრაცია სრულდება ორი მეთოდით: პირდაპირი და არაპირდაპირი

რომელი მეთოდი სჭირდება კონკრეტულ პაციენტს განისაზღვრება დათვალიერების და ექიმთან საუბრის შემდეგ, ჩვენებების და პაციენტის სურვილების გათვალისწინებით.

პირდაპირი რესტავრაცია სრულდება უშუალოდ პაციენტის პირის ღრუში. კბილების საჭიროებს მინიმალურ პრეპარირებას (შორდება მხოლოდ დაზიანებული ქსოვილები).

hudozhestvennaja-restavracija-zubovსაჭირო ცოდნისა და თანამედროვე საშუალებების მქონე ექიმ-სტომატოლოგს შეუძლია ააშენოს, გამოწიოს წინ, გაზარდოს ზომებში, აღადგინოს კბილები, რომლებიც დაზიანდა ან შეიცვალა ფერი, გაიცვითა ცხოვრების მანძილზე ან რაიმე ჰორმონალური პროცესების შედეგად დაიკარგა რაღაც ქსოვილები.

 ექიმი აშენებს ახალ კბილს თანამედროვე მასალებით, ათავსებს რა მათ ფენა ფენა და ამყარებს სპეციალური ნათების საშუალებით. ეს საკმაოდ შრომატევადი და ხანგრძლივი სამუშაოა.

ხშირად ექიმთან მოდის პაციენტი მხოლოდ კბილის ფესვით, ხოლო ექიმი იწყებს აღმშენებლობას ფესვიდან გვირგვინამდე სპეციალური მასალების გამოყენებით, მთავარია ყველა ანატომიური თავისებურებების გამეორება, მიკრორელიეფის, ბზარების, ჩაღრმავებების შექმნა. რაც მკაცრად შეესაბამება მეზობელ და ანტაგონისტ კბილებს სწორი და ფუნქციურად გამართული თანკბილვისთვის. მნიშვნელოვანია, რომ აღდგენილი კბილი სრულიად შეესაბამებოდეს ყველა ფიზიოლოგიურ ფუნქციებს. რა თქმა უნდა ჩვენ არ მივსდევთ იმ გზას რომ აღდგენილი კბილი საკუთარ კბილებზე ლამაზი იყოს.

329183_100757776744201_23986929_oკბილები პირის ღრუში განსხვავდებიან ფერით, მისი ადგილმდებარეობის მიხედვით. გვერდითა კბილები უფრო მუქია ვიდრე წინები. თითოეული კბილის ფერიც კი განსხვავებულია მის სხვადასხვა ზედაპირზე. ყელის არეში კბილი უფრო მუქია, შუაში ღია, ხოლო საჭრელ კიდეზე გამჭვირვალე. ერთ დროს მოდაში მყოფი “სანტექნიკის”, არაბუნებრივი თეთრი ფერის კბილები  არც თუ ისე ლამაზი სანახავია. თუმცა ყველაფერი გემოვნების საკითხია. ჩვენი კლინიკის ძირითადი არსი ჰარმონიულობაა, რომელიც ბუნებრიობის განუყოფელი ნაწილია. ჩვენ ვცდილობთ ეს პრინციპი მივიტანოთ პაციენტამდე. რესტავრატორს, როგორც ნამდვილ მხატვარს კბილის თითოეული ნიუანსის აღსადგენად აქვს ფერთა ფართო გამა. თანამედროვე მასალები ეწყობიან კბილის ფერს, როგორც ქამელეონი. საბოლოო ეტაპი პოლირებაა. სხვადასხვა ინსტრუმენტების გამოყენებით აუცილებელია აღდგენილი კბილის მაქსიმალურად გაპრიალება. ეს ეტაპი მნიშვნელოვანია და საკმაოდ ხანგრძლივი. პირდაპირი რესტავრაციის მეთოდს შეუძლია ფორმის, ზომის და ფერის შეცვლა.

გვინდა გავამახვილოთ თქვენი ყურადღება რესტავრაციის თანამედროვე მასალებზე, რომლებიც ეხმარება ექიმს შეასრულოს ყველა ეტაპი ხარისხიანად და პაციენტის ჯანმრთელობის დაუზიანებლად. ჩვენს კლინიკაში ვიყენებთ მეექვსე თაობის კომპოზიტურ სისტემებს, რომლებიც უნივერსალურია და აქვთ მაღალი ცვეთამედეგობა. ეს არის ნანო, ჰიბრიდული და მიკროშემავსებლიანი კომპოზიტები.

მხატვრული რესტავრაციის არაპირდაპირი ტექნიკა – ვინირები. თხელი ფირფიტები რომლებიც ეკრობა კბილის ზედაპირზე და საშუალებას იძლევა მიიღოთ ჰოლივუდის ღიმილი. ამ მეთოდის მინუსი მისი მაღალი ფასი და დამზადების დროა. ეს მეთოდი ორთოპედიულია. იგი საჭიროებს როგორც ექიმი სტომატოლოგის ასევე სატექნიკო ლაბორატორიის არსებობას. იქ მზადდება ფირფიტები ექიმის მიერ წინასწარ მომზადებული კბილებიდან აღებული ზომების მიხედვით. კბილის ქსოვილები მინიმალურად იქლიბება რაც ითხოვს როგორც ექიმისგან ასევე ტექნიკოსისგან ვირტუოზულ შესრულებას.

ცალკე მინდა გავამახვილო თქვენი ყურადღება რესტავრაციების მოვლაზე. აღგენილი კბილები საჭიროებენ სპეციალურ მოვლას. აუცილებელია დროული ვიზიტები პროფესიულ წმენდაზე. ჩვენ პაციენტებს ურჩევთ ირიგატორის, როგორც დამატებითი ჰიგიენური საშუალების გამოყენებას, სპეციალურ პასტებს აგრეთვე დროულ ვიზიტებს კლინიკაში (არაუგვიანეს ექვს თვეში ერთხელ) პროფილაქტიკურ შემოწმებაზე.

ბოლოს მინდა უსურვო ჩვენს პაციენტებს იყვნენ ჯანმრთელები და ბევრი იღიმონ. ხოლო ჩვენ ჩვენის მხრივ დავეხმარებით ლამაზი ღიმილის შექმნაში.

“ნინო ბერიძის ორთოდონტიულ ცენტრში” ნებისმიერი სამკურნალო პროცედურების დაწყებამდე რეკომენდებულია გაიაროთ კონსულტაცია ექიმთან. პირველადი კონსულტაცია – პირველი ნაბიჯია ლამაზი და ჯანმრთელი ღიმილის მისაღებად.

ჩაწერა მიღებაზე

გთხოვთ წინასწარ ჩაეწეროთ ტელეფონის ნომერზე:

232-22-27

თუკი კონკრეტულად რომელიმე ექიმთან გნებავთ ჩაწერა აცნობეთ ამის შესახებ ადმინისტრატორს. პირველ ვიზიტზე იქონიეთ პირადობის დამადასტურებელი საბუთები, რაც აუცილებელია დოკუმენტაციის და პაციენტის ისტორიის შესავსებად.

ადმინისტრატორები ადგენენ განრიგს ექიმთან ვიზიტის სტანდარტული დროის მიხედვით, რადგან არის სხვადასხვა კლინიკური შემთხვევები. თუკი თქვენი მიღება ჭიანურდება შეგიძლიათ დააზუსტოთ მიზეზი. უნდა ავღნიშნოთ, რომ რთულია პროგნოზირება პირველადი დიაგნოზის მიხედვით თუ რამდენ ხანს გაგრძელდება მიღება. მკურნალობის დროს შესაძლოა შეიცვალოს სიტუაცია და გახანგრძლივდეს მკურნალობის დრო. გთხოვთ გაგებით და პატივისცემით მოეკიდოთ ექიმის და კლინიკის დანარჩენი პერსონალის მუშაობას, შესაძლოა თქვენც აღმოჩნდეთ იგივე სიტუაციაში.

რეკომენდაციები

არაა რეკომენდირებული კბილების მკურნალობა მშიერ კუჭზე! ექიმთან ვიზიტის წინ გთხოვთ მიიღოთ საკვები და გამოიხეხოთ კბილები.

ვიზიტის წინა დღეს არა სასურველი ალკოჰოლური სასმელების მიღება.

თუკი ხართ გაციებული, გაქვთ ჰერპესი ან გაციების რაიმე სხვა გამოვლინება, გამონაყარი ლორწოვანზე, ტუჩებზე და კანზე – გააუქმეთ ვიზიტი.

მკურნალობის წინ ექიმს აცნობეთ ყველა ქრონიკული დაავადების, ალერგიების, სამკურნალო პრეპარატების მიღების შესახებ. თუკი ხშირად გჭირდებათ პრეპარატების მიღება (გულის საშუალებები, ასთმის ან წნევის წამლები) თან იქონიეთ. ნუ დაგავიწყდებათ, რომ რაც უფრო მეტი ინფორმაცია ექნება ექიმს თქვენი ჯანმრთელობის შესახებ მით უფრო ეფექტურად წარიმართება მკურნალობა.

დაგვიანება

სამწუხაროდ, თქვენმა დაგვიანებამ შეიძლება გამოიწვიოს ვიზიტის დროის შემცირება და სამკურნალო ღონისძიებების ეფექტურობის დაქვეითება. ჩვენ არ შეგვაქ ცვლილებები ექიმის განრიგში, რადგან ამან შესაძლოა უარყოფითი ზემოქმედება იქონიოს კლინიკის სხვა პაციენტებზე.

ვიზიტის გაუქმება

გთხოვთ წინასწარ აცნობოთ კლინიკის ადმინისტრატორებს დაგვიანების ან ვერ მოსვლის შესახებ. თქვენ ყოველთვის გაქვთ შესაძლებლობა გადაეწეროთ თქვენთვის და ექიმისთვის თავისუფალ დროს. როცა ეწერებით კლინიკაში ადმინისტრატორი გაძლევთ წერილობით ფორმას ვიზიტის თარიღთან და მკურნალ ექიმთან დაკავშირებით, რათა თავიდან ავიცილოთ გაუგებრობები.

პატივისცემით კლინიკის ადმინისტრაცია.

 reg

IMG_2610_1_20გვინდა შევეხოთ საკმაოდ მნიშვნელოვან და ალბათ ბევრისთვის საინტერესო თემას. რომელზეც გვესაუბრება კლინიკა “ნინო ბერიძის ორთოდონტიული ცენტრის” ექიმი-ორთოდონტი ანა მეტრეველი.

სასისა და ტუჩის ნაპრალით დაბადებული ბავშვების რაოდენობა დღითი დღე იზრდება. ასეთი პაციენტები საჭიროებენ ხანგრძლივ და მრავალ ეტაპიან ჩარევას, როგორც ორთოდონტიულს ასევე ქირურგიულს.

კლასიფიკაციის მიხედვით არსებობს: ტუჩის ნაპრალი, ალვეოლური მორჩის ნაპრალი, მაგარი და რბილი სასის ნაპრალი. ისინი შეიძლება იყოს სრული და არასრული, ცალმხრივი და ორმხრივი, ზოგჯერ შეიძლება იყოს დაფარული.

ნაპრალი არსებობს თანდაყოლილი და შეძენილი. შეძენილი ფორმისთვის დამახასიათებელია უფრო რთული კლინიკური სურათი.

ცალმხრივი ნაპრალი ორჯერ უფრო ხშირად გვხვდება ვიდრე ორმხრივი და მათ შორის მარცხენა მხრივი დომინირებს. სასის ნაპრალი უფრო ხშირია ბიჭებში.

შეძენილი ნაპრალების წარმომავლობა პოლიეტიოლოგიურია. მიზეზი შეიძლება იყოს, როგორც ეგზოგენური, ისე ენდოგენური: გარემოს ქიმიური დაბინძურება, რადიაცია, ორსული ქალის მუშაობა მაღალი ტემპერატურისა და ვიბრაციის გარემოში. ასევე ნაპრალების ჩამოყალიბებაზე გავლენას ახდენს მედიკამენტების მიღება ორსულობისას, ჰიპოქსია, მძიმე ფიზიკური შრომა, არასრულფასოვანი კვება, ვირუსული დაავადებები (გრიპი, წითელა), ნაყოფის მოცილების მცდელობა, ვიტამინების ნაკლებობა მათ შორის A, C, E.

images (2)ასევე კვლევებმა აჩვენა, რომ სტრესს და შიშს მივყავართ ამგვარი პათოლოგიების განვითარებამდე. ხშირია ნაპრალიანი ბავშვების დაბადება ასაკში მყოფ ქალებში.

ნაპრალის ჩამოყალიბება ხდება ორსულობის 4-6 კვირაზე, როდესაც არ ხდება ზედა ყბის ბორცვების ან სასის წანაზარდების, ყბათაშორისი ძვლის, ალვეოლური მორჩების  შეერთება. ასევე შეიძლება განვითარდეს უფრო მოგვიანებით, შეხორცებული ფრაგმენტების გახლეჩვის ხარჯზე. შემთხვევათა 15% ზედა ყბის ნაპრალი თანხვედრაშია სხვა ორგანოების განვითარების მანკებთან.

ზედა ყბის არასრულფასოვან ზრდას და მიმაგრებას თავის ქალასთან მივყავართ თანკბილვის დარღვევამდე, როგორც საგიტალურ და ტრანსვერსალურ, ასევე ვერტიკალურ სიბრტყეებში. ამ დროს ქვედა ყბის ზომა და მდებარეობა შეიძლება იყოს ნორმის ფარგლებში.

სასის ორმხრივი ნაპრალის დროს საჭრელი ძვალი მოძრავია და გამოწეულია წინ. ალვეოლური მორჩის გვერდითი ფრაგმენტები წინა ნაწილები გადმონაცვლებულია სასისკენ რის გამოც საჭრელი ძვლისთვის ადგილი საკმაოდ მცირეა.

782821.fig.001ზედა ტუჩის ნაპრალის დროს აღინიშნება მისი ზომისა და ფორმის ცვლილებები, რასაც მივყავართ ტუჩის არასრულფასოვან ფუნქციონირებამდე. ასეთ ბავშვებს ზედა ტუჩის მოძრაობა შეზღუდული აქვთ, ასევე აღინიშნება მოკლე კარიბჭე. სასის ნაპრალის დროს განუვითარებელი რჩება რბილი სასის და საყლაპავის შუა ნაწილის კუნთები, რაც გავლენას ახდენს ზედა ყბის არასრულფასოვან განვითარებაზე, ეს უკანასკნელი კი თავის მხრივ  – ქვედა ყბის არასწორი ზომისა და ფორმის ჩამოყალიბებაზე.

დაბადების პირველივე დღეებიდან ბავშვს აღენიშნება ფუნქციონალრი დარღვევები. ზედა ტუჩის და განსაკუთრებით სასის ნაპრალის არსებობის დროს საკმაოდ რთულდება ბუნებრივი გზით კვება. საჭიროა ბავშვის კვება კოვზით, ან მატყუარით. იმის გამო, რომ პირის და ცხვირის ღრუები დაკავშირებულია ერთმანეთთან თავდაპირველად ხდება რძის შემდგომ კი სხვა საკვები ნაწილაკების მოხვედრა ცხვირში. ამ ღრუების გაერთიანება შეუძლებელს ხდის ნორმალურ სუნთქვას. იგი ხდება გახშირებული და ზედაპირული, რაც იწვევს ორგანიზმის დასუსტებას. ცხვირითა და პირით ერთდროული სუნთქვა იწვევს ისეთ დაავადებებს, როგორიცაა: რინიტი, ოტიტი, ფრონტიტი და ა.შ.

cleft-lip-a5ცხვირის ღრუში ანთებითი პროცესების მიზეზი არის მასში მოხვედრილი და შეკავებული საკვების ნარჩენები. შემდგომ წლებში ემატების მეტყველების დარღვევაც. რასაც მივყავართ ბავშვის გარიყვისაკენ სოციალური ფენებიდან.

იმის გამო რომ შეფერხებულია, როგორც ზოგადი ასევე ყბების ზრდა ხდება კბილების დაგვიანებული ამოჭრა. კერძოდ სარძევე კბილები ამოიჭრება რამოდენიმე თვით გვიან, ხოლო მუდმივი საჭრელები და ეშვები 1-2 წლის დაგვიანებით.

ნაპრალის მიდამოში შესაძლოა განვითარდეს კბილთა ჩასახვის პათოლოგიები, როგორიცაა: ადენტია, ზეკომპლექსური კბილები, მიკროდენტია, რეტენცია, ჩანასახის არასწორი მდებარეობა და ა.შ.

ზედა ტუჩის ოპერაცია კეთდება ბავშვის ზოგადი მდგომარეობის გათვალისწინებით 4-6 თვის ასაკში. ქეილოპლასტიკის შემდეგ ბავშვს უმზადებენ ობტურატორს რათა  მოხდეს ცხვირისა და პირის ღრუს გამოჯვნა. მისი საშუალებით ხდება, როგორც სუნთქვის, ასევე საკვების მიღების პროცესის გაუმჯობესება.

ზოგიერთი ქირურგის აზრით, ობტურატორი ახდენს ლორწოვანი გარსის დათხელებას ნაპრალის კიდეებთან, რაც თავის მხრივ პრობლემას უქმნის ნორმალურ ქირურგიულ ჩარევას.

1,5-2 წლის ასაკში ტარდება ველოპლასტიკა, რაც გულისხმობს სასის უკანა წანაზარდების დაახლოებას. მაგარი სასის ნაპრალის პლასტიკური ოპერაცია ხდება სკოლამდელ ასაკში. საკვების მიღებისა და მეტყველების გაუმჯობესების მიზნით.

როგორც პრაქტიკამ აჩვენა, მხოლოდ ქირურგიული ჩარევით ვერ ხერხდება სრულად ფუნქციისა და ესთეტიკის აღდგენა. ასეთ ბავშვებში ოპერაციის შემდეგ წარმოქმნილი ნაწიბური ახდენს ზედა ტუჩის დამოკლებას, რაც თავის მხრივ ზრდის ზეწოლას ზედა ყბის ალვეოლური მორჩის ფრონტალურ ნაწილზე.

ორთოდონტიული მკურნალობა ბავშვებში ზედა ტუჩისა და სასის ნაპრალის დროს იწყება 3-4 წლის ასაკში. ქეილოპლასტიკის შემდეგ ზედა ტუჩის ცალმხრივი ნაპრალის დროს, ზედა ყბის კბილთა რკალი განაგრძობს დეფორმირებას, ფორმაშეცვლილი ტუჩის ზეწოლის შედეგად. ხდება მოკლე ფრაგმენტის გადმონაცვლება წინ და სასისკენ, ხოლო დიდი ფრაგმენტი მნიშვნელოვან ცვლილებებს არ განიცდის. საბოლოო ჯამში კბილთა რკალი ხდება ასიმეტრიული. უმეტეს შემთხვევაში აღინიშნება კბილთა რკალის შევიწროება ჰორიზონტალურ (ხშირად ეშვების მიდამოში) და საგიტალურ სიბრტყეში. ზედა ყბის დეფორმაცია თავის მხრივ აისახება ქვედა ყბის დეფორმაციაზეც.

cleft-lip-and-palate-before-after-1ორთოდონტიული მკურნალობის წინ რეკომენდებულია პირის ღრუს სანაცია, რადგან ხშირია მუდმივი და სარძევე მოლარების ასევე ცენტრალური საჭრელების კარიესი. ასეთ ბავშვებში პაროდონტი დაავადებებიც 10 ჯერ უფრო ხშირად გვხვდება, ვიდრე ჯანმრთელებში.

სასის ნაპრალის მქონე პაციენტებში ანაბეჭდის აღება სპეციალურ ცოდნას მოითხოვს, რათა არ მოხდეს საანაბეჭდო მასის მოხვედრა ცხვირის ღრუში.

როგორც წესი ორთოდონტიული მკურნალობა იწყება ზედა კბილთა რკალის დაგრძელებით. დიდი მნიშვნელობა აქვს ხრახნის პოზიციას ფირფიტაში, რათა მოხდეს მოხდეს კბილების კორპუსული გადაადგილება. ხრახსნის გარდა კეთდება დასაკბეჩი მოედნები.

ზედა ყბასთან ერთად, ან მოგვიანებით იწყება ქვედა ყბის ზომის გადიდება თუკი ის დეფორმირებულია.

ურანოპლასტიკა გულისხმობს დეფექტის დახურვას რბილი ქსოვილებით, ძვლოვანი ნაპრალი კი რჩება. ამიტომ ოპერაციის შემდეგ კბილთა რკალი შეიძლება შევიწროვდეს და დამოკლდეს. რიციდივის ხარისხი დამოკიდებულია პირველადი დაზიანების სიმძიმეზე და შემდგომ ტუჩისა და სასის ნაწიბუროვან ცვლილებაზე.

მუდმივი თანკბილვის დროს ხდება მოუხსნელ (ბრეკეტები) კონსტრუქციაზე გადასვლა და საჭიროების შემთხვევაში ექსპანდერების ხმარებაც. სასურველია ფიზიოთერაპიული კურსის დანიშვნაც.

მიუხედავად კბილთა რკალების მძიმე დეფორმაციისა და თანკვილვის დარღვევისა, სწორი და ხანგრძლივი მკურნალობა კარგ შედეგს იძლევა.

green_toothbrush_blue_floss_end_of_floss_horizontal.jpgრა მოხდა?

ა.შ.შ. ჯანდაცვის სამინისტრომ უარი განაცხადა კბილის ძაფი (ფლოსის) გამოყენებაზე. ის არ შიეტანეს ჯანმრთელი კვების წესების ბოლო გამოცემაში. Associated Press სააგენტომ სთხოვა ჯანდაცვის სამინისტროს განემარტა მისი პოზიცია და მიიღო პასუხი: საერთოდ კბილის ძაფის გამოყენების ეფექტურობა არასდროს არ ყოფილა საფუძვლიანად შესწავლილი.

როგორ თუ არ იყო შესწავლილი?

აი ასე. მიიღო რა ჯანდაცვის სამინისტროს პასუხი Associated Press დაიწყო ძიება ამ თემაზე ბოლო 10 წლის მანძილზე დაწერილი ნაშრომების. მათში აღწერილი იყო კბილის პასტის და კბილის პასტის და ფლოსის გამოყენების შედარებითი დახასიათება. აღმოჩნდა, რომ კვლევების ავტორებმა ფლოსის სასარგებლოდ შეძლეს მხოლოდ სუსტი მტკიცებულებების მოძიება. ეს მწირი შედეგები მათ მიიღეს საკმაოდ საეჭვო მეთოდოლოგიაზე დაყრდნობით. მაგალითად ერთი ექსპერიმენტი გაგრძელდა მხოლოდ 2 კვირა, მიუხედავად იმისა ამ დროში კარიესი ვერ მოასწრებს განვითარებას. სხვა კვლევაში 25 ადამიანს მისცეს კბილის ძაფი მხოლოდ ერთხელ – ესაც არაა საკმარი იმისთვის რომ ინახოს რაიმე ცვლილება. ამას გარდა აღმოჩნდა, რომ რიგი შრომები ფინანსდებოდა მწარმოებლების მიერ.

და რა კბილის ძაფი (ფლოსი) მართლაც უსარგებლოა?

4429422_267894_flossingჩვენ არ ვიცით. დარწმუნებით შეგვიძლია ვთქვათ, რომ მეცნიერული მტკიცებულებები ამასთან დაკავშირებით ჯერ ჯერობით არ არსებობს. მიუხედავად ამისი რიგი სტომატოლოგები მაინც ურჩევენ ძაფის გამოყენებას: იგი იაფია, მავნე არაა და შეიძლება სასარგებლოც იყოს.

როგორ გამოვიყენოთ იგი სწორად?

ეს მარტივი არაა. აი მაგალითად რას ურჩევს ბრიტანეთის ჯანდაცვის სამინისტრო. აიღეთ ძაფი დაახლოებით 45 სანტიმეტრი, დაიხვიეთ ორივე ხელის შუა თითებზე. დაიჭირეთ ძაფი თითოეული ხელის ცერა და საჩვენებელი თითებით – გამოგივათ ძაფის თავისუფალი ფრაგმენტი დაახლოებით 2,5-5სმ. დაჭიმეთ ძაფი და მოათავსეთ კბილებს შორის. ფრთხილად ამოძრავეთ ძაფი ზევით და ქვევით, შეეხეთ რა კბილის ზედაპირს. როდესაც ძაფი მიუახლოვნება ღრძილს მოახვიეთ კბილს და დაჭიმეთ. შემდეგ ფრთხილად დაიწყეთ მისი ზევით ამოტანა, გაწმინდეთ ნადები კბილიდან. შეასრულეთ ეს ყველაფერი კბილის მეორე ზედაპირზეც. დაიმუშავეთ ძაფით ზედა და ქვედა ყბა. არავითარ შემთხვევაში არ “გახერხოთ” კბილებს შუა ზედაპირი ასე შეიძლება ტრავმა მიაყენოთ ღრძილს.

ყოველი შემთხვევისთვის აი ვიდეო ინსტრუქციაც

კარგი, როგორ გავიხეხოთ კბილის ჯაგრისით?

დაიჭირეთ ჯაგრისი ისე, რომ იგი იყოს 45 გრადუსით ღრძილთან მიმართებაში. დაიწყეთ მსუბუქი მოძრაობები ზევით და ქვევით. გაიწმინდეთ კბილის გარე, შიგნითა და საღეჭი ზედაპირები, არ დაგავიწყდეთ ბოლო კბილები და ენა. შემდეგ გადაანერწყვეთ დარჩენილი პასტა ან გამოივლეთ მცირე რაოდენობის წყლით – ისე რომ არ ჩამორეცხოთ მთელი პასტა კბილებიდან. წინააღმდეგ შემთხვევაში თქვენ მოაშორებთ მთელ ფტორს და იგი ვეღარ იმოქმედებს.

მთელმა პროცესმა უნდა წაგართვათ დაახლოებით 2 წუთი. სტომატოლოგები ურჩევენ გადათვალონ 30 წამი თითო ყბაზე: მარჯვენა ზედა, მარცხენა ზედა, მარჯვენა ქვედა, მარცხენა ქვედა. დრო და დრო დაიწყეთ მარჯვენა მხრიდან ან ქვედა ყბით – ასე თქვენ იქნებით უფრო ყურადღებით და მაქსიმალურად გააკონტროლებთ პროცესს. კბილები უნდა იხეხოთ არა ნაკლებ ორჯერ დღეში. პირველი საუზმის შემდეგ. დიახ შემდეგ. ბოლოს ძილის წინ.

და რა მოხდება ძალიან ხშირად, რომ ვიხეხო კბილები?

keep-teeth-clean_533x255_ThinkstockPhotos-78652984სჯობს ასე თუ არ იზამთ. თუკი თქვენ იხეხავთ კბილებს ძალიან ხშირად (მაგალითად დღეში ხუთ-ექვსჯერ) თქვენ შესაძლოა დაიზიანოთ კბილის მინანქარი და ღრძილები. როგორც განმარტავენ ვებგვერდზე AskTheDentist, ხშირი წმენდა იწვევს ჯაგრისის ჯაგრულების გაცვეთას. კიდეები ხდება უსწორმასწორო და ეფექტი ასეთი წმენდის იქნება, როგორც წმენდა დანით. ჯაგრისზე ზედმეტი ზეწოლაც მავნეა.

კარგი და რომელი კბილის ჯაგრისი სჯობია ჩვეულებრივი თუ ელექტრო?

აქ არანაირი განსხვავება არაა. მთავარია კარგად გაიხეხოთ კბილები დღეში ორჯერ ფტორშემცვლელი პასტით. აირჩიეთ ჯაგრისი, რომელიც უფრო მოსახერხებელი და სასიამოვნოა თქვენთვის. ელექტრონული ჯაგრისი შესაძლოა უფრო კომფორტული იყოს ართრიტიანი და ხელების და ბეჭების დაავადებების მქონე ადამიანებისთვის. ბავშვებმა შეიძლება გამოიყენონ ელექტროჯაგრისი სამი წლიდან.

როგორ ავირჩიოთ ჯაგრისი?

ბრიტანეთის ჯანდაცვის სამინისტრო გვირჩევს კბილის ჯაგრისს მცირე “ზომის თავით და კომპაქტურად და კუთხით ჩასმული გრძელი და მოკლე ჯაგრულებით მომრგვალებული ბოლოებით”. ჯაგრულები უნდა იყოს რბილი ან საშუალო სიხისტის – ესეთი ჯაგრისები თითქმის ყველა ადამიანისთვისაა. ელექტროჯაგრისები სჯობს აირჩიოთ ვიბრირებადი ან მბრუნავი თავით.

correct-amount-of-toothpaste-for-kidsროგორი კბილის პასტა შევიძინოთ?

ფტორშემცველი. მოზრდილებმა სჯობს გამოიყენონ პასტა რომელშიც ფტორის შემცველობა 1350-1500ppm (10000ppm=1%). ასეთი კბილის პასტა შეიძლება ბავშვებმაც გამოიყენონ, მაგრამ 3 წლამდე უნდა მივცეთ პასტის ძალიან მცირე რაოდენობა, ხოლო ექვს წლამდე ცერცვის მარცვლის ოდენა. თუკი 6 წლამდე ბავშვს არ აქვს კარიესი, შეიძლება უყიდოთ პასტა ფტორის მცირე შემცველობით (1000ppm).

სულ ესაა?

არა, მარტო ეს არაა. არ მოწიოთ და არ მიიღოთ ბევრი ტკბილი. სხვანაირად კბილებს ვერანაირად ვერ უშველით.