Feeds:
Posts
Comments

Archive for the ‘სხვადასხვა’ Category

ნინო ბერიძის ორთოდონტიულ ცენტრში თქვენ გელით:

1. უფასო კონსულტაცია;
2. გადახდის ეტაპობრივი სისტემა ( ბრეკეტ-სისტემა თვეში 108 ლარიდან);

3. გთავაზობთ ლინგვალურ-უხილავ და თვითლიგირებად ბრეკეტებს;

4. კარიესის მკურნალობა ბურღის გარეშე;

5. მხოლოდ ჩვენთან! გასნაკუთრებული გარემო თქვენი შვილებისათვის, სპეციალურად მათთვის შექმნილი გასართობი და სამკურნალო ოთახები;

6. ყველა პაციენტისადმი ინდივიდუალური მიდგომა;
7. ჩვენ ვაფასებთ თქვენს დროს, მიღება შესაძლებელია წინასწარი ჩაწერით თქვენთვის სასურველ დღის მონაკვეთში;

8. 100% სტერილიზაცია (პროგრამა ანტიჰეპატიტი და ანტიშიდსი);

9. ჩვენთან კბილების მკურნალობა უმტკივნეულოა;

10. ჩვენ ვაფასებთ თქვენს ერთგულებას და მუდმივ პაციენტებს

 ვთავაზობთ განსაკუთრებულ ფასდაკლებას;

11. ჩვენი ყველა თანამშრომლი გამოირჩევა მაღალი კვალიფიკაციით და კომპენტენციით;

12. ორიენტაცია თანამედროვე მეთოდებზე და მაღალ ტექნოლოგიებზე;

13. მყუდრო გარემო და მეგობრული პერსონალი.

Read Full Post »

ალბათ თქვენთვის ცნობილია თუ საიდან ვითარდება პირის ღრუს დაავადებები. ყველაფერი ძალზედ მარტივია: ჩვენში ბავშვობიდან ისე ღრმადაა გამჯდარი სტომატოლოგის შიში, რომ ვარჩევთ არ მივიდეთ პროფილაქტიკურ შემოწმებებზე.

მიუხედავად იმისა, რომ იხეხავდეთ კბილებს დღეში რამოდენიმეჯერ, იყენებდეთ სავლებებს და ფლოსებს, მაინც კარიესის (ან რამე უარესის) განვითარების საფრთხე საკმაოდ მაღალია. მხოლოდ სტომატოლოგიურ კლინიკაში შეუძლიათ დროულად აღმოაჩინონ და აღმოფხვრან არსებული პრობლემა.

კარიესისგან თავის დაღწევაში დაგეხმარებათ რეგულარული პროფესიული წმენდა. აქედან შესაძლოა დასკვნების გამოტანაც, რომ პირის ღრუს დაავადებები ჩვენი საკუთარი ჯანმრთელობისადმი უყურადღებო დამოკიდებულების შედეგია. ის რისი მკურნალობაც შეიძლებოდა საწყის სტადიაზე, ვითარდება და გვიქმნის უამრავ უსიამოვნებას. შედეგად სტომატოლოგს უწევს უმკურნალოს და აღმოფხვრას პირის ღრუს არასწორი მოვლის შედეგები. რა თქმა უნდა სპეციალისტისათვის არ წარმოადგენს სირთულეს კარიესის ან პულპიტის მკურნალობა, არც პაციენტისათვის იქნება მკურნალობის პროცესი უსიამოვნო. მაგრამ „უაზრო“ შიში ხელს გვიშლის გონებით მოქმედებაში და ვცდილობთ უკანასკნელ მომენტამდე მოვითმინოთ, გაუძლოთ იქნება გაიაროს, ან ისე დაიშალოს, რომ შემდეგ თავისით ამოვარდეს და აგვარიდოს ეს ავად სახსენებელი სტომატოლოგი „ნინო ბერიძის ორთოდონტიულ ცენტრში“ კარიესის და პულპიტის მკურნალობა წარმოებს თანამედროვე დანადგარებით, რომელიც საშუალებას იძლევა ჩატარდეს მკურნალობა სწრაფად და უმტკივნეულოდ.

თუკი მაინც გაუძელით და მიაღწიეთ იმ მომენტამდე, რომ კბილი თავისით ამოგივარდათ, დროზე ადრე ნუ გაგიხარდებათ. მაინც მოგიწევთ სტომატოლოგთან ვიზიტი, რადგანაც ის ფაქტორები, რამაც თქვენი კბილის დაშლა გამოიწვია, განაგრძობენ თავიანთ მავნე ზემოქმედებას და შესაძლოა ღრძილ ქვეშ ძვლოვანი ქსოვილის დაშლაც გამოიწვიონ. ჩვენს კლინიკაში გეძლევათ არჩევანის საშუალება: გაიკეთოთ მოსახსნელი კონსტრუქცია (მიკრო ან

ნაწილობრივი პროთეზი), ლითონ-ფაიფურის (მეტალო-კერამიკა) ხიდი ან თანამედროვე სტომატოლოგიის ბოლო მიღწევა იმპლანტი. „ნინო ბერიძის ორთოდონტიულ ცენტრი“ გამოიყენევა მხოლოდ თანამედროვე მასალები, რომელთა მოხმარების დროც საკმაოდ მაღალია, თქვენ უბრალოდ მოგიწევთ სტომატოლოგთან ვიზიტი ჩვეულ რეჟიმში (წელიწადში ორჯერ).

ექიმი-სტომატოლოგის, მხოლოდ დროული კონსულტაცია დაგეხმარებათ საწყის სტადიაზე გამოავლინოთ, უმკურნალოთ და შეინარჩუნოთ თქვენი კბილების ჯანმრთელობა.

Read Full Post »

სტომატოლოგთან წასვლა ბევრ დედას აშინებს. მიუხედავად იმისა, თუ რაოდენ აუტანელია კბილის ტკივილი, მაინც ცდილობენ როგორმე გადადონ სტომატოლოგთან ვიზიტი, იმის შიშით, რომ საჭირო ანესთეზია მავნე არ გამოდგეს ბავშვისათვის.

მაგრამ ტკივილისაგან თავის დატანჯვა დამეთანხმებით გამოსავალი ნამდვილად არაა. ნებისმიერი სტომატოლოგი გეტყვით, რომ კბილი უნდა იმკურნალოთ გაფუჭებისთანავე, რადგან დაზიანებული კბილი – ანთების კერაა. აღნიშნულმა ინფექციამ შესაძლოა უარყოფითად იმოქმედოს ბავშვზე, გამოიწვიოს კუჭის-ნაწლავის აშლილობა, დიათეზი, იმუნიტეტის დაქვეითება და სხვა გართულებები.

ლაქტაციის პერიოდში შესაძლებელია კბილების მკურნალობა, დაბჟენა და ამოღებაც კი.  მაგრამ წინასწარ გააფრთხილეთ მკურნალი ექიმი, რომ მეძუძური დედა ბრძანდებით, შესაბამისად ექიმი შეგირჩევთ ლაქტაციასთან შესაბამის ანესთეტიკს. დაახლოებით 3-6 საათში პრეპარატი გამოდის ორგანიზმიდან. ექიმთან წასვლის წინ აჭამეთ თქვენს პატარას, კლინიკიდან დაბრუნებულმა კი გამოწველეთ ერთი პორცია და გადაღვარეთ. მაქსიმუმ რასაც იგრძნობს თქვენი პირმშო ეს რძის მომწარო გემო იქნება.

დედებს ასევე აწუხებთ რენტგენის გადაღების საკითხი, შესაძლოა თუ არა მისი გამოყენება ლაქტაციის დროს. თანამედროვე სტომატოლოგიური რენტგენის აპარატების გამოსხივება ძალზედ მცირეა, იგი ვერ ატანს ტყვიის წინსაფრის ქვეშ (რასაც აუცილებლად გაგიკეთებენ კლინიკაში), ამიტომ რენტგენი არანაირად არ იმოქმედებს რძეზე.

იმპლანტაციის გაკეთება კი იკრძალება ძუძუთი კვების დროს. ხოლო თუკი გადაწყვიტეთ აღნიშნულ პერიოდში კბილების გა
სწორება და თვითლიგირებადი ბრეკეტების ჩასმა (დედების უმრავლესობა დეკრეტს ამისათვის „შესაბამის დროდ“ მიიჩნევს), კონსულტაცია გაიარეთ გამოცდილ სპეციალისტთან.

თუკი არ აღმოგაჩნდათ კლინიკაში წასვლის დრო, ძლიერი კბილის ტკივილისას შესაძლოა ერთჯერადად გამოიყენოთ პარაცეტამოლის ჯგუფის ტკვილგამაყუჩებელი. იგი

უარყოფითად არ აისახება რძის ხარისხზე. თუკი გეშინიათ წამლების, ისარგებლეთ ეთერ-ზეთებზე (შემადგენლობაში შედის ქაფური, კატაბალახა და მენთოლი) დამზადებული კბილის წვეთებით. დააწვეთეთ ბამბის ფილთაზე და მიიდეთ მტკივან კბილზე. ასევე დაგიამებთ ცხელი სავლებები. მაგრამ არ დაგავიწყდეთ, რომ ეს ყველაფერი დროებითია, მათ მხოლოდ ტკივილის დაწყნარება შეუძლიათ, ხოლო გამომწვევი მიზეზი კი კვლავ რჩება. ამიტომ ანდეთ თქვენი შვილი ბებიას ან მეუღლეს და ჩაეწერეთ ჩვენთან კონსულტაციაზე 2-10-30-64

Read Full Post »

ამერიკის პედიატრიის აკადემიის გამოკითხვამ აჩვენა, რომ:

  • გამოკითხულების 50% მიიჩნევვს, რომ ღიმილი სახის ის ნაწილია, რომელსაც ყველაზე მეტ ყურადღებას აქცევენ.
  • 80% არაა კმაყოფილი საკუთარი ღიმილით
  • გამოკითხული რესპოდენტებიდან  7-ჯერ მეტს ურჩევნია ჩაიტაროს ღიმილის პერიოდონტალური კორექცია ვიდრე სახის გადაჭიმვა.
  • სტომატოლოგიური მანიპულაციების ჩატარების სურვილმა, ქუთუთოების გაუმჯობესების ოპერაციებს 5 ჯერ გადააჭარბა.

ამერიკელების 32% მიიჩნევს, რომ არა სასიამოვნო სუნი პირის ღრუდან მათი თანამშრომლების ყველაზე შესამჩნევი თვისებაა.

ამერიკელების 73% წავიდოდა გასტრონომში ხორცის და არა ფლოსის საყიდლად.

მოსახლეობის 60% არ იცის, რომ მკერდის არეში თანდართული ტკივილებით ყბის ძვლის ანთება შეიძლება გულის ინფარქტის მანიშნებელი იყოს, განსაკუთრებით ქალებში.

სტომატოლოგების რეკომენდაციით სასურველია კბილის ჯაგრისი დაახლოებით 2 მეტრით მაინც იყოს დაშორებული უნიტაზიდან, რათა ჩარეცხვის დროს შხეფები არ მოხვდეს მასზე.

კბილის ჩხირი არის ყველაზე ხშირი ნივთი რითიც იხრჩობიან ამერიკელები.

ყოველ წელს ჩრდილოეთ ამერიკაში ბავშვები საშუალოდ ნახევარ მილიარდ დოლარს ხარჯავენ საღეჭ რეზინზე.

კარიესული ღრუების რაოდენობა, საშუალო ასაკის ადამიანში კლებულობს და ისინი უფრო დიდხანს ინარჩუნებს კბილებს. დღეისათვის საშუალო ასაკის ადამიანს უფრო ჯანმრთელი პირის ღრუ აქვს ვიდრე 10 წლის წინ. გამოთვლილია:

  • კარიესული ღრუების რაოდენობა, ყველაზე მეტად შემცირდა ბავშვებში, თუმცა ნარჩუნდება ყველა ასაკობრივ ჯგუფში
  • 6-19 წლამდე ახალგაზრდების მხოლოდ 40% აღენიშნებოდათ კარიესული ღრუები, რაც 50% ნაკლებია წინა ათწლეულთან შედარებით.
  • უკანასკნელი 10 წლის განმავლობაში 60 და მეტი წლის ადამიანების რაოდენობა, ვინც ყველა კბილი დაკარგა 33%-დან ჩამოვიდა 25%-მდე.
  • დენტალური სილანტების გამოყენებამ, რომელიც ხელს უშლის კარიესის განვითარებას მუდმივი მოლარების ფისურებში, მოიმატა 64%, ბავშვების 30% თუნდაც ერთი ჩაბეჭდილი კბილი აქვს.
  •  მწეველებს სამჯერ მეტი საფრთხე ემუქრებათ კბილების დაკარგვისა, ვიდრე არამწეველებს.
  • ეკონომიუ-სოციალური სტატუსი, მთავარ როლს ასრულებს ადამიანის პირის ღრუს ჯანმრთელობის მდგომარეობაში. დაბალ ანაზღაურებადი მოსახლეობის 33% აღენიშნება კარიესული ღრუები.  იგივე პრობლემა აქვს საშუალო და მაღალ ანაზღაურებადი მოსახლეობის 16%. შესაბამისად ბავშვებში ეს რიცხვებია 19% დაბალ ანაზღაურებაში და 8% მაღალში. (ასა (ამერიკის სტომატოლოგთა ასოციაცია))

ადამიანების უმრავლესობა უფრო ხშირად ხმარობს ლურჯი ფერის კბილის ჯაგრისს ვიდრე წითელს

როგორც თითს ანაბეჭდები, ისე ენის ზედაპირიც ყველას ინდივიდუალური აქვს.

კბილის ჯაგრისი დაახლოებით 25000 ჯაგრულისგან შედგება, რომლებიც 40 კონადაა შეკრული.

საშუალოდ ქალი 62-ჯერ იღიმება დღეში.

მამაკაცი მხოლოდ 8-ჯერ.

ბავშვები კი საშუალოდ 400-ჯერ.

მოსახლეობის გამოკითხვამ, რომელიც გელაპის ინსტიტუტმა ჩაატარა 1997 წელს, სტომატოლოგია ყველაზე ნდობით აღჭურვილ პროფესიებში 5 ადგილზეა ამერიკაში. ამავე ინსტიტუტის მიერ ჩატარებულმა მომდევნო გამოკითხვამ აჩვენა, რომ სტომატოლოგები ზოგადად მაღალი ქულებით ფასდებიან მომხმარებლების მიერ მათი კომუნიკაბელურობიდან და ხარისხიანად ჩატარებული სამუშაოდან გამომდინარე. გამოკითხულების 92% ურჩევს თავის სტომატოლოგს სხვა მომხმარებელსაც.

5-17 წლამდე ასაკის ბავშვებში ყველაზე გავრცელებულ ქრონიკულ დაავადებად, მაინც კბილის დაშლა რჩება, იგი 59% შეადგენს.

სკოლაში სწავლის 51 მილიონზე მეტი საათი იხარჯება სტომატოლოგთან ვიზიტზე.

სამსახურებში დაკავებული მოსახლეობა, 164 მილიონ სამუშაო საათს ხარჯავს პირის ღრუსთან დაკავშირებული პრობლემების გამო.

დახარჯული თანხების 44% გადახდილია ნაღდი ანგარიშსწორებით

ადამიანის თვითგანწყობა ხშირად აისახება, მისი პირის ღრუს მოვლაზე.

დაბადების შემდგომ ერთადერთი სრულყოფილად განვითარებული ორგანო ეს ენაა. რომელიც წოვისათვისაა განკუთვნილი. პირველი თვეების განმავლობაში ჩვენი პირი ჩვენი პირველი ორგანოა. ჩვენ მას ვიყენებთ გადარჩენისთვის, რათა უკეთ შევიცნოთ ახალი სამყარო. შესაბამისად ჩვენს ქვეცნობიერში ეს საკმაოდ მნიშვნელოვანია. აქდან მომდინარეობს ის ფაქტი, რომ თუ ჩვენ კარგ ხასიათზე ვართ, კარგად ვგრძნობთ თავს გვინდა, რომ მეტი ყურადღება დაუთმოთ საკუთარ თავს, საკუთარ ჯანმრთელობას, რომელიც პირის ღრუდან იწყება.

მასაჩუსეტის, ლემელსონის სახელობის ტექნოლოგიური ინსტიტუტის გამოკითხვამ, რომ ჩამოეთვალათ ხუთი გამოგონება, რის გარეშეც ვერ გაძლებდნენ: ახალგაზრდების 34% და მოზრდილების 42% დაასახელა კბილის ჯაგრისი, როგორც პირველი. შემდეგ ოთხად დასახელდა: პერსონარული კომპიუტერი, ავტომობილი, მიკროტალღოვანი ღუმელი და მობილური ტელეფონი. (2003წ)

ბრიტანეთში, სტომატოლოგიის შესახებ გამოკითხული 1000 ადამიანიდან, მამაკაცების ნახევარმა თქვა, რომ ისინი პირველ რიგში გაითეთრებდნენ კბილებს, იგივე პასუხი გასცა ქალების 35%. კარგი კბილები და ლამაზი ღიმილი, თვალების შემდგომ მეორეა რასაც მანდილოსნები ითხოვენ სასურველ მამაკაცში, ხოლო მამაკაცები ოცნებობენ ლამაზ სხეულზე, ლამაზი თვალებით, თმებით და კბილებით.

სამეფო ღიმილი – არის ერთი ადამიანი სახელად მაიკლ ფოსეტი, რომლის მოვალეობაშიც შედის პრინც ჩარლზის კბილის ჯაგრისზე კბილის პასტის წასმა. იგი პრინცის პერსონალური კამერდინერია. პრინცი მხოლოდ მას ანდობს ამ მეტად მნიშვნელოვან საქმეს.

ამერიკელებმა 2002 წელს 2, 025 მილიარდი დოლარი დახარჯეს ჰელოუინის კარამელზე, ეს თანხა 6 წლის განმავლობაში ეყოფოდა ნაციონალური კბილის და ყბა სახის გამოკვლევების ინსტიტუტის დაფინანსებას.

2003 წლის გამოკითხვით, რომელიც ჩატარდა მიჩიგანში აჩვენა, რომ რესპუბლიკელები, პროტესტანტები და ქალები იხეხავენ კბილებს უფრო ხშირად ვიდრე – დემოკრატები, კათოლიკები და მამაკაცები. გამოკითხულების 2% აღნიშნა, რომ საერთოდ არ იხეხავს კბილებს.

ამერიკელები 2მილიარდ დოლარს ხარჯავენ წელიწადში პირის ღრუს მოვლის საშუალებებზე, როგორიცაა: კბილის პასტა, სავლები, და ფლოსი.

ამერიკელების 94% ამბობს, რომ იხეხავს კბილებს ღამით, ხოლო 81% ამბობს, რომ პირველ ყოვლისა კბილებს იხეხავენ დილით.

ამერიკელების 75% აქვს ღრძილების ანთების, რომელიმე ფორმა.

მოსახლეობის 50% ვერ იღებს რეგულარულ სტომატოლოგიურ მომსახურებას.

300-ზე მეტი სახეობის ბაქტერია სახლობს კბილის ნადებში

ფაქტები ფლოსის შესახებ:

პირველი ფლოსი შეიქმნა 1882 წელს.

პირველი ფლოსი მზადდებოდა აბრეშუმისგან

უახლესი მასალა გახლავთ ჰორტექსი – მაღალი წყალგაუმტარობით და სუნთქვითი მახასიათებლებით აღჭურვილი ქსოვილი.

გამოკითხულთა მხოლოდ 28% პროცენტმა აღნიშნა, რომ ჰიგიენის დამატებით საშუალებად ხმარობს ფლოსს.

1994 წელს დასავლეთ ვირჯინიაში პატიმარი გაიქცა ფლოსისგან დაწნული თოკის საშუალებით.

ReachMax და Roper ASW მონაცემებით გამოკითხულთა 83% მიიჩნევს, რომ კბილები უფრო მნიშვნელოვანია მათთვის, ვიდრე თვალები და თმები.

ამერიკელების 33% სამკურნალო კბილები აქვს.

ფტორირებული კბილის პასტის მომხმარებელ 16 წლამდე ბავშვებში კარიესის მაჩვენებელი 24% მცირეა ვიდრე არაფტორირებული პასტების მომხმარებლებში.

2000 წლის მონაცემებით აშშ:
2-17 წლამდე ასაკში სტომატოლოგიურმა მომართვებმა შეადგინა 74%, 18-64 წლამდე – 65.3%, ხოლო 65 და ზევით 56.4%.

დღის განმავლობაში 3 და მეტი რაოდენობით ტკბილი სასმელების მომხმარებლებში, კარიესის, ბჟენების და კბილის დაკარგვის ფაქტები 62% უფრო ხშირია.

ამერიკელების 78% 17 წლამდე ასაკში თუნდაც 1 კარიესული ღრუ აღენიშნებოდათ.

სისტემური დაავადებების 90% გააჩნია გამოვლინება პირის ღრუში.

თქვენ არც თუ ისე ასაკიანი ბრძანდებით, რომ კბილებს არ მიხედოთ. 65 წლის შემდეგ კიდევ დაახლოებით 17,3 წელია დარჩენილი ცხოვრებისათვის.

აშშ. მოსახლეობის წლიური დანახარჯი კბილის პასტაზე შეადგენს 1.8 მილიარდ დოლარს.

კბილის ჯაგრისზე წელიწადში იხარჯება 775 მილიონი დოლარი.

პირის ღრუს სავლებებზე წლიური ხარჯი შეადგენს 885 მილიონს.

„ვინმემ, ხომ მაინც უნდა გამოიგონოს კბილების ქაღალდი… რომელიც ისევე იმუშავებს, როგორც ტუალეტის ქაღალდი, მაშინ ხალხი გაიგებს, რომ ისევე აუცილებელია მოიწმინდოთ ის რაც შედის, ისე როგორც ის რაც გამოდის“. მაიკ მარუნი ექიმი-სტომატოლოგი.

ყველაზე ძვირფასი კბილი სერ ისააკ ნიუტონს ეკუთვნოდა. 1816 წელს მისი ერთ-ერთი კბილი 3 633$ გაიყიდა. დღევანდელი გათვლით სადღაც 35 700$, კბილი შემდგომში ჩასმული იქნა ბეჭედში.

ამერიკის სტომატოლოგიური აკადემიის მონაცემებით ადამიანი კბილების ხეხვას საშუალოდ 45-70 წამს ანდომებს, აუცილებელი 2-3 წუთის ნაცვლად.

წითური ადამიანები უფრო მგრძნობიარენი არიან ტკივილის მიმართ ვიდრე სხვები და ამიტომ მათ უფრო მეტი ანესთეზია სჭირდებათ. წითურებს 20% მეტი ანესთეტიკი სჭირდებათ ტკივილის მოსახსნელად.

Read Full Post »

წყალი ადამიანის ორგანიზმის დაახლოებით 70% შეადგენს. თავის ტვინის ქერქი 85%, ხოლო  სისხლი არა ნაკლებ 80% შეიცავს წყალს. ნივთიერებათა ცვლას, სითბური ბალანსის შენარჩუნებას, ტოქსინების და შლის პროდუქტების გამოტანას ახორციელებს წყალი. ადამიანის მიერ წყლის დაკარგვა ხშირად უფრო საშიშია ვიდრე საკვების უკმარისობა.  ამიტომ წყლის მარაგის შევსება, ყოველთვის ადამიანის ცხოველმყოფელობის უმნიშვნელოვანეს ამოცანას წარმოადგენდა.

ჩვეულებრივი წყლის გარდა, ამავე მიზანს ემსახურება სასმელების უამრავი რაოდენობა, რის საფუძველსაც ყოველთვის წაროადგენს წყალი. ჩაი, ყავა, რძე, წვენები, მინერალური სასმელი, ალკოჰოლური სასმელები – აი რითიც ხშირად ვცდილობთ წყურვილის დაკმაყოფილებას.

წყლის გარდა ეს სასმელები შეიცავენ უამრავ კომპონენტს, რაც სხვადასხვაგვარად, როგორც დადებითად ისე უარყოფითად აისახება ჩვენს ორგანიზმზე. თუ, როგორი იქნება ეს ზეგავლენა, პირველ რიგში დამოკიდებულია რეგულარულად მიღებული ამა თუ იმ სითხის რაოდენობაზე.

ბოლო დროს ძალიან ბევრს საუბრობენ გაზიანი სასმელების მავნე ზეგავლენაზე, რომელსაც მოიხმარს სხვადასხვა ასაკის ადამიანები.

ზრდასრულ ადამიანს გაზიანი სასმელი ნორმის ფარგლებში არ ვნებს. ბავშვების ორგანიზმისათვის გაზიანი სასმელები გაცილებით მავნეა.

ტკბილი გაზიანი სასმელების ხშირი მოხმარება შესაძლოა უარყოფითად აისახოს ზრდასრული ადამიანის ორგანიზმზეც.

ნებისმიერ ტკბილ გაზიან სასმელს ტკბილ-მჟავე ფუძე აქვს. შეიცავს გარკვეულ რაოდენობით შაქარს (ან მის შემცვლელს) და მჟავეებს. შაქარიც და მჟავაც (განსაკუთრებით ლიმონ-მჟავა) თანაბარი ძალით, დამღუპველად მოქმედებენ კბილებზე, შლიან კბილის მინანქარს და ხელს უწყობენ კარიესის განვითარებას.

ამას გარდა ნებისმიერი გაზიანი სასმელი, გარკვეული რაოდენობით  შეიცავს ნახშირორჟანგს, რაც თავად უვნებელია (მას იყენებენ სასმელის უკეთ შენახვისათვის), მაგრამ აირის დიდი კონცენტრაცია იწვევს ემალის დაშლას, რაც თავის მხრივ იწვევს აწეულ მგრძნობელობას ტემპერატურულ გამღიზიანებელზე (ცივი და ცხელი). განსაკუთრებით მგრძნობიარეა ბავშვების კბილები, ჩამოუყალიბებელი მინანქრით.

წამყვანი ქვეყნების სტომატოლოგები ხშირად აკრიტიკებენ, აღნიშნული სასმელების მწარმოებელ კომპანიებს. ისინი ითხოვენ შაქრის და აირის რაოდენობის მაქსიმალურად შემცირებას და კბილის მინანქრის გასამყარებლად მინერალების დამატებას.

თუკი ცხელ ამინდში მაინც გაგიჩნდათ გაზიანი სასმელის დალევის სურვილი, უარყოფითი ზეგავლენის ასაცილებლად, დაიცავით რამოდენიმე წესი:

  • ეცადეთ გაზიანი მიიღოთ სასმელი მილაკით.
  • მირთვით საკვებთან ერთად.
  • არასოდეს არ დალიოთ უზმოზე.
  • გაზიანი სასმელის დალევისთანავე არ დაიწყოთ კბილების გამოხეხვა, ამითო მხოლოდ მინანქარს დაიზიანებთ.

ჩაი და ყავა კბილებს არ აზიანებს. აღნიშნული სასმელების მიღებით გამოწვეული ფერის შეცვლა, მხოლოდ ესთეტიკურ ხასიათს ატარებს, მაგრამ კბილის მინანქარს არ აზიანებს.

მეტიც, მეცნიერების დაკვირვებით, ჩაიში არსებული ფტორი, დადებითად მოქმედებს კბილის მინანქრის ჩამოყალიბებასა და გამყარებაზე. ჩაიში არსებული ნივთიერებები ხელს უშლიან კბილის ნადებში არსებული ბაქტერიების ზრდასა და გამრავლებას. ისინი ასევე ხელს უშლიან ბაქტერიების მიერ მჟავეების გამოყოფას. ეს ყოველივე ეხება არა მარტო მწვანე არამედ ყველასათვის საყვარელ შავ ჩაისაც.

თუმცა კბილებისათვის უვნებელი ჩაისა და ყავის ხშირი, აქტიური მოხმარება იწვევს პირის ღრუს სიმშრალის პროვოცირებას, რაც თავის მხრივ უარყოფითად აისახება პირის ღრუს მდგომარეობაზე (კბილებზე, ღრძილებზე), შესაძლოა სხვადასხვა დაავადებების მაპროვოცირებელიც კი გახდეს.

ზოგადად კი ყავის აქტიური მოხმარება მავნეა ადამიანის ორგანიზმისათვის.

კბილებისათვის იდეალურ სასმელად რჩება წყალი და რძე, როგორც წესი შეიცავენ კბილების ზრდისა და ფორმირებისათვის საჭირო მინერალებსა და მიკროელემენტებს.

როგორც კბილებისათვის, ასევე მთელი ორგანიზმისათვის სასარგებლოა ადამიანისათვის საჭირო ვიტამინებით მდიდარი ნატურალური წვენები.

 

Read Full Post »

სამედიცინო ტურიზმი – საშუალებას იძლევა მიიღოთ სამედიცინო მომსახურება საცხოვრებელი ქვეყნის ფარგლებს გარეთ. სამედიცინო ტურიზმის განმასხვავებელი ნიშანი მდომარეობს, მსოფლიოს საუკეთესო ცენტრებში მაღალკვალიფიციური დახმარების აღმოჩენაში და საზღვარგარეთ დასვენებაში. აღნიშნული მომსახურეობით სარგებლობენ ადამიანები, რომლებსაც სურთ მიიღონ მაღალკვალიფიციური სამედიცინო მომსახურება ან არ შეუძლიათ ძვირადღირებული მომსახურების გადახდა სამშობლოში. სამედიცინო ტურიზმი დღითი-დღე უფრო პოპულარული მომსახურების სახეს იღებს განსაკუთრებით კანადის, აშშ და დასავლეთ ევროპის ქვეყნებში. მათი რიცხვი ყოველწლიურად მატულობს. მთელს მსოფლიოში ცნობილია ისეთი ქვეყნების უმაღლესი სამედიცინო მომსახურების შესახებ როგორიცაა გერმანია (ბერლინში მკურნალობა, სამედიცინო ტურიზმის კომპანია მედნეტბერლინი http://berlinhospitals.ru/) ისრაელი, ავსტრია, საფრანგეთი და ა.შ. სამედიცინო ტურიზმი მოიცავს მკურნალობის და გაჯანსაღების პრაქტიკულად ყველა სამედიცინო სფეროს.

სამედიცინო ტურიზმის სპექტრი მოიცავს დაავადებების მურნალობას არამედ მის დიაგნოსტიკას და ოპერაციის შემდგომ რეაბილიტაციასაც. თანამედროვე ტექნოლოგიებსა და მაღალეფექტურ მეთოდებზე დაფუძნებული ინდივიდუალური მომსახურება, მაღალ სამეცნიერო დონეზე მომუშავე მაღალკვალიფიციური პერსონალი, წარმოადგენს ხარისხიანი მკურნალობის გარანტს.მიუხედავად იმისა, რომ „სამედიცინო ტურიზმი“ საკმაოდ ახალი ტერმინია, აღნიშნული მომსახურებით უკვე ისარგებლა რამოდენიმე ასეულმა ადამიანმა.

Read Full Post »

როგორც ცნობილია, მსოფლიო მედიცინა მუდმივ პროგრესს განიცდის, მათ შორის ვითარდება სტომატოლოგიაც. აღნიშნული პროცესი შეუძლებელია უახლესი ტექნოლოგიების დანერგვის, ხარისხიანი პროდუქციის გამოყენების და მაღალკავლიფიციური სპეციალისტების მომზადების გარეშე. ყველაფრის გათვალისწინებით „ნინო ბერიძის ორთოდონტიული ცენტრი“ გთავაზობთ გერმანული კომპანია „Schutz Dental“- ის  იმპლანტებს

კომპანია Schutz Dental Group-ი დაფუძნდა გერმანიაში 1962 წელს. იგი დაკავებულია მსოფლიოში ცნობილი “Impla”-ს მარკის იმპლანტების წარმოებით.

კომპანია Schutz-ს კბილის იმპლანტი Impla-ს უპირატესობანი:

  • იმპლანტების წარმოებისათვის გამოიყენება სუფთა სამედიცინო ტიტანი, მინარევების გარეშე, რომელიც არ იწვევს ალერგიას და ორგანიზმიდან გამოძევებას.
  • იმპლანტებს აქვთ განსაკუთრებული ფორმა, რადგან კონსტრუქციის შექმნისას ითვალისწინებენ ადამიანის ყბის ანატომიას, რაც აისახება იმპლანტატის შეხორცების დროის შემცირებაზე.
  • განსაკუთრებული დიზაინის წყალობით, შესაძლებელია პროთეზირება იმპლანტანტის მოთავსების თანავე: იმპლანტატი შეერთებულია აბატმენთან.
  • იმპლანტის ზედაპირი ფორებიანია, რაც უზრუნველყოფს ძვალთან სწრაფ შეხორცებას.
  • დატვირთვის თანაბარი გადანაწილება განსაკუთრებული დიზაინის ხრახნის წყალობით.
  • აბატმენტების (გადამყვანების) დიდი არჩევანი, რომელიც ნებისმიერი დიზაინის პროთეზების დამაგრების საშუალებას იძლევა.

კომპანია Schutz Dental Group-ის მიერ წარმოებულ მთელს პროდუქციას გააჩნია ISO ხარისხის სერთიფიკატი. ამას გარდა კომპანიაში ტარდება სამეცნიერო კვლევები იმპლანტაციაში. მეცნიერების შტატი ითვლის რამოდენიმე ასეულ ადამიანს, რომლებიც რეგულარულად ზრუნავენ პროდუქციის სრულყოფაზე. კომპანია ასევე თანამშრომლობს ბერლინის, მიუნჰენის და გერმანიის სხვა კვლევით ინსტიტუტებთან.

კომპანიაში განსაკუთრებული ყურადღება მთელი მსოფლიოს მაშტაბით, იმპლანტაციის სპეციალისტების მომზადებას ეთმობა. Schutz-ს სპეციალისტები აღნიშნავენ, რომ იმპლანტატის შეხორცება არა მარტო იმპლანტის ხარისხზეა დამოკიდებული არამედ ექიმი-იმპლანტოლოგის ოსტატობაზე. ჩვენი კლინიკის ექიმი იმპლანტოლოგი ფლობს კომპანია Schutz Dental Group-ს სერთიფიკატს.

Read Full Post »

« Newer Posts - Older Posts »

Follow

Get every new post delivered to your Inbox.

Join 714 other followers