Feeds:
ჩანაწერები
კომენტარები

Archive for the ‘თერაპია’ Category

  • main-qimg-636d98e4582b2a40536831326d179bb6პირველი და გაყიდვების ლიდერი შეკითხვა : “თქვენ კარგი მასალები გაქვთ?“. შეკითხვა რომელსაც ხშირად სვამენ ადამიანები, რომლებმაც ჩაიარას და მოდი შევივლის ვარიანტში შეიხედეს კლინიკაში. პასუხია: “რა თქმა უნდა ყველაზე ცუდი”, ამის შემდეგ როგორც წესი მცირე ხნით “დაეკიდება” ხოლმე პროგრამა. ძვირფასო მომხმარებელო, პაციენტო რა პასუხის მოსმენა გსურთ??? თუკი ადამიანი მუშაობს ხარისხიანი მასალით ეს ჩვეულებრივი ამბავია მისთვის, ხოლო თუ არ მუშაობს რაღა თქმა უნდა ის არასოდეს არ გამოგიტყდებათ ამაში.
  • საპატიო მეორე ადგილს იკავებს შეკითხვა : “თქვენ ჩვეულებრივი ბჟენები გაქვთ?“. აქ პროგრამის “ჩამოკიდებას” იწვევს შემხვედრი კითხვა: “ეგ როგორია?” თუმცა მინდა გამოგიტყდეთ რომ ძლივს ვიკავებ სხვა პასუხის გაცემისაგან: “არა, რას ბრძანებთ არაჩვეულებრივი, ცოცხალია და თან ლაპარაკობს”. ახსნან თუ რას გულისხმობდნენ ჩვეულებრივში ძირითადად ხდება შემდეგი უნივერსალური სიტყვებით: “ნუუუუ”, “აიიი” და ა.შ. იშვიათად ზოგი იხსენებს ცემენტს. ჩემო ძვირფასებო “ჩვეულებრივი” ბჟენები არ არსებობს, როგორც არ არსებობს ჩვეულებრივი სარეცხი ფხვნილები, გამათეთრებლები და სხვა სისულეები რასაც აჩვენებენ რეკლამებში. ეს უბრალო გამოთქმაა, რადგან თუკი მწარმოებელი იტყვის რომ ფხვნილი A უკეთესია ვიდრე B მას სასამართლოში უჩივლებენ.

277292306მაშ რა შეკითხვა უნდა დავსვათ ამ ორის მაგივრად? თუკი ექიმთან პირველად მოხვდით პირდაპირ კარებში მასალებზე საუბარს აზრი არ აქვს. თავდაპირველად გაიარეთ პირველადი დათვალიერება, კონსულტაცია. ხოლო შემდგომ დაინტერესდით ექიმის აზრით დაახლოებით რამდენ ხანს გაძლებს თქვენი კბილი მკურნალობის შემდეგ. რა თქმა უნდა ზუსტ ვადებს ვერავინ გეტყვით, მაგრამ ზოგადად შეგექმნებათ წარმოდგენა კბილის და ჩასატარებელი მკურნალობის საიმედოობაზე.

  • მესამე ადგილი “ხიდი რომელიც ყურიდან ყურამდე მქონდა ორ კბილზე დაფიქსირებული გაძლო ამდენ ხანს, და თქვენ რატომ ვერ მიკეთებთ იგივეს თავიდან? ან ბჟენი ამ კბილზე მქონდა წლები, თქვენ კი მეუბნებით რომ კბილი ამოსაღებია?

რატო? იმავე მიზეზით რა მიზეზითაც ომის მონაწილეები დადიან ნამსხვრევებით და არაფერი, იმავე მიზეზით რა მიზეზითაც ძველი დამპალი ღობე წლებია დგას და არაფერი, იმავე მიზეზით რა მიზეზითაც ყველანაირი წესების დარღვევით აშენებული სახლები დგას და არაფერი. იმიტომ რომ ბანქო დაჯდა ასე და გაგიმართლათ, მაგრამ ეს არ ნიშნავს რომ ასე უნდა იყოს. შემდგომში 100 დან 99 არ გაგიმართლებთ და მე საერთოდ არ მინდა ცდები, რომ ვატარო. არ გაგიმართლებთ თქვენ და პასუხი უნდა ვაგო მე. რატო?

მეოთხე არასაპრიზო ადგილი. კითხვა კარის ზღურბლზე “დაშენება მინდა და აკეთებთ?

საქმე იმაშია, რომ სიტყვა “დაშენება” როგორც ჩანს შემოღებულია საქმეში არც თუ ისე ჩახედული პირების მიერ. რადგან იგი შესაძლოა გულისხმობდეს ნებისმიერ რამეს და თავად საერთოდ არაფერზე არ მეტყველებს. დაახლოებით იგივე იქნება მშენებელს რომ კითხოთ “თქვენ აშენებთ სახლებს?” ვაშენებთ მაგრამ თქვენ რას გულისხმობთ? ერთსართულიანს, ორსართულიანს, სამსართულიანს? ხის, აგურის, ქვის? ფასადი თეთრი, წითელი მწვანე? აივნები გინდათ? ტერასა? და კიდევ მილიონი კითხვა.

implant-consultation-y250რისი გაკეთება გსურთ? ბჟენი, ჩანართი, ვინირი, გვირგვინი თუ ხიდი? ნებისმიერი ზემოთ ხსენებულით შესაძლებელია კბილის დაშენება, ამასთან თითოეულის ფასი რადიკალურად განსხვავდება და სამუშაოს შესრულებასაც სჭირდება განსხვავებული დრო. ა არ იცოდით? მაშინ რისთვის იყენებთ ტერმინს რაც არ იცით? და როტომ იწვევს ეს შეკითხვა ასეთ ემოციებს? რადგან თავდაპირველად არც იცი რა უპასუხო. პასუხები შესაძლოა დიამეტრალურად საწინააღმდეგო იყოს ხოლო კონკრეტული პასუხისთვის უნდა ინახოს მაინც თუ რა არის დასაშენებელი.

საერთოდ რაიმეზე კონტრეტულად საუბარი შესაძლებელია მხოლოდ საფუძვლიანი დათვალიერების შემდეგ. მოისმინეთ ყველაფერი რასაც ექიმი გთავაზობთ და მხოლოდ ამის შემდეგ დასვით კითხვები თქვენთვის გაუგებარ თემებზე. ეს დაზოგავს თქვენს დროს და ფულს რაც მთავარია.

საფუძვლიანი პირველადი კონსულტაციის შემდეგ თქვენთვის ნათელი უნდა იყოს უმეტესობა ახსნილისა თუ რა შეიძლება გაკეთდეს თქვენს კონკრეტულ შემთხვევაში.

Read Full Post »

Canker-Soresწყლულები პირის ღრუში წარმოადგენს პირის ღრუს ლორწოვანი გარსის დეფექტებს. ვინც კი ოდესმე შეხებია ამ პრობლემას, ალბათ გაჩენია შეკითხვა რა არის ამ დაავადების გამომწვევი მიზეზი და როგორ უმკურნალოს. მარტივად და ცალსახად პასუხის გაცემა არ გამოვა, რადგან წყლულები პირის ღრუში შესაძლოა გაჩნდეს დაავადებების ან პირის ღრუს რბილი ქსოვილების ან ენის დაზიანების დროს, ან იყოს ზოგადი დაავადებების ადგილობრივი გამოვლინება. მოდით მეტი სინათლე მოვფინოთ აღნიშნულ საკითხს და განვიხილოთ ის შემთხვევები, როდესაც უკვე ჩნდება წყლულები პირის ღრუს ლორწოვან გარსზე.

ე.ი. წყლული პირის ღრუში მიუთითებს პირის ღრუს და ენის დაავადებებზე ან დაზიანებებზე, ან არის ზოგადი დაავადებების ადგილობრივი გამოვლინება. განვიხილოთ თითოეული მათგანი.

წყლულების გაჩენა პირის ღრუს რბილი ქსოვილების დაავადებების ან დაზიანების დროს. 

khronicheskiy-retsidiviruyushiy-aftozniy-stomatit1. მორეციდივე აფთოზური სტომატიტი – ქრონიკული ანთებადი დაავადებაა, რომელიც ხასიათდება პირის ღრუს ლორწოვან გარსზე აფთების (მცირე ზომის წყლულები) პერიოდული გამოყრით. აფთები შესაძლოა განლაგდნენ ენაზე, ლოყების ლორწოვანზე, მაგარ და რბილ სასაზე, ასევე ტუჩების ლორწოვანზე. გამოირჩევიან მტკივნეულობით. ზოგიერთ შემთხვევაში ქრონიკული ტრავმირებისას აფთა შესაძლოა გადაიზარდოს ხანგრძლივად შეუხორცებელ წყლულში, რომლის ეპიტელიზაციის შემდგომ ჩნდება ნაწიბური.

მორეციდივე აფთოზური სტომატიტის მქონე პაციენტებს, როგორც წესი აწუხებთ კოლიტი (მსხვილი ნაწლავის ანთება). ასევე დაავადების განვითარებას შესაძლოა წინ უძღოდეს ნერვული დაძაბულობა, ლორწოვანი გარსის მცირე ტრავმები, მაგ.: კბილების ხეხვის დროს, ასევე მენსტრუაცია. ხორცდება აფთა 7-10 დღის მანძილზე. დაავადების გართულების დროს აფთების რაოდენობა და მათი შეხორცების დრო მატულობს და გრძელდება 2 დან 4 კვირამდე.

2. ჰერპესული ფორმის სტომატიტი ხასიათდება მრავლობითი მცირე წყლულების გაჩენით. ძალიან ჰგვანან მარტივი ჰერპესის დროს არსებულ წყლულებს. როგორც წესი უჩნდებათ 30 წლამდე ქალბატონებს. ძირითადად ლოკალიზდებიან ენის ქვედა ზედაპირზე და პირის ღრუს ფსკერის მიდამოში. არ აქვთ მკვეთრი საზღვრები, მოსერო ფერის ძირით. შეხორცების პროცესი ძირითადად მთავრდება ნაწიბურის გარეშე 7-10 დღეში. სტომატიტის მარტივი ფორმების დროს შეინიშნება თეთრი ფერის წყლულები (უფრო სწორედ, რომ ვთქვათ წყლულები დაფარულია თხელი, მოთეთრო ან მოსერო ფერის არა მჭიდროდ გადაფარებული აპკით). ასევე თეთრი ფერის წყლულები უჩნდებათ ბავშვებს როდესაც აღინიშნება კანდიდოზი ან სოკოვანი სტომატიტი.

რაც შეეხება სტომატიტების მკურნალობას, ითვალისწინებენ დაავადების ფორმას, დაზიანების სიმძიმეს. აქედან გამომდინარე ინიშნება ზოგადი და ადგილობრივი მკურნალობა.

3. მორეციდივე ნეკროზული პერიადენიტით (სეტონის აფთები) ხასიათდება ლორწქვეშა შრეში გამაგრების წარმოქნით, შემდგომ ამ ადგილზე ჩნდება მტკივნეული წყლულები წამოწეული და გამაგრებული კიდეებით, ასევე ახლავს ანთებადი ინფილტრატი (უჯრედული ელემენტების, სისხლის და ლიმფის ნაერთი). წყლულები ლოკალიზდებიან ზედა და ქვედა ტუჩებზე, ლოყებზე, ენის გვერდით ზედაპირზე. საკვების მიღება ძალზედ მტივნეულია და ხშირად უარსაც ამბობს პაციენტი. ტკივილი შესაძლოა გამოიწვიოს უბრალო საუბარმაც კი. წყლულები არ ნაწიბურდება თვეების განმავლობაში, ხოლო დაავადება გრძელდება წლები.

4. ბედნარის აფთები უჩნდებათ მხოლოდ ბავშვებს და განისაზღვრება როგორც ტრავმული ეროზიები. მათი წარმოქმნის მიზეზი არის პირის ღრუს ცუდი ჰიგიენა ან სასის ლორწოვან გარსზე უხეში მექანიკური ზემოქმედება (ზუსტად იქ არიან განლაგებული). დაფარულია მოთეთრო-მოყვითალო ნადებით.

5. ტრავმული წყლული პირის ღრუში ყველაზე ხშირად ფიზიკურის ზემოქმედების შედეგია, აქედან მომდინარეობს მისი სახელიც. როგორც წესი ესეთი წყლული ჩნდება შემთხვევით ან გამიზვნით ლორწოვანის კბეჩის, კბილის ჯაგრისით დაზიანების შედეგად. ტრავმული წყლულის გაჩენას შეიძლება მაპროვოცირებელი ფაქტორი შესაძლოა გახდეს სტომატოლოგიური მკურნალობაც (სტომატოლოგიური ინსტრუმენტების გაუფრთხილებელმა გამოყენებამ, ხელოვნური კონსტრუქციების ბასრმა კიდეებმა და ა.შ.)

ტრავმულ წყლულებს მიეკუთვნება ე.წ. პროთეტიკული წყლულები, რომლებიც ჩნდება მთლიანი ან ნაწილობრივი მოსახსნელი პროთეზების ზემოქმედებით. ასეთი წყლულები ჩნდება უშუალოდ პროთეზის ქვეშ. როგორც წესი შეხორცება მიმდინარეობს 10-14 დღე მატრავმირებელი ფაქტორის მოშორების შემდეგ. როგორც წესი მკურნალობას არ საჭიროებენ, რადგან ტრავმული წყლულები უმტკივნეულოა და მცირე ზომების. სხვა შემთხვევებში ინიშნება ანთების საწინააღმდეგო და ანტიმიკრობული პრეპარატები.

წყლულების გაჩენა შესაძლოა გამოიწვიოს ლორწოვან გარსზე მჟავეების ან ტუტეების ზემოქმედებამ, ზოგიერთმა სამკურნალო პრეპარატმაც.

წყლულები, როგორც ზოგადი დაავადებების ადგილობრივი გამოვლინება პირის ღრუს ლორწოვან გარსზე

1. პირის ღრუს ლორწოვანის ტუბერკულოზი, როგორც წესი ფილტვების ტუბერკულოზის მეორადი გამოვლინებაა. ჩნდება პირის ღრუს ლორწოვანის დაზიანებულ ზედაპირზე ტუბერკულოზის გამომწვევი ბაქტერიების მოხვედრით. ამ დროს ზიანდება ლოყების შიდა გარსი, ენა, პირის ღრუს ფსკერი. თავდაპირველად ჩნდება ტიპიური ტუბერკულოზური ბორცვები, ხოლო შემდგომ მათი დაშლის შედეგად ჩნდება მცირე ზომის წყლულები, რომლებიც დროთა განმავლობაში ზომაში მატულობენ. თავად წყლული არ არის ღრმა, ფაშარი ფსკერით, რომელიც დაფარულია სისხლმდენი გრანულაციებით (ახალგაზრდა ქსოვილებით), შეინიშნება უსწორმასწორო კიდეები, შეხებისას რბილია. აღნიშნული დაავადების დროს შეინიშნება წყლულის მწვავე ტკივილი. ადგილობრივი გამოვლინების გარდა შეინიშნება ზოგადი მდგომარეობის გაუარესებაც: სიგამხდრე, მატულობს ენაზე ნადების რაოდენობა, მომატებული ოფლიანობა და სხეულის ტემპერატურა.

პირის ღრუს ლორწოვანის ტუბერკულოზის მკურნალობა ტარდება სპეციალიზირებულ დაწესებულებებში. რაც შეეხება ადგილობრივ მკურნალობას, აღნიშნულ შემთხვევაში ტარდება პირის ღრუს სანაცია რემისიის დროს (დავადების შესუსტება), ლორწოვანის დამუშავება ანტისეპტიკური და ანთების საწინააღმდეგო საშუალებებით.

2. სიფილისი – ქრონიკული ინფექციური დაავადება, რომელსაც იწვევს ე.წ. მკრთალი ტრეპონემა. აღნიშნული დაავადების განვითარების ყველა პერიოდი (ინკუბაციური პერიოდის გარდა, რომელიც გრძელდება 21-24 დღე) ხასიათდება პირის ღრუში წყლულების არსებობით. დაავადების პირველად ეტაპზე აღინიშნება უმტკივნეულო წყლულის არსებობა, რომელსაც აქვს მომრგვალებული ან ოვალური ფორმა წამოწეული სწორი კიდეებით და სპეციფიური ინფილტრატით. წყლულის ფსკერი მკვეთრი წითელი ფერისაა, კრიალაა ან დაფარულია მუქი-მოსერო ნადებით. მესამეული სიფილისის დროსაც კი არ აღინიშნება წყლულის მტკივნეულობა, როგორც ტუბერკულოზური წყლულის შემთხვევაში.

წყლული გარშემორტყმულია მოზრდილი ინფილტრატით, რომელიც წარმოადგენს მკვრივ, ლორწოვანის დონემდე წამოზრდილ მოლურჯო-წითელი ფერის ლილვაკს. კიდეები გლუვია, მკვეთრი წითელი ფერის, დაფარულია გრანულაციებით, ადვილად სისხლმდენი. წყლულის შეხორცების შემდეგ რჩება მოჭიმული ვარსკვლავის ფორმის ნაწიბური. ეს პროცესი გრძელდება 3-4 თვე. წყლულების შეხორცების შემდეგ რჩება ნაწიბურები, რომლებიც მიანიშნებს გადატანილ სიფილისზე. სიფილისის ზოგადი მკურნალობა წარმოებს ვენეროლოგიურ სტაციონარში, ადგილობრივი მკურნალობა ტარდება რემისიის ან გამოჯანმრთელების პერიოდში (პირის ღრუს სანაცია, ადგილობრივი მატრავმირებელი ფაქტორების მოშორება).

3. მწვავე ნეკროზული გინგივოსტომატიტი მიეკუთვნება ვირუსულ ინფექციურ დაავადებებს. ყველაზე ხშირად წყლულები ჩნდება ღრძილების ლორწოვანზე, რბილ სასაზე, ნუშურა ჯირკვლებზე. აღნიშნული დაავადების განვითარებისათვის ხელსაყრელი პირობები იქმნება ორგანიზმის ბრძოლისუნარიანობის დაქვეითების, ლორწოვანი გარსის მთლიანობის დარღვევის, ვიტამინების დეფიციტის შედეგად. აღწერილია აღნიშნული დაავადების განვითარება გადაღლის ან მოყინვის ფონზე. შესაძლოა იყოს ვირუსული ინფექციების გართულებაც, აგრეთვე ალერგიული სტომატიტების. ძირითადად ავადდებიან ახალგაზრდა ადამიანები (30 წლამდე), უფრო ხშირად მამაკაცები.

სიმპტომებიდან აღსანიშნავია: მტკივნეულობა საკვების მიღებისას, უკიდურესად უსიამოვნო სუნი პირის ღრუდან; მომატებული ნერწყვდენა, სხეულის მომატებული ტემპერატურა. ღრძილის ლორწოვანი შეშუპებულია, მტკივნეული, შეხებისას სისხლმდენი. ღრძილების კიდე დაფარულია მოსერო-მოყვითალო ნადებით, რომელიც ადვილად შორდება. წყლულებს აქვთ რბილი, უსწორმასწორო კიდეები, დაფარული ჭუჭყიანი-მწვანე ფერის (უსიამოვნო სუნის მქონე) ნადებით, რომელიც ადვილად შორდება. შედეგად ჩნდება ფაშარი, სისხლმდენი ფსკერი. გარშემომყოფი ქსოვილები შეშუპებულია.

ნეკროზული გინგივოსტომატიტის მკურნალობა ტარდება ორგანიზმის ზოგადი მდგომარეობის შესაბამისად, მისი მდებარეობის და სიმძიმის მიხედვით. საშუალო და მძიმე ფორმების დროს ინიშნება ფართო სპექტრის ანტიბიოტიკები და ანტიჰისტამინები (ალერგიის საწინააღმდეგო პრეპარატები). დაავადების ნებისმიერი სტადიის დროს ინიშნება C და P ვიტამინები, მაღალკალორიული საკვები, წვენები და ზოგიერთ შემთხვევაში ჩვენებების მიხედვით საგულე საშუალებები.

ადგილობრივი მკურნალობა ტარდება ანესთეზიის ქვეშ (ნეკროზული ნადების მოცილება). პირის ღრუ მუშავდება თბილი ანტისეპტიკური ანთების საწინააღმდეგო ხსნარებით. მწვავე ანთების მოხსნის შემდეგ ტარდება პირის ღრუს პროფესიული ჰიგიენა.

წყლულები პირის ღრუში შესაძლოა გაჩნდეს აივ ინფექციის დროსაც (აღენიშნებათ აივ ინფიცირებულების 30%). როგორ უმკურნალოთ წყლულებს ამ დროს? მკურნალობა სპეციფიურია და ტარდება ექიმი-ინფექციონისტების მიერ. სტომატოლოგიური დახმარება ტარდება ყველა სტომატოლოგიურ დაწესებულებაში უსაფრთხოების ზომების მაქსიმალური დაცვით.

ყველა ზემოთ ჩამოთვლილი პირის ღრუს დაავადებების პროფილაქტიკა მდგომარეობს მათი გამომწვევის მოცილებაში. მაგალითად ინფექციური დაავადებების შემთხვევაში უნდა გამოირიცხოს მათი მოხვედრა ორგანიზმში. სხვა შემთხვევებში მნიშვნელოვანია ზოგად გამაჯანსაღებელი ღონისძიებები, რომლებიც ითვალისწინებს სისტემატიურ დამოუკიდებელ და პროფესიულ პირის ღრუს ჰიგიენას.

Read Full Post »

PROPHYflex3_PROPHYpearlsრა არის კბილების წმენდა PROPHYflex?

კბილების წმენდის ტექნოლოგია PROPHYflex შემუშავებულია გერმანული კომპანია KaVo სპეციალისტების მიერ.

აპარატის მოქმედების მექანიზმი: აპარატის თავიდან წნევით გამოდის წყლის, ჰაერის და სპეციალური ფხვნილის ნარევი. წვრილდისპერსული და არააბრაზიული ფხვნილი კალციუმის-კარბონატის საფუძველზე. ტრადიციული ნატრიუმის ბიკარბონატის (საჭმელი სოდა) განსხვავებით, რომლის ნაწილაკებსაც აქვთ ბასრი კიდეები, კალციუმის კარბონატს აქვს მრგვალი ფორმები. შედეგად კი არ  იკაწრება მინანქრის ზედაპირი, არამედ ხდება მისი პოლირება. ამიტომ აღნიშნულ პროცედურას უნიშნავებს ბავშვებსაც კი.

titel_2როგორი გადასატანია აღნიშნული პროცედურა? 

PROPHYflex-ის ფხვნილს აქვს სასიამოვნო გემო. ფხვნილი ხვდება რა კბილის ზედაპირზე აცილებს ნადებს და საკვებ საღებავებს.

წყალი, ფხვნილი, კბილის ნადების ნაწილაკები ხვდება სპეციალურ საქშენში (სტომატოლოგიურ სასრუტში) პირის ღრუში და არ იფანტება მთელს ოთახში.

ყველაფერი ხდება სწრაფად და განსაკუთრებული დისკომფორტის გარეშე.

რა დანიშნულება აქვს PROPHYflex

  • კბილების იდეალური გასუფთავება ზედაპირული პიგმენტაციებისგან
  • ჩაის, ყავის, სიგარეტის და სხვა ნადების მოცილება
  • კბილის რბილი ნადების მოცილება
  • ბრეკეტების წმენდა
  • ხელოვნური კონსტრუქციების წმენდა
  • კბილის ზედაპირის წმენდა კბილის ფერის განსაზღვრის წინ
  • კბილების წმენდა ფტორირების წინ
  • წმენდა გათეთრებამდე
  • ძნელად მისადგომი ადგილების წმენდა (კბილთაშუა სივრცეები)

რისი გაკეთება არ შეუძია PROPHYflex და ათეთრებს თუ არა კბილებს?

hofeheren-tiszta-fogsor-egyedulallo-fogko-eltavolitas-proonმაგარ კბილის ნადებს, როგორიცაა კბილის ქვა აღნიშნული აპარატი ვერ უმკლავდება, ამისათვის არსებობს სპეციალური ულტრაბგერითი აპარატი – სკეილერი.

PROPHYflex არ არის განკუთვნილი კბილების გასათეთრებლად. კბილების გათეთრება – საკუთარი კბილის ფერის ცვლილებაა. აღნიშნული აპარატის გამოყენების შემდეგ კბილის ფერის ცვლილება არ ხდება.

იწმინდება კბილები, ცილდება ფერშეცვლილი, ჩაის, ყავის, სიგარეტის და სხვა გამუქებული ნადები და კბილს უბრუნდება ბუნებრივი ფერი.

ყველასათვის ერთნაირად მიზანშეწონილია თუ არა?

პროცედურის ჩატარების წინს სჯობს გაიაროთ კონსლტაცია პაროდონტოლოგთან, რადგან პაროდონტის (ღრძილების) დაავადებების რიგ ფორმებში სასურველია კბილების გაწმენდა მოხდეს სხვა მეთოდის გამოყენებით.

რა უკუჩვენებები აქვს?

ქრონიკული ბრონქიტის და ასთმის მქონე პაციენტებმა სჯობს არ გამოიყენონ PROPHYflex, რადგან შესაძლოა გაჩნდეს გაძნელებული სუნთქვის შეგრძნება.

უმარილო დიეტაზე მყოფი პაციენტებისთვის ასევე უკუჩვენებაა აღნიშნული პროცედურა, რადგან ფხვნილი შეიცავს მარილს.

არ შეიძლება ციტრუსის გემოს აუტანლობის მქონე პაციენტებში გამოყენებას.

PROPHYflex®3_0როგორი რეკომენდაციებია პროცედურის შემდეგ?

პირველი 2-3 საათი არ შეიძლება მოწევა, ჩაი, ყავა, პროდუქტები, რომლებმაც შეიცავენ ბუნებრივ საღებავებს. რადგან წმენდის დროს კბილს სცილდება პელიკულა (კბილის დამცავი აპკი), რომელიც ნერწყვის დახმარებით აღდგენა 2-3 საათში.

რა სიხშირითაა საჭირო კბილების პროფესიული წმენდის ჩატარება?

ექიმი ყველა პაციენტს ურჩევს ინდივიდუალურად. საშუალოდ კვარტალში ან 6 თვეში ერხელ.

სტომატოლოგთან ვიზიტები პროფესიული წმენდის და პროფილაქტიკური დათვალიერების მიზნით თქვენთვის უნდა იყოს ისეთივე ბუნებრივი და აუცილებლი, როგორიცაა კოსმეტიკურ სალონებში და სტილისთან ვიზიტი.

Read Full Post »

fluorineმთელი მსოფლიოს მეცნიერები ვერ გარკვეულან, სინამდვილეში თუ როგორ მოქმედებს ფტორი კბილებზე და ღრძილებზე.

კამათი იმაზე, სასარგებლოა თუ არა ფტორი კბილებისათვის უკვე რამოდენიმე ათეული წელია გრძელდება. ჯერ კიდევ 1940 წელს აშშ მკვლევარებმა ამცნეს მსოფლიოს ფტორის დადებით ზემოქმედებაზე და ურჩიეს მომხდარიყო წყლის ფტორირება. ჯერ ამერიკის სტომატოლოგთა ასოციაციამ , ხოლო 1969 წელს მსოფლიო ჯანდაცვის ორგანიზაციამაც.მხარი დაუჭირა ამ იდეას.

P_Fluoride_Waterთუმცა რამოდენიმე წლის შემდეგ პრესაში გაჩნდა სამეცნიერო სტატიები ფტორის მავნებლობის შესახებ. ავტორების აზრით ფტორის ზედმეტი ოდენობა იწვევდა ფლუოროზს და ძვლის კიბოს. წყლის ფტორირების წინააღმდეგ გამოვიდა 14 ნობელის ლაურეატი და უამრავი საავტორო გამოცემა. შედეგად გაჩნდა ძლიერი საზოგადო მოძრაობა, რომელთა მუდმივმა გამოსვლებმა გამოიღო შედეგი და ბევრმა განვითარებულმა ქვეყანამ, როგორებიცაა: ავსტრია, ბელგია, ჩეხეთი, დანია, ფინეთი, საფრანგეთი, გერმანია, საბერძნეთი, ჩინეთი, უნგრეთი, ინდოეთი, ისრაელი, იაპონია, ლუქსემბურგი, ჰოლანდია, ნორვეგია, შოტლანდია, შვეიცარია, შვედეთი და ასევე აშშ 38 შტატი უარი თქვეს წყლის ფტორირებაზე. რუსეთში დღესაც გრძელდება წყლის ფტორირება, ამასთან რიგ რეგიონებში იგი აჭარბებს ნორმას – 0,5 მგ/ლ.

sdsdw-fluoride-flierსაჭიროა თუ არა წყლის ფტორირება? ამერიკის სტომატოლოგთა ასოციაციის კვლევებმა აჩვენა, რომ წყლის ფტორირებამ 1 მგ/ლ მდე შეამცირა კბილების დაშლა 40-65%. ავსტრალიელი კოლეგები მხარს უჭერენ ამერიკელ მეცნიერებს აღნიშნულ საკითხში.  მაგ.: ავსტრალიელმა სპეციალისტმა უენდელ ევანსმა ჩაატარა რიგი კვლევები და დაადგინა, რომ ბავშვებში, რომელებიც იღებდნენ ფტორირებულ წყალს კარიესით დაზიანებული კბილების რაოდენობა ჰქონდათ 2ჯერ ნაკლები ვიდრე მათ თანატოლებს, რომლებიც არ იყენებდნენ ფტორირებულ წყალს.

ფტორირების მოწინააღმდეგეებსაც მოჰყავთ თავიანთი არგუმენტები. აშშ ჯანდაცვის სამინისტროს შეფასებით, 6-11 წლამდე ბავშვების დაახლოებით 33% და 12-15 წლამდე მოზარდების დაახლოებით 40% აღენიშნება ფლუოროზი (ფტორი ზედმეტი რაოდენობით გამოწვეული დაზიანება). 1300_133396748მეტიც 2006 წელს ჰარვარდის უნივერსიტეტის მკვლევარებმა აღმოაჩინეს კავშირი ფტორსა და ოსტეოსარკომას (ძვლის კიბოს სახეობა) შორის. თუმცა მოგვიანებით 2012 წელს ჟურნალმა Cancer Epidemiology უარყო კვლევის შედეგები.

შედეგად რთული სათქმელია, სასარგებლოა თუ არა ფტორი ადამიანის ორგანიზმისთვის. ნათელია მხოლოდ ერთ რამ: მისი ზედმეტი რაოდენობა იწვევს ფლუოროზს და სახსრების დაავადებებს. თუკი თქვენ ცხოვრობთ წყალში ფტორის დიდი ოდენობით შემცველ ენდემურ ზონაში ეცადეთ შეიძინოთ კბილის პასტები, რომლებიც არ შეიცავენ ფტორს და ხშირად ჩაიტარეთ მინანქრის გასამაგრებელი პროფილაქტიკური პროცედურები.

Read Full Post »

5210_380პირველი რჩევა: ვცვლით ჯაგრულებს დროულად

ინტერნეტში და ხშირად სტომატოლოგის კაბინეტშიც ვიღებთ რჩევას, რომ კბილის ჯაგრისი უნდა ვცვალოთ არა უგვიანეს 2-3 თვისა. სინამდვილეში ყოველდღიური ხმარების შემდეგ კბილის ჯაგრისი გამოუსადეგარი ხდება უკვე 1 თვის შემდეგ. გაცვეთილი და ფორმაშეცვლილი ჯაგრულები არა მარტო არ ასუფთავებენ კბილებს არამედ იწვევენ ღრძილების ტრავმირებასაც.

მეორე რჩევა: კბილების ხეხვასაც თავისი დრო აქვს

425სტომატოლოგები ურჩევენ, რომ კბილების გამოხეხვა მოხდეს საჭმლის მიღების შემდეგ. მაგრამ არ ღირს საკვების დამთავრებისთანავე აბაზანაში შევარდნა და კბილების გამოხეხვის დაწყება. უფრო სწორი იქნება გამოივლოთ პირის ღრუში წყალი, ხოლო კბილები გაიხეხოთ 20-30 წუთის შემდეგ. რატომ? იმიტომ, რომ პირის ღრუმ მოასწროს მჟავე-ტუტოვანი ბალანსის აღდგენა, რომელიც როგორც ცნობილია ირღვევა საკვების მიღების შემდეგ. საქმე იმაშია, რომ საკვების მიღებისთანავე კბილების გამოხეხვით თქვენ ვერ აღადგენთ ph საწყის დონეს, მხოლოდ ხელს შეუშლით ამ პროცესს.

მესამე რჩვა: უთხარით უარი საკვების მიღებებს შორის ტკბილ წახემსებებს 

რადგან ვახსენეთ ph დონე, უნდა ავღნიშნოთ, რომ ტკბილებული აბსოლუტური ჩემპიონია შაქრის შემცველობაში. არა მარტო არღვევს ph ბალანსს 1 საათით, არბილებს მინანქარს და წარმოადგენს კარიესოგენული ბაქტერიების საყვარელ საკვებს.

photo_436მეოთხე რჩევა: ნაკლები მჟავე, მარილიანი და გაზიანი

პროდუქტები და სასმელები მჟავიანობის მაღალი შემცველობით, ასევე მარილიან საკვებს და გაზიან სასმელებს აქვთ მომატებული მჟავიანობა, შედეგად არბილებენ კბილის მინანქარს და ხდიან ზედაპირს უფრო ხაოიანს. შედეგად იგი იწყებს ბუნებრივი საღებავების და ბაქტერიების “შეწოვას” რაც იწვევს მის გამუქებას და დაზიანებასაც. თუკი უარს ვერ ამბობთ ასეთ პროდუქტებზე სასმელი მიიღეთ სპეციალური მილაკით, ხოლო ხილის შემდეგ გამოივლეთ წყალი.

 მეხუთე რჩევა: მიიღეთ ნაკლები ალკოჰოლი

Carisma_NG_bigიმის გარდა, რომ ალკოჰოლი მავნეა ჯანმრთელობისათვის, იგი ისევე მოქმედებს კბილებზე, როგორც მჟავე შემცველი სასმელები. ხოლო გაზიანმა ალკოჰოლმა (შამპანური, კოქტეილები) – შეიძლება გამოიწვიოს მინანქრის ეროზია.

მეექვსე რჩევა: ნუ მოწევთ

თამბაქოს ბოლი შეიცავს ფისებს და ნიკოტინს, აყვითლებს კბილის მინანქარს. აგრეთვე აღწევს მის შიგნით და ტოვებს ლაქებს. ზრდის პირის ღრუს კიბოს განვითარების რისკებს.

მეშვიდე რჩევა: ვმეგობრობთ სტომატოლოგთან

მოუსმინეთ თქვენს ორგანიზმს და ნებისმიერ მცირე განგაშის სიგნალზე მიმართეთ სპეციალისტს. ღრძილებიდან სისხლდენა, უსიამოვნო შეგრძნებები საკვების მოკბეჩის დროს, კბილების მომატებული მგრძნობელობა, სუნი პირის ღრუდან – ეს ყველაფერი გახლავთ სტომატოლოგთან img_articol391681ვიზიტის აუცილებელი მიზეზები. არ დაგავიწყდეთ წელიწადში ორჯერ პროფილაქტიკური შემოწმებები და პროფესიონალური ჰიგიენის ჩატარება.

მერვე რჩევა: არანაირი თვითშემოქმედება

როდესაც ვთქვით, რომ უნდა მოუსმინოთ ორგანიზმს აქ არ იგულესხმება, რომ თავად უნდა დასვათ დიაგნოზი და დაინიშნოთ მკურნალობა. მკურნალობის დანიშვნა და მკურნალობა არის ექიმის პრეროგატივა. იგივე შეიძლება ითქვას კბილების გათეთრებაზეც – არ აქვს მნიშვნელობა გათეთრება სახლის პირობებში ხდება თუ კლინიკის, იგი უნდა იყოს პროფესიონალური ანუ ტარდება სპეციალისტის მიერ ან მისი კონტროლის ქვეშ.

Read Full Post »

shutterstock_81556129_1300სარძევე კბილის ექსტრაქცია – ყოველთვის საკმაოდ მღელვარე მომენტია, როგორც ბავშვების ასევე მათი მშობლებისათვის. ალბათ ბევრს ახსოვს ეს “საშიში და ბარბაროსული” პროცედურა. დღეისათვის თანამედროვე სტომატოლოგიურ კლინიკებში შეგიძლიათ კბილი ამოიღოთ მყუდრო გარემოში ანიმაციური ფილმების ფონზე. მაგრამ, მიუხედავად კომფორტული პირობებისა სარძევე კბილების ნაადრევი ამოღება არ ღირს. თუ რატომ უნდა შევინარჩუნოთ სარძევე კბილები ამაზე გვექნება დღეს საუბარი.


რატომაა მნიშვნელოვანი სარძევე კბილები?

დაახლოებით 3 წლის ასაკისათვის ბავშვს ეწყება სარძევე კბილების ფესვების გაწოვა, რაც შემდგომ იწვევს კბილების მორყევას და ამოვარდნას. ამგვარად სარძევე თანკბილვა იცვლება მუდმივით. ეს კბილების ცვლის ბუნებრივი პროცესია, რომელიც ძირითადად გართულებების გარეშე მიმდინარეობს და არ საჭიროებს ექიმის ჩარევას. სარძევე კბილების როლი ძალზედ მნიშვნელოვანია – ისინი ეხმარებიან მუდმივ კბილებს სწორად ამოჭრაში. აგრეთვე ხელს უწყობენ ყბის ძვლების ზრდა-განვითარებას.

nado_li_lechit_molochnie_zubi_02რა საფრთხეების შემცველია სარძევე კბილების ამოღება?

სარძევე კბილების ნაადრევ დაკარგვათ ითვლება, როდესაც მუდმივი კბილის ამოსვლამდე დარჩენილია 1 წელზე მეტი. თუკი ბავშვმა დაკარგა კბილი დროზე ადრე, მისი “მეზობელი” კბილები ცდილობენ დაიკავონ ცარიელი ადგილი. შედეგად მუდმივი კბილები ამოდის ქაოტურად, რაც მომავალში იწვევს არასწორი თანკბილვის განვითარებას და ორთოდონტიული მკურნალობის აუცილებლობას. კიდევ ერთი უარყოფითი შედეგი – ყბის განვითარების ტემპის დაკლება, რაც ასევე იწვევს კბილთა რკალის დეფორმაციას – კბილებს არ ჰყოფნით ადგილი და ამოდიან ერთმანეთზე “გადამჯდარები”. ამიტომ სარძევე კბილის ექსტრაქცია – არის პროცედურა, რომელსაც გამოცდილი სტომატოლოგები ატარებენ ძალზედ იშვიათად და გარკვეული ჩვენებიბის მიხედვით.


რა ვქნათ თუკი მოგვიწია რამოდენიმე სარძევე კბილის ამოღება?

47d56af4e6c8თუკი სარძევე კბილების ნაადრევი ამოღება აუცილებელი გახდა საჭიროა ხელოვნური კონსტრუქციების დამზადება. ყველაზე ხშირად ეს გახლავთ მოსახსნელი ფირფიტები ხელოვნური კბილებით. ეს აუცილებელია, რათა არ მოხდეს კბილთა რკალში კბილების გადანაცვლება და მუდმივი კბილები ამოვიდნენ მათთვის განსაზღვრულ ადგილზე.

როდისაა აუცილებელი სარძევე კბილის ექსტრაქცია (ამოღება)?

არის სიტუაციები, როდესაც სარძევე კბილის ამოღება აუცილებელია. ამისათვის არსებობს ნაწილობრივი და აბსოლუტური ჩვენებები. აბსოლუტურ ჩვენებებს ეკუთვნის lechenie molochnyix zubov_2შემდგომი შემთხვევები:

  • სარძევე კბილი იმდენადაა დაშლილი, რომ მისი აღდგენა შეუძლებელია;
  • ისეთი კბილის არსებობა, რომლის მკურნალობაც ამა თუ იმ მიზეზით შეუძლებელია;
  • მუდმივი კბილი ჩანს, ხოლო სარძევე არც კი ინძრევა;
  • ფესვის მწვერვალზე ცისტის არსებობა;
  • ღრძილზე ხვრელარხის არსებობა;
  • მძიმე ფორმის პერიოდონტიტი ან პულპიტი, განსაკუთრებით ისეთ შემთხვევებში, როდესაც საფრთხე ემუქრება მუდმივი კბილის ჩანასახს;
  • სარძევე კბილის ფესვების გაწოვა მიდის შენელებულად, რაც ხელს უშლის მუდმივი კბილის ამოჭრას.

აბსოლუტური ჩვენებების გარდა არსებობს ნაწილობრივი ჩვენებები. ყველა გავრცელებული ჩვენებაა: სარძევე კბილი ირყევა მაგრამ არ ძვრება, ან მოძრავი კბილი ქმნის დისკომფორტს, ახდენს ღრძილის ანთების პროვოცირებას რის გამოც ბავშვს საკვების მიღებისას აღენიშნება ტკივილი. ასეთ შემთხვევებში არ ღირს დაცდა თუ როდის მოძვრება კბილი, სჯობს მიმართოთ სპეციალისტს. ნაწილობრივ ჩვენებებს ასევე მიეკუთვნება კბილის მოტეხილობა, udalenie-molochnyh-zubov4ქრონიკული პერიოდონტიტი ან პულპიტი.

სარძევე კბილები რამდენად გასაკვირიც არ უნდა იყოს აქვთ ზრდასრულებსაც. თუკი არსებობს მუდმივი კბილის ჩანასახი სჯობს დაფიქრდეთ მის ამოღებაზე და მუდმივი კბილის “გამოქაჩვაზე”.


რა სპეციფიკა აქვს სარძევე კბილის ამოღებას?

სარძევე კბილის ამოღება საჭიროებს გარკვეულ სიფრთხილეს და ცოდნას, რადგან ახასიათებს გარკვეული თავისებურებები, რაც განპირობებულია სარძევე კბილების აგებულებით. მათ აქვთ თხელი ალვეოლური კედლები, საკმაოდ თხელი და ამავდროულად გრძელი ფესვები ვიდრე მუდმივ კბილებს. თუკი სარძევე კბილი ირყევა შესაძლებელია მისი აპლიკაციური ანესთეზიით (გელით ან სპრეით) ამოღება, სხვა შემთხვევებში უკვე აუცილებელი ხდება ნემსის გაკეთება, თუმცა მას აუცილებლად წინ აპლიკაცია უკეთდება.

როგორ ამოვიღოთ კბილი და არ მოვახდინოთ ბავშვის ფსიქიკის ტრავმირება? 

როგორ ამოუღოთ სარძევე კბილი ბავშვს, რომელიც ტირის და გვეწინააღმდეგება – ძალზედ აქტუალური პრობლემაა. აქ shutterstock_158016329_1300ძალზედ ბევრია დამოკიდებული ექიმის პროფესიონალიზმზე და მშობლების განწყობაზე. კარგი სპეციალისტი ამოიღებს კბილს სწრაფად და უმტკივნეულოდ. მშობლების ამოცანა კი მდგომარეობს იმაში, რომ თავად არ უნდა ეშინოდეთ და არ იყონ ოხვრაში და ვაი-ვიშის ძახებაში. თქვენი ზედმეტი ნერვიულობა ბავშვს უფრო ძაბავს და აფიქრებინებს, რომ რაღაც საშიშთან აქვს საქმე. მიეცით სხვა ბავშვების მაგალითი ან წაახალისეთ მისი სიმამაცე და გამბედაობა. რაც მთავარია ნუ მოატყვილებთ, ტყუილი ყველაზე ცუდი მეგობარია. აუხსენით განუმარტეთ ყველა მოსალოდნელი პროცედურა, თუ საჭიროა დაასწარით სხვა მამაცი და გაბედული ბავშვების თანატოლების მკურნალობას. 

სარძევე კბილები ასრულებენ მნიშვნელოვან, როლს მუდმივი თანკბილვის ჩამოყალიბებაში, მათზეა დამოკიდებული მუდმივი კბილების ჯანმრთელობა. ამიტომ მათი ნაადრევი ამოღება უნდა მოხდეს მხოლოდ განსაკუთრებულ შემთხვევებში. მხოლოდ მშობელს შეუძლია დაიცვას მისი პირმშო ასეთი მანიპულაციებისგან, რეგულარული პროფილაქტიკური ვიზიტებით და ბავშვის პირის ღრუს ჰიგიენის კონტროლით.

Read Full Post »

“თინეიჯერების” და მოზარდების უმრავლესობა ატარებს ბრეკეტებს. არიან უფრო პატარა და ზრდასრული პაციენტებიც, მაგრამ ჰიგიენის დაცვა ყველასთვის ერთნაირად აუცილებელია. ამ პროცედურამ შესაძლოა დაიკავოს 5-10 წუთი. გთხოვთ დაწვრილებით გაეცნოთ ჰიგიენის წესებს!

1. აირჩიეთ კარგი კბილის ჯაგრისი. თქვენი ორთოდონტი გირჩევთ კბილის ჯაგრისს, თუ არ გირჩიათ მაშინ შეეცადეთ აირჩიოთ კარგი (არა ელექტრო) ან მაინც ჰკითხოთ თქვენს მკურნალ ექიმს.

670px-Clean-Teeth-With-Braces-Step-2

2. მოათავსეთ კბილის პასტა ჯაგრისზე. დაიწყეთ კბილების ხეხვა მცირე წრიული მოძრაობებით. თავიდან წინ, ხოლო შემდგომ უკანა კბილებზე, ეტაპობრივად გადადით საღეჭ ზედაპირებზე. თუკი თქვენმა ორთოდონტმა გირჩიათ სხვა წესით გახეხვა, დაემორჩილეთ მას.

670px-Clean-Teeth-With-Braces-Step-3

3. მოათავსეთ კბილის ჯაგრისი ბრეკეტების მიმართ კუთხით. შემდგომ შეასრულეთ მცირე მოძრაობები ზედა და ქვედა მიმართულებით.

670px-Clean-Teeth-With-Braces-Step-4

4. გაიხეხეთ ყველა კბილის ყველა ზედაპირი (წინა, უკანა საღეჭი), დარწმუნდით, რომ ყველა კბილი სუფთაა. გადაანერეწყვეთ.

670px-Clean-Teeth-With-Braces-Step-5

5. კარგად გამოივლეთ წყალი და კიდევ ერთხელ შეამოწმეთ. ნამდვილად სუფთაა კბილები თუ არა? საკმარისად გამოიხეხეთ?

670px-Clean-Teeth-With-Braces-Step-6

6. გამოიყენეთ დენტალური ფლოსი. ორთოდონტების უმრავლესობა ურჩევს პაციენტს ფლოსის სხვადასხვა ნაირსახეობებს.

 

670px-Clean-Teeth-With-Braces-Step-7

7. მოათავსეთ ფლოსი ბრეკეტების ქვეშ და ნელ-ნელა ამოძრავეთ ზედა-ქვედა მიმართულებით, როგორც ჩვეულებრივად ფლოსინგის დროს. გაიმეორეთ ეს მოძრაობები ყველა კბილთან.

670px-Clean-Teeth-With-Braces-Step-8

8. ფლოსით გაწმენდის შემდეგ შეამოწმეთ კბილთაშუა სივრცეები. საკვების ნარჩენი ხომ არ დაგრჩათ? თუ კი მაშინ გაიმეორეთ პროცედურა.

670px-Clean-Teeth-With-Braces-Step-9

9. შეამოწმეთ ყველა კბილი და ყველა ბრეკეტი, ბრეკეტის საკეტები. როგორც წესი ორთოდონტები ურჩევენ დამატებით ჰიგიენის საშუალებებს, როგორიცაა კბილთაშუა ჯაგრისები და ირიგატორები. თუკი თქვენმა მკურნალმა ექიმმა გირჩიათ აუცილებლად გამოიყენეთ.

670px-Clean-Teeth-With-Braces-Step-10

 

10. გამოიყენეთ პირის ღრუს სავლები. 

670px-Clean-Teeth-With-Braces-Step-11

11. ყველაფერი შეამოწმეთ და აუცილებლობის შემთხვევაში გაიმეორეთ საჭირო მანიპულაცია

 

Read Full Post »

OLYMPUS DIGITAL CAMERAინგლისურ ენოვან ლიტერატურაში მოიხსენიება, როგორც Black Stain – შავი ლაქები, შავი ხაზი. აღნიშნული ელემენტები ძალიან ხშირია ბავშვთა სტომატოლოგიაში. დიაგნოსტიკა ხდება მაშინ, როდესაც პაციენტს აღენიშნება 1 მილიმეტრის ზომის შავი ხაზი ღრძილების გასწვრივ – კბილებზე. აღნიშნული შავი ფერი შეიძლება შეგვხვდეს წერტილების ან ლაქების სახით განლაგებული ენისკენა და სასისკენა ზედაპირებზე. შავი ფერის ნადები ჩნდება ადრეული ბავშვობის ასაკში, პიკს აღწევს პუბერტულ და მოზარდობის ასაკში და ასევე შესაძლოა შეგვხვდეს მოზრდილებშიც.

ეტიოლოგია (გამომწვევი მიზეზი)

შავ ნადებს იწვევენ ანაერობული ქრომოგენული ბაქტერიები. ძირითადი გამომწვევები არიან აქტინომიცეტები (გრამდადებითი ბაქტერიები Actinomices Israeli, Actinomices Naeslundi), რომლებიც აწარმოებენ წყალბადს. შედარებით იშვიათი გამომწვევებია გრამუარყოფითი ბაქტერიები: Potphyromonas და Prevotella melaninogenica. ავტორები აღნიშნული ნადების შავ ფერს დიდი ხნის განმავლობაში მელანინს და რკინის სულფატს უკავშირებდნენ. კვლევების შედეგად აღმოჩნდა, რომ შავი ფერის პიგმენტი, ე.წ. Black Stain წარმოადგენს რკინის დეპოს კბილის ზედაპირზე, რომელიც ყალიბდება წყალბადის სულფატის და ნ132_26675ce2ერწყვში არსებული რკინის ქიმიური ურთიერთ ქმედების შედეგად. წყალბადი სულფატი ფორმირდება ანაერობული ბაქტერიების აქტინომიცეტების ზემოქმედების შედეგად, რომლებიც თავის მხრივ აწარმოებენ წყალბადს. წყალბადის პროპორცია შესაძლებელია განსხვავებული იყოს სხვადასხვა ინდივიდში. რკინა ნერწყვში შეიძლება მოხვდეს საკვების გზით ან ღრძილებიდან სისხლდენის დროს. კვლევებმა აჩვენა, რომ შავი ლაქები მიდრეკილია კალციფიკაციისკენ. შავი ნადები შედგება რკინის უხსნადი მარილებისგან, რომელიც შეიცავს კალციუმს და არაორგანულ ფოსფორს. Frisken-ის და სხვა ავტორების მონაცემების მიხედვით, ანაერობული ბაქტერიების კოლონიზაცია ბავშვებში შესაძლებელია კბილების ამოჭრამდეც. აღნიშნული კვლევების მიხედვით ბაქტერიების კოლონიზაცია იწყება საკმაოდ ადრე და ნარჩუნდება ბავშვობიდან მოზრდილ ასაკამდე. ბაქტერიების რაოდენობა შეიძლება გაიზარდოს პუბერტულ ასაკში, სქესობრივი ჰორმონების აქტივობის მატებასთან ერთად. ნერწყვს დამცავი ფუნქცია აქვს: ის ანეიტრალებს კბილების დემინერალიზაციის გამომწვევ მჟავეებს, რომლებსაც გამოყოფენ კბილების ლაქებზე არსებული ბაქტერიები. კალციუმით, არაორგანული ფოსფორით და ცილებით გამდიდრებული კვების რეჟიმი ზრდის ნერწყვის დამცავ ფუნქციას.

1989 წელს შეაფასეს 4-16 წლის ასაკის ბავშვების ნერწყვის ქიმიური შემადგენლობა ორ ჯგუფში: ნაწილს ჰქონდა შავი ნადები კბილებზე და ნაწილს – არ ჰქონდა. იმ ბავშვების ნერწყვში, ვისაც კბილებზე შავი ფერის ლაქები აღენიშნებოდა, საგრძნობლად მომატებული აღმოჩნდა კალციუმი, არაორგანული ფოსფორი და ცილები, ხოლო ნაკლები რაოდენობით – გლუკოზა.

ეპიდემიოლოგია

OLYMPUS DIGITAL CAMERAეპიდემიოლოგიური მონაცემები განსხვავებულია ავტორების, კვლევების და ქვეყნების მიხედვით. 1960-1970 წლების ერთ-ერთი მონაცემების მიხედვით 11-13 წლის ასაკობრივ ჯგუფში შავი ფერის ნადების გავრცელება იყო 20%; იტალიაში – 19.9% 7-15 წლამდე ასაკობრივ ჯგუფში; გერმანიაში – 4.6% 6 დან 10 წლამდე. ბრაზილიაში – 9.3% 3 დან 5 წლის ასაკამდე.

ნადებებს გააჩნია მიდრეკილება კბილის ქვების დაგროვება-დალექვისაკენ, ის მაგრად ეჭიდება კბილის მინანქარს და პირის ღრუს ჩვეული ჰიგიენური ღონისძიებებით და საშუალებებით მოცილებას შეუძლებელს ხდის. მის ქვეშ მდებარე მინაქარი უმეტესწილად ჯანმრთელია. ნადებს ძირითადად ახასიათებს ესთეტიკური დისკომფორტი; კბილების გაწმენდა ხდება კლინიკაში სპეციალური აპარატების დახმარებით.

Read Full Post »

aq300თუკი თქვენ გადიხართ ბრეკეტებით მკურნალობას, გაქვთ ვინირები, ხელოვნური გვირგვინები ან იმპლანტები მაშინ პირის ღრუს ირიგატორი თქვენთვის შეუცვლელი ნივთია! ყველა ეს ზემოთ ჩამოთვლილი კონსტრუქცია ართულებს პირის ღრუს ჰიგიენას. რბილი ნადები არ უშვებს შანსს და გროვდება რთულად მისადგომ ადგილებში, გადადის მაგარ ფაზაში და აქ უკვე კარიესის განვითარებაც მოსალოდნელია. რა ვქნათ? ხელს ნუ ჩაიქნევთ დაიწყეთ პირის ღრუს ირიგატორის გამოყენება.


რას წარმოადგენს ეს სასწაული ირიგატორი?

irrygator contactyგარეგნულად სტომატოლოგიური ირიგატორი გავს ელექტრო კბილის ჯაგრისს, მხოლოდ სამუშაო ზედაპირზე ჯაგრულების მაგივრად აქვს განსაკუთრებული თავი. მოწყობილობის მუშაობა დაფუძნებულია ირიგაციის პრინციპზე – ჰიდრომასაჟზე. ირიგატორში არსებული კომპრესორი ქმნის წნევას, შედეგად წყლის ჭავლი გარკვეული წნევით მიეწოდება სამუშაო ზედაპირს. ასე წყლის წნევის საშუალებით შესაძლებელია კბილთაშუა სივრცეების, კბილის ზედაპირების, ღრძილების ენის და ლოყების გაწმენდა. პროცედურის ეფექტურობის გასაზრდელად წყალს შესაძლოა დაემატოს სპეციალური სამკურნალო ბალზამები ან ანტისეპტიკური სითხეები.

თუკი  მაქვს კბილის ჯაგრისი, რაღად მინდა ირიგატორი?

shutterstock_38968666_1300ირიგატორის გამოყენება აუცილებელია პირის ღრუში არსებული მოუხსნელი კონსტრუქციების ან ნაწილობრივ მოსახსნელი კბილის პროთეზების, გვირგვინების, ვინირების, ლუმინირების, იმპლანტების და ბრეკეტების ტარებით მკურნალობის დროს. ჩამოთვლილი ორთოპედიული და ორთოდონტიული კონსტრუქციები ართულებენ პირის ღრუს ხარისხიანი ჰიგიენის ჩატარების პროცესს, რაც შემდგომში აისახება კბილების და ღრძილების ჯანმრთელობაზე. ამ მიდამოებში ნადების დაგროვებამ შესაძლოა გამოიწვიოს ყელის კარიესი, აგრეთვე კბილის ირგვლივი ქსოვილების ქრონიკული ანთებითი პროცესები – გინგივიტი და პაროდონტიტი. ამ უსიამოვნო პრობლემების თავიდან აცილებაში დაგეხმარებათ ირიგატორი. აპარატიდან გამოსულ წყლის ჭავლს შეუძლია საკვების ნარჩენების და რბილი ნადების მოცილება ყველა რთულად მისადგომი ადგილიდან, რაც არ შეუძლია არც ჩვეულებრივ და არც ელექტრო ჯაგრისს.

ირიგატორის სახეობები

Aquapick main 4 girl_textსტაციონარული და პორტატული

ირიგატორები არის, როგორც სტაციონარული ანუ სახლში გამოსაყენებელი, ასევე პორტატული – იმ შემთხვევებისთვის, როდესაც მფლობელი ბევრს მოგზაურობს ან უბრალოდ აბაზანაში არ აქვს იმდენი ადგილი, რომ დადგას ირიგატორი. შესაძლოა ორივეც დაგჭირდეთ.

ერთი თავით და რამოდენიმეთი

nasadki-dlya-irrigatoraირიგატორს სხვადასხვა დანიშნულების თავები აქვს: ძირითადი კბილთაშუა სივრცეებისათვის და ღრძილების მასაჟისათვის, ენის ჰიგიენისათვის, პათოლოგიური ჯიბეების გასაწმენდად, ბრეკეტების ირგვლივ სივრცეების, ხელოვნური გვირგვინების, იმპლანტების, ხიდისებრი კონსტრუქციები, ვინირების გასაწმენდან. ამას გარდა შესაძლებელია სპეციალური თავების შეძენა კბილების პოლირებისა და გათეთრებისათვის. როგორც წესი ყველა თავის ყიდვა არ არის საჭირო. საკმარისია რამოდენიმეს შეძენაც.

წყლის რეზერვუარით და ონკანთან მიერთებით

წყლის მიწოდება შესაძლებელია, როგორც სპეციალური წყლის რეზერვუარიდან ასევე ჩვეულებრივი ონკანიდანაც. ისეთი კრიტერიუმი, როგორიცაა წყლის რაოდენობა არ ქმნის პრობლემას, რადგან ყოველთვის შეიძლება მისი მარტივად შევსება. თუკი ამას თქვენთვის მნიშვნელობა აქვს აირჩიეთ ირიგატორი ონკანთან მიერთებით.

აკუმულატორით და ელემენტებით

17ირიგატორები შესაძლოა იყოს, როგორც დენის კაბელით ასევე მის გარეშე. არის მოწყობილობები, რომლებიც მუშაობენ დენის წყაროდან, აკუმულატორზე ან ელემენტებზე. ამას გარდა ირიგატორების მწარმოებლები მომხმარებელ სთავაზობენ წყლის ჭავლის სხვადასხვა წნევის, პულსაციის სიხშირის და სითხის მიწოდების სხვადასხვა რეჟიმებს – ჭავლი და სპრეი. ყველაფერი შესაძლოა აისახოს ჰიგიენის ხარისხზე. გამოყენების კომფორტზე მოქმედებს ისეთი ნიუანსები, როგორიცაა ხმაურის დონე და ვიბრაცია, ასევე მოწყობილობის წონა და დიზაინი.

AQ300_1აუცილებელია გახსოვდეთ, რომ ირიგატორის გამოყენება არ ნიშნავს, რომ უნდა დაივიწყოთ სხვა ჩვეული ჰიგიენის საშუალებები! მოწყობილობა უზრუნველყობს კბილების წმენდის იდეალურ დასასრულს, ის რაც ვერ შეძლო კბილის ჯაგრისმა. ხოლო ღრძილების და მთელი პირის ღრუს დამატებითი მასაჟი აუმჯობესებს სისხლის მიმოქცევას, ახდენს ქსოვილების განახლების პროცესების სტიმულირებას, ხელს უშლის კბილის ქვის ჩამოყალიბებას და აქრობს პირის ღრუში არსებულ უსიამოვნო სუნს. სტომატოლოგები გირჩევთ: ირიგატორი უნდა იყოს ყველა სახლში!

Read Full Post »

pregnancydentistry

გამოთქმა „ერთი ბავშვი მინუს ერთი კბილი”, რამდენად სამწუხაროც არ უნდა იყოს ფაქტის კონსტატაციაა. საქმე იმაშია, რომ ქალის ორგანიზმი თავიდანვე აღიქვამს ნაყოფს, როგორც უცხო სხეულს და ყველანაირად ცდილობს მის „მოცილებას“.  ამის გამოა ისეთი ცნობილი სიმპტომები, როგორიცაა ღებინება, ჰორმონალური ფონის ცვლილება და იმუნიტეტის დაქვეითება. ბოლო ორი ფაქტორი ზემოქმედებს რა ორგანიზმზე ახდენს ძვლოვანი სისტემის დესტაბილიზაციას, ნეგატიურად მოქმედებს კბილებზე, იწვევს რა კარიესს და მის გართულებებს. მაგრამ ნუთუ ფეხმძიმობისას კარიესის განვითარება გარდაუვალია?

image

ფეხმძიმობა და კარიესი

ორგანიზმის ბრძოლის უნარიანობის დაქვეითება, მათ შორის კალციუმის ნივთიერებათა ცვლის გარდაქმნა – ორსული ქალის ორგანიზმში მიმდინარე გარდაუვალი პროცესებია, ასევე რისკ ფაქტორები რომლებიც ფეხმძიმეებში იწვევენ სტომატოლოგიურ პრობლემებს: გინგივიტს, პაროდონტიტს, ღრძილებიდან სისხლდენას და კარიესს. კალციუმის ნაკლებობა, ნერწყვის შემადგენლობის ცვლილება და დაქვეითებული იმუნიტეტის ფონზე გააქტიურებული მიკრობები – ძირითადი მიზეზებია თუ რატომ უფუჭდებათ კბილები მომავალ დედებს. ძირითადი ნიშნები რომლის მიხედვითაც ფეხმძიმეს შეუძლია გამოავლინოს საწყისი კარიესი, სტანდარტულია ყველასთვის: ცარცისებრი ლაქები, ღარები ან ხაზები, მინანქრის დეკალციფიკაცია, თქვენი კბილები რეაგირებს გამღიზიანებელზე (ცივზე, ტკბილზე, ცხელზე).

how-oral-bacteria-can-affect-your-baby აუცილებლად უნდა იმკურნალოთ

აზრი, რომ კბილების მკურნალობა ფეხმძიმობისას არასასურველია და მეტიც საშიში, დღესაც ძალზედ გავრცელებულია საზოგადოებაში. ის, რომ ეს ინფორმაცია არასწორია, ამის დასამტკიცებლად არაა აუცილებელი სამედიცინო განათლება. ფეხმძიმობისას საწყისი კარიესიც კი საჭიროებს აუცილებელ ვიზიტს სტომატოლოგთან. რატომ? პირველ რიგში დაავადება პროგრესირებს უფრო სწრაფად და შეიძლება გადაიზარდოს პულპიტში (ნერვის ანთება) ორსულობის დასრულებამდე. მეორეც საწყის ეტაპზე, მკურნალობა სრულდება ერთ ეტაპად და არ საჭიროებს რენტგენოლოგიურ კვლევებს. მესამეც მომავალმა დედამ უნდა გააცნობიეროს, რომ ის უკვე მარტო აღარაა და ნებისმიერი ანთებადი პროცესი ცუდად იმოქმედებს, როგორც მასზე ასევე მის ნაყოფზეც. სარძევე კბილების ჩანასახები ფორმირებას იწყებენ ფეხმძიმობის მეექვსე კვირას, ხოლო მე-5 თვეზე იწყება მათი მინერალიზაცია. ასევე მუცლადყოფნის პერიოდში ხდება მუდმივი კბილების ჩასახვაც.

კარიესის პროფილაქტიკა ფეხმძიმობისას

Positive pregnant blond woman  checks her teethრა თქმა უნდა იდეალურია თუკი არ მოგვიწევს ფეხმძიმობისას კბილის ტკივილთან გამკლავება და წინასწარ ორსულობამდე მოხდება პირის ღრუს მდგომარეობის მოწესრიგება. მაგრამ თუკი ვერ მოახერხეთ ამის დაცვა მაშინ შემდგომი რჩევები თქვენთვისაა.

  1. სწორი კვება. თქვენს ორგანიზმში არსებული პატარა სიცოცხლე ყველანაირად ცდილობს სასურველი მინერალები და ელემენტები შეივსოს თქვენი ორგანიზმიდან. ამიტომ ეცადეთ საკვები იყოს მდიდარი მიკროელემენტებით და ვიტამინებით.
  2. პირის ღრუს სანაცია. იდეალურ ვარიანტში პირის ღრუს სანაცია სჯობს ჩატარდეს ფეხმძიმობამდე, ხოლო შემდგომ რეგულარულად მოინახულოთ ხოლმე თქვენი სტომატოლოგი.
  3. ვიტამინო თერაპია. უნდა დაფიქრდეთ თუ რა სახის ვიტამინებს იღებთ. ცნობილია, რომ კალციუმის და ფტორის შემცველი პროდუქტები და პრეპარატები, B და Dვიტამინები და თევზის ქონი ყველა მაზზე და ფარმაცევტულ პრეპარატებზე უკეთ დაგეხმარებათ კარიესის თავიდან აცილებაში.
  4. პირის ღრუს ყოველდღიური ჰიგიენა. ისეთი აუცილებელი, რამ როგორიც კბილების ხეხვაა დღეში 2-ჯერ ყველასთვის აუცილებელია და გასაჩივრებას არ ექვემდებარება მიუხედავად ასაკისა, სქესისა და ა.შ. J

Read Full Post »

Older Posts »