Feeds:
ჩანაწერები
კომენტარები

Archive for the ‘ქირურგია’ Category

სირონა, ავტოკლავისიამაყით გვინდა წარმოგიდგინოთ ჩვენი ახალი აპარატი DAC Universal- ბუნიკების სტერილიზატორი. აპარატი 12 წუთში რეცხავს, ზეთავს და ასტერილებს ბუნიკებს.

მთლიანად ავტომატური ავტოკლავების ახალი თაობის წარმომადგენელი: გერმანული კომპანია Sirona ავტოკლავი DAC Universal. ყოველდღიურად ჰიგიენის და სტერილიზაციის მოთხოვნები უფრო მეტ მნიშვნელობას იძენს. ჩვენ ვზრუნავთ რა საკუთარ მომხმარებლებზე გამუდმებით ვართ სიახლის ძიებაში. მრავალფუნქციური სტომატოლოგიური აპარატი, რომელიც აქტიურად გამოიყენება მსოფლიოს წამყვან ქვეყნებში ისეთი პროცედურებისთვის, როგორიცაა ავტომატური dac_sironaგავლება, წნევით რეცხვა, დაზეთვა და სტერილიზაცია. აღნიშნული აპარატი მთლიანად აკმაყოფილებს “S” კლასის მოწყობილობების სტანდარტებს EN 13060.
სტერილიზაციის, დაზეთვის და გაშრობის ყველა ამოცანას აღნიშნული აპარატი ასრულებს ავტომატურ რეჟიმში, საიმედოდ და ინსტრუმენტების დაზიანების გარეშე.

უნივერსალურობა:
• სტომატოლოგიური ბუნიკების სტერილიზაცია, როგორც გარედან ასევე შიგნით, წყლის მილაკების ჩათვლით.
• სტერილიზაცია 134 გრადუსზე
• წინასწარი გაშრობა

უსაფრთხოება:
• სტერილიზაციის ყველა ეტაპის ავტომატური გავლა, რასაც ნოლზე დაჰყავს ადამიანის მიერ შეცდომის დაშვების ალბათობა.
• უმაღლესი საიმედობა, რაც უზრუნველყოფს, როგორც პაციენტების ასევე სამედიცინო პერსონალის უსაფრთხოებას.
• უკუ ჭავლის ტექნოლოგიის გამოყენებით, გაჯერებული ორთქლი გადის ინსტრუმენტებში ასტერილებს რა, როგორც Sirona22188შიდა მილებს ასევე გარეთა ზედაპირებს. შედეგად ჯვარედინი დაინფიცირების რისკი ფაქტიურად ნოლი ტოლია

 

 

 

 

 

 

 

Read Full Post »

ლაზერიუკვე საუკუნეებია რაც ადამიანი იყენებს სინათლეს სამკურნალო და გამაჯანსაღებელი მიზნებით.  პრაქტიკულ მედიცინაში მზის გამოსხივების და  სპეციალური ულტრა-იისფერი სხივების მიზანმიმართლი შუქი ზოგიერთი დაავადების სამკურნალოდ გამოიყენება.

პრინციპულად ახალი სხივით თერაპიის ხანა დაკავშირებულია ლაზერის გამოგონებასთან. ლაზერი – ბუნებაში ანალოგის არ მქონე გამოსხივება. სიტყვა Laser იშიფრება, როგორც light amplification by stimulated emission of radiatiоn, რაც პირდაპირ ითარგმნება «სინათლის გაძლიერება იძულებული გამოსხივების მეშვეობით». მოწყობილობა, რომელიც გარდაქმნის ტუმბვის ენერგიას კოჰერენტულ, მონოქრომატულ, პოლარიზებულ და მიმართულ სინათლის სხივად.

“ნინო ბერიძის ორთოდონტიული ცენტრი” გთავაზობთ სიახლეს. მკურნალობის განსხვავებულ კონცეფციას ლაზერით.

დიოდური ლაზერიიტალიური კომპანია LAMBDA Scientifica, მსოფლიო ლიდერი  ლაზერის წარმოებაში.  სტომატოლოგიური ლაზერის Doctor Smile Simpler დახვეწილი, განახლებული მოდელი გამოირჩევა რიგი უპირატესობებით.

მისი გამოყენების სიმარტივე, სტომატოლოგს საშუალებას აძლევს განახორციელოს მკურნალობა სპეციალური მომზადების გარეშე. მონიტორის სენსორულ ღილაკზე ერთი ხელის დაჭერით შესაძლოა გამოყენების სასურველი არეალის არჩევა.

  • ქირურგია
  • პაროდონტოლოგია
  • ენდოდონტია
  • თერაპია
  • გათეთრება

სტომატოლოგიური ლაზერი Simpler იყენებს კონფიგურაცია T.O.P. (TISSUE OPTIMIZED PULSING – სხვადასხვა ქსოვილის მიხედვით ოპტიმიზირებული იმპულსი). იგი იძლევა 4 ქირურგიული პროგრამის არჩევის საშუალებას:

  • გრანულაციური ქსოვილი
  • ჯანმრთელი ქსოვილი
  • ფიბროზული ქსოვილი
  • კოაგულაცია

ლაზერი სტომატოლოგიაშისტომატოლოგმა საკმარისია აირჩიოს გამოყენების სასურველი არეალი, განსაზღვროს ქსოვილის ტიპი და აწარმოოს მკურნალობა უსისხლოდ, უმტკივნეულოდ, მაქსიმალურად სწრაფად და რეგენერაციის (აღდგენის) მაქსიმალური ტემპებით.

სტომატოლოგიური დიოდური ლაზერი  Simpler აღჭურვილია ინოვაციური პროგრამით  NaWiGo. ეს სანავიგაციო სისტემა იძლევა სრულ ინფორმაციას თითოეულ პროგრამაზე ყველა პარამეტრით და კლინიკური ინფორმაციით, რაც თავის მხრივ უფრო ეფექტურს ხდის სტომატოლოგის მუშაობას და მეტად კომფორტულს ქმნის მკურნალობის პროცესს პაციენტისთვის.

Read Full Post »

პროფწმენდა

კომფორტული SPA პროცედურები ყვითელი პიგმენტური ნადების, ღრძილზედა და ღრძილქვეშა კბილის ქვების მოსაშორებლად

რატომ 

 

 

 

 

 

პროფესიონალური ჰიგიენის

პროცედურა აუცილებელია კბილების ბუნებრივი სითეთრის და სილამაზის შესანარჩუნებლად, უსიამოვნო სუნის და ღრძილებიდან სისხლდენის აღმოსაფხვრელად. მოგეხმარებათ დიდი ხნით შეინარჩუნოთ კბილების და ღრძილების ჯანმრთელობა. ასევე აუცილებელია მისი ჩატარება ნებისმიერი სტომატოლოგიური მკურნალობის წინ. თუკი გავიწყდებათ კბილების გამოხეხვა ჩნდება ე.წ. კბილის ბალთა, რომელზედ დროთა განმავლობაში გროვდება კბილის ნადები, იგი ვრცელდება კბილის ყველა ზედაპირზე. ამის შემდგომ პირის ღრუში ყალიბდება სპეციალური მიკროფლორა, რაც იწვევს ნადების მინერალიზაციას. ასე წარმოიქმნება კბილის ქვა.

რითია საშიში კბილის ქვა?

განარჩევენ კბილის ქვის ორ სახეობას – ღრძილზედა და ღრძილქვეშა. ღრძილზედა ქვა აზიანებს კბილ-ღრძილოვან შეერთებას, შედეგად ქვა ყალიბდება უკვე ღრძილქვეშ. დროის განმავლობაში ქვა იზრდება შიგნით, მიყვება რა კბილის ფესვს, აზიანებს იოგებს და ყბის ძვალს. საბოლოოდ ყალიბდება პათოლოგიური ჯიბე, რაც თავის მხრივ იწვევს პაროდონტის დაავადებას.

როგორ ტარდება პროცედურა

  • კბილის ქვის მოშორება ხდება
    ულტრაბგერითი აპარატით, ულტრაბგერის საშუალებით ხდება კბილების განთავისუფლება მაგარი ნადებისაგან ანუ ქვებისაგან. ულტრაბგერითი აპარატი ეფექტურად აშორებს, როგორც ღრძილზედა ასევე ღრძილქვეშა ქვებს.
  • კბილების წმენდა Air-Flow სისტემით
    ეს აპარატი აშორებს კბილებზე არსებულ რბილ ნადებს, ანუ კვებით საღებავებს (ჩაი ყავა), ასევე ე.წ. „მწეველის ნადებს“. წნევის ქვეშ ნატრიუმის ბიკარბონატი წყალთან ერთად ქმნის საკმაოდ აბრაზიულ ჭავლს. ფხვნილის წვრილდისპერსული მარცვლები ყოველგვარი ზიანისა და მინანქრის ტრავმირების გარეშე ძალიან მარტივად აშორებს ნადებს. აღნიშნული პროცედურის შემდეგ კბილები დიდი ხნით ინარჩუნებენ სიპრიალეს, სისუფთავეს და სილამაზეს.
  • რთულად მისადგომი ადგილებიდან ქვების ფაქიზი მოშორება ყველაზე წვრილი ინსტრუმენტების დახმარებით.

რა სიხშირით უნდა ჩავიტაროთ პროფილაქტიკა

  • არაუმეტეს 1-2 ჯერ თვეში, იდეალური ჰიგიენის შესანარჩუნებლად (მსუბუქი წმენდა სპეციალური საპრიალებელი ჯაგრისებით).
  • 3 თვეში ერთხელ – ბრეკეტებით მკურნალობისას.
  • ტრიმესტრში ერთხელ – ფეხმძიმე დედებისთვის (ულტრაბგერითი სკალერის გარეშე)
  • წელიწადში ორჯერ – კბილების და ღრძილების ჯანმრთელობის შესანარჩუნებლად.
  • “ნინო ბერიძის ორთოდონტიულ ცენტრში” მკურნალი ექიმი ინდივიდუალურად შეადგენს თქვენთვის საჭირო პროფილაქტიკური ღონისძიებების გრაფიკს, აგრეთვე გასწავლით თუ როგორ მოუაროთ კბილებს სახლის პირობებში.

Read Full Post »

კბილების ხეხვა

ერთი შეხედვით რა უნდა იყოს კბილების გახეხვაზე ადვილი? გაისვი-გამოისვი ჯაგრისი, გადაანერწყვე, გამოივლე და ეგაა. მაგრამ არა, სრულყოფილების მისაღწევად აუცილებელია, როგორც პრაქტიკული ასევე თეორიული ცოდნა. ამიტომ კბილების გამოხეხვა – ხელოვნებაა, რომელიც საჭიროებს პროფესიონალურ სწავლებას.

მხოლოდ პერსონალური, ინდივიდუალური მიდგომა და ცოდნა, რომელსაც ფლობენ „ნინო ბერიძის ორთოდონტიულ ცენტრში“ დაგეხმარებათ შეცვალოთ ჰიგიენის ჩვევები და უზრუნველყოთ კბილების და ღრძილების ჯანმრთელობა მთელი ცხოვრების მანძილზე.

  • კბილების წმენდის ინოვაციური ტექნიკის შესწავლა.
  • სახლის პირობებში გამოსაყენებელი ჰიგიენის საშუალებების ინდივიდუალურად შერჩევა.
  • რეკომენდაციები ჯენმრთელობის, სითეთრის და სიქათქათის შესანარჩუნებლად

თეორია

გაიცანით, კბილის ნადები – კბილების დაშლის და ყველა დაზიანების გამომწვევი, იმალება კბილებს შორის, ღრძილზედა და ღრძილქვეშა მიდამოებში, რაც ჩვეულებრივი ჯაგრისით ხეხვისთვის მიუდგომელია. ხოლო უყურადღებობის და ცუდი ჰიგიენის შემთხვევაში ნადები ხდება კბილების დაზიანების მიზეზი. ამიტომ გონიერი სტომატოლოგები ნებისმიერ თემაზე საუბარს იწყებენ შეკითხვით:  „აბა, როგორ იხეხავთ კბილებს?“

ნადები, კბილები

ფაქტია!

კბილების პროფესიონალური წმენდა წელიწადში ორჯერ ამცირებს ღრძილების დაავადების რისკს 80%, კარიესს – 60%.

ყველაზე მნიშვნელოვანი ჯაგრისებზე

ფიქრობთ, რომ მაგარი ჯაგრისი უკეთ აშორებს ნადებს?

მაგარი ჯაგრისი

  • მაგარი ჯაგრისი ვერ აღწევს რთულად მისადგომ ადილებში. მაგრამ ზედმეტი ძალისხმევის დატანებაც სახიფათოა!
  • კბილებზე არსებული ბაქტერიული ნადები რბილია. არ არის საჭირო მისი გამოფხეკა! უკიდურეს შემთხვევაში  მისი მოშორება შესაძლებელია რბილი ქსოვილითაც.ჯაგრულები
  • რბილი ჯაგრისიც მცირე ზემოქმედებით მშვენივრად ედება არასწორ ზედაპირს.
  • ჯაგრულების სისქე – 0,1 მმ!
  • 10 ჯერ მეტი ჯაგრულები ჩვეულებრივ ჯაგრისთან შედარებით!კბილის ჯაგრისი

კბილების ხეხვის ხელოვნება

  • ჯაგრულები განათავსეთ 45კუთხით
  • 50% ჯაგრისის ზედაპირი – ღრძილის მიდამოში
  • 50% კბილის ზედაპირზეხეხვა

რბილი ჯაგრისები – ღრმა და ფაქიზი წმენდა მგრძნობიარე ღრძილის კიდეების, ზედმეტი ზეწოლის გარეშე.

ტექნიკა სოლო – ყველა კბილის ინდივიდუალური წმენდა

  • ყოველი კბილი იწმინდება სათითაოდ
  • კბილის ნადები სრული კონტროლი
  • იდეალურია შემდეგ ადგილებში გამოსაყენებლად: იმპლანტების გარშემო, უკანა კბილებზე, ცალკე მდგომი კბილების, ბრეკეტები და ორთოპედიული კონსტრუქციების (ატაჩმენების) გარშემო.სოლო კბილის ჯაგრისი

კბილთაშუა სივრცეების წმენდა

  • სწორად შერჩეული კბილთაშუა ჯაგრისი უზრუნველყოფს კბილის ნადების სრულ კონტროლს კბილთაშუა სივრცეებშიკბილთაშუა ჯაგრისი

arc7-8ენის წმენდა

  • ენის ზედაპირზე არსებულ ნაოჭებში დიდი რაოდენობით საკვები გროვდება, რაც ბაქტერების საკვებს წარმოადგენს. დალასის ამერიკის სტომატოლოგიური კვლევების ყოველწლიურ შეკრებაზე, ბუფალოს უნივერსიტეტის მეცნიერებმა, ენის ზედაპირზე მცხოვრები ბაქტერია Solobacterium moorei ჰალითოზის ძირითად გამომწვევად დაასახელეს.
  • გამოიყენეთ ენის საწმენდები ენის ზედაპირიდან საკვების ნარჩენების მოსაშორებლად.arc11111

Read Full Post »

თანამედროვე სტომატოლოგია წარმოუდგენელია რენტგენოლოგიური კვლევების გარეშე.

დღეისათვის “ნინო ბერიძის ორთოდონტიული ცენტრი წარმოგიდგენთ სიახლეს, გერმანული კომპანია Sirona-ს დანადგარს ორთოპანთომოგრაფიისა და ცეფალომეტრიული კვლევებისათვის.sirona

25 წელზე მეტია სირონას სტომატოლოგიური სისტემა მოწინავე პოზიციებს იკავებს სტომატოლოგიური ტექნოლოგიების ინოვაციურ განვითარებაში მთელი მსოფლიოს მასშტაბით. სირონა არ ჩამორჩება სტომატოლოგიის ბაზრის ტენდენციებს და მუდმივად სთავაზობს უმაღლესი დონის სტომატოლოგიურ აღჭურვილობას.

მისი საშუალებით შესაძლებელია, კონკრეტულ შემთხვევაში არსებული პრობლემის ზუსტი განსაზღვრა.

სირონადიაგნოსტიკა – პროგნოზირებადი მკურნალობის საფუძველია! სრულყოფილი სტომატოლოგიური მკურნალობის მისაღებად პაციენტს უტარდება მთელი პირის ღრუს გამოკვლევა.

ნათქვამია : “ვინც კარგად სვამს დიაგნოზს – ის კარგადაც კურნავსო” . ჩვენს კლინიკაში დიაგნოსტირება ტარდება  გერმანული კომპანია Sirona-ს რენტგენ-აპარატით. აღნიშნული აპარატით დიაგნოსტირებისას დასხივების დოზა 80% იათაა შემცირებული, ვიდრე ტრადიციულ აპარატებზე.

Orthopos XG 5 აქვს ციფრული პანორამული გადაღების 12 პროგრამა.

აპარატი აღჭურვილია სპეციალური პროგრამით ბავშვებისათვის.

ორთოდონტიული მკურნალობის წინ აუცილებელია სრული დიაგნოსტიკა. დიაგნოსტიკა შესაძლოა მოიცავდეს კვლევის სხვადასხვა მეთოდებს, რომელთა საფუძველზეც ხდება თანკბილვის განსაზღვრა, ასევე მოსალოდნელია დამატებითი კვლევების ჩატარებაც.

ორთოპანთომოგრამა –

მთელი ყბა-კბილთა სისტემის, როგორც ერთიანი ფუნქციონალური კომპლექსის

ორთო

ერთ მომენტიანი სურათია. სურათი მოიცავს ალვეოლურ მორჩებს მთლიანი მაშტაბით, ხოლო თვითონ გამოსახულება ერთ სიბრტყეზეა გაშლილი.  პაციენტზე მინიმალური რენტგენოლოგიური დატვირთვით, ორთოპანთომოგრამა დიდი მაშტაბით გვაძლევს ხარისხიან და სრულ სურათს. სურათზე მოჩანს:

  • ძირითადი ღრუები;
  • ძვლოვანი ქსოვილი;
  • პათოლოგია, არსებული ხილვადი საზღვრები;
  • ფესვების მდებარეობა.

ორთოპანთომოგრამას იყენებენ სხვადასხვა სპეციალისტები: ორთოდონტები, იმპლანტოლოგები, თერაპევტები, ორთოპედები. ზოგიერთ შემთხვევაში, ქირურგებს უბრალოდ არ შეუძლიათ მის გარეშე მუშაობა.

ენცეფალომეტრია – აღნიშნული კვლევა გამოიყენება თანკბილვის სხვადასხვა ანომალიის დიაგნოსტიკის, დიაგნოზის სიზუსტის დადგენისა და ორთოდონტიული მკურნალობის პროგნოზირებაში. სახისა და ტვინის ქალის, ასევე რბილი ქსოვილების კონტურების გამოსახულება საშუალებას იძლევა დავადგინოთ მათი ურთიერთქმედება, სახის ჩონჩხის აგებულების ანალიზისათვის.

ტელერენტგენოგრაფია (ტრგ) – (ბერძ. tele – შორს, – რენტგენოგრაფია) – რენტგენოგრაფია, რომელიც სრულდება შორი მანძილიდან საკვლევი ობიექტის მაქსიმალურად ზუსტი ზომების რენტგენოლოგიური სურათის მისაღებად.  აღნიშნული კვლევის მეთოდი ფართოდგამოიყენება ორთოდონტიაში. მისი მონაცემები აუცილებელია ორთოდონტიული დიაგნოზის და სწორი მკურნალობის ჩასატარებლად. ტრგ ყოველთვის ტარდება ორთოდონტიული მკურნალობის წინ ან ჩვენებიდან გამომდინარე მკურნალობის პროცესში და მკურნალობის დასრულებისას. ტელერენტგენოგრაფია წარმოადგენს თავის ქალის გვერდით ან პირდაპირ გამოსახულებას და გამოიყენება ცეფალომეტრიისთვის – სახის ჩონჩხის, სხვადასხვა უბნების ურთიერთობების ძალზედ ზუსტი გამოთვლები. ტრგ-ს მიხედვით ხდება ქალასთან მიმართებაში ზედა და ქვედა ყბის სწორი მდებარეობის, კბილთა  დახრილობის დადგენა, აგრეთვე სახის რბილი ქსოვილების შეფასება. ტელერენტგენოგრაფიის დროს მიღებული სურათი, უმცირეს დეტალებში ასახავს საჭირო უბნის ყველა ქსოვილს.

ზემოთ ჩამოთვლილი კვლევების ჩატარება შესაძლოა ექიმი-სტომატოლოგის მიმართვით, მას შემდეგ, რაც განისაზღვრა მეთოდი და მისი მნიშვნელობა მკურნალობის დაწყებისას.

ჩატარებული კვლევებიდან გამომდინარე, ექიმები ადგენენ მკურნალობის და ჩასატარებელი მანიპულაციები გეგმას. რენტგენოლოგიური კვლევების ჩასატარებლად აუცილებელია მიმართოთ სპეციალისტს, რომელიც დაგინიშნავთ თქვენთვის აუცილებელ კვლევის მეთოდს მკურნალობის გეგმასთან ერთად.

Read Full Post »

თავიდანვე მინდა ავღნიშნო, რომ ამ სტატიაში არც ერთ ქირურგ სტომატოლოგს არ ვაყენებ ჩრდილს და არც ჩვენი კლინიკის განდიდების მანიით ვართ შებყრობილები.

კბილების ამოღების პროცედურა უხსოვარი დროიდანაა ცნობილი ადამიანებისათვის. არის შემთხვევები, როდესაც კბილის გადარჩენა შეუძლებელია ან მისი შენარჩუნება არა მიზანშეწონილია. ვის ვანდოთ ეს ერთი შეხედვით მარტივი ოპერაცია?

ამის შესახებ რამოდენიმე მითი არსებობს:

მითი პირველი:  ყველაზე კარგად კბილს იღებენ უბნის პოლიკლინიკაში, იქ ექიმს იმხელა რიგი უდგას “სულ პანტაპუნტით” იღებს კბილებს.

მეორე მითი: კბილის ამოსაღებად ჯანიანი ექიმი უნდა ნახო, რომელიც ერთ წამში ამოიღებს კბილს.

მოდით ვისაუბროთ იმ თემებზე, თუ რა მიზნებს ისახავს თანამედროვე სტომატოლოგია კბილის ამოღების წინ, თავად კბილის ამოღების გარდა. იმპლანტოლოგიის განვითარების შემდგომ ექიმების ტერმინოლოგიაში დამკვიდრდა ტერმინი: ატრავმული ექსტრაქცია.

რა არის და რას გულისხმობს ეს ტერმინი?

კბილის ფესვები ყველა მხრიდან გარშემორტყმულია ძვლოვანი ქსოვილით. ზოგ ადგილებში ეს ძვალი თხელია, ხოლო ზოგან კი სქელი. კბილის ამოღების შემდეგ ყბის ალვეოლურ მორჩში ჩნდება ამობრუნებული კონუსის ფორმის ჭრილობა, რომელიც სწრაფად ივსება სისხლით.  რაც წარმოადგენს ჭრილობის შეხორცების და ძვლოვანი ქსოვილის შენარჩნების უცილებელ პირობას.

რომელიმე კედლის არ არსებობის შემთხვევაში, ჭრილობაში იჭრება ღრძილი და დამატებითი ჩარევების გარეშე (საკმაოდ რთული) იმპლანტაციისათვის აუცილებელი ძვლის მასა აღარ დაგვრჩება. ამ ფაქტორების გათვალისწინებით თანამედროვე ქირურგი ირჩევს კბილის ექსტრაქციის მეთოდს.

ძველ სახელმძღვანელობში ასწავლიდნენ კბილის ამოღებას მორყევით, რომელიც იწყებოდა თხელი ძვლის მხრიდან, შემდგომ ეს ნაწილი ტყდებოდა და კბილის ამოღება მარტივდებოდა. ამ მეთოდით დღესაც ხდება კბილების ამოღება. ექიმები, რომელთაც 6 საათში უნდა მოასწრონ 25-30 პაციენტის მიღება სხვანაირად უბრალოდ ვერც იმუშავებენ. ისინი გაწაფულები არიან კბილების სწრაფად ამოღებაზე. ხანდახან ასეთი ექსტრაქციის შემდეგ ესთეტიურ პროთეზირებაზე საუბარიც ზედმეტია.

ეხლა ვისაუბროთ მეორე მითზე: კბილის ამოსაღებად ძალა საჭიროა თუკი ცდილობთ კბილის ყბიდან ამომტვრევას. ატრავმული ამოღებისათვის ქირურგი იყენებს მხოლოდ თითების ძალას.

ამ მოსაზრებას პაციენტების საპასუხო შეკითხვა შესაძლოა მოჰყვეს, თუკი იქიმს თითებით შეუძლია კბილის ამოღება მაშინ თავისითაც ჩამოვარდება კბილი. ჯანმრთელი პაროდონტის მქონე პაციენტების კბილები საკმაოდ მყარად დგას ყბის ძვალში. საღეჭ კბილებს აქვთ 2-3 და იშვიათად 4 სხვადასხვა მხარეს მიმართული ფესვი. ასეთი კბილის ფრთხილად ამოსაღებად საჭიროა ფესვების გაყოფა. შემდგომ უკვე მათი ამოღება მარტივდება. შედეგად ნარჩუნდება იმპლანტაციისათვის საჭირო ყბის ძვალი.

მაგალითად:


ატრავმული
ზედა მეექვსე კბილი აღარ ემორჩილება მკურნალობას და საჭიროებს ექსტრაქციას, შემდგომი იმპლანტაციის მიზნით.

ატრავმული ექსტრაქცია

ფესვები განცალკევებულია. ამოღების შემდეგ ნარჩუნდება ფესვთაშორისი ძვლოვანი ძგიდე, რომელიც ამცირებს ჭრილობის შეხორცების ვადებს და ამცირებს ძვლის ატროფიას.

ამოღებული კბილის ფესვები:

ზემოთქმულიდან გამომდინარე  მიუხედავად იმისა აპირებთ უახლოეს მომავალში იმპლანტაციას თუ არა ჩემი რჩევა იქნება კბილი ამოიღოთ იმ ქირურგთან, რომელიც აკეთებს იმპლანტაციასაც (მინდა ავღნიშნო, რომ ყველა არაიმპლანტოლოგი ქირურგის ერთ “ქვაბში” ჩაყრას არ ვგულისხმობ), შენარჩუბული ძვლოვანი ქსოვილი მომავალშიც გამოგადგებათ.

Read Full Post »

ნინო ბერიძე
ამ გამოკითხვაში, რომელიც ჩატარდა პროფესიონალი სტომატოლოგების ჟურნალის RDH მიერ მონაწილეობა მიიღო 276 სტომატოლოგიაში მოღვაწე სპეციალისტმა, 262 ჰიგიენისტმა.

სტომატოლოგიური კლინიკის შესახებ პაციენტების აზრის გასაგებად ჩატარებულმა კვლევებმა, აჩვენა, რომ ყველაზე დადებითი განწყობით, როგორც ქალ ასევე მამაკაც პაციენტებში სარგებლობენ მკურნალი ექიმები.  ხოლო უარყოფითი შესაფება დაიმსახურეს მომსახურების ფასებმა.

ორივე სქესის დადებით შეფასებებს სტომატოლოგიური მომსახურების სხვადასხვა ასპექტებში, მცირე განსხვავება აქვთ. მაგალითად, მამაკაცები მკურნალი ექიმის გარდა დადებითად აფასებენ სამედიცინო პერსონალის სხვა წევრებსაც, ხოლო ქალბატონები აღნიშნავენ კლინიკის კეთილმოწყობას.

1. მკურნალი ექიმი

2. პერსონალის სხვა წევრი
4. კლინიკის ადგილმდებარეობა3. კლინიკის დიზაინი

5. მომსახურების ფასები

ამ 5 ასპექტის გარდა ჰიგიენისტ-სტომატოლოგებს სთხოვეს დაესახელებინათ  სტომატოლოგიური მომსახურების სხვა მხარეები, რომლებიც პაციენტების მხრიდან დადებით კომენტარებს იწვევდა.  ძირითადად პაციენტები ყველაზე დადებითან აფასებენ მათდამი პერსონალის კეთილგანწყობას. თუმცა დასახელდა სხვა უპირატესობებიც:

მანდილოსნებს მოწონთ:

  • პროცედურის შემდგომი თბილი ლავანდის პირსახოცები
  • სამუშაო ოთახის თანამედროვე ინტერიერი
  • უახლესი სტომატოლოგიური ტექნოლოგიები
  • მიღება მოცდის და ლოდინის გარეშე

მამაკაცებს მოწონთ:

111

 

  • ტელევიზორები, თამაშები კლინიკაში
  • უახლესი სტომატოლოგიური ტექნოლოგიები
  • მიღება მოცდის და ლოდინის გარეშე

მეორე მხრივ უარყოფით შეფასებას იწვევს მომსახურების ფასები, განსაკუთრებით ეს ფაქტი მამაკაცებს აწუხებთ. ჰიგიენისტების მესამედმა აღნიშნა ის ფაქტიც, რომ ქალბატონების უმრავლესობა უკმაყოფილოა სხვა მომსახურე პერსონალით.

“The RDH eVillage” მკითხველებმა ასევე მოიხსენიეს სხვა ასპექტები, რომლებიც პაციენტების უარყოფით განწყობას იწვევდა.

ქალბატონებს არ მოსწონთ:

  • მიღებაზე მისვლა მკაცრად დანიშნულ დროს
  • პარკირებასთან დაკავშირებული პრობლემები
  • სადაზღვევო მომსახურება
  • კლინიკის სამუშაო განრიგი
  • კლინიკის ყოფილი თანამშრომლები

მამაკაცებს არ მოსწონთ:

  • ექიმის ინსტრუქტაჟი პირის ღრუს ჰიგიენასთან დაკავშირებით
  • მუდამ მათთვის სასურველ დროს ექიმთა მოხვედრის შეუძლებლობა
  • სადაზღვევო მომსახურებაადმინისტრატორი

 

გამოკითხულების 60% აღნიშნა, რომ მომსახურე პერსონალი სამუშაო დროის უმეტესი ნაწილი კარგ განწყობაზეა. დარჩენილი 40% არ ეთანხმება ამ მოსაზრებას. ყველაზე “უჟმური” თანამშრომლად ქრონოლოგიურად დასახელდნენ: ოფის-მენეჯერი, ექიმი-სტომატოლოგის ასისტენტი, ადმინისტრაციის წარმომადგენელი, მკურნალი ექიმი, ჰიგიენისტი.

გამოკითხულებს ასევევ სთხოვეს დაესახელებინათ პერსონალის ყველაზე ქარიზმატული წევრი, მათ შორის: მკურნალი ექიმი, ჰიგიენისტი, ექიმის ასისტენტი, ოფის-მენეჯერი, ადმინისტრაციის წარმომადგენელი.

შეკითხვაზე, პაციენტები, როგორ თანამშრომელს თვლიან ქარიზმატულად დაფიქსირდა შემდეგი პასუხები:

  • მეგობრულს და სანდომიანს
  • ვინც ყურადღებით და გულდასმით მოუსმენს
  • ვინც ინტერესდება მათი საქმეებით
  • ისინი ვინც მართლაც, რომ გულით ზრუნავენ პაციენტებზე
  • მათ ვისაც ძალუძს ახსნას ყველაფერი მარტივ “ადამიანურ” ენაზე

Read Full Post »

ფარისებრი ჯირკვალიდღეისათვის მსოფლიოში ყველაზე გავრცელებული არაინფექციური დაავადება – იოდის ნაკლებობა (იოდდეფიციტი). მსოფლიო ჯანდაცვის ორგანიზაციის მონაცემებით იოდის ნაკლებობას განიცდის 1,5 მილიარდი ადამიანი მსოფლიოს 153 ქვეყანაში, მათგან 600 მილიონს გადიდებული აქვს ფარისებრი ჯირკვალი. საქართველოში ეს პრობლემა განსაკუთრებით აქტუალურია მთათუშეთში, სვანეთში, მაღალმთიანი აჭარაში, ზემო იმერეთში და კახეთის მთიანეთში. ყველაზე საგანგაშო ის არის, რომ ძირითად რისკ ჯგუფს მიეკუთვნებიან ფეხმძიმე და მეძუძური დედები, აგრეთვე 3 წლამდე ბავშვები. იოდდეფიციტის ლიკვიდაცია გაეროს ჯანდაცვის დარგში ერთერთი პრიორიტეტული მიმართულებაა.

იოდი ადამიანის ორგანიზმში

იოდი ადამიანის ორგანიზმში –  პირველადი მნიშვნელობის ნივთიერებაა. ამ ელემენტზეა უამრავი რამ არის დამოკიდებული: ხასიათიდან და კარგი ძილიდან დაწყებული ჯანმრთელი ორსულობიდან დაბადებამდე დამთავრებული. ინტელექტის მონაცემები პირდაპირ კავშირშია ორგანიზმში იოდის არსებობასთან. გაეროს მონაცემებით იოდის ნაკლებობა 43 მილიონი ადამიანის გონებრივი გამორჩენილობის მიზეზია. კიდევ 100 ათას ბავშვს ამ მიზეზით აღენიშნება თანდაყოლილი კრეტინიზმი. მწვავე იოდდეფიციტის მქონე რეგიონებში ბავშვების ინტელექტის მაჩვენებელი 20% ჩამორჩება სხვა რეგიონებს. ხანდახან იმასაც ამბობენ, რომ იოდდეფიციტის საშიშროება იმდენად დიდია, რომ ქმნის “ერის ინტელექტისათვის” საფრთხეს.

ორგანიზმში იოდი მონაწილეობს ფარისებრი ჯირკვლის ჰორმონების წარმოქმნაში. ადამიანის ცხოვრების შუა პერიოდში ფარისებრი ჯირკვლის მასა წარმოადგენს სულ რაღაც 20-30 გრამს, მაგრამ მისი მნიშვნელობა ძალზედ დიდია. ენდოკრინოლოგები ხუმრობენ კიდეც, რომ თუკი თავკომბალას ამოვაჭრით ფარისებრს იგი ვერასოდეს ვერ გადაიქცევა ბაყაყადო. იგივე ეხებათ ადამიანებს. თუკი ახალშობილების ფარისებრი ჯირკვალი არ მიიღებს სათანადო რაოდენობით იოდს იგი ვერ შესძლებს განვითარებას. ფარისებრ ჯირკვალში ხდება თირეოიდული ჰორმონების სინთეზი, მათ უმნიშვნელოვანესი ფუნქციიდან გამომდინარე ცხოვრების დირიჟირებსაც ეძახიან.  ჩვენს ორგანიზმში არ არის ორგანო ან სისტემა, რომელიც არ საჭიროებს თირეოიდულ ჰორმონებს. მათი წარმოქმნისათვის აუცილებელია ამინომჟავეები, თიროზინი და იოდი. თირეოიდული ჰორმონები განაგებენ ცილების, ცხიმების და ნახშირწყლების საჭირო რაოდენობას, არეგულირებენ ნერვული, შარდ-სასქესო სისტემები მუშაობას, ტვინის ფუნქციონირებას, აგრეთვე მთლიანი ორგანიზმის ზრდა-განვითარებას.

ფეხმძიმობაორგანიზმში იოდის ნაკლებობა: სიმპტომები

როგორ დავადგინოთ ორგანიზმში იოდის ნაკლებობა? იოდდეფიციტური დაავადების გამოვლინება იმდენად მრავალმხრივია, რომ სიმპტომებიც ძალზედ მრავალფეროვანია.

ყველაზე გავრცელებული სიმპტომებია

  • უმადობა
  • სწრაფი დაღლა, ცუდი განწყობა
  • თმისცვენა, კანის სიმშრალე, კბილების დაშლა
  • სმენის დაქვეითება, მეხსიერების გაუარესება, ხშირი თავის ტკივილები
  • დაქვეითებული იმუნიტეტი, ხშირი გაციებები და ინფექციური დაავადებები
  • ტკივილი გულის არეში, ქოშინი.

საკუთარი ფუნქციების დარღვევის და ორგანიზმში იოდის ნაკლებობის შედეგად ფარისებრი ჯირკვალი იზრდება. მაგრამ იოდდეფიციტით განვითარებული ჰორმონალურ დარღვევებს არ ახასითებს უმალ გამოვლენა, ამიტომაც მიიღო მან ასეთი სახელწოდება “ფარული შიმშილი”. იოდის, როგორც ფარისებრი ჯირკვლის ჰორმონების “საშენი მასალის” გამუდმებული ნაკლებობა იწვევს ჰიპოთირეოზის განვითარებას (ფარისებრი ჯირკვლის ფუნქციის დაქვეითება).

იოდდეფიციტის პროფილაქტიკა

იოდდეფიციტიყველა ადამიანმა ჯერ კიდევ მუცლადყოფნის პერიოდში უნდა მიიღოს მისთვის საჭირო იოდის რაოდენობა. მსოფლიო ჯანდაცვის ორგანიზაციის რეკომენდაციით იოდის დღიური ნორმებია:

  • 90 მკგ (მიკროგრამი) – ბავშვები დაბადებიდან 5 წლამდე
  • 120 მკგ – ბავშვები 5 დან 12 წლამდე
  • 150 მკგ – მოზარდები (12 დან) და ზრდასრულები
  • 250 მკგ – ფეხმძიმე და მეძუძური დედები

აგრეთვე დამტკიცებულია, რომ ქლორირებული წყალი, რომელსაც ჩვენ ვიღებთ ახდენს ფარისებრი ჯირკვლიდან იოდის “გამოძევებას”, ამიტომ ასეთი წყლის მიღება საჭიროებს საკვებში იოდის დამატებას.

რათა თავიდან ავიცილოთ ჯანმრთელობასთან დაკავშირებული პრობლემები, მიიღეთ იოდშემცველი პროდუქტები.

  • თევზი (კამბალა, ქაშაყი, სკუმბრია, ვირთევზა) და ზღვის პროდუქტები, თევზის ქონი;
  • რძის პროდუქტები;
  • ბურღულეული (წიწიბურას, ფეტვი)
  • ზღვის კომბოსტო;
  • თაფლი, ლიმონი, ნიგოზი;
  • იოდიზირებული მარილი.

Read Full Post »


პირველადი, სასწრაფო სტომატოლოგიური დახმარება შესაძლოა ყველას დასჭირდეს დღის ნებისმიერ მონაკვეთში. თუმცა ეს არ ნიშნავს, რომ პირველადი დახმარების შემდეგ არ უნდა მიხვიდეთ სტომატოლოგთან, ეს მხოლოდ დროებით ხსნაა.

კბილის მოტეხილობა

თუკი შემთხვევით მოიტეხეთ კბილი დაუყოვნებლივ გამოივლეთ თბილი წყალი, რათა მოხდეს პირის ღრუდან ნატეხების მოშორება.

სისხლდენის შემთხვევაში მიიდეთ სტერილური ბინტი, სანამ სისხლდენა არ შეწყდება. ტკივილის და შესიების თავიდან ასაცილებლად ლოყაზე, ან მონატეხი კბილის არეში მიიდეთ ცივი კომპრესი (მაგალითად ყინული ჩადებული პარკში და გახვეული პირსახოცში).

აუცილებელია სტომატოლოგთან დროული ვიზიტი სათანადო დახმარების აღმოსაჩენად.

ამოვარდნილი კბილი

კბილი შესაძლოა ამოვარდეს შემთხვევით ან სპეციალურად (ჩხუბის დროს :)) კბილის ამოვარდნილობა შესაძლოა იყოს სრული და ნაწილობრივი. ნუ ეცდებით მის უკან კბილბუდეში მოთავსებას. თუკი კბილი მთლიანად ამოვარდა მოათავსეთ რძეში ან თბილ მარილიან წყალში. ჭრილობის ადგილას მიიდეთ სტერილური ბინტი და სასწრაფოდ მიმართეთ ექიმს. კბილი შესაძლოა შეინახოთ უახლოესი 1 საათის განმავლობაში.

კბილის ტკივილი 

ერთ-ერთი დიდი შეცდომაა გარედან თბილი კომპრესების დადება, ამან შესაძლოა გამოიწვიოს შესიება. ასევე არავითარ შემთხვევაში არ დაიდოთ ღრძილზე ასპირინის ტაბლეტები. გამოივლეთ ცხელი სავლები (სოდიანი, მარილიანი, ჩაი და სხვა.) შეძლებისდაგვარად გაისუფთავეთ კბილი საკვების ნარჩენებისგან და მიმართეთ ექიმს.

რბილი ქსოვილების დაზიანება (მაგალითად სისხლდენა ღრძილებიდან)

გამოივლეთ პირი თბილი მარილიანი ხსნარით, ხოლო შემდეგ ამავე ან ფიზიოლოგიურ ხსნარში დასველებული ბინტი მიაჭირეთ დაზიანებულ ღრძილს. სისხლდენა მალევე შეჩერდება.

Read Full Post »

ეს ბლოგი განკუთვნილია ექიმებისათვის და სტუდენტებისათვის. ბევრი შეიძლება არ დამეთანხმოს, გამოთქვას თავისი აზრი, ალბათ ამისთვისაც არის ამის წერა საჭირო, რომ უფრო გავერკვეთ და უფრო უკეთ შევძლოთ ჩვენზე დაკისრებული უმნიშვნელოვანესი საქმის ადამიანის ჯანმრთელობის მოვლა-პატრონობა.

თქვენ ვერც წარმოიდგენთ თუ რა სიხშირით გვხვდება ფრაზები: “ორიენტაცია მომხმარებელზე/მოსაუბრეზე “, “მიაქციეთ ყურადღება მომხმარებლის/მოსაუბრის მოთხოვნებს” და ა.შ. მარკეტინგის, ფსიქოლოგიის და რეკლამის სახელმძღვანელოებში. რატომ იძლევა საუბრის კეთილშობილური სტილი უფრო მეტ შედეგებს, ვიდრე ავტორიტარული? მოდით ვისაუბროთ ამ თემაზე.

დავესესხები Wikipedias:

ჰუმანური (ჰუმანისტური) ფსიქოლოგია – დასავლეთ (ძირითადად ამერიკული) ფსიქოლოგიის მიმართულება, რომელიც თავის ძირითად საგნად მიიჩნევს პიროვნებას, როგორც უნიკალურ მთლიან სისტემას, რომელიც წარმოადგენს თვით აქტუალიზაციის “ღია შესაძლებლობას”, რაც თავის მხრივ დამახასიათებელია მხოლოდ ადამიანისათვის. … ჰუმანური ფსიქოლოგიის საფუძვლებზეა აგებული ფსიქოთერაპიის და ჰუმანური პედაგოგიკის რამოდენიმე მიმართულება. ჰუმანისტი ფსიქოლოგი მუშაობისას იყენებს შემდეგ სამკურნალო ფაქტორებს: პაციენტის/მომხმარებლის/კლიენტის აუცილებელი მიღება, მხარდაჭერა, ემპათია (თანაგრძნობა), შინაგანი ღელვის და დარდებისადმი ყურადღება, არჩევანის გაკეთების და გადაწყვეტილების მიღების სტიმულირება. … ჰუმანისტი ფსიქოლოგები ძირითადად ეყრდნობიან იდეას, რომ ნებისმიერი ადამიანი თავის თავში ატარებს გამოჯანმრთელების პოტენციალს.

ძველი ექიმები თავიანთ სტუდენტებს ასწავლიდნენ, რომ თუკი ექიმთან საუბრის შემდეგ ავადმყოფმა თავი უკეთ ვერ იგრძნო – ის ექიმი არაა.

საინტერესოა არა? ამერიკაში ჰუმანისტური ფსიქოლოგიის გამოჩენამდეც  ექიმების გარკვეულ ჯგუფებს სჯეროდათ პაციენტთან საუბრის სამკურნალო თვისებების. კიდევ ერთი საინტერესო ამბავი:

ერთხელ გერმანიის კანცლერი ბისმარკი ავად გამხდარა. მოსულა ექიმი და დაუწყია შეკითხვების დასმა (ანამნეზის შეკრება), როგორც ჩანს შეკითხვების რაოდენობით შეწუხებულა კანცლერი და უბრძანებია: მორჩით ლაქლაქს და  დაიწყეთ მკურნალობაო. რაზეც ექიმმა მიუგო: თქვენო უბრწყინვალესობავ მაშინ დაუძახეთ ვეტ-ექიმსო, იგი ერთადერთი ექიმია, რომელიც პაციენტებს არაფერს არ ეკითხებაო.

ასეთ მიდგომას ცნობილმა ამერიკელმა ფსიქოლოგმა კარლ როჯერსმა უწოდა “პიროვნებაზე ცენტრირებული”, ანუ ყურადღების ცენტრში აყენებს იმ  ადამიანს ვისთანაც მიდის ურთიერთობა. პიროვნებაზე ცენტრირებულ ურთიერთობების მეთოდს, ავტორიტარულისგან განსხვავებით ფოკუსში ყავს მოსაუბრე. ხოლო ავტორიტარულს – საკუთარი თავი. ჩვენც ისე მივეჩვიეთ ამას, რომ ვერც ვამჩნევთ ხანდახან თუ როგორ გადავდივართ მოსაუბრესთან მენტორულ ტონზე და უთითებთ მის შეცდომებზე და ა.შ. განვიხილოთ ჩვენი – სტომატოლოგიური მაგალითი. სტომატოლოგის სტანდარტული კონსულტაცია: დათვალიერება, რენტგენის გადაღება, 3-5 შეკითხვა ჩივილებზე და დარიგებები იმაზე თუ რა უნდა გააკეთონ და როგორ. ხოლო შემდგომ ზურგს უკან გინება, ეძვირა და ა.შ. ხოლო ყოველივე იმის მაგივრად, რომ გაგვერკვია მისი წასვლის მიზეზი. არაა საიდუმლო ის ფაქტიც, რომ ზემოხსენებული პაციენტები შემდგომ მიდიან სხვა ექიმებთან და იგივე ან უფრო ძვირ ფასადაც იკეთებენ კბილებს. როგორც აღმოჩნდა პაციენტი დააფრთხო არა ფასებმა არამედ ექიმმა, რომელიც თავს იწონებდა საკუთარი ყველაფრის მცოდნეობით და გამოეპარა ის ფაქტი თუ სინამდვილეში რა სურდა პაციენტს. რა სურთ პაციენტებს და როგორ გავარკვიოთ?

მოდით ჩაუღრმავდეთ ისტორიას და დროში გადავინაცვლოთ ჩვენ წელთ აღრიცხვით 100 წელი რუფი (Rufos) ეფესიდან. ეს ძველი ბერძენი ექიმი დაკავებული იყო ადამიანის ანატომიით და პათოლოგიით, მკურნალობის მეთოდებით.

ავადმყოფებთან მიმართებაში იგი ყოველთვის გამოირჩეოდა სიახლოვით, ნდობით. იგი დაწვრილებით იღებდა ინფორმაციას დაავადების განვითარების შესახებ ავადმყოფის, მისი ახლობლების, ნათესავების და წარმოიდგინეთ მონებისგანაც.  მან დაგვიტოვა წიგნი “ექიმის შეკითხვები პაციენტს”. ეს იყო ანამნეზის შეკრების ტექნიკის პირველი მაგალითი. თავის წიგნში რუფი წედა:”ვიწყებ იმით, რომ ავადმყოფს ვუსმევ შეკითხვებს”.

აი ასე 20 საუკუნით ადრე, ინსტრუმენტების, მედიკამენტების და აპარატურის გარეშე ექიმმა იცოდა თუ, როგორ უნდა გაეგო პაციენტისთვის. დღეს ექიმები თვლიან, რომ იციან პაციენტზე მეტი თუ რა სჭირდებათ მათ. ეს რა თქმა უნდა ასეც უნდ იყოს. სტომატოლოგი, რომელიც ყოველ დღე ხედავს პრაქტიკულად იდენტურ სიტუაციებს, ზუსტად იცის აღნიშნული დაავადების განვითარების ყველა შესაძლო ვარიანტი და გამოსავალი. ეს ფაქტია. მაგრამ ეს არ არის ფაქტი პაციენტისთვის, რომელიც გენდოთ თქვენ. მისთვის ეს – უნიკალური კბილია, უნიკალური – კარიესი, უნიკალური – ადენტია.

ნუ გააკეთებთ დროის ეკონომიას პაციენთან საუბარზე. თბილისიდან ბათუმამდე მანძილი 380 კმ. შეიძლება თვითმფირავში ჩაჯდე და  30 წუთში ადგილზე ხარ. ან შეიძლება წახვიდე მანქანით, გაიარო საინტერესო ქალაქები, დაათვალიერო და მიიღო უამრავი სიამოვნება. მიეცით თქვენს პაციენტებს საშუალება იმგზავრონ ბათუმამდე. გამოიჩინეთ ჰუმანისტური მიდგომა.

მადლობა ყველას ვინც წაიკითხავს. ველი გამოხმაურებებს 🙂

Read Full Post »

« Newer Posts - Older Posts »