Feeds:
ჩანაწერები
კომენტარები

Archive for the ‘ესთეტიური სტომატოლოგია’ Category

14 (1)ბრეკეტ სისტემის პირველი გამომგონებლები ვერც წარმოიდგენდნენ, რომ ბრეკეტები გახდებოდა არა მხოლოდ კბილების გასწორების საშუალება, არამედ კბილების ნამდვილი სამკაულებიც.არ გჯერათ? გამოსცადეთ საფირის ბრეკეტები – გამჭვირვალე, ბრწყინვალე და წარმოუდგენლად ლამაზები.

საფირის ბრეკეტები – ძვირფასეულობა თქვენს კბილებზე

საფირის ბრეკეტები მზადდება ხელოვნურად გამოზრდილი საფირებისგან, რომლებიც სრულიად უსაფრთხოა ადამიანის ორგანიზმისთვის და პრაქტიკულად არ იწვევენ ალერგიას. მათი გამოზრდა ხდება შემდეგნაირად: სინთეტიკური ქვის მონოკრისტალებს ათავსებენ სპეციალურ ჭურჭელში, აცხელებენ 2050 გრადუსამდე, რის შემდგომაც იწყება კრისტალიზაციის პროცესი. ხელოვნური საფირი – ეს ერთადერთ მასალაა, რომელიც სიმყარით ჩამოუვარდება მხოლოდ ალმასს. ბრეკეტების გარდა მას იყენებენ ლინზების, კოსმოსური აპარატების ილუმინატორების, საათების მდგრადი შუშების და კბილის იმპლანტების წარმოებაში.

shutterstock_2885182საფირის ბრეკეტები ითვლება ყველაზე ესთეტიურად ვესტიბულარულ ბრეკეტებში. როგორც ძვირფას ქვებს მათაც აქვთ დღის შუქის არეკვლის და გარდატეხის უნარი. ისინი უფრო გამჭვირვალე ბრეკეტებია, ვიდრე კერამიკული (ფაიფურის). თეთრ კბილებზე საფირის ბრეკეტები იდეალურად გამოიყურება. გარე იერსახის გაუმჯობესებაში ასევე დაგეხმარებათ სპეციალური დაფარვის მქონე ელასტიური რკალები.

რით განსხვავდება საფირის ბრეკეტ სისტემა სხვებისგან?

თუ რა სხვაობაა მეტალის და საფირის ბრეკეტებს შორის ალბათ ყველასთვის ნათელია. მაგრამ საფირი და კერამიკული ბრეკეტები ძალიან გვანან ერთმანეთს ფუნქციონალური მაჩვენებლებით. სიმყარის მიუხედავად საფირის ბრეკეტები საკმაოდ მყიფეა. რაც ითხოვს მათ მიმართ სიფრთხილით მობყრობას.

clear-bracketსაფირის კრისტალები, როგორც მასალა იწვევს მინიმალურ დისკომფორტს პაციენტის პირის ღრუში. თუკი გადაწყვიტეთ დაიყენოთ აღნიშნული სისტემის ბრეკეტები იცოდეთ, რომ ძალიან მალე მიეჩვევით. შესაძლოა მცირე ნაკაწრები ან ტრავმები ლორწოვან გარსზე, მაგრამ მათი აცილება შესაძლებელია დამცავი ცვილის საშუალებით. საფირის ბრეკეტები არ იცვლიან ფერს, ამიტომ საკმარისია არ მიიღოთ ისეთი საკვები, რომელიც საჭიროებს დიდ მექანიკურ ზემოქმედებას, ნუ მიიღებთ ისეთ საკვებს, რომელიც ითხოვს დიდ ძალას მოკბეჩვისათვის. ასევე მოერიდეთ ტკბილ ფუნთუშებს და ირისის კანფეტებს. აუცილებელია ორთოდონტის კონსულტაციები არა უგვიანეს ერთი თვისა.

საფირის ბრეკეტები – სილამაზის ფასი

img5რა ფასი აქვს საფირის ბრეკეტებს? ისინი გაცილებით იაფია ვიდრე ლინგვალური ბრეკეტები, მაგრამ ძვირია სხვა ვესტიბულარულ ბრეკეტებთან შედარებით. კერამიკული ბრეკეტები გაცილებით იაფია. “საფირი” კბილებზე ყველასთვის ხელმისაწვდომი ვერ იქნება, მაგრამ შესანიშნავი ესთეტიკა, პაციენტის ფსიქოლოგიური კომფორტი, სილამაზის შეგრძნება სრულიად ამართლებს საფირის ბრეკეტების ფასს.

Read Full Post »

Porcelain_Fused_To_Metal_Semi_Precious_Crownკარიესისგან ძლიერ დაშლილი კბილების აღდგენის ყველაზე თანამედროვე მეთოდი – მათზე ხელოვნური გვირგვინის მოთავსებაა. ადრე მათ ამზადებდნენ ფოლადისგან, სხვადასხვა არაკეთილშობილი მეტალების  შენადნობებისგან, ოქროსგან და პლატინისგანაც. მაგრამ მეტალო-კერამიკის (ლითონ-ფაიფური) გამოჩენის შემდეგ “რკინის” კბილები წარსულს ჩაბარდა.

დღეისათვის ხელოვნური გვირგვინის დასამზადებლად მასალების არჩევანი საკმაოდ ფართეა: ფაიფური, ცირკონის დიოქსიდი, მაგრამ ყველაზე პოპულარული და ხ

metal_porcelain_2ელმისაწვდომი ჯერ-ჯერობით მაინც მეტალო-კერამიკაა. მეტალო-კერამიკის გვირგვინები წარმოადგენს “ხუფს”, რომელიც სრულიად იმეორებს კბილის ანატომიას და ეცმება დაქლიბულ კბილზე. კონსტრუქციის საფუძველს წარმოადგენს ლითონის კარკასი, რომელიც ზემოდან იფარება კბილის ქსოვილების ფერი ფაიფურით. ხელოვნური გვირგვინი ფიქსირდება კბილზე სპეციალური კომპოზიციური ან მინაიონომერული ცემენტით. თუკი კბილის ქსოვილები ძლიერ დაშლილია ხდება მისი მთლიანობის აღდგენა ლითონის ჩანართით ან მინაბოჭკოვანი წკირებით. მეტალო-კერამიკა ასევე გამოიყენება ხიდისებრი კონსტრუქციების, ბიგელისებრი პროთეზების და იმპლანტებზე გვირგვინების დასამზადებლად. ამ უკანასკნელზე სასურველია ლითონის აბატმენტებით ფიქსაციის შემთხვევაში.

მეტალო-კერამიკის დადებითი და უარყოფითი მხარეები.

l100ლითონ-ფაიფურის ანუ მეტალო-კერამიკის გვირგვინების უპირატესობა – პირველ რიგში არის მათი სიმყარე. ამიტომ ყველაზე ხშირად მათი ფიქსაცია ხდება საღეჭ კბილებზე. უარყოფით მხარეებს შესაძლოა მივაკუთვნოთ მათი ესთეტიურობა. საერთო ჯამში მეტალო კერამიკის გვირგვინები კარგად იმეორებენ ნატურალური კბილების ანატომიას, მაგრამ ახალი მასალების გამოჩენის შემდეგ წინა კბილების აღსადგენად უპირატესობა ენიჭება მთლიანსხმული ფაიფურის გვირგვინებს. როდესაც საღეჭ მიდამოში აუცილებელია ესთეტიკის და სიმყარის კომბინაცია საუკეთესო არჩევანი შესაძლოა გამოდგენს ფაიფური ცირკონის დიაქსიდის კარკასზე.

მეტალო-კერამი კის თუ ცირკონო-კერამიკის გვირგვინები?

ბევრ პაციენტს აწუხებს შეკითხვა: cerconრა სჯობს – ციკონო-კერამიკა თუ მეტალო-კერამიკა? უხეშად, რომ ვთქვათ ორივე კონსტრუქცია მიეკუთვნება მეტალოკერამიკას, თუმცა ცირკონი – ე.წ. “თეთრი” მეტალია, რომელიც არ გამოსჭვივის კერამიკის ქვეშ. ამიტომ დღეისათვის ცირკონო-კერამიკის გვირგვინები ესთეტიური მახასიათებლებით ახლოსაა მთლიანსხმულ კერამიკასთან, მაგრამ ამავდროულად მექანიკური მახასიათებლებით ისეთივე მყარია, როგორც მეტალო-კერამიკა. თუმცა ფასი აღნიშნულ კონსტრუქციებზე საკმაოდ მაღალია.

shutterstock_130330298-600მეტალო-კერამიკის გვირგვინების მოხმარების პერიოდი

დღეისათვის მეტალო-კერამიკის გვირგვინები საშუალოდ ძლებს 10 წელი, შესაძლოა ეს პერიოდი გაიზარდოს 15 წლამდეც. მაგრამ ეს არ ნიშნავს, რომ ექიმი აძლევს პაციენტს 10 წლიან გარანტიას. მოხმარების ვადის გასვლის შემდეგ სასურველია კონსტრუქციის გამოცვლა. თუკი დროულად არ მოხდა კონსტრუქციების გამოცვლა შესაძლოა გაჩნდეს ისეთი პრობლემა, როგორიცაა მეორედი კარიესი. მაგრამ რა ვქნათ, თუკი მეტალო-კერამიკის კონსტრუქცია გამოვიდა წყობიდან დროზე ადრე?

მეტალო-კერამიკის გვირგვინების შეკეთება

მეტალო-კერამიკის გვირგვინების შეკეთების ძირითადი მიზეზი გვირგვინოვანი ნაწილის ატეხვაა. სტომატოლოგი აფასებს მოტეხილი ნაწილის მაშტაბურობას და განსაზღვრავს მკურნალობის გეგმას. თუკი ლითონის კარკასი არ გაშიშვლდა შეკეთება შესაძლებელია კომპოზიციური მასალებით. თუკი მოტეხილობა მაშტაბურია საჭირო ხდება გვირგვინის გამოცვლა.Bruxzir-Crown

მეტალო-კერამიკის გვირგვინების მოვლა

მეტალო-კერამიკის გვირგვინების მოვლის წესები არ განსხვავდება ბუნებრივი კბილების მოვლისგან. აუცილებელია პროფილაქტიკური ვიზიტები სტომატოლოგთან წელიწადში 2ჯერ, პროფესიული წმენდის ჩატარება, საფუძვლიანი წმენდა დღეში ორჯერ ძირითადი და დამხმარე ჰიგიენური საშუალებებით, როგორებიცაა ფლოსი (კბილის ძაფი) და ირიგატორი.

IPS_E_Max_Porcelain_Crownsრა ღირს მეტალო-კერამიკის გვირგვინი?

მეტალო-კერამიკის გვირგვინის ფასი დამოკიდებულია კლინიკაზე, ლითონზე – რომლისგანაც მზადდება კარკასი, ფაიფურზე, ექიმი-ორთოპედის კვალიფიკაციაზე და კბილის ტექნიკოსზე. საწყისი კლინიკური შემთხვევის სირთულეზე და სხვა ფაქტორებზე. კბილის გვირგვინის ფასი მითითებულია კლინიკის პრაისში და ძირითადად გულისხობს კბილის დამუშავებას, ზომების აღებას და ფიქსაციას, როგორც წესი ფასში არ შედის რენტგენოლოგიური კვლევა და სხვა დამატებითი პროცედურები.

Read Full Post »

shutterstock_81556129_1300სარძევე კბილის ექსტრაქცია – ყოველთვის საკმაოდ მღელვარე მომენტია, როგორც ბავშვების ასევე მათი მშობლებისათვის. ალბათ ბევრს ახსოვს ეს “საშიში და ბარბაროსული” პროცედურა. დღეისათვის თანამედროვე სტომატოლოგიურ კლინიკებში შეგიძლიათ კბილი ამოიღოთ მყუდრო გარემოში ანიმაციური ფილმების ფონზე. მაგრამ, მიუხედავად კომფორტული პირობებისა სარძევე კბილების ნაადრევი ამოღება არ ღირს. თუ რატომ უნდა შევინარჩუნოთ სარძევე კბილები ამაზე გვექნება დღეს საუბარი.


რატომაა მნიშვნელოვანი სარძევე კბილები?

დაახლოებით 3 წლის ასაკისათვის ბავშვს ეწყება სარძევე კბილების ფესვების გაწოვა, რაც შემდგომ იწვევს კბილების მორყევას და ამოვარდნას. ამგვარად სარძევე თანკბილვა იცვლება მუდმივით. ეს კბილების ცვლის ბუნებრივი პროცესია, რომელიც ძირითადად გართულებების გარეშე მიმდინარეობს და არ საჭიროებს ექიმის ჩარევას. სარძევე კბილების როლი ძალზედ მნიშვნელოვანია – ისინი ეხმარებიან მუდმივ კბილებს სწორად ამოჭრაში. აგრეთვე ხელს უწყობენ ყბის ძვლების ზრდა-განვითარებას.

nado_li_lechit_molochnie_zubi_02რა საფრთხეების შემცველია სარძევე კბილების ამოღება?

სარძევე კბილების ნაადრევ დაკარგვათ ითვლება, როდესაც მუდმივი კბილის ამოსვლამდე დარჩენილია 1 წელზე მეტი. თუკი ბავშვმა დაკარგა კბილი დროზე ადრე, მისი “მეზობელი” კბილები ცდილობენ დაიკავონ ცარიელი ადგილი. შედეგად მუდმივი კბილები ამოდის ქაოტურად, რაც მომავალში იწვევს არასწორი თანკბილვის განვითარებას და ორთოდონტიული მკურნალობის აუცილებლობას. კიდევ ერთი უარყოფითი შედეგი – ყბის განვითარების ტემპის დაკლება, რაც ასევე იწვევს კბილთა რკალის დეფორმაციას – კბილებს არ ჰყოფნით ადგილი და ამოდიან ერთმანეთზე “გადამჯდარები”. ამიტომ სარძევე კბილის ექსტრაქცია – არის პროცედურა, რომელსაც გამოცდილი სტომატოლოგები ატარებენ ძალზედ იშვიათად და გარკვეული ჩვენებიბის მიხედვით.


რა ვქნათ თუკი მოგვიწია რამოდენიმე სარძევე კბილის ამოღება?

47d56af4e6c8თუკი სარძევე კბილების ნაადრევი ამოღება აუცილებელი გახდა საჭიროა ხელოვნური კონსტრუქციების დამზადება. ყველაზე ხშირად ეს გახლავთ მოსახსნელი ფირფიტები ხელოვნური კბილებით. ეს აუცილებელია, რათა არ მოხდეს კბილთა რკალში კბილების გადანაცვლება და მუდმივი კბილები ამოვიდნენ მათთვის განსაზღვრულ ადგილზე.

როდისაა აუცილებელი სარძევე კბილის ექსტრაქცია (ამოღება)?

არის სიტუაციები, როდესაც სარძევე კბილის ამოღება აუცილებელია. ამისათვის არსებობს ნაწილობრივი და აბსოლუტური ჩვენებები. აბსოლუტურ ჩვენებებს ეკუთვნის lechenie molochnyix zubov_2შემდგომი შემთხვევები:

  • სარძევე კბილი იმდენადაა დაშლილი, რომ მისი აღდგენა შეუძლებელია;
  • ისეთი კბილის არსებობა, რომლის მკურნალობაც ამა თუ იმ მიზეზით შეუძლებელია;
  • მუდმივი კბილი ჩანს, ხოლო სარძევე არც კი ინძრევა;
  • ფესვის მწვერვალზე ცისტის არსებობა;
  • ღრძილზე ხვრელარხის არსებობა;
  • მძიმე ფორმის პერიოდონტიტი ან პულპიტი, განსაკუთრებით ისეთ შემთხვევებში, როდესაც საფრთხე ემუქრება მუდმივი კბილის ჩანასახს;
  • სარძევე კბილის ფესვების გაწოვა მიდის შენელებულად, რაც ხელს უშლის მუდმივი კბილის ამოჭრას.

აბსოლუტური ჩვენებების გარდა არსებობს ნაწილობრივი ჩვენებები. ყველა გავრცელებული ჩვენებაა: სარძევე კბილი ირყევა მაგრამ არ ძვრება, ან მოძრავი კბილი ქმნის დისკომფორტს, ახდენს ღრძილის ანთების პროვოცირებას რის გამოც ბავშვს საკვების მიღებისას აღენიშნება ტკივილი. ასეთ შემთხვევებში არ ღირს დაცდა თუ როდის მოძვრება კბილი, სჯობს მიმართოთ სპეციალისტს. ნაწილობრივ ჩვენებებს ასევე მიეკუთვნება კბილის მოტეხილობა, udalenie-molochnyh-zubov4ქრონიკული პერიოდონტიტი ან პულპიტი.

სარძევე კბილები რამდენად გასაკვირიც არ უნდა იყოს აქვთ ზრდასრულებსაც. თუკი არსებობს მუდმივი კბილის ჩანასახი სჯობს დაფიქრდეთ მის ამოღებაზე და მუდმივი კბილის “გამოქაჩვაზე”.


რა სპეციფიკა აქვს სარძევე კბილის ამოღებას?

სარძევე კბილის ამოღება საჭიროებს გარკვეულ სიფრთხილეს და ცოდნას, რადგან ახასიათებს გარკვეული თავისებურებები, რაც განპირობებულია სარძევე კბილების აგებულებით. მათ აქვთ თხელი ალვეოლური კედლები, საკმაოდ თხელი და ამავდროულად გრძელი ფესვები ვიდრე მუდმივ კბილებს. თუკი სარძევე კბილი ირყევა შესაძლებელია მისი აპლიკაციური ანესთეზიით (გელით ან სპრეით) ამოღება, სხვა შემთხვევებში უკვე აუცილებელი ხდება ნემსის გაკეთება, თუმცა მას აუცილებლად წინ აპლიკაცია უკეთდება.

როგორ ამოვიღოთ კბილი და არ მოვახდინოთ ბავშვის ფსიქიკის ტრავმირება? 

როგორ ამოუღოთ სარძევე კბილი ბავშვს, რომელიც ტირის და გვეწინააღმდეგება – ძალზედ აქტუალური პრობლემაა. აქ shutterstock_158016329_1300ძალზედ ბევრია დამოკიდებული ექიმის პროფესიონალიზმზე და მშობლების განწყობაზე. კარგი სპეციალისტი ამოიღებს კბილს სწრაფად და უმტკივნეულოდ. მშობლების ამოცანა კი მდგომარეობს იმაში, რომ თავად არ უნდა ეშინოდეთ და არ იყონ ოხვრაში და ვაი-ვიშის ძახებაში. თქვენი ზედმეტი ნერვიულობა ბავშვს უფრო ძაბავს და აფიქრებინებს, რომ რაღაც საშიშთან აქვს საქმე. მიეცით სხვა ბავშვების მაგალითი ან წაახალისეთ მისი სიმამაცე და გამბედაობა. რაც მთავარია ნუ მოატყვილებთ, ტყუილი ყველაზე ცუდი მეგობარია. აუხსენით განუმარტეთ ყველა მოსალოდნელი პროცედურა, თუ საჭიროა დაასწარით სხვა მამაცი და გაბედული ბავშვების თანატოლების მკურნალობას. 

სარძევე კბილები ასრულებენ მნიშვნელოვან, როლს მუდმივი თანკბილვის ჩამოყალიბებაში, მათზეა დამოკიდებული მუდმივი კბილების ჯანმრთელობა. ამიტომ მათი ნაადრევი ამოღება უნდა მოხდეს მხოლოდ განსაკუთრებულ შემთხვევებში. მხოლოდ მშობელს შეუძლია დაიცვას მისი პირმშო ასეთი მანიპულაციებისგან, რეგულარული პროფილაქტიკური ვიზიტებით და ბავშვის პირის ღრუს ჰიგიენის კონტროლით.

Read Full Post »

“თინეიჯერების” და მოზარდების უმრავლესობა ატარებს ბრეკეტებს. არიან უფრო პატარა და ზრდასრული პაციენტებიც, მაგრამ ჰიგიენის დაცვა ყველასთვის ერთნაირად აუცილებელია. ამ პროცედურამ შესაძლოა დაიკავოს 5-10 წუთი. გთხოვთ დაწვრილებით გაეცნოთ ჰიგიენის წესებს!

1. აირჩიეთ კარგი კბილის ჯაგრისი. თქვენი ორთოდონტი გირჩევთ კბილის ჯაგრისს, თუ არ გირჩიათ მაშინ შეეცადეთ აირჩიოთ კარგი (არა ელექტრო) ან მაინც ჰკითხოთ თქვენს მკურნალ ექიმს.

670px-Clean-Teeth-With-Braces-Step-2

2. მოათავსეთ კბილის პასტა ჯაგრისზე. დაიწყეთ კბილების ხეხვა მცირე წრიული მოძრაობებით. თავიდან წინ, ხოლო შემდგომ უკანა კბილებზე, ეტაპობრივად გადადით საღეჭ ზედაპირებზე. თუკი თქვენმა ორთოდონტმა გირჩიათ სხვა წესით გახეხვა, დაემორჩილეთ მას.

670px-Clean-Teeth-With-Braces-Step-3

3. მოათავსეთ კბილის ჯაგრისი ბრეკეტების მიმართ კუთხით. შემდგომ შეასრულეთ მცირე მოძრაობები ზედა და ქვედა მიმართულებით.

670px-Clean-Teeth-With-Braces-Step-4

4. გაიხეხეთ ყველა კბილის ყველა ზედაპირი (წინა, უკანა საღეჭი), დარწმუნდით, რომ ყველა კბილი სუფთაა. გადაანერეწყვეთ.

670px-Clean-Teeth-With-Braces-Step-5

5. კარგად გამოივლეთ წყალი და კიდევ ერთხელ შეამოწმეთ. ნამდვილად სუფთაა კბილები თუ არა? საკმარისად გამოიხეხეთ?

670px-Clean-Teeth-With-Braces-Step-6

6. გამოიყენეთ დენტალური ფლოსი. ორთოდონტების უმრავლესობა ურჩევს პაციენტს ფლოსის სხვადასხვა ნაირსახეობებს.

 

670px-Clean-Teeth-With-Braces-Step-7

7. მოათავსეთ ფლოსი ბრეკეტების ქვეშ და ნელ-ნელა ამოძრავეთ ზედა-ქვედა მიმართულებით, როგორც ჩვეულებრივად ფლოსინგის დროს. გაიმეორეთ ეს მოძრაობები ყველა კბილთან.

670px-Clean-Teeth-With-Braces-Step-8

8. ფლოსით გაწმენდის შემდეგ შეამოწმეთ კბილთაშუა სივრცეები. საკვების ნარჩენი ხომ არ დაგრჩათ? თუ კი მაშინ გაიმეორეთ პროცედურა.

670px-Clean-Teeth-With-Braces-Step-9

9. შეამოწმეთ ყველა კბილი და ყველა ბრეკეტი, ბრეკეტის საკეტები. როგორც წესი ორთოდონტები ურჩევენ დამატებით ჰიგიენის საშუალებებს, როგორიცაა კბილთაშუა ჯაგრისები და ირიგატორები. თუკი თქვენმა მკურნალმა ექიმმა გირჩიათ აუცილებლად გამოიყენეთ.

670px-Clean-Teeth-With-Braces-Step-10

 

10. გამოიყენეთ პირის ღრუს სავლები. 

670px-Clean-Teeth-With-Braces-Step-11

11. ყველაფერი შეამოწმეთ და აუცილებლობის შემთხვევაში გაიმეორეთ საჭირო მანიპულაცია

 

Read Full Post »

ორთოდონტია – სტომატოლოგიის ნაწილი, რომელიც მიმართულია თანკბილვის ანომალიების პროფილაქტიკასა და მკურნალობისკენ.

“ნინო ბერიძის ორთოდონტიულ ცენტრში” – ექიმი ორთოდონტის მიერ ტარდება:

მხოლოდ სრულყოფილი დიაგნოსტიკის და პაციენტთან გასაუბრების შემდეგ ისმება დიაგნოზი და დგება მკურნალობის გეგმა კონკრეტულად თითოეული პაციენტისთვის, მისი ყველა ჩივილის და სურვილების გათვალისწინებით. დღეისათვის თანამედროვე ორთოდონტიისთვის წარმატების ალბათობა თითქმის ყველა ასაკშია შესაძლებელი. მშობლებმა ყურადღება უნდა მიაქციონ შვილების კბილებს ამოჭრისთანავე.

ortho1ადრეულ ასაკში (3-4 წელი) აუცილებელია მავნე ჩვევების გაკონტროლება. ძალზედ ხშირია თითის, ტუჩის ან სათამაშოების წოვის ჩვევები. სამწუხაროდ ყველა მშობელმა არ იცის, რომ ეს ჩვევები მომავალში იწვევს არასწორი თანკბილვის განვითარებას: ყბების განუვითარებლობის, კბილების არასწორი დგომის, კბილებს შორის სივრცეების გაჩენის და ა.შ. პრობლემების სახით. აღნიშნული მავნე ჩვევების შემთხვევაში მშობელმა აუცილებლად უნდა მიმართოს ექიმ-ორთოდონტს, რომელიც თავის მხრივ საჭიროების შემთხვევაში დანიშნავს მკურნალობას. ადრეულ ასაკში ეს შეიძლება იყოს ხინცის ვესტიბულარული ფირფიტები, ტრეინერები ან უფრო გვიან ასაკში ფირფიტები და ფუნქციონალური აპარატები. აპარატის შერჩევას ახდენს მკურნალი ექიმი სრულყოფილი კონსულტაციის და გამომწვევი მიზეზების გამოვლენის შემდეგ.

orthodontic_treatmentზრდასრულ ასაკში პაციენტების მკურნალობა უპირატესად ბრეკეტ სისტემებით მიმდინარეობს. ჩვენ ცენტრში მკურნალობა ტარდება ყველაზე თანამედროვე ბრეკეტ-სისტემებით, რომლებიც ხასიათდებიან მაღალი ეფექტურობით და ესთეტიურობით.

ბევრისთვის უცნობია, რომ თანკბილვის ფორმირებაზე ზეგავლენას ახდენს ყბა-სახის მიდამოს კუნთები! ამიტომ თანკბილვის გასწორებასთან ერთად საჭირო ხდება კუნთების მუშაობის გადანაცვლება. აქვე აღსანიშნავია, რომ საფეთქელ-ქვედა ყბის სახსრის პრობლემები, როგორიცაა: ტკაცუნი, თავის ტკივილები, ტკივილი პირის გაღებისას დაკავშირებულია ქვედა ყბის არასწორ დგომასთან.

23336“ნინო ბერიძის ორთოდონტიულ ცენტრში” დანერგილია თანკბილვის ანომალიების გამოსწორება თანამედროვე მეთოდით, როგორიცაა მინი-იმპლანტები, რითაც წარმატებით ხდება ორთოდონტიაში საყრდენის პრობლემის მოგვარება.

აუცილებელია გვახსოვდეს, რომ თანკბილვის ანომალიების გარკვეული ნაწილი გენეტიკურია, ამიტომ ადრეული დიაგნოსტიკა და დროული მკურნალობა წარმატებული შედეგის გასაღებია.

 

Read Full Post »

OLYMPUS DIGITAL CAMERAინგლისურ ენოვან ლიტერატურაში მოიხსენიება, როგორც Black Stain – შავი ლაქები, შავი ხაზი. აღნიშნული ელემენტები ძალიან ხშირია ბავშვთა სტომატოლოგიაში. დიაგნოსტიკა ხდება მაშინ, როდესაც პაციენტს აღენიშნება 1 მილიმეტრის ზომის შავი ხაზი ღრძილების გასწვრივ – კბილებზე. აღნიშნული შავი ფერი შეიძლება შეგვხვდეს წერტილების ან ლაქების სახით განლაგებული ენისკენა და სასისკენა ზედაპირებზე. შავი ფერის ნადები ჩნდება ადრეული ბავშვობის ასაკში, პიკს აღწევს პუბერტულ და მოზარდობის ასაკში და ასევე შესაძლოა შეგვხვდეს მოზრდილებშიც.

ეტიოლოგია (გამომწვევი მიზეზი)

შავ ნადებს იწვევენ ანაერობული ქრომოგენული ბაქტერიები. ძირითადი გამომწვევები არიან აქტინომიცეტები (გრამდადებითი ბაქტერიები Actinomices Israeli, Actinomices Naeslundi), რომლებიც აწარმოებენ წყალბადს. შედარებით იშვიათი გამომწვევებია გრამუარყოფითი ბაქტერიები: Potphyromonas და Prevotella melaninogenica. ავტორები აღნიშნული ნადების შავ ფერს დიდი ხნის განმავლობაში მელანინს და რკინის სულფატს უკავშირებდნენ. კვლევების შედეგად აღმოჩნდა, რომ შავი ფერის პიგმენტი, ე.წ. Black Stain წარმოადგენს რკინის დეპოს კბილის ზედაპირზე, რომელიც ყალიბდება წყალბადის სულფატის და ნ132_26675ce2ერწყვში არსებული რკინის ქიმიური ურთიერთ ქმედების შედეგად. წყალბადი სულფატი ფორმირდება ანაერობული ბაქტერიების აქტინომიცეტების ზემოქმედების შედეგად, რომლებიც თავის მხრივ აწარმოებენ წყალბადს. წყალბადის პროპორცია შესაძლებელია განსხვავებული იყოს სხვადასხვა ინდივიდში. რკინა ნერწყვში შეიძლება მოხვდეს საკვების გზით ან ღრძილებიდან სისხლდენის დროს. კვლევებმა აჩვენა, რომ შავი ლაქები მიდრეკილია კალციფიკაციისკენ. შავი ნადები შედგება რკინის უხსნადი მარილებისგან, რომელიც შეიცავს კალციუმს და არაორგანულ ფოსფორს. Frisken-ის და სხვა ავტორების მონაცემების მიხედვით, ანაერობული ბაქტერიების კოლონიზაცია ბავშვებში შესაძლებელია კბილების ამოჭრამდეც. აღნიშნული კვლევების მიხედვით ბაქტერიების კოლონიზაცია იწყება საკმაოდ ადრე და ნარჩუნდება ბავშვობიდან მოზრდილ ასაკამდე. ბაქტერიების რაოდენობა შეიძლება გაიზარდოს პუბერტულ ასაკში, სქესობრივი ჰორმონების აქტივობის მატებასთან ერთად. ნერწყვს დამცავი ფუნქცია აქვს: ის ანეიტრალებს კბილების დემინერალიზაციის გამომწვევ მჟავეებს, რომლებსაც გამოყოფენ კბილების ლაქებზე არსებული ბაქტერიები. კალციუმით, არაორგანული ფოსფორით და ცილებით გამდიდრებული კვების რეჟიმი ზრდის ნერწყვის დამცავ ფუნქციას.

1989 წელს შეაფასეს 4-16 წლის ასაკის ბავშვების ნერწყვის ქიმიური შემადგენლობა ორ ჯგუფში: ნაწილს ჰქონდა შავი ნადები კბილებზე და ნაწილს – არ ჰქონდა. იმ ბავშვების ნერწყვში, ვისაც კბილებზე შავი ფერის ლაქები აღენიშნებოდა, საგრძნობლად მომატებული აღმოჩნდა კალციუმი, არაორგანული ფოსფორი და ცილები, ხოლო ნაკლები რაოდენობით – გლუკოზა.

ეპიდემიოლოგია

OLYMPUS DIGITAL CAMERAეპიდემიოლოგიური მონაცემები განსხვავებულია ავტორების, კვლევების და ქვეყნების მიხედვით. 1960-1970 წლების ერთ-ერთი მონაცემების მიხედვით 11-13 წლის ასაკობრივ ჯგუფში შავი ფერის ნადების გავრცელება იყო 20%; იტალიაში – 19.9% 7-15 წლამდე ასაკობრივ ჯგუფში; გერმანიაში – 4.6% 6 დან 10 წლამდე. ბრაზილიაში – 9.3% 3 დან 5 წლის ასაკამდე.

ნადებებს გააჩნია მიდრეკილება კბილის ქვების დაგროვება-დალექვისაკენ, ის მაგრად ეჭიდება კბილის მინანქარს და პირის ღრუს ჩვეული ჰიგიენური ღონისძიებებით და საშუალებებით მოცილებას შეუძლებელს ხდის. მის ქვეშ მდებარე მინაქარი უმეტესწილად ჯანმრთელია. ნადებს ძირითადად ახასიათებს ესთეტიკური დისკომფორტი; კბილების გაწმენდა ხდება კლინიკაში სპეციალური აპარატების დახმარებით.

Read Full Post »

aq300თუკი თქვენ გადიხართ ბრეკეტებით მკურნალობას, გაქვთ ვინირები, ხელოვნური გვირგვინები ან იმპლანტები მაშინ პირის ღრუს ირიგატორი თქვენთვის შეუცვლელი ნივთია! ყველა ეს ზემოთ ჩამოთვლილი კონსტრუქცია ართულებს პირის ღრუს ჰიგიენას. რბილი ნადები არ უშვებს შანსს და გროვდება რთულად მისადგომ ადგილებში, გადადის მაგარ ფაზაში და აქ უკვე კარიესის განვითარებაც მოსალოდნელია. რა ვქნათ? ხელს ნუ ჩაიქნევთ დაიწყეთ პირის ღრუს ირიგატორის გამოყენება.


რას წარმოადგენს ეს სასწაული ირიგატორი?

irrygator contactyგარეგნულად სტომატოლოგიური ირიგატორი გავს ელექტრო კბილის ჯაგრისს, მხოლოდ სამუშაო ზედაპირზე ჯაგრულების მაგივრად აქვს განსაკუთრებული თავი. მოწყობილობის მუშაობა დაფუძნებულია ირიგაციის პრინციპზე – ჰიდრომასაჟზე. ირიგატორში არსებული კომპრესორი ქმნის წნევას, შედეგად წყლის ჭავლი გარკვეული წნევით მიეწოდება სამუშაო ზედაპირს. ასე წყლის წნევის საშუალებით შესაძლებელია კბილთაშუა სივრცეების, კბილის ზედაპირების, ღრძილების ენის და ლოყების გაწმენდა. პროცედურის ეფექტურობის გასაზრდელად წყალს შესაძლოა დაემატოს სპეციალური სამკურნალო ბალზამები ან ანტისეპტიკური სითხეები.

თუკი  მაქვს კბილის ჯაგრისი, რაღად მინდა ირიგატორი?

shutterstock_38968666_1300ირიგატორის გამოყენება აუცილებელია პირის ღრუში არსებული მოუხსნელი კონსტრუქციების ან ნაწილობრივ მოსახსნელი კბილის პროთეზების, გვირგვინების, ვინირების, ლუმინირების, იმპლანტების და ბრეკეტების ტარებით მკურნალობის დროს. ჩამოთვლილი ორთოპედიული და ორთოდონტიული კონსტრუქციები ართულებენ პირის ღრუს ხარისხიანი ჰიგიენის ჩატარების პროცესს, რაც შემდგომში აისახება კბილების და ღრძილების ჯანმრთელობაზე. ამ მიდამოებში ნადების დაგროვებამ შესაძლოა გამოიწვიოს ყელის კარიესი, აგრეთვე კბილის ირგვლივი ქსოვილების ქრონიკული ანთებითი პროცესები – გინგივიტი და პაროდონტიტი. ამ უსიამოვნო პრობლემების თავიდან აცილებაში დაგეხმარებათ ირიგატორი. აპარატიდან გამოსულ წყლის ჭავლს შეუძლია საკვების ნარჩენების და რბილი ნადების მოცილება ყველა რთულად მისადგომი ადგილიდან, რაც არ შეუძლია არც ჩვეულებრივ და არც ელექტრო ჯაგრისს.

ირიგატორის სახეობები

Aquapick main 4 girl_textსტაციონარული და პორტატული

ირიგატორები არის, როგორც სტაციონარული ანუ სახლში გამოსაყენებელი, ასევე პორტატული – იმ შემთხვევებისთვის, როდესაც მფლობელი ბევრს მოგზაურობს ან უბრალოდ აბაზანაში არ აქვს იმდენი ადგილი, რომ დადგას ირიგატორი. შესაძლოა ორივეც დაგჭირდეთ.

ერთი თავით და რამოდენიმეთი

nasadki-dlya-irrigatoraირიგატორს სხვადასხვა დანიშნულების თავები აქვს: ძირითადი კბილთაშუა სივრცეებისათვის და ღრძილების მასაჟისათვის, ენის ჰიგიენისათვის, პათოლოგიური ჯიბეების გასაწმენდად, ბრეკეტების ირგვლივ სივრცეების, ხელოვნური გვირგვინების, იმპლანტების, ხიდისებრი კონსტრუქციები, ვინირების გასაწმენდან. ამას გარდა შესაძლებელია სპეციალური თავების შეძენა კბილების პოლირებისა და გათეთრებისათვის. როგორც წესი ყველა თავის ყიდვა არ არის საჭირო. საკმარისია რამოდენიმეს შეძენაც.

წყლის რეზერვუარით და ონკანთან მიერთებით

წყლის მიწოდება შესაძლებელია, როგორც სპეციალური წყლის რეზერვუარიდან ასევე ჩვეულებრივი ონკანიდანაც. ისეთი კრიტერიუმი, როგორიცაა წყლის რაოდენობა არ ქმნის პრობლემას, რადგან ყოველთვის შეიძლება მისი მარტივად შევსება. თუკი ამას თქვენთვის მნიშვნელობა აქვს აირჩიეთ ირიგატორი ონკანთან მიერთებით.

აკუმულატორით და ელემენტებით

17ირიგატორები შესაძლოა იყოს, როგორც დენის კაბელით ასევე მის გარეშე. არის მოწყობილობები, რომლებიც მუშაობენ დენის წყაროდან, აკუმულატორზე ან ელემენტებზე. ამას გარდა ირიგატორების მწარმოებლები მომხმარებელ სთავაზობენ წყლის ჭავლის სხვადასხვა წნევის, პულსაციის სიხშირის და სითხის მიწოდების სხვადასხვა რეჟიმებს – ჭავლი და სპრეი. ყველაფერი შესაძლოა აისახოს ჰიგიენის ხარისხზე. გამოყენების კომფორტზე მოქმედებს ისეთი ნიუანსები, როგორიცაა ხმაურის დონე და ვიბრაცია, ასევე მოწყობილობის წონა და დიზაინი.

AQ300_1აუცილებელია გახსოვდეთ, რომ ირიგატორის გამოყენება არ ნიშნავს, რომ უნდა დაივიწყოთ სხვა ჩვეული ჰიგიენის საშუალებები! მოწყობილობა უზრუნველყობს კბილების წმენდის იდეალურ დასასრულს, ის რაც ვერ შეძლო კბილის ჯაგრისმა. ხოლო ღრძილების და მთელი პირის ღრუს დამატებითი მასაჟი აუმჯობესებს სისხლის მიმოქცევას, ახდენს ქსოვილების განახლების პროცესების სტიმულირებას, ხელს უშლის კბილის ქვის ჩამოყალიბებას და აქრობს პირის ღრუში არსებულ უსიამოვნო სუნს. სტომატოლოგები გირჩევთ: ირიგატორი უნდა იყოს ყველა სახლში!

Read Full Post »

sportsჯერ კიდევ 2012 წლის ოლიმპიადის შემდეგ მკვლევარები მივიდნენ დასკვნამდე, რომ პროფესიონალი-სპორტსმენებს პირის ღრუს ჯანმრთელობის მდგომაერობა უფრო ცუდ დღეში აქვთ ვიდრე სხვა პროფესიის ადამიანებს. ოლიმპიელების სტომატოლოგიური კლინიკის ორგანიზატორმა ტონი კლაფმა განაცხადა, რომ თამაშების მსვლელობისას მათ მიმართა 1900 სპორტსმენმა. ოლიმპიადის მონაწილეების 55% აღენიშნებოდათ კარიესი, 3/4 ღრძილების პრობლემები, ხოლო 15% პაროდონტიტი.

“მათ ღვთიური სხეულები აქვთ და საშინელი კბილები”, მწუხარებით გამოტყდა პოლ პიჩინინი, საერთაშორისო ოლიმპიური კომიტეტის მთავარი სტომატოლოგი. პიჩინინისთვის კარგადაა ცნობილი სპორტსმენების ძირითადი სტომატოლოგიური პრობლემები: დამტვრეული ან ამოვარდნილი კბილები, ანთება, კარიესი და სხვა დაავადებები, რომლებიც მათ აიძულებთ ყოველი თამაშის შემდეგ მიმართონ სპეციალისტს.

West All-Stars Russell Westbrook of the Oklahoma Thunder dunks as East All Stars LeBron James and West's Kevin Love looks onგანსაკუთრებით ეს ეხება კალათბურთს, კბილებისათვის ყველაზე საშიშ სპორტს. 1984 წელს ლოს-ანჟელესის ოლიმპიადზე საუკეთესო კალათბურთელს მაიკლ ჯორდანს აღმოაჩნდა პირის ღრუს ანთებითი პროცესი, ისეთ მწვავე ფაზაში, რომ შეეძლო ნებისმიერ მომენტში მისი თამაშიდან “ამოგდება”. თუ რა კონკრეტული დაავადება ჰქონდა ჯორდანს პიჩინინიმ არ გაამხილა.

პროფესიონალი ნიჩბოსნებიც ხვდებიან რისკის ზონაში. 2008 წელს ერთ-ერთი მონაწილე ალან კემბელი ოლიმპიადის წინ სიბრძნის კბილის გამო აღმოჩნდა საოპერაციოში. ძლიერმა ანთებამ ხელი შეუწყო ინფექციის გავრცელებას მთელს ორგანიზმში, დაწყებული მხრიდან დამთავრებული მარჯვენა მუხლი სახსრით. დაგვიანებული მკურნალობა სპორტსმენს კინაღამ სიცოცხლის ფასად დაუჯდა.

ck sportsრატომ არის, რომ სპორტსმენებს უფრო მეტად აღენიშნებათ სტომატოლოგიური პრობლემები? ფიზიკური დატვირთვებით გადაღლილი ორგანიზმი გამუდმებით ითხოვს “შევსებას” ენერგეტიკული სასმელების, სპეციალური გელების, ხშირი წახემსების და ა.შ. სახით. კვების ასეთი არასწორი რეჟიმი ზუსტადაც, რომ იწვევს კარიესს, ხოლო ძლიერი ოფლიანობა ამცირებს კბილის მინანქრისათვის მნიშვნელოვანი ნერწყვის გამოყოფას. სტატისტიკის მიხედვით ოლიმპიელების პირის ღრუს მდგომარეობა საგრძნობლად უარესდება შეჯიბრებების წინ. სპეციალისტების აზრით ამის ახნა შეიძლება გადაბმული, თავაუღებელი ვარჯიშებით, როდესაც სპორტსმენებს ავიწყდებათ არა მარტო სტომატოლოგთან ვიზიტი არამედ კბილების გამოხეხვაც კი. სიმძიმეების აწევით (შტანგისტები) დაკავებული და ნიჩბოსნების კბილები
ფუჭდება ძლიერი ზეწოლისგან. პირველებს იმიტომ, რომ გამუდმებით წევენ სიმძიმეებს, ხოლო მეორენი – ძალზედ ხშირად სუნთქავენ, წუთში 80 ჯერ. ამას გარდა ნიჩბოსნები იკვებებიან დღეში ხუთჯერ, რაც პირდაპირ აისახება პირის ღრუს ჯანმრთელობაზე. რაც შეეხება აგრესიულ სპორტის სახეობებს აქ ხშირია კბილის ტრავმები, ამოვარდნილობები,
სხვადასხვა ტიპის და სიმძიმის ყბა-სახის ტრავმები.

სტომატოლოგიური დახმარების მიზნით 2016 წლის რიო-დე-ჟანეიროს ილიმპიადაზე იგეგმება 8 სტომატოლოგიური სავარძლის, olimpiadas-rio-2016-foto-1რამოდენიმე რენტგენოლოგიური აპარატის, ყველა სახის ქირურგიული მოწყობილობის და საუკეთესო სტომატოლოგიური ჯგუფების მობილიზება. ძირითადი ყურადღება მიექცევა ისეთ ტრავმულ სახეობებს როგორიცაა კალათბურთი და მინდვრის ხოკეი. სპორტსმენებს დაურიგდებათ დამცავი კაპები.

Read Full Post »

IPS-e.max_2IPS e.max Press – ინოვაციური მზა ფორმა მინაკერამიკისა ლითიუმის დისილიკატის (LS2) ფუძეზე წნეხვითი ტექნოლოგიისათვის. 

ლითიუმის დისილიკატის (LS2) ფუძეზე დამზადებული ინოვაციური მინაკერამიკა IPS e.max Press მომხმარებელს სთავაზობს სიზუსტეს, ფუნქციონალურობას და ესთეტიკას მაღალი გამძლეობის ფონზე, რომელიც შეადგენს 400 მეგაპასკალს. 

წნეხვის ტექნოლოგია უკვე მყარად დაფუძნდა პრაქტიკაში. გვირგვინების, ჩანართების და ვინირების დასამზადებლად.

რითია უკეთესი ეს ულითონო გვირგვინები?

IMG_1806მოდით გავერკვიოთ, თუმცა მათი უპირატესობა უკვე სახელიდან მომდინარეობს.

1. სიმსუბუქე – სხვა სახის გვირგვინებისგან განსხვავებით ულითონო კერამიკული გვირგვინი უფრო მსუბუქია. წარმოიდგინეთ როდესაც პირის ღრუში არა ერთი გვირგვინია საჭირო?! ქვედა ყბა რა თქმა უნდა არ ჩამოგივარდებათ, მაგრამ სხვაობა შესამჩნევია

2. გამძლეობა – წნეხვის შედეგად კერამიკის გამძლეობა მატულობს, მას უკვე აღარ სჭირდება ლითონის საფუძველი, კარკასი.

3. ფერის გადმოცემა – ფერი რომელიც აქვს მთლიანსხმულ ანუ დაწნეხილ კერამიკას უფრო ღრმაა, მეტად გაჯერებული. კარგად გაკეთებულ სამუშაოზე უკვე სპეციალისტაც შესაძლოა გაუჭირდეს გაარჩიოს ნამდვილი და ხელოვნური კბილი. როგორც ამბობენ ასჯერ გაგონილს ერთხელ ნანახი სჯობიაო.


4. ინვაზიურობა – 
აღნიშნული მეთოდით კბილის გადაკვრა თუ ჩასმა (როგორც გენებოთ) საჭიროებს ნაკლები რაოდენობით ქსოვილების დაქლიბვას, დამუშვებას, ვიდრე ეს საჭიროა სხვა კონსტრუქციების გამოყენებისას. ამის ახნა ძალზედ მარტივია – გვირგვინის სისქე, რომელსაც ვაცმევთ კბილს, რაც ნაკლები სისქე ექნება ხელოვნურ კონსტრუქციას მით ნაკლები იქნება დასაქლიბი ქსოვილებიც. ხოლო რაც მეტ საკუთარ ქსოვილებს შევინარჩუნებთ all-ceramic3მით უფრო დიდხანს მოგვემსახურება კბილი.

5. უნივერსალურობა – პრესკერამიკისგან მზადდება არა მხოლოდ გვირგვინები, არამედ სხვადასხვა ტიპის ჩანართები inlay, onlay, overlay და რა თქმა უნდა კერამიკული ვინირები.

6. ვიტალურობა – კბილის მაგარი ქსოვილების დამზოგავი დაქლიბვა აღარ საჭიროებს კბილის დეპულპაციას (ანუ ნერვის მოკვლას). კბილი შესაძლოა შევინარჩუნოთ ცოცხლად. მთავარია დავიცვათ დამუშავების წესები არ გადავახუროთ კბილი, გამოვიყენოთ წყლით გაგრილების მეთოდი. ცოცხალი კბილი უფრო დიდხანს მოგვემსახურება ვიდრე მკვდარი.

7. დამზადება – უფრო სწრაფად და მარტივად ვიდრე გვირგვინების სხვა სახეობები.

Read Full Post »

ცნობილია, რომ ჩვენი სახის რბილი ქსოვილები და მთელი იერსახე პირდაპირ კავშირშია სახის ქალასთან, ხოლო ზედა და ქვედა ყბის სწორი შეთანასოვნება ამ ყველაფერში საკმაოდ დიდ როლს ასრულებს. რთული გამოსაცნობი არაა, რომ ზუსტად არასწორი თანკბილვაა ისეთი არასასიამოვნო პრობლემების მიზეზი, როგორიცაა ზედმეტად განვითარებულ ნიკაპი, ჩავარდნილი ლოყები და თხელი ტუჩები. მეტიც კბილების არასწორმა შეთანასოვნებამ შეიძლება გამოიწვიოს ნაადრევი დაბერების ნიშნები, კერძოდ მიმიკური და ღრმა ნაოჭების სახით. როგორც იცით არსებობს არასწორი თანკბილვის რამოდენიმე სახე და თითოეული მათგანი იწვევს სახის სხვადასხვა ტიპის დეფორმაციებს. მოდით განვიხილოთ, თუ როგორ აისახება თითეული მათგანი ადამიანის გარეგნობაზე.

მცირე ზომის ნიკაპი და ტუჩების დაწეული კუთხეები

დავიწყოთ თანკბილვის ანომალიით, რომელიც გამოწვეულია ან ქვედა ყბის განუვითარებლობით, ან ზედა ყბის ზედმეტი განვითარებით: დისტალური და ღრმა თანკბილვა. დისტალური ანუ პროგნათიული თანკბილვა, – თანკბილვის ანომალიაა, რომლის დროსაც ზედა ყბის ალვეოლური მორჩი და წინა კბილები  მნიშვნელოვნადაა გამოწეული წინ. ასეთი თანკბილვის დროს, ვიზუალურად ნიკაპის ზომები მცირდება, ხოლო ზედა ტუჩი ძალიან წინაა წამოწეული. აღნიშნული თანკბილვის მქონე პირს მიუხედავად იმისა გაბრაზებულია თუ პირიქით გახარებული აქვს გაკვირვებულია ან მერყევი ადამიანის გამომეტყველება. დისტალური თანკბილვა ასევე იწვევს ღეჭვისას ძალების არასწორ გადანაწილებას, შედეგად უკანა კბილები უფრო მეტად იცვითება, ვიდრე წინები. ეს კი გამოიწვევს იმას, რომ თანკბილვა დაიწყებს “ჩაღრმავებას”, რაც დამთავრდება ტუჩის კუთხეების ჩამოწევით. 

ვიზუალურად სახის დაპატარავება (დამოკლება)

რაც შეეხება ღრმა თანკბილვას, მისი დამახასიათებელი ნიშანია – ზედა საჭრელებით ქვედა საჭრელების გადაფარვა ნახევარზე მეტით, მაშინ როცა ნორმა 1/3 გადაფარვაა. ამასთან ეს შეიძლება ეხებოდეს არა მხოლოდ საჭრელებს, არამედ უკანა კბილებსაც. ასეთი თანკბილვის დროს სახე დამოკლებულია, ხოლო ქვედა ტუჩი თითქმის გადმოტრიალებული, რადგან მას უკვე ადგილი აღარააქვს. თუკი აღნიშნული თანკბილვის მქონე პირს არა აქვს მაღალი შუბლი მისი სახე ჩანს ძალიან პატარა, ხოლო მაღალი შუბლის არსებობისას აშკარაა დისპროპორცია სახის ზედა და ქვედა ნაწილებს შორის. ღრმა თანკბილვის დროს თუკი ადამიანი ცდილობს დაიჭიროს ტუჩები რათა არ მოხდეს ქვედა ტუჩის გადმობრუნება, ამ დროს ტუჩები ვიწროვდება და ვიზუალურად სახე უფრო პატარავდება.

“დიდი ზომის ნიკაპი” 

თანკბილვის შემდგომი ანომალია – მედიალური. აღნიშნული თანკბილვის დროს  ზედასთან შედარებით ქვედა ყბა წინაა წამოწეული, რაც ასევე აისახება ნიკაპზეც. წინა ფლანგზე აღმოჩენილი ნიკაპი ვიზუალურად აღიქმება უფრო დიდად. აღნიშნული თანკბილვისას საფეთქელ-ქვედა ყბის სახსარი განიცდის ზედმეტ დატვირთვას, რაც თავის მხრივ ტვირთავს კისრის კუნთებს. სახეს აქვს ან გაბრაზებული ან ნაწყენი გამომეტყველება.

ჩავარდნილი ლოყები და შეღებული პირის ღრუ

განვიხილოთ კბილთა დგომის ისეთი ვარიანტი, როგორიცაა ღია თანკბილვა. ღია ეწოდება თანკბილვას, როდესაც შეხებაში არ არიან ან წინა ან უკანა კბილები, ანუ კბილთა რკალებს შორის ჩნდება ნაპრალი. თუკი ნაპრალი აღმოჩნდა წინა კბილებს შორის, ადამიანის პირი მუდამ ღიაა, შედეგად მას აღენიშნება ტუჩების სიმშრალე. სახის გამომეტყველება გაკვირვებული. თუკი ნაპრალი ჩნდება უკანა კბილების მიდამოში შედეგად შეიძლება მივიღოთ ჩავარდნილი ლოყები, როგორც კბილების დანაკლისის შემთხვევაში.

სახის ასიმეტრია

ანომალიების ძირითად ჩამონათვალს ასრულებს ჯვარედინი თანკბილვა, გამოწვეული ზედა ან ქვედა ყბის მარჯვენა ან მარცხენა მხარეების არათანაბარი განვითარებით. ჯვარედინი თანკბილვა შესაძლოა იყოს, როგორც ორმხრივი ასევე ცალმხრივი. შეიძლება მოიცვას, როგორც წინა ასევე უკანა კბილებიც. ანომალიის არსი მდგომარეობს იმაში, რომ ირღვევა ზედა კბილებით ქვედების გადმოკბილვის სისწორე. ერთი, რომელიმე ყბის მეორის მიმართ მკვეთრად გამოხატული გადანაცვლების გარდა ჯვარედინ თანკბილვას ახლავს საკვების ღეჭვის გაძლიერება, რომელიმე მხარეს. რაც თავის მხრივ იწვევს იმ მხარეს კბილების ზედმეტ ცვეთას, ეს კი თავის მხრივ კიდევ უფრო აძლიერებს სახის ასიმეტრიას.

ღიირს კი თანკბილვის გასწორება? 

მიუხედავად იმისა, რომ მოზრდილებში თანკბილვის გასწორება უფრო რთულია და საჭიროებს მეტ დროს, ვიდრე იგივე მანიპულაციები ბავშვებში, დაგვერწმუნეთ ეს ამად ღირს. რადგან ყველა ზემოთ ჩამოთვლილი ესთეტიური გადახრების გარდა თანკბილვის ანომალიებმა შესაძლოა გამოიწვიოს საფეთქელ-ქვედა ყბის ამოვარდნილობა და ხერხემლის გამრუდება. მომავალში აღნიშნული ანომალიები იწვევენ სხვადასხვა პრობლემებს: საკვების ღეჭვის გაძნელება, ჩნდება ბრუქსიზმი (კბილების კრაჭუნი) და სახსრის “ტკაცუნი”, ჩნდება ტკივილები კისრის და ხერხემლის მიდამოში, თავის ტკივილები, სტომატოლოგიური დაავადებების მომატებული სიხშირე, საუბრის გაუარესება, ამ ყველაფრის ფონზე მცირდება ადამიანის თვითშეფასება და ურთიერთობები. ამიტომ აზრიანი იქნება მიმართოთ ექიმ-ორთოდონტს – სპეციალისტს, რომელიც მუშაობს ყბა-სახის ანომალიების დიაგნოსტიკა-პროფილაქტიკასა და მკურნალობაზე. ცხოვრების ხარისხის გაუმჯობესების, ტკივილების მოხსნის, საუბრის დეფექტების აღმოფხვრის და პირის ღრუს ჯანმრთელობის მდგომარეობის გამოსწორების გარდა, თანკბილვის გასწორება დაუბრუნებს სახეს სიმეტრიებს და პროპორციებს, მოგაშორებთ უადგილო სახის გამომეტყველებებს, ასევე აგაცილებთ სახის კანის და კუნთების ნაადრევ დაბერებას, რაც აუცილებლად გაგხდით მიმზიდველს.

Read Full Post »

« Newer Posts - Older Posts »