Feeds:
ჩანაწერები
კომენტარები

Archive for the ‘ორთოდონტია’ Category

  • main-qimg-636d98e4582b2a40536831326d179bb6პირველი და გაყიდვების ლიდერი შეკითხვა : “თქვენ კარგი მასალები გაქვთ?“. შეკითხვა რომელსაც ხშირად სვამენ ადამიანები, რომლებმაც ჩაიარას და მოდი შევივლის ვარიანტში შეიხედეს კლინიკაში. პასუხია: “რა თქმა უნდა ყველაზე ცუდი”, ამის შემდეგ როგორც წესი მცირე ხნით “დაეკიდება” ხოლმე პროგრამა. ძვირფასო მომხმარებელო, პაციენტო რა პასუხის მოსმენა გსურთ??? თუკი ადამიანი მუშაობს ხარისხიანი მასალით ეს ჩვეულებრივი ამბავია მისთვის, ხოლო თუ არ მუშაობს რაღა თქმა უნდა ის არასოდეს არ გამოგიტყდებათ ამაში.
  • საპატიო მეორე ადგილს იკავებს შეკითხვა : “თქვენ ჩვეულებრივი ბჟენები გაქვთ?“. აქ პროგრამის “ჩამოკიდებას” იწვევს შემხვედრი კითხვა: “ეგ როგორია?” თუმცა მინდა გამოგიტყდეთ რომ ძლივს ვიკავებ სხვა პასუხის გაცემისაგან: “არა, რას ბრძანებთ არაჩვეულებრივი, ცოცხალია და თან ლაპარაკობს”. ახსნან თუ რას გულისხმობდნენ ჩვეულებრივში ძირითადად ხდება შემდეგი უნივერსალური სიტყვებით: “ნუუუუ”, “აიიი” და ა.შ. იშვიათად ზოგი იხსენებს ცემენტს. ჩემო ძვირფასებო “ჩვეულებრივი” ბჟენები არ არსებობს, როგორც არ არსებობს ჩვეულებრივი სარეცხი ფხვნილები, გამათეთრებლები და სხვა სისულეები რასაც აჩვენებენ რეკლამებში. ეს უბრალო გამოთქმაა, რადგან თუკი მწარმოებელი იტყვის რომ ფხვნილი A უკეთესია ვიდრე B მას სასამართლოში უჩივლებენ.

277292306მაშ რა შეკითხვა უნდა დავსვათ ამ ორის მაგივრად? თუკი ექიმთან პირველად მოხვდით პირდაპირ კარებში მასალებზე საუბარს აზრი არ აქვს. თავდაპირველად გაიარეთ პირველადი დათვალიერება, კონსულტაცია. ხოლო შემდგომ დაინტერესდით ექიმის აზრით დაახლოებით რამდენ ხანს გაძლებს თქვენი კბილი მკურნალობის შემდეგ. რა თქმა უნდა ზუსტ ვადებს ვერავინ გეტყვით, მაგრამ ზოგადად შეგექმნებათ წარმოდგენა კბილის და ჩასატარებელი მკურნალობის საიმედოობაზე.

  • მესამე ადგილი “ხიდი რომელიც ყურიდან ყურამდე მქონდა ორ კბილზე დაფიქსირებული გაძლო ამდენ ხანს, და თქვენ რატომ ვერ მიკეთებთ იგივეს თავიდან? ან ბჟენი ამ კბილზე მქონდა წლები, თქვენ კი მეუბნებით რომ კბილი ამოსაღებია?

რატო? იმავე მიზეზით რა მიზეზითაც ომის მონაწილეები დადიან ნამსხვრევებით და არაფერი, იმავე მიზეზით რა მიზეზითაც ძველი დამპალი ღობე წლებია დგას და არაფერი, იმავე მიზეზით რა მიზეზითაც ყველანაირი წესების დარღვევით აშენებული სახლები დგას და არაფერი. იმიტომ რომ ბანქო დაჯდა ასე და გაგიმართლათ, მაგრამ ეს არ ნიშნავს რომ ასე უნდა იყოს. შემდგომში 100 დან 99 არ გაგიმართლებთ და მე საერთოდ არ მინდა ცდები, რომ ვატარო. არ გაგიმართლებთ თქვენ და პასუხი უნდა ვაგო მე. რატო?

მეოთხე არასაპრიზო ადგილი. კითხვა კარის ზღურბლზე “დაშენება მინდა და აკეთებთ?

საქმე იმაშია, რომ სიტყვა “დაშენება” როგორც ჩანს შემოღებულია საქმეში არც თუ ისე ჩახედული პირების მიერ. რადგან იგი შესაძლოა გულისხმობდეს ნებისმიერ რამეს და თავად საერთოდ არაფერზე არ მეტყველებს. დაახლოებით იგივე იქნება მშენებელს რომ კითხოთ “თქვენ აშენებთ სახლებს?” ვაშენებთ მაგრამ თქვენ რას გულისხმობთ? ერთსართულიანს, ორსართულიანს, სამსართულიანს? ხის, აგურის, ქვის? ფასადი თეთრი, წითელი მწვანე? აივნები გინდათ? ტერასა? და კიდევ მილიონი კითხვა.

implant-consultation-y250რისი გაკეთება გსურთ? ბჟენი, ჩანართი, ვინირი, გვირგვინი თუ ხიდი? ნებისმიერი ზემოთ ხსენებულით შესაძლებელია კბილის დაშენება, ამასთან თითოეულის ფასი რადიკალურად განსხვავდება და სამუშაოს შესრულებასაც სჭირდება განსხვავებული დრო. ა არ იცოდით? მაშინ რისთვის იყენებთ ტერმინს რაც არ იცით? და როტომ იწვევს ეს შეკითხვა ასეთ ემოციებს? რადგან თავდაპირველად არც იცი რა უპასუხო. პასუხები შესაძლოა დიამეტრალურად საწინააღმდეგო იყოს ხოლო კონკრეტული პასუხისთვის უნდა ინახოს მაინც თუ რა არის დასაშენებელი.

საერთოდ რაიმეზე კონტრეტულად საუბარი შესაძლებელია მხოლოდ საფუძვლიანი დათვალიერების შემდეგ. მოისმინეთ ყველაფერი რასაც ექიმი გთავაზობთ და მხოლოდ ამის შემდეგ დასვით კითხვები თქვენთვის გაუგებარ თემებზე. ეს დაზოგავს თქვენს დროს და ფულს რაც მთავარია.

საფუძვლიანი პირველადი კონსულტაციის შემდეგ თქვენთვის ნათელი უნდა იყოს უმეტესობა ახსნილისა თუ რა შეიძლება გაკეთდეს თქვენს კონკრეტულ შემთხვევაში.

Read Full Post »

thumb-suckingთითის წოვის ჩვევა – ბუნებრივი რეფლექსია, რომელიც შესაძლოა გაჩნდეს მუცლადყოფნის პერიოდშიც. ეს არ უნდა იყოს მშობლების ნერვიულობის მიზეზი, ეს ჩვევა ბავშვის ბუნებრივი განვითარების პროცესის ნაწილია. თუმცა თუკი ეს ჩვევა რჩება 5-6 წლის მერეც ცვლადი თანკბილვის (აღინიშნება, როგორც სარძევე ასევე მუდმივი კბილები) ჩამოყალიბების პერიოდში არსებობს დიდი ალბათობა, რომ განვითარდება ანომალიური თანკბილვა და კბილების არასწორი დგომა.

რამდენად ხშირია ასეთი ჩვევები?

how-to-stop-thumb-sucking-454-318სტატისტიკის მიხედვით ბავშვების 50% ჩვილ ასაკში წოვს თითს, ხოლო 12 წლამდე ეს ჩვევა მხოლოდ 2% გაყვება ხოლმე.

აღნიშნული ჩვევა ყოველმხრივ შესწავლილია და ისეთი ფაქტრები, როგორიცაა გახანგრძლივებული ძუძუთი კვება, კვების ხანგრძლივობა, პრობლემები კვების დროს და ფიზიოლოგიური სტრესი მცირედ ან საერთოდ არ მოქმედებს მის განვითარებაზე.

146 copyaროდის უნდა გაქრეს ეს ჩვევა? როგორი პრობლემებია მოსალოდნელი?

საერთო ჯამში თუკი თითის წოვის ჩვევა ქრება მუდმივი კბილების ამოსვლამდე ნებისმიერი ცვლილება, როგორც წესი თავისით ქრება. წინააღმდეგ შემთხვევებში მოსალოდნელია თანკბილვის ცვლილებები, რომლებიც ექიმის ჩარევის გარეშე არ სწორდება. “თანკბილვის ანომალიის” ტიპიური ნიშნებია ანტერიალური ღია თანკბილვა და პოსტერიალური ჯვარედინი თანკბილვა.

open-bite-caused-by-thumb-suckingaაღნიშნული დარღვევები ჩნდება კბილებზე თითს პირდაპირი ზემოქმედების შედეგად და კბილებზე ტუჩის, ლოყების და ენის ზეწოლის ცვლილებების გამო. ქვედა საჭრელები შესაძლოა დახრილი იყოს წინა უკანა მიმართულებით, იმის მიხედვით თუ როგორ ხდებოდა თითით ზეწოლა. ასევე შესაძლოა განვითარდეს კბილთა რკალის ასიმეტრია. პოსტერიალური ჯვარედინი თანკბილვა შესაძლოა განვითარდეს ენის მეტად დაბალი მდებარეობის შედეგად, ხოლო წოვის დროს ლოყებიდან მომატებული ზეწოლის შედეგად ზედა ყბა იღებს V-ს ფორმას. წინა ანუ ანტერიალური ღია თანკბილვა ვითარდება მას შემდეგ რაც თითი ხელს უშლის წინა კბილების ნორმალურ ამოჭრას ხოლო უკანა კბილების ამოჭრა ხდება უფრო მეტად, რასაც იწვევს ყბის დაბალი მდებარეობა ისევ და ისევ თითის გამო.

IMG_0874ჩვევა ყოველთვის არ იწვევს კბილების გადაადგილებას. თითს, რომელიც მთელი ღამის განმავლობაში პირშია, შეუძლია უფრო მეტი გართულებები გამოიწვიოს ვიდრე თითის წოვამ რაღაც პერიოდებით.

ბავშვების თითების დათვალიერებას შეუძლია სერიოზული ინფორმაციის მოცემა მავნე ჩვევის შესახებ. მაზოლები და ბუშტუკები პირდაპირ მიუთითებს თითის წოვაზე.

7 copyaპრობლემები ძირითადად ეხება ყბა-კბილთა სისტემას, თუმცა არის კვლევები, რომლებიც მიუთითებს ცვლილებებს ჩონჩხში განსაკუთრებით, როდესაც ზრდა შეჩერდა ხოლო ჩვევა დარჩა. გვერდითი მოვლენა შესაძლოა იყოს ენის ფუნქციონირებაც, კერძოდ ენის პროტრუზია ყლაპვის დროს და ცვლილებები საუბარში. თუკი ენა ან ქვედა ტუჩი მოსვენებულ მდგომარეობაში მდებარეობს ზედა საჭრელების წინ ეს ხელს შეუწყობს თანკბილვის ანომალიის განვითარებას, წოვის შეწყვეტის შემდეგაც.

imagesროგორ მოვიცილოთ თითის წოვის ჩვევა?

მნიშვნელოვანია გადაჩვევა მოხდეს 5-6 წლამდე. ბავშვების უმეტესობა წყვეტს თითის წოვას გარე ჩარევების გარეშეც, განსაკუთრებით თუკი ის იმყოფება სახლს გარეთ (ბაღში, სკოლაში). ზოგი ბავშვი გადაჩვევას ახერხებს მხოლოდ 10 ან მეტი წლის შემდეგ.  

s-l300პირველი მეთოდი: რბილი უკუქმედება

რთულია ბავშვს აუხსნათ, რომ თითის წოვა გამოიწვევს პრობლემებს და უკეთესი იქნება თუკი შეწყვეტს ამ მავნე ჩვევას. აქ სჯობს დამხმარე მეთოდების გამოყენება: სპეციალური ფრჩხილების ლაქი მწარე გემოთი, თითზე დახვეული ბინტი. თუკი ბავშვი თითს წოვს ძილის დროს ფრთხილად გამოუღეთ ის პირიდან. თუმცა თუკი ჩვევა საკმაოდ ძლიერია სჯობს ეს არ გააკეთოთ, რადგან დამატებით შესაძლოა ძილის დარღვევაც გამოიწვიოთ.

2015-02-20-Screenshot2015021919.49.326-7 წლის ბავშვი უკეთ იგებს კონცეფციას “მიზეზი და შედეგი”. ამას გარდა თვითკონტროლის მექნიზმი უფრო მეტად აქვთ განვითარებული და მას თავად შეუძლია მიიღოს გადაწყვეტილება ჩვევაზე უარის თქმის შესახებ. აუხსენით, რომ თითის წოვა მავნეა მისი კბილებისთვის, თანკბილვისთვის და საერთოდ ჯანმრთელობისთვის.

ბოლოს და ბოლოს ბავშვი მზად იქნება და უარს იტყვის ამ ჩვევაზე. ნებისმიერი მცდელობა გადააჩვიოთ ბავშვი თითის წოვას უნდა იყოს ტაქტიკური, კონსტრუქციული და მაქსიმალურად ლოიალური.

მეორე მეთოდი: ორალური საშუალებები

8962868__461269cსტომატოლოგ – ორთოდონტს შეუძლია დაამაგროს მოსახსნელი ფიქსატორი.

საერთო ორთოდონტიული მკურნალობა თანკბილვის გასწორების მიზნით სჯობს გადაიდოს სანამ მავნე ჩვევა მთლიანად არ იქნება მოცილებული.

გახსოვდეთ, რომ მავნე ჩვევით გამოწვეული პათოლოგიების აღმოფხვრა შესაძლებელია. თუკი ბავშვი არ გადაეჩვია მავნე ჩვევას 5-6 წლის ასაკამდე, სასურველია მიმართოთ ორთოდონტს

Read Full Post »

Mystique_GAS_1

კბილის ფერის კერამიკული ბრეკეტები

ყველაზე ხელმისაწვდომი და მოთხოვნადი სისტემები დღეისათვის – ეს კერამიკული ბრეკეტებია. რაშია მათი პოპულარობა?

როგორ გამოიყურება კერამიკული ბრეკეტები?

დავიწყოთ იქიდან, რომ კერამიკული ბრეკეტ სისტემები მიეკუთვნება ვესტიბულარული ტიპის ბრეკეტებს, ანუ უმაგრდება კბილების გარეთა ზედაპირს. კერამიკული კონსტრუქციების ფერი შეესაბამება ყველა ტონის კბილს, რის გამოც იგი ისეთი შესამჩნევი არაა, როგორც მეტალის ბრეკეტები. საფირის ბრეკეტებისგან განსხვავებით კერამიკული ბრეკეტები გამჭვირვალე არ არის და არ ატარებს სტრუქტურის შუქს. აღნიშნული ფაქტი უფრო დადებითი მხარეა ვიდრე უარყოფითი რადგან, მისი დახმარებით კერამიკული ბრეკეტ სისტემა პრაქტიკულად ერწყმის კბილებს.

Ceramic-bracesშეიძლება თუ არა რომ კერამიკული ბრეკეტები იყოს გამძლე, მტკიცე?

სიმტკიცის მიხედვით კერამიკული ბრეკეტები უფრო გამძლეა ვიდრე საფირის, თუმცა ჩამორჩებიან მეტალის ბრეკეტებს. თავად კერამიკა, როგორც საფირი საკმაოდ მყარია, მაგრამ მსხვრევადი, ამიტომ აღნიშნული მასალის ბრეკეტები საჭიროებენ უფრო მეტ მოფრთხილებას და მათი მოხსნა საკმაოდ რთულია, ვიდრე მეტალის სისტემების. მაგრამ ამ უსიამოვნებებს ბრეკეტ-სისტემების მწარმოებლები აქტიურად უმკლავდებიან, ნერგავენ რა ახალ ტექნოლოგიებს, რომლებიც შეუნარჩუნებდა კონსტრუქციას მთლიანობას  და უფრო მყარად უმაგრდებიან კბილის მინანქარს.

მართალია, რომ კერამიკული ბრეკეტებით მკურნალობა უფრო დიდხანს გრძელდება?

ბრეკეტ-სისტემებით მკურნალობის ვადები პირველ რიგში დამოკიდებულია პათოლოგიის სირთულეზე და არა ორთოდონტიულ აპარატზე. თუმცა კერამიკული ბრეკეტების ტარება შესაძლოა გაიწელოს უფრო მეტი ხახუნის შედეგად მეტალის რკალსა და კერამიკას შორის, აგრეთვე პერიოდულად სისტემის დაზიანების შედეგად. საფირის ბრეკეტებისგან განსხვავებით, რომლებიც არსებობს მხოლოდ ლიგატურული, კერამიკული ბრეკეტები შესაძლოა იყოს ულიგატუროც ანუ თვითლიგირებადი. საწყის ეტაპზე ბრეკეტ-სისტემების ტიპმა შესაძლოა ზეგავლენა მოახდინოს პირველი რეზულტატების ვადებზე, მაგრამ საერთო ჯამში არ იცვლება ბრეკეტების ტარების ხანგრძლივობა.

იღებება (ფერს იცვლის) თუ არა კერამიკული ბრეკეტები?DamonClear (2)

თანამედროვე კერამიკული ბრეკეტ-სისტემები, უმეტესად ფერს არ იცვლის, მაგრამ მათ ზედაპირზე არსებული კბილის ნადები კი იცვლის ფერს. ასეთ შემთხვევაში რეკომენდებულია პროფესიონალური წმენდა ქვიშა-ჭავლური აპარეტებით. პიგმენტაციას ძლიერ განიცდიან ასევე ლიგატურები, რომლებმაც შესაძლოა მიიღონ არასასურველი შეფერილობა შავი ჩაის ან ყავისგან, აგრეთვე სხვადასხვა საღებავების შემცველი სასმელებისგან და პროდუქტებისგან. თუკი ატარებთ ლიგატურიან ბრეკეტ-სისტებებს შეიძლება დამშვიდდეთ, რადგან მათი გამოცვლა ხდება ყოველ ვიზიტზე. ნინო ბერიძის ორთოდონტიულ ცენტრში პაციენტებს ვთავაზობთ ყველა სახის ორთოდონტიულ სისტემებს.

ceramic-braces-image-300x188რა ღირს კერამიკული ბრეკეტები?

ფასის მიხედვით კერამიკული ბრეკეტების ფასი მეტია ვიდრე მეტალის ბრეკეტებისა, მაგრამ  გაცილებით ნაკლებია ვიდრე საფირის ან ლინგვალური ბრეკეტებისა. ფასები ასევე დამოკიდებულია ბრეკეტ-სისტემების მწარმოებელ ფირმაზე, ბრენდზე.

რომ შევაჯამოთ ყველა ზემოთქმული, უნდა აღინიშნოს, რომ თუკი არ გსურთ საკუთარი ორთოდონტიული მკურნალობის აფიშირება, მაგრამ არ ხართ მზად გაიღოთ სერიოზული ფინანსები ლინგვალური ბრეკეტების ან კაპა-ელაინერების გასაკეთებლად, მაშინ კერამიკული ბრეკეტები ზუსტად, რომ თქვენთვისაა. კერამიკა ზუსტად ჯდება კბილის ფერში და რჩება უხილავი.

კერამიკული ბრეკეტები ფერის და ხარისხის ჰარმონიის ეფექტური ფორმულაა.

Read Full Post »

2თანამედროვე სტომატოლოგია დღეისათვის თანკბილვის და კბილთა დგომის გასწორების უამრავ მეთოდს ფლობს. თუმცა არის შემთხვევები, როდესაც მარტო ორთოდონტია ვერ ერევა და არაა საკმარისი სასურველი შედეგის მისაღებად, ასეთ შემთხვევებში ერევა ორთოგნათიული ქირურგია. მოდით განვიხილოთ თუ როგორ ტარდება ეს ოპერაციები და ვისთვისაა ნაჩვენები.

რა არის ორთოგნათიული ქირურგია?

ორთოგნათიული ქირურგია გულისხმობს რიგ ოპერაციებს, მიმართულს თანკბილვის და სახის გარე სიმეტრიის გამოსწორებაზე. ამ მანიპულაციების დახმარებით მიიღწევა ის შედეგი რისი გაკეთებაც შეუძლებელია ბრეკეტებით: დავამოკლოთ ან დავაგრძელოთ ყბა, გადავაადგილოთ საჭირო მიმართულებით, ასევე დავაკორექტიროთ ნიკაპის ზომები. ამასთან უნდა აღინიშნოს, რომ ოსტეოტომიის დროს ხდება არა მხოლოდ ძვლოვანი სტრუქტურების არამედ რბილი ქსოვილების ტრანსფორმაციაც, შედეგად სახის ნაკვთები ხდება უფრო სწორი და მიმზიდველი – ადამიანის იერსახე იცვლება საუკეთესო მხარეს.

Surgრა დროს მიმართავენ თანკბილვის გასწორების მიზნით ქირურგიულ ჩარევას?

ორთოგნათიული ქირურგია გამოიყენება იმ შემთხვევებში, როდესაც ჩვეული ორთოდონტიული (ბრეკეტ-სისტემებით) ან ორთოპედიული მკურნალობა (გვირგვინი, ვინირება) არ იძლევა სასურველ შედეგს ან აუარესებს პაციენტის მდგომარეობას. საქმე ეხება შესამჩნევ სკელეტორულ მეორე და მესამე კლასის დეფორმაციებს, რაც გამოიხატება ყბების და ნიკაპის ანომალიურ ზომებში. მაგალითად ოპერაციის ჩვენებად ითვლება პროგნათიული თანკბილვა, როდესაც ადამიანს აქვს მცირე ზომის ქვედა ყბა, შედეგად ვითარდება მეორე ნიკაპი, ხოლო კბილების ნაწილი საერთოდ არ ეხება საპირისპირო მხარეს მყოფ კბილებს.

სამწუხაროდ არიან ორთოდონტები, რომლებიც არაფრით არ აღიარებენ, რომ მხოლოდ ბრეკეტებით ვერასდროს ვერ უმკურნალებენ ძალზედ წინ წამოსულ ქვედა ყბას ან ღრძილოვან ღიმილს. არაფერს ვიტყვით იმაზე, რომ სკელეტარული დეფორმაციების დროს, მხოლოდ ორთოდონტიულმა მკურნალობამ შესაძლოა გამოიწვიოს კბილების ამოვარდნილობა ან საფეთქელ-ქვედა ყბის სახსრის პათოლოგიები.

orthognaticheskaya-hirurgiaსაჭიროა თუ არა სპეციალური მომზადება თანკბილვის ქირურგიული გზით გასწორების წინ?

მკურნალობის დაწყების წინ მკურნალი ექიმი ადგენს საფეთქელ-ქვედა ყბის სახსრის სინქრონული მუშაობისათვის საჭირო ყბა-სახის პარამეტრებს, სახის ნაკვთების ჰარმონიზაციის და კბილთაშუა სწორი და მაქსიმალური ოდენობის კონტაქტებს. ამაში ექიმს ეხმარება სპეციალური კომპიუტერული პროგრამები. იგი ეხმარება მას შაბლონის შექმნაში, რომელიც საჭიროა შემდგომი ორთოგნათიული ოპერაციის დროს. შედეგად მიიღწევა 99% თანხვედრა დაგეგმილ მკურნალობასთან. ეს ძალზედ მნიშვნელოვანია, რადგან საქმე ეხება ადამიანის გარეგნობას, აუცილებელია მკურნალობის სწორად დაგეგმვა და იმ ეფექტის მიღება, რომლის ხილვაც სურს პაციენტს.

როდესაც დაგეგმარება დასრულებულია, ექიმი დგამს პირველ ნაბიჯს გეგმის მისაღწევად. მკურნალობა იწყება კბილთა მწკრივების გასწორებით ორთოდონტიული აპარატების დახმარებით (ბრეკეტებით ან გამჭვირვალე კაპებით). აღნიშნული ეტაპი შესაძლოა გაგრძელდეს რამოდენიმე თვიდან 1,5 წლამდე. როდესაც კბილები გასწორებულია, პაციენტი იგზავნება ორთოგნათიულ ქირურგიაზე თანკბილვის გასასწორებლად.

95-P840_i120_540როგორ მიმდინარეობს ორთოგნათიული ოპერაცია?

თანკბილვის ქირურგიული გზით გამოსწორება ტარდება სტაციონარში ზოგადი ანესთეზიის ქვეშ. ოპერაციის შემდგომ რომელიც რიგ შემთხვევებში რამოდენიმე საათი გრძელდება პაციენტი რჩება კლინიკაში ექიმის მეთვალყურეობის ქვეშ, შემდგომ მიდის სახლში.

რა უკუჩვენებები ახლავს ორთოგნათიულ ქირურგიას?

პირველ რიგში არ შეიძლება აღნიშნული ოპერაციების ჩატარება პაციენტებში, რომლებსაც ჯერ არ აქვთ დასრულებული ყბების ფორმირება ანუ ბავშვებს და მოზარდებს. ოპერაციების ჩატარება არ შეიძლება მათთვის ვისაც დარღვეული აქვს სისხლის შედედება ან აღენიშნებათ გულ-სისხლძარღვთა პათოლოგები, ძვლოვანი და ენდოკრინული დაავადებები, სიმსივნეები პირის და სახის მიდამოში, დიაბედის რიგ ფორმებში და ფსიქიური აშლილობის მქონე პაციენტებში. ორთოგნათიულ ქირურგიას ნამდვილად შეუძლია ადამიანების შეცვლა, მათი გაახალგაზრდავება, მაგრამ აქვე უნდა აღინიშნოს, რომ ქირურგიც ადამიანი და ღმერთი არ არის.

ortognat_clip_image002ახლავს თუ არა რაიმე სახის გართულებები ორთოგნათიული ქირურგიის ოპერაციას?

კარგად დაგეგმილი ორთოგნათიული ქირურგია – ერთადერთი პროგნოზირებადი ქირურგიაა, რომლის დროსაც გართულების რისკები მინიმუმამდეა დაყვანილი. მიუხედავად ამისა, შესაძლოა ადგილი ჰქონდეს მაგალითად ზედა ან ქვედა ტუჩის დროებით გაბუჟებას. თუმცა ამას შესაძლოა გართულებაც არ დავარქვათ, რაღაც პერიოდით მგრძნობელობის დაქვეითება კარგიც არის, არაფერი გტკივა, ხოლო როდესაც მგრძნობელობა ბრუნდება სატკენიც აღარაფერია. რაც შეეხება ზოგადად გართულებებს, შესაძლოა უბრალოდ ფრჩხილის მოჭრაც კი გართულდეს, ამიტომ საჭიროა ყველაფრის სწორი დაგეგმარება და საჭირო სპეციალისტის პოვნა.

Read Full Post »

da-vinchi-01მკურნალობის დაგეგმარებისას ექიმ-ორთოდონტს უნდა ჰქონდეს მაქსიმალური ინფორმაცია იმ პათოლოგიაზე, რომლის განკურნებასაც აპირებს. საკმაოდ ხშირად ორთოდონტიული მკურნალობა იწყება პრობლემის გაანალიზების გარეშე და მკურნალობის შედეგები ხშირად საკმაოდ მძიმეა. ხარისხიანი მკურნალობა შეუძლებელია ანალიზის, ხოლო ანალიზი საჭირო დიაგნოსტიკური მონაცემების გარეშე. სწორად დასმული დიაგნოზი – წარმატებული მკურნალობის ნახევარია. თუკი არ იცი სად მიდიხარ, რატომ და რა მიზნით შესაძლოა დაიკარგო კიდეც. აქედან გამომდინარე დიაგნოსტიკის ფასი დაგეგმარებაში და წარმატებული მკურნალობის განხორციელებაში შეუფასებელია.

დიაგნოსტიკა მოწოდებულია იმისთვის, რომ გამოავლინოს მკვეთრი ორიენტირები, რომელსაც უნდა დაეყრდნოს ექიმი მკურნალობის გეგმის შედგენისას. რას მოიცავს სადიაგნოსტიკო ღონისძიებების “სტანდარტული” ჩამონათვალი თანამედროვე ორთოდონტიის გადმოსახედიდან?

1. ორთოპანთომოგრამმა

2. ტელერენტგენოგრამმა გვერდით პროექციაში (დამატებით პირდაპირ პროექციაში – ჩვენებების დროს)

3. ანაბეჭდები მოდელების მისაღებად
od3564. ფოტოგრაფირება (პორტრეტული და პირშიგნითა ფოტოები)
5. კომპიუტერული ტომოგრაფია ჩვენებების მიხედვით
6. საფეთქელ-ქვედა ყბის სახსრის პრობლემიან პაციენტებში, თანკბილვის ფუნქციონალური დარღვევების რეგისტრაცია არტიკულატორის და სახის რკალის გამოყენებით.

ცოტა არაა ხომ? აღსანიშნავია, რომ პირველი 4 პუნქტი ეს მხოლოდ მინიმუმია ნებისმიერ სიტუაციაში. თუკი აქედან ექიმი რომელიმეს არ ატარებს, იგი იკლებს სწორი ანალიზისთვის საჭირო უმნიშვნელოვანეს ინფორმაციას.

არსებობს კბილების გადაადგილების უამრავი მეთოდი და ექიმს შეუძლია თითქმის ყველაფერი იმ დროს როდესაც პაციენტს ბრეკეტები აქვს დაკრული, ან კაპები ან სხვა საშუალებები. მაგრამ საკითხავია თუ საით და როგორ გადავაადგილოთ. ამ შეკითხვას პასუხობს ღრმა დიაგნოსტიკა. ორთოდონტიული მკურნალობა – კარგად დაგეგმილი მოქმედებების თანმიმდევრობაა. ექიმს ჯერ კიდევ აპარატის ფიქსაციამდე უნდა ჰქონდეს წარმოდგენილი მკურნალობის შედეგი და გზა, რომელიც მად და მის პაციენტს მიიყვანს წარმატებამდე. მკურნალობის პროცესში შესაძლოა მოხდეს გეგმიდან გადახვევა, მედიცინა ზუსტი მეცნიერება არაა, მაგრამ გენერალური ხაზი აუცილებლად უნდა იყოს. სამწუხაროდ ხშირად ვხვდებით, როდესაც პაციენტებს მკურნალობენ ბრეკეტები და არა ექიმები. უბრალოდ, გაუაზრებლად მიკრული აპარატი უკეთეს შემთხვევაში შედეგს არ მოგვცემს, ხოლო უარეს ვარიანტში შესაძლოა მძიმედ დამთავრდეს. ამიტომ ექიმს აუცილებლად უნდა ჰქონდეს მოქმედებების გეგმა… საით წავიდეს:

0_75a55_be703492_xlორთოპანთომოგრამმა (ანუ “ოპგ”,  პანორამული სურათი)

მთელი ყბა-კბილთა სისტემის, როგორც ერთიანი ფუნქციონალური კომპლექსის ერთ მომენტიანი სურათია. სურათი მოიცავს ალვეოლურ მორჩებს მთლიანი მაშტაბით, ხოლო თვითონ გამოსახულება ერთ სიბრტყეზეა გაშლილი.  პაციენტზე მინიმალური რენტგენოლოგიური დატვირთვით, ორთოპანთომოგრამა დიდი მაშტაბით გვაძლევს ხარისხიან და სრულ სურათს. სურათზე მოჩანს:

  •  ძირითადი ღრუები;
  • ძვლოვანი ქსოვილი;
  • პათოლოგია;
  • სიბრძნის, რეტენირებული, ზეკომპლექსური კბილები.
  • ფესვების მდებარეობა.

ორთოპანთომოგრამას იყენებენ სხვადასხვა სპეციალისტები: ორთოდონტები, იმპლანტოლოგები, თერაპევტები, ორთოპედები. ზოგიერთ შემთხვევაში, ქირურგებს უბრალოდ არ შეუძლიათ მის გარეშე მუშაობა.

od5ტელერენტგენოგრაფია (ტრგ) – (ბერძ. tele – შორს, – რენტგენოგრაფია) – რენტგენოგრაფია, რომელიც სრულდება შორი მანძილიდან საკვლევი ობიექტის მაქსიმალურად ზუსტი ზომების რენტგენოლოგიური სურათის მისაღებად. თავის “ფოტოგრაფია” რენტგენის სხივებით პროფილში. ორთოდონტისათვის აუცილებელი მეორე სურათი. არც ერთი ექიმი არ უნდა იწყებდეს მკურნალობას მის გარეშე. ტრგ საჭიროა მთელი რიგი გათვლებისათვის – ითვლება მანძილები, კუთხეები, ფორმულებით ანგარიშობენ პარამეტრებს, რაც განსაზღვრავს მკურნალობის შემდგომ გეგმას. არ დავიწყებ ამ თემაში ჩაღრმავებას, რადგან სტატიის მიზანია გასაგებ ენაზე მივიტანოთ ინფორმაცია პაციენტამდე თუ რამხელა მნიშვნელობა აქვს დიაგნოსტიკას. უბრალოდ ვიტყვი, რომ არსებობს თანკბილვის ანომალიები რომელთა გამოსწორება მარტო ორთოდონტს არ შეუძლია. არიან პაციენტები რომელთაც ესაჭიროებათ ორთოგნათიული ქირურგია. ეს რას ნიშნავს? ეს ნიშნავს, რომ ექიმ-ორთოდონტს აქვს შესაძლებლობების ზღვარი. ხოლო გვერდითი ტრგ მას ეხმარება გაიგოს სად მთავრდება მისი მოქმედების არეალი.

od7 (1)ტრგ პირდაპირ პროექციაში

პაციენტის “ფოტოგრაფია” ანფასში. სახის ასიმეტრიის დროს მნიშვნელოვანია გავიგოთ მიზეზი. იგი შესაძლოა კბილების არასწორი დგომის ბრალი იყოს, რომლებიც საშუალებას არ აძლევენ ქვედა ყბას სწორად დაიხუროს. მაგრამ შესაძლოა საქმე უფრო სერიოზულადაც იყოს. როდესაც ასიმეტრია გამოწვეულია ზედა ყბის არასწორი მდებარეობით ქალას მიმართ ან ქვედა ყბის მარჯვენა ან მარცხენა ნახევრების სხვადასხვა ზომებით.

digital-castsანაბეჭდების აღება, სადიაგნოსტიკო მოდელების დამზადება, მათი გამოთვლა და ანალიზი.

ტრადიციული მეთოდით ანაბეჭდების აღების შემდეგ, ტექნიკოსი ლაბორატორიაში ასხამს თაბაშირის მოდელებს და მხოლოდ ამის შემდეგ ხდება მათი გამოთვლა. ექიმი ადგენს ყბების ნამდვილ ზომებს. ექიმს ეხმარება სპეციალური ფორმულები, რომელთა მიხედვითაც შესაძლოა კბილების ზომების გამოთვლა.

ფოტოგრაფირება

ორთოდონტიული მკურნალობის დასაწყებად ყველაზე კარგი მოტივატორია. მხოლოდ მცირე თუ ხვდება, რომ თანკბილვაზეა დამოკიდებული ტუჩების ფორმა, პროფილი, გამოხატული ცხვირ-ტუჩის ნაოჭები. პორტრეტული ფოტოების გაანალიზებით, ექიმს შეუძლია და უნდა მოახდინოს მკურნალობის შემდგომი იერის ცვლილებების პროგნოზირება. პირშიგნითა ფოტოები აუცილებელია მკურნალობის ყველა ეტაპზე დინამიკაში დაკვირვებისათვის.

კომპიუტერული ტომოგრაფია (კტ)

tomooრიგ შემთხვევებში ექიმს შესაძლოა დასჭირდეს კტ. მხოლოდ ამ ფოტოზე შეგვიძლია განვსაზღვროთ კბილის სივრცობრივი განლაგება სხვა კბილების მიმართ. ეს აუცილებელია რეტენირებული კბილების გადაადგილებისას, რათა დავადგინოთ თუ რომელი კბილია უფრო ზედაპირულად და რათა სწორედ შეირჩეს გადაადგილების ვექტორი, რომ არ მოხდეს მეზობელი კბილების ფესვებზე გამოდება. ორთოპანთომოგრამმაზე, შესაძლებელია შესაძლებელია შეფასდეს კბილის მდებარეობა მხოლოდ ერთ ფრონტალურ სიბრტყეში. კტ მეორე ხშირი ჩვენება პაროდონტიტის საშუალო და მძიმე ფორმებია. კტ-ზე შესაძლოა პაროდონტის მდგომარეობის დადგენა ცალკეულ კბილებზე.

image001და ბოლოს საფეთქელ-ქვედა ყბის სახსრის პრობლემიან პაციენტებში, თანკბილვის ფუნქციონალური დარღვევების რეგისტრაცია არტიკულატორის და სახის რკალის გამოყენებით.

Read Full Post »

47_image

“ნინო ბერიძის ორთოდონტიული ცენტრი” წარმოგიდგენთ ამერიკული კომპანია ORMCO პროდუქტს DAMON SYSTEM. ამ პასიურმა თვითლიგირებადმა ბრეკეტ-სისტემამ ნამდვილი რევოლუცია მოახდინა ორთოდონტიაში! აღნიშნული

2010spring_damonსისტემის შემქმნელი ამერიკელი ორთოდონტი დუაიტ დეიმონია (Dwight Damon). სისტემა ფართოდ გავრცელდა მთელს მსოფლიოში დღეს იგი უკვე საქართველოშია.

რა არის თვითლიგირებადი ბრეკეტები?

თვითლიგირებადი ბრეკეტების საიდუმლო პასიური თვითლიგირებაა. მაგრამ დასაწყისში პრო აქტიური ლიგირება. ყველა სხვა ბრეკეტ-სისტემაში რკალი მჭიდროდაა ფიქსირებული ბრეკეტებზე ლიგატურების ან სხვა მოწყობილობების საშუალებით. ამ პროცესს დავარქვათ ლიგირება (სიტყვა “ლიგატურისგან”).

444Damon სისტემაში ბრეკეტების ჩამკეტი მექანიზმის (SpinTek)  წყალობით რკალი არ არის მიმაგრებული ბრეკეტებზე, ანუ ბრეკეტები თავად იჭერენ და თავად ალიგირებეს რკალს. ამასთან რკალი თავისუფლად დასრიალებს ბრეკეტებში. ეს საშუალებას იძლევა გამოვიყენოთ სუსტი ძალის რკალები, რადგან მას არ სჭირდება ლიგატურული კავშირის ძალის გადალახვა. რკალი ფაქტიურად პასიურია. ეს გახლავთ პასიური თვითლიგირება.

როგორ მუშაობენ თვითლიგირებადი ბრეკეტები

კბილების გადანაცვლება ხდება ფიზიოლოგიურად, რადგან ამ პროცესში მონაწილეობენ საკუთარი კუნთები. რკალი საჭიროა გადანაცვლების პროცესის სტიმულაციის და კბილების საბოლოო, იდეალურ პოზიციაში დაყენებისთვის.

დღეისათვის არსებობს თვითლიგირებადი ბრეკეტების სხვადასხვა სახეობები, მაგრამ ყველა აქტიურია, მათი ხუფები მჭიდროდ აფიქსირებენ რკალს ბრეკეტებში.

ექიმი დეიმონის მიერ შექმნილი ბრეკეტ-სისტემა არის ერთადერთი პასიური თვითლიგირებადი სისტემა, ხოლო მისი მკურნალობის ფილოსოფია არის “რევოლუციური”, რადგან აქვს უზარმაზარი უპირატესობა, რასაც გრძნობს როგორც პაციენტი ასევე ექიმი.

რაში მდგომარეობს Damon ბრეკეტ-სისტემის უპირატესობა?

  • ბრეკეტ სისიტემა საშუალებას იძლევა როგორც მოზარდებში ასევე მოზრდილებში გარკვეული გამონაკლისების გარდა მკურნალობა წარიმართოს კბილების ექსტრაქციის გარეშე. ეს აუმჯობესებს სახის პროპორციებს და ღიმილის ესთეტიკას.
  • არ აქვს ასაკობრივი შეზღუდვა (12 წლიდან და ზევით). ზრდასრულ პაციენტებში მკურნალობის ხანგრძლივობა ისეთივეა, როგორც მოზარდებში.
  • მკურნალობის ხანგრძლივობის შემცირება 25-50% ორგანიზმის ინდივიდუალური თავისებურებების გათვალისწინებით. (მკურნალობის საშუალო ხანგრძლივობა 14-18 თვე).
  • მკურნალობის პროცესში დისკომფორტის და ტკივილის შეგრძნებების შემცირება რაც განპირობებულია სუსტი ძალების გამოყენებით.
  • ვიზიტების რაოდენობის და ვიზიტებს შორის ინტერვალების შემცირება.
  • მკურნალობის შესანიშნავი ესთეტიური შედეგი.
  • პაროდონტის უკეთესი მდგომარეობა.
  • ლიგატურების არ არსებობა ამარტივებს ჰიგიენურ პროცედურებს.

ბრეკეტები Damon არის რამოდენი სახეობის

Damon3MX

Damon-3MX  დამზადებულია მეტალისაგან. ძალიან კარგი სახელი დაიმკვიდრეს.

damon3

ბრეკეტები Damon-3 ბრეკეტების ესთეტიური ვარიანტი, მაგრამ დღეისათვის არის უკვე ბრეკეტები Damon Clear რომელიც გაცილებით ესთეტიურია.

q

Damon-Q  დეიმონის მეტალის ბრეკეტების გაცილებით თანამედროვე და დახვეწილი ვერსია. ისინი გაცილებით მცირე ზომისაა. ბრეკეტის ხუფი იხსნება ძალიან მარტივად, ძალიან მარტივად ხდება რკალის გამოცვლა, ისე, რომ პაციენტი ვერაფერს იგებს.

DamonClear

Damon Clear – Damon-Q ესთეტიური ვერსია, ნამდვილად ესთეტიური ბრეკეტები დამზადებულია კერამოპლასტისგან. თვისებებით არ ჩამოუვარდება კერამიკულ ბრეკეტებს, ხოლო მკურნალობის დასრულების შემდეგ ბრეკეტების მოხსნის თვალსაზრისით სჯობნის კიდეც.

გამოდის ყველა ზედა კბილისთვის. ხოლო ქვედა ყბაზე მხოლოდ ცენტრალურებისთვის (ეშვიდან ეშვამდე). და ეს მინუსი არ არის, რადგან ნებისმიერი ესთეტიური ბრეკეტები ქვედა ყბაზე ზედმეტი პრობლემებია. ისიც გასათვალისწინებელია, რომ ადამიანების უმეტესობას ღიმილის დროს საერთოდ არ უჩანს ქვედა კბილები.

ეს კომპანია Ormcos შესაძლებლობების დასასრული არ არის და ველით სიახლეებს.

Read Full Post »

PROPHYflex3_PROPHYpearlsრა არის კბილების წმენდა PROPHYflex?

კბილების წმენდის ტექნოლოგია PROPHYflex შემუშავებულია გერმანული კომპანია KaVo სპეციალისტების მიერ.

აპარატის მოქმედების მექანიზმი: აპარატის თავიდან წნევით გამოდის წყლის, ჰაერის და სპეციალური ფხვნილის ნარევი. წვრილდისპერსული და არააბრაზიული ფხვნილი კალციუმის-კარბონატის საფუძველზე. ტრადიციული ნატრიუმის ბიკარბონატის (საჭმელი სოდა) განსხვავებით, რომლის ნაწილაკებსაც აქვთ ბასრი კიდეები, კალციუმის კარბონატს აქვს მრგვალი ფორმები. შედეგად კი არ  იკაწრება მინანქრის ზედაპირი, არამედ ხდება მისი პოლირება. ამიტომ აღნიშნულ პროცედურას უნიშნავებს ბავშვებსაც კი.

titel_2როგორი გადასატანია აღნიშნული პროცედურა? 

PROPHYflex-ის ფხვნილს აქვს სასიამოვნო გემო. ფხვნილი ხვდება რა კბილის ზედაპირზე აცილებს ნადებს და საკვებ საღებავებს.

წყალი, ფხვნილი, კბილის ნადების ნაწილაკები ხვდება სპეციალურ საქშენში (სტომატოლოგიურ სასრუტში) პირის ღრუში და არ იფანტება მთელს ოთახში.

ყველაფერი ხდება სწრაფად და განსაკუთრებული დისკომფორტის გარეშე.

რა დანიშნულება აქვს PROPHYflex

  • კბილების იდეალური გასუფთავება ზედაპირული პიგმენტაციებისგან
  • ჩაის, ყავის, სიგარეტის და სხვა ნადების მოცილება
  • კბილის რბილი ნადების მოცილება
  • ბრეკეტების წმენდა
  • ხელოვნური კონსტრუქციების წმენდა
  • კბილის ზედაპირის წმენდა კბილის ფერის განსაზღვრის წინ
  • კბილების წმენდა ფტორირების წინ
  • წმენდა გათეთრებამდე
  • ძნელად მისადგომი ადგილების წმენდა (კბილთაშუა სივრცეები)

რისი გაკეთება არ შეუძია PROPHYflex და ათეთრებს თუ არა კბილებს?

hofeheren-tiszta-fogsor-egyedulallo-fogko-eltavolitas-proonმაგარ კბილის ნადებს, როგორიცაა კბილის ქვა აღნიშნული აპარატი ვერ უმკლავდება, ამისათვის არსებობს სპეციალური ულტრაბგერითი აპარატი – სკეილერი.

PROPHYflex არ არის განკუთვნილი კბილების გასათეთრებლად. კბილების გათეთრება – საკუთარი კბილის ფერის ცვლილებაა. აღნიშნული აპარატის გამოყენების შემდეგ კბილის ფერის ცვლილება არ ხდება.

იწმინდება კბილები, ცილდება ფერშეცვლილი, ჩაის, ყავის, სიგარეტის და სხვა გამუქებული ნადები და კბილს უბრუნდება ბუნებრივი ფერი.

ყველასათვის ერთნაირად მიზანშეწონილია თუ არა?

პროცედურის ჩატარების წინს სჯობს გაიაროთ კონსლტაცია პაროდონტოლოგთან, რადგან პაროდონტის (ღრძილების) დაავადებების რიგ ფორმებში სასურველია კბილების გაწმენდა მოხდეს სხვა მეთოდის გამოყენებით.

რა უკუჩვენებები აქვს?

ქრონიკული ბრონქიტის და ასთმის მქონე პაციენტებმა სჯობს არ გამოიყენონ PROPHYflex, რადგან შესაძლოა გაჩნდეს გაძნელებული სუნთქვის შეგრძნება.

უმარილო დიეტაზე მყოფი პაციენტებისთვის ასევე უკუჩვენებაა აღნიშნული პროცედურა, რადგან ფხვნილი შეიცავს მარილს.

არ შეიძლება ციტრუსის გემოს აუტანლობის მქონე პაციენტებში გამოყენებას.

PROPHYflex®3_0როგორი რეკომენდაციებია პროცედურის შემდეგ?

პირველი 2-3 საათი არ შეიძლება მოწევა, ჩაი, ყავა, პროდუქტები, რომლებმაც შეიცავენ ბუნებრივ საღებავებს. რადგან წმენდის დროს კბილს სცილდება პელიკულა (კბილის დამცავი აპკი), რომელიც ნერწყვის დახმარებით აღდგენა 2-3 საათში.

რა სიხშირითაა საჭირო კბილების პროფესიული წმენდის ჩატარება?

ექიმი ყველა პაციენტს ურჩევს ინდივიდუალურად. საშუალოდ კვარტალში ან 6 თვეში ერხელ.

სტომატოლოგთან ვიზიტები პროფესიული წმენდის და პროფილაქტიკური დათვალიერების მიზნით თქვენთვის უნდა იყოს ისეთივე ბუნებრივი და აუცილებლი, როგორიცაა კოსმეტიკურ სალონებში და სტილისთან ვიზიტი.

Read Full Post »

5210_380პირველი რჩევა: ვცვლით ჯაგრულებს დროულად

ინტერნეტში და ხშირად სტომატოლოგის კაბინეტშიც ვიღებთ რჩევას, რომ კბილის ჯაგრისი უნდა ვცვალოთ არა უგვიანეს 2-3 თვისა. სინამდვილეში ყოველდღიური ხმარების შემდეგ კბილის ჯაგრისი გამოუსადეგარი ხდება უკვე 1 თვის შემდეგ. გაცვეთილი და ფორმაშეცვლილი ჯაგრულები არა მარტო არ ასუფთავებენ კბილებს არამედ იწვევენ ღრძილების ტრავმირებასაც.

მეორე რჩევა: კბილების ხეხვასაც თავისი დრო აქვს

425სტომატოლოგები ურჩევენ, რომ კბილების გამოხეხვა მოხდეს საჭმლის მიღების შემდეგ. მაგრამ არ ღირს საკვების დამთავრებისთანავე აბაზანაში შევარდნა და კბილების გამოხეხვის დაწყება. უფრო სწორი იქნება გამოივლოთ პირის ღრუში წყალი, ხოლო კბილები გაიხეხოთ 20-30 წუთის შემდეგ. რატომ? იმიტომ, რომ პირის ღრუმ მოასწროს მჟავე-ტუტოვანი ბალანსის აღდგენა, რომელიც როგორც ცნობილია ირღვევა საკვების მიღების შემდეგ. საქმე იმაშია, რომ საკვების მიღებისთანავე კბილების გამოხეხვით თქვენ ვერ აღადგენთ ph საწყის დონეს, მხოლოდ ხელს შეუშლით ამ პროცესს.

მესამე რჩვა: უთხარით უარი საკვების მიღებებს შორის ტკბილ წახემსებებს 

რადგან ვახსენეთ ph დონე, უნდა ავღნიშნოთ, რომ ტკბილებული აბსოლუტური ჩემპიონია შაქრის შემცველობაში. არა მარტო არღვევს ph ბალანსს 1 საათით, არბილებს მინანქარს და წარმოადგენს კარიესოგენული ბაქტერიების საყვარელ საკვებს.

photo_436მეოთხე რჩევა: ნაკლები მჟავე, მარილიანი და გაზიანი

პროდუქტები და სასმელები მჟავიანობის მაღალი შემცველობით, ასევე მარილიან საკვებს და გაზიან სასმელებს აქვთ მომატებული მჟავიანობა, შედეგად არბილებენ კბილის მინანქარს და ხდიან ზედაპირს უფრო ხაოიანს. შედეგად იგი იწყებს ბუნებრივი საღებავების და ბაქტერიების “შეწოვას” რაც იწვევს მის გამუქებას და დაზიანებასაც. თუკი უარს ვერ ამბობთ ასეთ პროდუქტებზე სასმელი მიიღეთ სპეციალური მილაკით, ხოლო ხილის შემდეგ გამოივლეთ წყალი.

 მეხუთე რჩევა: მიიღეთ ნაკლები ალკოჰოლი

Carisma_NG_bigიმის გარდა, რომ ალკოჰოლი მავნეა ჯანმრთელობისათვის, იგი ისევე მოქმედებს კბილებზე, როგორც მჟავე შემცველი სასმელები. ხოლო გაზიანმა ალკოჰოლმა (შამპანური, კოქტეილები) – შეიძლება გამოიწვიოს მინანქრის ეროზია.

მეექვსე რჩევა: ნუ მოწევთ

თამბაქოს ბოლი შეიცავს ფისებს და ნიკოტინს, აყვითლებს კბილის მინანქარს. აგრეთვე აღწევს მის შიგნით და ტოვებს ლაქებს. ზრდის პირის ღრუს კიბოს განვითარების რისკებს.

მეშვიდე რჩევა: ვმეგობრობთ სტომატოლოგთან

მოუსმინეთ თქვენს ორგანიზმს და ნებისმიერ მცირე განგაშის სიგნალზე მიმართეთ სპეციალისტს. ღრძილებიდან სისხლდენა, უსიამოვნო შეგრძნებები საკვების მოკბეჩის დროს, კბილების მომატებული მგრძნობელობა, სუნი პირის ღრუდან – ეს ყველაფერი გახლავთ სტომატოლოგთან img_articol391681ვიზიტის აუცილებელი მიზეზები. არ დაგავიწყდეთ წელიწადში ორჯერ პროფილაქტიკური შემოწმებები და პროფესიონალური ჰიგიენის ჩატარება.

მერვე რჩევა: არანაირი თვითშემოქმედება

როდესაც ვთქვით, რომ უნდა მოუსმინოთ ორგანიზმს აქ არ იგულესხმება, რომ თავად უნდა დასვათ დიაგნოზი და დაინიშნოთ მკურნალობა. მკურნალობის დანიშვნა და მკურნალობა არის ექიმის პრეროგატივა. იგივე შეიძლება ითქვას კბილების გათეთრებაზეც – არ აქვს მნიშვნელობა გათეთრება სახლის პირობებში ხდება თუ კლინიკის, იგი უნდა იყოს პროფესიონალური ანუ ტარდება სპეციალისტის მიერ ან მისი კონტროლის ქვეშ.

Read Full Post »

simpliclear4თქვენ ან თქვენს ბავშვს არასწორი თანკბილვის გამო გირჩიეს კონსულტაცია გაიაროს ორთოდონტთან? ხოლო თქვენ წარმოდგენა არ გაქვთ ვის მიმართოდ და საერთოდ რა არის ორთოდონტია? მართლაც და ორთოდონტებთან საქმე ძალიან რთულადაა. თუკი ორთოპედები (პროთეზისტები), თერაპევტები და ქირურგები ათასობითაა, ხოლო მათში იმ ერთადერთის არჩევა რთულია, ორთოდონტები კიდევ უფრო მცირე რაოდენობით არიან. რადგან ეს მეცნიერება ჩვენ ქვეყანაში სულ რაღაც, რამოდენიმე ათეულ წელს ითვლის.

ortod2დავიწყოთ თავიდან. 10-15 წლის წინ ორთოდონტიული მკურნალობა მხოლოდ მოსახსნელი ფირფიტებით შემოიფარ გლებოდა, პრინციპში სხვა არც არაფერი იცოდნენ. ბოლო წლების მანძილზე ორთოდონტიული მკურნალობა რადიკალურად შეიცვალა. გაჩნდა ახალი კონსტრუქციები, რომელთა გამოყენებით შესაძლებელი გახდა, როგორც ბავშვების ასევე დიდების მკურნალობაც. თუკი ადრე ითვლებოდა, რომ ორთოდონტიული მკურნალობა შესაძლებელია, მხოლოდ მოზარდ ასაკში დღეისათვის კლინიკაში გვყავს პაციენტები 45-50 წლის და ძალიან კარგი შედეგებით. თანამედროვე ორთოდონტიაში ასაკობრივი ზღვარი პრაქტიკულად აღარ არსებობს.

14 (1)საგრძნობლად გაუმჯობესდა მკურნალობის შედეგები, როგორც ესთეტიური ასევე ფუნქციონალური კუთხითაც. საქმე იმაშია, რომ მოსახსნელი ფირფიტებით, შესაძლებელი იყო თანკბილვის ზედაპირულად გამოსწორება. თითოეული კბილის მილიმეტრის სიზუსტით რკალში ჩაყენება ფირფიტებით შეუძლებელია. აბსოლუტური შედეგის მისაღებად აუცილებელია ვიმუშაოთ თითოეულ კბილზე სათითაოდ და არა მთელს ყბაზე ერთდროულად.

დღეისათვის არსებობს უამრავი ორთოდონტიული აპარატი. მოსახსნელი აპარატები გამოიყენება ბავშვებში სარძევე ან ცვლადი თანკბილვისას. მოსახსნელი ფირფიტები შესაძლოა მოთავსდეს როგორც ერთ ასევე ორივე ყბაზე. მოსახსნელი აპარატები ზეგავლენას ახდენენ ყბის ზრდაზე, ფორმირებაზე. მონაწილეობენ მავნე ჩვევების გადაჩვევაში.

shutterstock_6985150311-13 წლის ასაკის ბავშვებს (ძირითადად ამ პერიოდში სრულდება მუდმივი თანკბილვის ჩამოყალიბება) შეიძლება რეკომენდაცია გაეწიოთ ბრეკეტებით მკურნალობაზე. ბრეკეტები წარმოადგენს საკეტს, რომელიც სპეციალური მასალის საშუალებით მაგრდება კბილის გარე ზედაპირზე. საკეტები დაკავშირებულია ერთმანეთთან ლითონის რკალით. ასეთი ბრეკეტები ალბათ ყველას უნახია და გაუგონია. აქ არაფერია ახალი, გარდა იმისა, რომ ეს სისტემა ძალიან ძლიერი ინსტრუმენტია და როგორც ნებისმიერ იარაღს შეუძლია, როგორც ძლიერ დაეხმაროს ასევე ავნოს კიდეც, თუკი მოხდება მისი არასწორი გამოყენება! საჭიროა კბილების სწორად მომზადება. გადამწყვეტი მნიშვნელობა ენიჭება ბრეკეტების სწორ ფიქსაციას კბილებზე. საკეტის სწორ ფიქსაციაზეა დამოკიდებული ის მილიმეტრები, რომლის სიზუსტითაც უნდა ჩაჯდეს კბილები რკალში. და კიდევ უამრავი სხვა რამ რაც ბევრმა სტომატოლოგმა არც იცის. ამ ყველაფრის გარდა პაციენტებს აინტერესებთ კიდევ ერთი საკითხი. ხშირად საჭირო ხდება კბილების ამოღება, რადგან ყბაზე უბრალოდ არ არის საკმარისი ადგილი. ზოგი ექიმი ამბობს, რომ ისინი საერთოდ არ იღებენ კბილებს და ისე ასწორებენ თანკბილვას. ასეთი მიდგომა ცოტა საეჭვოა, რადგან არის შემთხვევები, როდესაც კბილების გასწორება მსხვერპლის გარეშე არ გამოდის. აქვე დავძენ, რომ კბილების ამოღება ყოველთვის საჭიროა არ არის და ყველა შემთხვევაში უპრაკონოდ მათი ამოღებაც არაა გამართლებული. უკიდურესობები ყოველთვის საშიშია.

nino2რაც შეეხება ბრეკეტების მრავალფეროვნებას. დღეისათვის არსებობს უზარმაზარი არჩევანი: მეტალის, ფერადი, ფაიფურის, საფირის, ლინგვალური, თვითლიგირებადი და ა.შ.  საფირის და ფაიფურის ბრეკეტები გამჭვირვალეა და კბილის ზედაპირზე ფაქტიურად უხილავია. მაგრამ ამ ბრეკეტებს საფუძვლიანი მოვლა სჭირდება. თუკი გინდათ, რომ თქვენი ორთოდონტიული მკურნალობა სრულიად საიდუმლოდ დარჩეს შეგიძლიათ ისარგებლოთ ლინგვალური (ენისკენა) ბრეკეტებით. ამ უკანასკნელს ძირითადად ზრდასრულ პაციენტებს უყენებენ და ითხოვს ექიმის სპეციალურ მომზადებას. თუკი ორთოდონტების სიმცირეა ქვეყანაში, ლინგვალური ბრეკეტების მცოდნე სპეციალისტები საერთოდ თითზე ჩამოსათვლელია. მაგრამ უნდა გვახსოვდეს რომ ყველა შემთხვევაში არ ხდება ამ ბრეკეტების ფიქსაცია.

ორთოდონტიული მკურნალობა ბრეკეტებით საშუალოდ გრძელდება 1,5-2 წელი. პათოლოგიის სირთულიდან გამომდინარე. თუკი იმედს გაძლევენ, რომ მკურნალობა შესაძლებელია დასრულდეს 3-6 თვეში, სჯობს კონსულტაცია სხვაგანაც გაიაროთ. 3 თვეში ან ვერაფერს ვერ მოასწრებს ექიმი, ან დაგიზიანებთ პაროდონტს (კბილის ირგვლივ ქსოვილებს).

Braces1001მკურნალობის დაწყების წინ აუცილებელია პირის ღრუს სანაცია. ხშირად საჭირო ხდება მომიჯნავე სპეციალისტების ჩართვა – პაროდონტოლოგი, ქირურგი, ორთოპედი. თანკბილვის პათოლოგია – კომპლექსური პრობლემაა, რომლის გადაწყვეტა ხდება მაღალკვალიფიციური ორთოდონტის და სხვა სტომატოლოგების მიერ. ამიტომ სჯობს აირჩიოთ არა ცალკეული ორთოდონტი არამედ კლინიკა სადაც არის კვალიფიციური ექიმების გუნდი.

Read Full Post »

14 (1)ბრეკეტ სისტემის პირველი გამომგონებლები ვერც წარმოიდგენდნენ, რომ ბრეკეტები გახდებოდა არა მხოლოდ კბილების გასწორების საშუალება, არამედ კბილების ნამდვილი სამკაულებიც.არ გჯერათ? გამოსცადეთ საფირის ბრეკეტები – გამჭვირვალე, ბრწყინვალე და წარმოუდგენლად ლამაზები.

საფირის ბრეკეტები – ძვირფასეულობა თქვენს კბილებზე

საფირის ბრეკეტები მზადდება ხელოვნურად გამოზრდილი საფირებისგან, რომლებიც სრულიად უსაფრთხოა ადამიანის ორგანიზმისთვის და პრაქტიკულად არ იწვევენ ალერგიას. მათი გამოზრდა ხდება შემდეგნაირად: სინთეტიკური ქვის მონოკრისტალებს ათავსებენ სპეციალურ ჭურჭელში, აცხელებენ 2050 გრადუსამდე, რის შემდგომაც იწყება კრისტალიზაციის პროცესი. ხელოვნური საფირი – ეს ერთადერთ მასალაა, რომელიც სიმყარით ჩამოუვარდება მხოლოდ ალმასს. ბრეკეტების გარდა მას იყენებენ ლინზების, კოსმოსური აპარატების ილუმინატორების, საათების მდგრადი შუშების და კბილის იმპლანტების წარმოებაში.

shutterstock_2885182საფირის ბრეკეტები ითვლება ყველაზე ესთეტიურად ვესტიბულარულ ბრეკეტებში. როგორც ძვირფას ქვებს მათაც აქვთ დღის შუქის არეკვლის და გარდატეხის უნარი. ისინი უფრო გამჭვირვალე ბრეკეტებია, ვიდრე კერამიკული (ფაიფურის). თეთრ კბილებზე საფირის ბრეკეტები იდეალურად გამოიყურება. გარე იერსახის გაუმჯობესებაში ასევე დაგეხმარებათ სპეციალური დაფარვის მქონე ელასტიური რკალები.

რით განსხვავდება საფირის ბრეკეტ სისტემა სხვებისგან?

თუ რა სხვაობაა მეტალის და საფირის ბრეკეტებს შორის ალბათ ყველასთვის ნათელია. მაგრამ საფირი და კერამიკული ბრეკეტები ძალიან გვანან ერთმანეთს ფუნქციონალური მაჩვენებლებით. სიმყარის მიუხედავად საფირის ბრეკეტები საკმაოდ მყიფეა. რაც ითხოვს მათ მიმართ სიფრთხილით მობყრობას.

clear-bracketსაფირის კრისტალები, როგორც მასალა იწვევს მინიმალურ დისკომფორტს პაციენტის პირის ღრუში. თუკი გადაწყვიტეთ დაიყენოთ აღნიშნული სისტემის ბრეკეტები იცოდეთ, რომ ძალიან მალე მიეჩვევით. შესაძლოა მცირე ნაკაწრები ან ტრავმები ლორწოვან გარსზე, მაგრამ მათი აცილება შესაძლებელია დამცავი ცვილის საშუალებით. საფირის ბრეკეტები არ იცვლიან ფერს, ამიტომ საკმარისია არ მიიღოთ ისეთი საკვები, რომელიც საჭიროებს დიდ მექანიკურ ზემოქმედებას, ნუ მიიღებთ ისეთ საკვებს, რომელიც ითხოვს დიდ ძალას მოკბეჩვისათვის. ასევე მოერიდეთ ტკბილ ფუნთუშებს და ირისის კანფეტებს. აუცილებელია ორთოდონტის კონსულტაციები არა უგვიანეს ერთი თვისა.

საფირის ბრეკეტები – სილამაზის ფასი

img5რა ფასი აქვს საფირის ბრეკეტებს? ისინი გაცილებით იაფია ვიდრე ლინგვალური ბრეკეტები, მაგრამ ძვირია სხვა ვესტიბულარულ ბრეკეტებთან შედარებით. კერამიკული ბრეკეტები გაცილებით იაფია. “საფირი” კბილებზე ყველასთვის ხელმისაწვდომი ვერ იქნება, მაგრამ შესანიშნავი ესთეტიკა, პაციენტის ფსიქოლოგიური კომფორტი, სილამაზის შეგრძნება სრულიად ამართლებს საფირის ბრეკეტების ფასს.

Read Full Post »

Older Posts »